رواية معجزة الحب الفصل التاسع والعشرون 29 - بقلم بسمله حسن، منة السيد

الشيخ مجاهد اتصدم: إيه؟ أنتوا كنتم شغالين في إيه؟ بدر بحزن: أيوه، إحنا كنا شغالين في الشغل ده. ربنا هيسامحنا ولا لأ؟ الشيخ مجاهد بابتسامة: يا ابني، ربك تواب رحيم. وربك بيفرح بتوبة العبد، وهيغفر لك جميع ما سبق من ذنوب. بس أهم حاجة إنكم ندمانين فعلاً على المعصية دي. شرط مهم في التوبة هي الندم عن المعصية والعزم على عدم الرجوع ليها تاني. وربنا ذكر في القرآن آيات كتير أوي، زي مثلاً... وبدأ يقول لهم الآيات بصوته العذب.

"إِلَّا مَن تَابَ وَآمَنَ وَعَمِلَ صَالِحًا فَأُولَٰئِكَ يَدْخُلُونَ الْجَنَّةَ وَلَا يُظْلَمُونَ شَيْئًا" (مريم: 60) قال الله تعالى: "رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا" (آل عمران: 193) وقوله تعالى: "إِنَّ اللَّهَ يَغْفِرُ الذُّنُوبَ جَمِيعًا" (الزمر: 53) قال الله تعالى: "إِلَّا الَّذِينَ تَابُوا وَأَصْلَحُوا وَبَيَّنُوا فَأُولَٰئِكَ أَتُوبُ عَلَيْهِمْ وَأَنَا التَّوَّابُ الرَّحِيمُ"

(البقرة: 160) وفي حديث أبي موسى الأشعري عبد الله بن قيس عن النبي صلى الله عليه وسلم أنه قال: "إن الله يبسط يده بالليل ليتوب مسيء النهار، ويبسط يده بالنهار ليتوب مسيء الليل، حتى تطلع الشمس من مغربها". هذا من جوده وكرمه أن يتقبل توبة عباده ليلاً ونهارًا ويداه مبسوطتان بذلك. وقال النبي صلى الله عليه وسلم: "التوبة تجب ما قبلها". وقال عليه الصلاة والسلام: "التائب من الذنب كمن لا ذنب له". روى مسلم عن عبد الله بن عمر،

قال: قال رسول الله صلى الله عليه وسلم: "يا أيها الناس، توبوا إلى الله، فإني أتوب في اليوم إليه مائة مرة". التوبة النصوح يكفر الله بها جميع الذنوب حتى الشرك؛ لقول الله سبحانه: "وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ" (النور: 31) . وقوله

تعالى في سورة الفرقان: "وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَٰلِكَ يَلْقَ أَثَامًا يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا"

(الفرقان: 68 -70) بدر وجاسر وكيان يسمعونه وعيونهم مليئة بالدموع. الشيخ بابتسامة: يلا قوموا أنتم التلاتة، كل واحد يصلي ركعتين توبة لله. وربكم غفور رحيم. وفعلاً، كل واحد قام وصلى وتاب، وفتح صفحة جديدة مع ربنا من أول وجديد. بدر قرر يروح يصالح نادين وطلع عند أمه. بدر بإرهاق: ممكن يا أمي تنادي نادين؟ أمينة بقلق: مالك يا حبيبي؟ شكلك مرهق. في حاجة؟ بدر هز رأسه بالنفي: مافيش يا ست الكل.

نادين خرجت تجيب مياه، شافت بدر وشكله تعبان ومرهق. نادين جريت عليه بخوف: مالك يا بدر؟ أنت كويس يا حبيبي؟ في حاجة؟ بدر بابتسامة تعب: أنا عايز أتكلم معاكي شوية في البلكونة. نادين ابتعدت عنه بزعل: أنت إيه اللي جابك؟ ورايا؟ بدر شد إيدها وهو ماشي: معلش يا أمي، هتكلم مع نادين شوية. أمينة بحنية: روح يا حبيبي. بدر دخل البلكونة هو ونادين. نادين شدت إيديها من إيده بعصبية: أنت إزاي تجرني وراك كده؟

بدر قرب منها ونادين بتبعد لحد ما لزقت في الحيطة. نادين بخوف: ابعد يا بدر، لو قربت هصوت. ولسه مخلصتش الكلمة، كان بدر حضنها جامد. بدر بصوت واطي بس نادين سمعته: حقك عليا يا ست البنات. أنا عارف إني غلطت، بس أنا خلاص قررت أتغير. وخرج من حضنها وحط إيده على بطنها اللي بقت كبيرة بسبب الحمل. علشانك وعشان عيالنا. نادين فضلت بصاله وهي شايفة الندم في عيونه.

نادين بحب: وأنا عمري ما هازعل منك. مفيش حد بيزعل من حياته، وأنت حياتي اللي مقدرش أعيش من غيرها. نادين بهدوء: مالك؟ شكلك تعبان. في حاجة حصلت؟ بدر خد نفس طويل وبعد كده اتكلم: هقولك في البيت. يالا روحي البسي وتعالي معايا. أنا مقدرش أعيش من غيرك. نادين خرجت ودخلت الأوضة علشان تلبس. بدر خرج بره وشاف أمه قاعدة على الكنبة. قرب منها وباس إيديها. أمينة بحنية: مالك يا حبيبي؟ بدر: مافيش يا ست الكل. شديت مع نادين شوية.

أمينة: خلي بالك منها، نادين بتحبك. مضيعهاش من إيدك. بدر: أنا بحاول مضيعهاش من إيدي. ادعيلي انتي بس يا أمي. في نفس الوقت الباب خبط. أمينة كانت هتقوم، بدر اللي قام. فتح الباب وشاف رودينا. رودينا دخلت من غير ما تسلم عليه. رودينا: السلام عليكم ورحمة الله وبركاته. أمينة وبدر: وعليكم السلام. بدر لرودينا: مش عارفة تسلمي عليا يا رودي؟ رودينا سكتت متكلمتش. أمينة: هو في إيه؟ وإنتي يا رودينا مش بتسلمي على أخوكي ليه؟

هو أنتم متخانقين؟ بدر: لا يا أمي، بس رودي زعلانة مني عشان حاجة كده، وأنا هفهمها أنا عملت كده ليه. وخد رودينا ودخل البلكونة. رودينا بدموع: أفندم؟ عايز تفهمني إيه؟ إنك مش شغال في المافيا؟ ولا الشخص اللي وثقت فيه طلع أكبر عدو في الجماعة بتاعتكم؟ عايز تبرر موقفك بإيه؟

بدر بهدوء: أولاً، ليكي الحق تزعلي ومتكلمنيش تاني. بس عايز أقولك على حاجة، إن إحنا فعلاً اتغيرنا، وأكتر واحد اتغير عشانك هو جاسر. عايزة أقولك إنه هو عايز يبدأ حياته معاكي انتي، مش مع حد تاني. رودينا: طبعاً صاحبك لازم تدافع له.

بدر بهدوء: جاسر عمره ما كان صاحبي. تاني حاجة، حتى لو صاحبي، أنا عمري ما هأجي على اللي مني عشان حد، حتى لو كان صاحبي. بس عايز أقولك إن جاسر بيحبك بجد. وعايزك تسمحيني يا رودينا. مش عايزك تقطعي علاقتك بيا مهما كان السبب. أنا عايز أكون ضهرك وسندك طول العمر. جي يخرج، رودينا مسكت إيده ومنعته. رودينا: وأنت هتفضل أخويا وحبيبي لآخر العمر. بدر خدها في حضنه: وأنا هكون في ضهرك طول العمر يا رودي. دخلت عليهم نادين وأمينة.

نادين بهزار: لا أنا كده هغير. مينفعش كده. رودينا بضحك: لا ده أخويا وأحضنه زي ما أنا عايزة. نادين بصت لأمينة بزعل متصنع: يرضيكي كده يا ماما؟ أمينة بحنية: ولا يهمك يا حبيبتي. تعالي في حضني أنا. نادين دخلت في حضن أمينة وقعدوا شوية يهزروا ويضحكوا مع بعض. وهما نازلين، نادين شافت نوال، كانت هتروح بس رجعت في كلامها. نوال بدموع: إيه يا نادين؟ مش عايزة تيجي تسلمي على أمك؟ بدر مسك إيد نادين وراح عند نوال.

بدر: روحي سلمي على أمك. هي ملهاش ذنب في اللي حصل بينك وبين عبد الرحمن. نوال: لا يا بدر، متضغطش عليها. وجاية تدخل البيت، نادين مسكت إيدها وحضنتها. نادين بعياط: أنا آسفة يا ماما، سامحيني. نوال طبطبت عليها: وأنا مش زعلانة منك يا نور عيني. وخرجت نادين من حضنها. نوال بصت لبدر بلوم.

بدر بهدوء عكس اللي جواه: أنا عارف إنك زعلانة مني، وده حقك. بس انتي متعرفيش إيه اللي حصل. بس عايز أقولك إنه خلاص مبقاش في شغل مع المافيا. أنا سبت الشغل ده، وإن شاء الله هكون أب وزوج كويس. نوال قربت منه وطبطبت عليه: وأنا واثقة فيك يا بني. بدر خد نادين وركبها العربية وراحوا البيت. نادين قربت من بدر ومسكت إيده بحنية: مالك يا حبيبي؟ في إيه؟ بدر: أنا روحت الجامع. وبدأ يحكي اللي حصل معاه.

جاسر ماسك الفون وفاتحه على صورة هو ورودينا ساعة الخطوبة. وكان مشغل أغنية تعبر عن اللي جواه وهي (مبتهزش -تامر عاشور) كان بيسمع الأغنية وهي اللي بتحكي اللي مش قادر يحكيه. نافين نزلت من فوق: خلاص بقا يا إمبراطور. مكانتش مجرد بت. جاسر بغضب: إياكي تقولي عليها بت تاني اسمها رودينا. فاهمة يا نافين؟ كان بيتكلم بعصبية مرعبة. نافين بخوف: خلاص يا إمبراطور. أنا آسفة.

جاسر بغضب: اعملي حسابك، مفيش قعدة معايا تاني. أنا هجبلك فيلة تاني تقعدي فيها. نافين بصدمة: إيه؟