رواية معجزة الحب الفصل الثالث عشر 13 - بقلم بسمله حسن، منة السيد

كيان بضحك: صلاة النبي أحسن. كيان مسك الكوباية، دلقها في الحوض. كيان بصوت عالي جداً: بدرررررررررر! تعالي الحق مراتك. بدر أول لما سمع صوت كيان نزل جري، وهو نازل على السلم اتزحلق، وقع على ضهره. بدر بوجع: آآآآه. دخل المطبخ، شاف نادين قاعدة في ركن في المطبخ وعمالة تعيط. بدر بوجع من ضهره: مالك يا نادين؟ في إيه؟ كيان بعصبية: دخلت عليها لقيتها هتشرب الداوني بتاع الغسيل. بدر بصدمة: إيه؟ نادين بعياط

وشهقات مش عارفة تتكلم: كيا.. كيان.. دلق.. الدواااا. وزادت في العياط. كيان بذهول: كل ده عشان دلقت الداوني؟ بدر بوجع وعصبية: اسكت أنت خالص. وقرب من نادين. بدر بهدوء: قومي يا نادين. نادين بتشاور على إزازة الداوني: عايزة من ده يا بدر، ريحته حلوة. بدر: طيب قومي وأنا هجيبلك اللي أنتِ عايزاه. كيان بعصبية: تجيب إيه يا عم؟ بدر بغضب: اسكت أنت. بص لنادين: يالا قومي يا حبيبي. وفعلاً نادين قامت من الأرض. وبدر راح جابلها

البرفيوم بتاعه وإدهولها: خدي ده، ريحته أحلى. نادين عوجت بوقها. توفيق بشر: جهزي نفسك، هتخشي بيت الزعيم. البنت بطاعة: حاضر يا باشا. عدى حوالي يومين. نادين مجنناهم بعمايلها وطلباتها. بدر نايم على الكنبة بتعب وجنبه كيان. بدر بعيون حمرا من قلة النوم: تعبت من عمايل أختك يا زفت. كيان بطريقته: على أساس إنها سايباني في حالي، ما هي مطلعة عين أمي أنا كمان.

بدر بأرهاق: كله كوم وطلباتها مبتخلصش. مرة تطلب حواوشي ومرة تطلب تاكل سندوتشات فول وطعمية، ومرة عايزة آيس كريم. كمل كيان كلامه: لا و عايزة آيس كريم معين. بدر: تخيل الدنيا كانت شغالة برق ورعد ومطر وأنا بلف على المحلات الساعة 3 الفجر بدور على آيس كريم... وياريت آيس كريم عادي، لأ لازم يكون آيس كريم بالتوت والكيوى... نفسي أنام يا كيان ولو ساعتين بس. بدر ريح ضهره على الكنبة: تفتكر هرتاح لما تولد؟

كيان هز راسه بلا: أنا حاسس إنك هتشوف أيام جميلة مع نادين. بدر بطريقته: حاسس مش متأكد. يالا اطلع نام، يا رب متطلبش مني حاجة. كيان: لو طلبت منك أي حاجة متجيش تصحيني. يالا تصبح على خير. وسابه وطلع. بدر بغيظ: ماشي يا كيان الكلب. بدر اتشهد قبل ما يدخل الأوضة. بدر بأرهاق: عايزة حاجة يا نادين؟ أجبهالك قبل ما أنام؟ نادين: تؤ تؤ، مش عايزة. يدوبك بدر نام، مكملش نص ساعة. نادين: بدر. بدر فتح عيونه بالعافية: عايزة إيه يا نادين؟

نادين ببراءة: عايزة كشري. بدر اتعدل في قعدته: هو أنا مش قبل ما أنام سألتك إن كنت محتاجة حاجة أجبهالك قبل ما أنام؟ ده اللي هو المفروض من نص ساعة. نادين شاورت على بطنها: مش أنا، دول هما اللي جعانين. بدر بص لها بغيظ: ماشي يا نادين. وقام يلبس. وهو خارج من الأوضة. نادين وقفته: وهات معاك شيبسي يا حبيبي. بدر نزل بعصبية وراح يشتري الأكل اللي نادين عايزاه. وعدى شوية من الوقت. بدر جاب الحاجات اللي نادين عايزاها.

بدر بتعب مش شايف قدامه: عايزة حاجة مني تاني يا نادين؟ نادين وبقها مليان أكل: لا شكراً يا حبيبي. بدر رَمى نفسه على السرير من التعب. جه الصباح على أبطالنا، يوم فيه تشويق كتير. قاعدين على السفرة بيفطروا، أو بمعنى أصح نادين هي اللي بتاكل، مش بدر ولا كيان. بدر بص للساعة: يالا يا كيان، هنتاخر على الشركة. كيان: هطلع البس على طول. كيان طلع والباب خبط من هنا. بدر قام فتح، لقى واحدة ست. بدر باستغراب: انتي مين؟

حسنات: أنا حسنات الخدامة الجديدة يا باشا. بدر هز راسه بماشي. دخلها. نادين قامت من الأكل: مين يا بدر؟ بدر: دي الخدامة الجديدة اللي جابها كيان. بدر بص لحسنات: مهمتك هنا تخلي بالك من الهانم ومتخليهاش تعمل حاجة. حسنات: حاضر يا باشا. كيان نزل من بعد ما لبس، استغرب لما شاف حسنات: انتي مين؟ حسنات: أنا حسنات الخدامة الجديدة يا باشا. كيان كان ناسي إنه طلب من حد يدور على شغالة. بدر وكيان خرجوا راحوا الشركة.

بدر لنرمين السكرتيرة: اعملي فنجان قهوة بسرعة. نرمين: حاضر يا فندم. في نفس الوقت رودينا شافت الإعلان على الفيس بوك وقررت تروح. رودينا: السلام عليكم ورحمة الله وبركاته. نرمين: وعليكم السلام. عايزة حاجة؟ رودينا: أنا كنت جاي أقدم على الوظيفة، مش أنتم طالبين سكرتيرة؟ نرمين بصت لرودينا من فوق لتحت باستحقار: طيب اقعدي لحد ما أقول للمدير. نرمين دخلت، أدت لبدر القهوة وقالت له إن فيه واحدة مقدمة على الوظيفة.

بدر طلب منها تدخلها. نرمين: اتفضلي. رودينا دخلت بتوتر: السلام عليكم ورحمة الله وبركاته. بدر: وعليكم السلام. رودينا: مينفعش متقولش بقيت السلام، عشان كده بتخسر الرحمة والبركة، ف لازم تقول وعليكم السلام ورحمة الله وبركاته. بدر بإعجاب: اتفضلي. وبص في الدوسيه بتاعه. رودينا قعدت: شكراً يا فندم. بدر فضل باصص لها. ورودينا خدت بالها. رودينا بكسوف: احم، في حاجة يا فندم؟ بدر بإحراج: ها، لا أبداً. وبدأ يسألها على شوية معلومات.

بدر بانبهار: بجد، أنتِ شاطرة. ممكن... تشتغلي من دلوقتي، أنتِ خلاص اتقبلتي. رودينا بسعادة: شكراً شكراً يا فندم، وأنا إن شاء الله هكون عند حسن ظنك بيا. بدر: أتمنى. اتفضلي. أها، صحيح، أنتِ هتكوني السكرتيرة الخاصة بتاعتي. رودينا باحترام: حاضر يا فندم. رودينا خرجت. وبدر تليفونه رن. بدر: ألو. الشخص: ٠٠٠٠٠٠٠٠٠٠٠٠٠٠٠٠ بدر بصدمة: إيه؟