رواية معجزة الحب الفصل الثالث 3 - بقلم بسمله حسن، منة السيد

المعلم لسه هيقرب من نادين كان في حد واقف قصاده ضربه بالبوكس وقعه في الأرض. نادين بصدمة: بدر. في نفس الوقت كان جه محمد وكيان ودخلوا ومعاهم القوة المسلحة. حياة أول لما شافت محمد جريت عليه. حياة بدموع: بابا أنا عايزة أمشي من هنا. محمد شالها. محمد: ماشي يا حبيبة بابا. محمد لبدر: أنا بشكرك على إنقاذ حياة بنتي. بدر: مفيش داعي للشكر. محمد خد حياة ومشي ورجالة الشرطة خدوا المجرمين. نادين جت واقفة

قصاده في حالة صدمة كبيرة: أنت بجد عايش؟ بدر بهدوء: نادين افهمي أنا هقولك. نادين بانفعال: تفهمني إيه؟ تفهمني إنك واحد حقير وأنانى؟ بدر بزعيق: أنا مش أناني! افهمي بقا أنا عملت كده عشان أحافظ على حياتك. نادين بعصبية وعياط: تحافظ على حياتي؟ تخليني أحس إني عايشة من غير روح؟ تحافظ على حياتي؟ تعمل نفسك ميت؟ أنت متعرفش لما كيان جه الغردقة وقال لي إنك مت أنا كنت عاملة إزاي ساعتها؟

أنت متعرفش أنا كنت بتمنى أموت كل يوم بدل ما كنت عايشة من غير روح. نادين مسحت دموعها: عموماً ورقة طلاقي تجيلي عند ماما نوال. وجاية تمشي وقعت، أغمي عليها. كلهم جريوا عليها. بدر شالها وراحوا البيت اللي كانوا عايشين فيه قبل كده. وكيان اتصل بالدكتور. كيان واقف بره متوتر على نادين لحد ما خرج بدر والدكتور. بدر بخوف عكس اللي مبينه: مالها يا دكتور نادين؟

الدكتور: متخافش، الضغط علي فجأة. هي انفعلت شوية عشان كده الضغط علي بس ياريت متنفعلش عشان ده غلط على الحمل في أوله. بدر لسانه تقل أول لما سمع إنها حامل. بدر: هي حامل؟ دكتور: أيوه يا فندم في الشهور الأولى بس ياريت تهتمي بالتغذية وياريت ميكونش فيه أي توتر أو ضغط عصبي عشان كده هيأثر على الطفلين. بدر مكنش مستوعب إن نادين حامل وسمع إنها حامل في توأم، حاسس إن دماغه لفت ومش مستوعب إنه هيكون أب. كيان شاف كده راح شكر الدكتور.

كيان قرب من بدر بهدوء: بدر.