رواية معجزة الحب الفصل الرابع 4 - بقلم بسمله حسن، منة السيد

بدر بصله: انت كنت عارف إن نادين حامل؟ كيان بلع ريقه من الخوف من بدر، إنه خبّا عليه: أنا. أنا. كنت هقولك. لسه مخلص كلامه، كان واخد ضربة قوية من بدر وقعت في الأرض. بدر بعصبية: كنت هتقولي امتى؟ لما تخلف؟ ليه خبيت عليا؟ كنت بكلمك الصبح مقولتش أي حاجة. لا، أنت مقولتش إن نادين اتخطفت كمان. راح ضربه بوكس في عينه. كيان بوجع: آآآه يا بن الناس الكويسة، عين أمي دي يا عم. كنت هرجعها، ولو معرفتش أرجعها، كنت اتصلت عليك. بدر: ليه؟

كنت فاكرها عروسة مولد ضاعت منك تدور عليها؟ كيان قام من الأرض نفض هدومه: بتفكرني ليه بحلاوة المولد يا أخي. ده أنا نفسي آكل ملبن. بدر لسه هيضربه، وقفت قصاده نادين. نادين بغضب: إيه؟ هتضربه؟ بدر بسخرية: لا أبداً، أنا بدفيه من السقعة، صح يا كيمو؟ كيان بينفخ في إيده من البرد: يا عم، مكنتش عايز تدفيني كده، كنت جبت حلة عدس وأنا اتدفيت فيها. نادين راحت جابت جردل ميه ودلقته كله على كيان.

كيان أول لما الميه اتدلقت عليه، شهق زي الستات. كيان عينه بتطق شرار: أنت قد اللي عملتيه ده؟ نادين بغضب: أنا لسه عملت حاجة. تيجي تضحك عليا وتقولي إن بدر مات؟ كيان: نزلني. بدر فضل شايلها وساكت. نادين: عارف لو وقعتني تبقى موتت تلاتة. بدر بحب: هموت نفسي وراكم، هيبقوا أربعة مش تلاتة. نادين حطت راسها على صدره: بعد الشر عليك، متقولش كده. بدر لسه هيخرج من باب البيت، نادين وقفته. نادين: بدر، أنا مش لابسة الطرحة.

بدر: أنا هخبيكي من عيون الناس. بدر قعدها في العربية وساق بيها. نادين بفضول: إحنا رايحين فين؟ وبدأت دموع في عينيها. أنت أكتر واحد عارف أنا كنت حاسة بإيه. أنت كنت بتشوفني بموت قدامك ألف موتة، ومجتش قولتلي الحقيقة. بدر لسه هيقرب منها، راحت نادين بعدته عنها. نادين بدموع: إياك تلمسني. وأنت يا كيان، مش جيت على أختك مع صاحبك؟ خليكم مع بعض. راحت دخلت الأوضة وقفتلت الباب بالمفتاح.

بدر بيخبط على الباب: نادين حبيبتي، افتحي الباب ونتكلم. نادين بزعيق: امشي يا بدر. نادين فضلت في الأوضة وقت كبير، وكل ما بدر يخبط هو وكيان، تزعق فيهم وما تفتحش الباب. نادين وقفت قدام المرايا وبتحسس على بطنها. نادين بتكلم البيبيهات: معقولة أنا هكون أم ليكم؟ بس أنا مش عارفة انتوا هتحبوني ولا لأ، بس عايزة أقولكم إني بحبكم أوي. راحت قفلت النور وراحت عند السرير عشان تنام، لقت حد نط من الشباك. نادين برعب: بدرررررررررررررر.

بدر قرب منها وخدها في حضنه: متخافيش، ده أنا. نادين بغضب راحت زقته بعيد عنها: أنت بتعمل إيه هنا؟ وفي حد يدخل من الشباك؟ مش ممكن تقع. بدر بحنية قرب منها: أنا وقعت في حبك من أول لما شفتك. مش هتفرق لو وقعت من الشباك، أنا عندي الموت أحسن من إنك تزعلي مني. نادين بخوف حطت إيديها على بوقها بسرعة: بعد الشر عليك، متقولش كده.

بدر قرب منها وهي كانت مستسلمة، وبدأ يبوس فيها من شفايفها برقة وحب، وهي استجابت ليه، مهو حبيبها اللي متقدرش تبعد عنه. بدر شاف كده، راح شاله وحطها على السرير بكل رقة وحنان. بدر لسه هيقرب أكتر، نادين افتكرت اللي عمله وإنه كذب عليها، بعدته عنها. بدر استغرب: في إيه يا نادين؟ نادين بعصبية عشان ضعفت قدامه: امشي نام على الكنبة. بدر بعصبية: أنام على الكنبة؟ أنتِ بتهزري؟ بعد عشر دقايق.

بدر نايم على الكنبة، راحت نادين جابتله بطانية. بدر بسخرية: لا، كتر خيرك. خايفة عليا من البرد؟ نادين: تؤ تؤ تؤ، أنا بغطيك عشان لو جالك برد هتعديني أنا والبيبيهات. وسابته وراحت على السرير. بدر مش عارف ينام على الكنبة عشان صغيرة عليه، كل شوية يتقلب. نادين شافت كده، صعب عليها. راحت عنده. نادين بحنية: بدر. بدر. بدر فتح عينه: عايزة إيه يا نادين؟ نادين: قوم نام على السرير. بدر: لا، كتر خيرك. أنا مستريح هنا.

نادين: لا، أنت مش مستريح. الكنبة صغيرة عليك وأنت طويل أوي. بدر برفعة حاجب: عندك حق، أنا طويل أوي. المفروض أقصر عشان الكنبة تيجي مقاسي. نادين ضحكت عليه: طيب يالا قوم. وفعلاً قام نام على السرير جنبه. بدر رجليه ساقعة أوي، كل شوية يحطها على رجل نادين. نادين بغضب طفولي: بطل الحركة دي، رجلي متدفية. فضل يعمل كده لحد ما نادين قامت قعدت على السرير. نادين بعصبية: عجبك كده؟ رجلي سقعت تاني. بدر مقدرش يمسك نفسه من الضحك على شكله.

نادين شافت بيضحك، راحت اتعصبت عليه. أنت واحد بارد. بدر راح قام وشال البطانية. نادين بغضب: لا، الجو ساقعة. لسه ما خلصتش كلامها، كان بدر شايلها وخرج من الأوضة. بدر: هتعرفي لما نروح. نادين نامت شوية لحد ما بدر صحاها. بدر بحنية: إيه كل ده نوم؟ يالا عشان وصلنا. نادين كانت سقعانة وبتفرك في إيديها من السقعة. بدر قلع الجاكت بتاعه ولبسهولها وراح شالها. نادين: برضو مش عايز تقولي إحنا رايحين فين؟ بدر...