رواية معجزة الحب الفصل الثالث والثلاثون 33 - بقلم بسمله حسن، منة السيد

جاسر راح لرودينا البيت و طبعًا اتصل ببدر إنه ييجي يتقدم لرودينا تاني، وبدر وافق. جاسر: أنا بطلب إيد رودينا منك تاني يا بدر، والمرادي مش هتكون خطوبتي، لا هتكون مراتي. بدر اتفاجئ: هو أنا وافقت عشان تكون مراتك؟ جاسر: أنا بقول خير البر عاجله، وكفاية كده، إحنا عملنا فترة خطوبة كويسة، نخش على اللي بعده. بدر بص لرودينا، لقاها منزلة راسها في الأرض، وباين عليها الكسوف. بدر: هنشوف ونرد عليك.

جاسر بسرعة: طيب، متتأخروش عليا في الرد. أمينة ضحكت على شكل جاسر وسرعته في الكلام: اهدى شوية يا ابني، الجواز مش هيطير. جاسر بإحراج: احم، أنا مش مستعجل. بدر: ماهو واضح. وقعدوا مع بعض، بعد كده كل واحد مشي. جاسر قرر يروح يشوف نافين ويطمن عليها. جاسر خبط على الباب. نافين شافت جاسر من ورا الباب. نافين: عايز إيه يا إمبراطور؟ جاسر: افتحي يا نافين، عايز أتكلم معاكي شوية. نافين: أرجوك يا إمبراطور، امشي، مش عايزة أتكلم معاك.

جاسر: نافين... نافين بدموع: أرجوك. جاسر بقلة حيلة: ماشي يا نافين، بس لو عزتي حاجة، أنا موجود، أنا زي أخوكي. وسابها ودخل بيته. عدى كام يوم، وبدر كلم جاسر وقال له إن الفرح هيكون بعد العيد. كيان: وأنا هتجوز مع جاسر في نفس اليوم. بدر: تمام، وأنا اللي هعملكم الفرح بتاعكم، بس قول لهاجر، ولو هي مش عايزة دلوقتي، هاجل الفرح. كيان: لا، أنا هتفق معاها على كل حاجة. بدر: ماشي يا كيان، هتعمل الفرح مع جاسر؟

كيان بسعادة: عليا الطلاق، زعيم بمعنى الكلمة. نادين بزعل. بدر قرب منها: مالك يا حبيبتي؟ زعلانة من إيه؟ نادين بزعل: عشان مش هعرف ألبس فستان ببطني دي. بدر حط إيده على بطنها: وإيه مال بطنك دي؟ محلياكي. نادين: والله... بدر بحب: وأنا بحبك بكل أوضاعك. يلا ننزل نجيب فستان ليكي. نادين: وهدوم البيبيهات. بدر ابتسم: وهدوم البيبيهات كمان، يلا روحي غيري هدومك. وفعلًا بدر ونادين نزلوا يجيبوا الحاجة.

وبدر اختار فستان نبيتي في أبيض، وكان جميل جدًا. نادين بفرح: الله يا بدر، ده جميل أوي. بدر بحنية: جميل عشان إنتي اللي هتلبسيه. واشتروا الفستان وخرجوا، وراحوا محل الأطفال. نادين راحت تشتري هدوم للأطفال هي وبدر، وكانوا بيجيبوا من كل حاجة اتنين. وبعدها خرجوا ولقوا محل ألعاب، ونادين قررت تخش فيه. نادين شافت دبدوب كبير عجبها وعايزة تاخده. بدر: بس ده مش كبير على أطفال شوية. نادين: مين قال إنه للأطفال؟ ده ليا أنا.

بدر بذهول: وإنتي هتعملي بيه إيه؟ نادين ببراءة: هينام معانا أنا وعيالي على السرير. بدر بغيظ: نعم يا ختي! وأنا أولع في نفسي؟ ومين قالك إنه عيالك هيناموا معانا على السرير؟ هما عندهم أوضة لوحدهم وسرايرهم موجودة. نادين بغضب: إنت متخيل إنهم هيناموا في أوضة لوحدهم؟ بدر باستغراب: فيها إيه؟ أومال إحنا عاملين الأوضة ليه؟ نادين بعصبية: أها صح، ما إنت اللي هتقوم ترضعهم وتيمهم. بدر بذهول من كلام نادين: أرضعهم؟

نادين بغضب: أها، مش إنت مش عايزهم يناموا معانا في الأوضة، يبقى إنت اللي هتهتم بيهم وتأكلهم. بدر: ما هو إنتي متتوقعيش مني إني هنيمهم معانا، افرضي اتقلبت عليهم، ممكن أدفنهم مني ولا يجرالهم حاجة، ده غير عياطهم ووزنهم. نادين: إنت مش بتتحرك من على السرير أصلاً. بدر: نادين، أنا قولت هيناموا في الأوضة بتاعتهم. نادين فضلت ساكتة شوية، وبدر خاف من سكوتها.

نادين: وأنا مش هطلع عيالي بره الأوضة، ومش هقدر كل ما أي واحد فيهم يعيط أقوم من الأوضة دي للأوضة دي، لو عايز تطلع إنت، أنا معنديش مانع. كان فيه ست كبيرة وجوزها راجل كبير. الست: متزعليش نفسك يا بنتي، ممكن تجيبوا سريرهم معاكم في نفس الأوضة، كده هيكون أحسن لكم. نادين بصت لبدر بغيظ: شايف الناس اللي بتفهم! ونبي قوليلو يا طنط، مصمم إنه البيبيهات تنام في أوضة لوحدهم. بدر لسه هيتكلم، الراجل الكبير قطعه في الكلام.

الراجل: ريح نفسك يابني، هيا حامل وعندها كمية هرمونات نكد مش قادر أقولك. بدر: والله عندك حق، دي هرمونات الستات كلها موجودة في مراتي. الراجل طبطب عليه: معلش، لازم نستحملهم، دول ربنا يكون في عونهم. إنت مثلًا لو إيدك اتخبطت وورمت، مش بتقدر تشيل حاجة. فما بالك بقى هما إيه؟

وفي طفل كل شوية يخبط في بطنها، وكل شوية هرموناتها تتغير، ده غير بعد الولادة، نومك كله هيتغير، مش هتعرف تنام بالليل، ده غير الزن والعياط. عشان كده بيقولوا الجنة تحت أقدامهم. وإنت يا بني شكلك بتحب مراتك، فا ريحها واعمل اللي هي عايزاه. بدر أعجب جدًا من كلام الراجل، شكر الراجل وراح لنادين، قرب منها. بدر بحنية: حقك عليا يا طفلتي. نادين لسه هتتكلم، قاطعها بدر في الكلام.

شششش، متفكريش في حاجة، لما ييجوا بالسلامة هنبقى نشوف الموضوع ده. وفعلًا سكتت، واشتروا بقية الحاجة وروحوا البيت. عدى كام يوم، والشباب بيجهزوا للفرح، وجه وقت الفرح، كان بدر عامل الفرح في فندق. رودينا كانت زي الملاك بفستانها الأبيض. بدر مسك إيد رودينا ووصلها لجاسر. بدر لجاسر: خلي بالك منها، أنا هديلك أغلى حاجة في حياتي. جاسر مسك إيد رودينا وباسها: وأنا معنديش أغلى منها. أبو هاجر وصل هاجر لكيان.

أبو هاجر: خلي بالك منها يا كيان. كيان بسعادة: في عنيا الاتنين يا عمي. كل واحد راح رقص مع عروسته سلو. جاسر بعشق: أخيرًا بقيتي مراتي أنا، مش مصدق نفسي. رودينا بكسوف: ولا أنا. جاسر: بحبك، بحبببببببببك يا رودييييييييي. راح شالها ولف بيها. رودينا بكسوف من الناس: مجنون. كيان بسعادة: بقيتي مراتي يا بت يا هاجر. هاجر: بت لما تبتك. كيان: شدها لحضنه. أنا هعرف أتعامل مع لسانك الطويل، بس مش هنا، في بيتنا. وغمز بعنيه.

وكانوا بيرقصوا والكل فرحان. فجأة جات بنت لابسة فستان بيج هادي وطرحة نفس اللون، وقربت من رودينا وجاسر. جاسر بصدمة: نافين! إنتي أسلمتي إمتى؟ نافين بابتسامة: كله بسبب رودينا، هي اللي فهمتني الإسلام، وهي اللي خلتني أعتنق الإسلام. جاسر بص لرودينا بحب: إنتي إيه ملاك؟ رودينا هزت راسها بلا: أنا بشر زيي زيك، وربنا خلاني سبب في إنها تعتنق الإسلام.

نافين سلمت عليهم، وهيا خارجة من باب الفندق، اتخبطت في شاب، كانت هتقع، لما راح هو مسكها قبل ما تقع. الشاب بإعجاب وهو باصص لعيون نافين: مش تخلي بالك. نافين: أنا آسفة، ما أخدتش بالي. و سابته ومشيت. بدر شد نادين وكانت بترقص. بدر بغضب: متتلمي بقى ببطنك دي، أحسن تولدي هنا. بدر: ههههه، مش هتلم، أنا عايزة أرقص، سيبني أفك عن نفسي شوية، محضرتش فرح من ساعة فرحي. بدر بغمزة ومسكها من وسطها: طب متيجي نعيد فرحنا تاني.

نادين: ههههه، ببطني دي، والله عيب عليك. بدر حط إيده على بطنها: هههه، أنا مش فاهم بطنك مدايقاكي ليه، دي قمررر. نادين: كل بعقلي حلاوة يا أخويا، كل. بدر: ههههه، ده أنا هاكلك بكل حاجة فيكي، مش بس عقلك. نادين بهمس وهي بتقرب منه: اتلم يا بدر، بدل ما أرزعك بوسة في وسط الفرح، وإنت قمررر كدا، وأعمل زي مسلسل "اطرق بابي" لما البطلة باست البطل في وسط الناس. بدر: ههههههه، والله مسلسلات تركي جننتك. نادين: قصدك أنا مجنونة؟

بدر: إنتي مش مجنونة، بس ده إنتي عايزة تتخطفى النهاردة، يخربيت جمال أمك. متيجي أقولك حاجة ورا الفندق. نادين: ههههه، اتلم يا بدر. بدر شدها لحضنه: خلاص، تعالي نرقص على الأغنية تعويضًا، عقبال ما نروح. (أغنية تامر عاشور "خليني في حضنك يا حبيبي") والفرح خلص، وكل واحد خد عروسته وطلع في الجناح بتاعه. بدر شايل نادين وطلع بيها الجناح بتاعهم، علشان بدر كان حاجز جناح زيهم. نادين حطت راسها على صدره: خلي بالك يا بدر، لا توقعني.

بدر نزلها براحة ورقة على السرير: مين يوقع مين؟ إنتي وقعتيني في حبك، ودلوقتي خايفة أوقعك. نادين اتشقلقت في رقبته: أنا وقعت ومحدش سمى عليا يا زعيم، يرضيك كده؟ كانت بتتكلم بدلع. بدر بحب: تؤ تؤ، ولا تزعلي يا قلب الزعيم، أنا هسمي عليكي وووووووو. تسكت شهرزاد عن الكلام الغير مباح. كيان ماسك هاجر ودخلها من باب الجناح. هاجر بزعل: أنا زعلانة منك، ليه مشلتنيش زي ما بدر وجاسر شالوا مراتهم؟

كيان قرب منها بمشاغبة: إحنا هنضيع وقتنا في الشيل؟ هاجر بزعل: لا والله. كيان: قرب منها. إحنا مش هنضيع وقت في الشيل. هاجر بزعل: لا، أنا زعلانة منك. كيان ما راوغ واحد راح شالها لحد السرير: مش إنتي زعلانة؟ أنا هصالحك بطريقتي، بس عايزك تفضلي معايا، وأنا هركبك المراجيح. قرب منها أكتر وووووووو. في جناح جاسر ورودينا. جاسر شايل رودينا، نزلها بكل رقة وحنية. جاسر بحب: مبروك يا أجمل عروسة. رودينا بكسوف: الله يبارك فيك. جاسر

فهم إن رودينا مكسوفة منه: روحي اتوضي عشان نصلي أنا وإنتي. رودينا كانت فرحانة إنه هيصلي بيها، لما اتجوزت أشرف، رفض يصلي بيها. وفعلًا رودينا راحت اتوضت، وجاسر صلى بيها، وخلاص قرأوا دعاء المتجوزين. جاسر شال الطرحة من على رودينا. جاسر بانبهار: بسم الله ما شاء الله، شعرك جميل جدًا. رودينا بكسوف: شكراً. جاسر بحب ميل عليها وباسها بكل رقة وحنان، وباسها تاني، بس المرة دي أطول من اللي قبلها وووووووو. كفاية بقى كده. قلة أدب.

نادين قامت من النوم بتصرخ. بدر قام مفزوع على صوتها: إيه مالك؟ في إيه؟ نادين بصوت: بولد! وديني المستشفى بسرعة. بدر قام نط من السرير: بتولدي إزاي؟ إنتي لسه في السابع. نادين بصوت: اااااااااااه! إنت لسه هتقول سابع ولا عاشر؟ اخلص! اااااااااااه. بدر بغضب و بيلف حوالين نفسه: طيب أعمل إيه يعني؟ نادين بدموع وصريخ: إنت بتتعصب عليا ليهههههه؟ اتصل على ماما وديني المستشفى، هموت! اااااااه. بدر شالها ونزل بيها.

نادين صحت الفندق كله على صوتها. بدر ركب بسرعة العربية ورح بيها على المستشفى. نادين بصريخ وماسكة في هدوم بدر، والإيد التانية ماسكة شعره: بسرعة يا بدررررررر، بموت. بدر بعصبية بسبب نادين: ميتين أم بدر على سنين بدر! أولععععع في نفسي، لازم ياختي تولدي انهاردة. نادين بعصبية وصريخ: هوووو، بمزااااجي! ربنا يسامحككككك! اااااااااااه. بدر وصل بيها المستشفى. بدر بصوت عالي: دكتورة بسرعة. جه دكتور.

بدر بعصبية: أنا قولت دكتورة مش دكتور. الدكتور بخوف من عصبية بدر: والله يا فندم، شفت الدكاترة الستات مش دلوقتي، أكترهم الصبح مش بالليل. بدر بعصبية وعيونه بتطق شرار: اتصل بأي واحدة تيجي بسرعة. كمل كلامه بزعيق: اخلص، إنت لسه واقف. دكتور خاف وفعلاً اتصل على دكتورة. نادين وهي على الترولي: منك لله يا بدر يا ابن أم بدر! اااااااااااه! هموت. بدر بعصبية: إنتي اسكتي خالص. كله بسبب رقصك. الدكتورة جت كشفت على نادين.

الدكتورة بابتسامة: دي مش ولادة، ده وجع عادي بسبب الحمل. بدر بصدمة: 😳.