رواية معجزة الحب الفصل الثامن عشر 18 - بقلم بسمله حسن، منة السيد

رودينا بدموع: حتى وأنا مبخلفش. جاسر: وأنا مش عايز عيال، أنا برضه مش بخلف، عايزك تكوني جنبي. رودينا بعياط: وأنا مش عايزة أتزوج تاني خلاص، أنا أخدت نصيبي، مش عايزة حاجة تاني في الدنيا. جاسر بص لبدر وبعدين بص لأمينة. جاسر برجاء: اتحايل عليها يا ست الكل. أمينة بقلة حيلة: معلش يابني، كل شيء قسمة ونصيب. جاسر ماشي، ونادين راحت عند رودينا. نادين دخلت الأوضة: بتعيطي ليه يا رودي؟ رودينا بعياط: هو ليه بيحصل فيا كده؟

نادين قعدت جنبها: متقوليش ليه، عشان حرام، قولي الحمد لله على أي حاجة بتحصل معاكي عشان ربنا له حكمة في كده. رودينا بدموع: ونعم بالله، بس أنا تعبت، دلوقتي جالي عريس، بعد شوية هييجي التاني، وأنا مش قد وجع تاني. نادين: مش ممكن يكون جاسر ده فيه الخير، مش زي أشرف؟ رودينا ضحكت بوجع: خير، اللي خلاه ابن عمي يعايرني بموضوع الخلفه، أمال الغريب يعمل إيه؟

نادين: يمكن يكون أحسن من القريب بكتير، وبعدين مش كل هدفك في الحياة هي الخلفه، فيه حاجات كتيرة حلوة، بس انتي فكري في جاسر. رودينا: بس أنا لو اتجوزت الناس هتتكلم عليا، وهيقولوا اتطلقت من جوزها عشان تتجوز التاني. نادين: انتي مالك بالناس؟ الناس هي اللي هتعيش معاكي، الناس هي اللي هتكون معاكي وقت حزنك وضعفك، الناس ياما بتتكلم، مبيسيبوش حد في حاله. نادين جت تقوم، حست بمغص في بطنها. مسكت بطنها بتعب.

رودينا بخوف: مالك يا نادين؟ انتي تعبانة؟ أروح أندهلك بدر؟ نادين هزت راسها بلا: لا، مفيش داعي، شوية تعب هيروحوا لحالهم. رودينا قعدت تفكر في جاسر، هو مشفهاش غير مرة واحدة، لحق حبها. رودينا افتكرت إنها كانت بتحب أشرف، بس أخدت إيه من الحب غير البهدلة والذل. نادين خرجت من عند رودينا. لقت بدر في وشها. بدر بعصبية شدها من إيديها لحد الأوضة بتاعتهم. بدر بغضب: انتي بتقنعيها على إيه؟ نادين: وفيه إيه؟

مش ممكن يكون شخص مناسب ليها؟ بدر هزها بعصبية وصوت عالي: شخص مناسب؟ شغال مع المافيا؟ أنا مش هخلي أختي تتجوز من جاسر. نادين بعدت عنه بتعب: وفيه إيه؟ أنا اتجوزتك وأنت شغال في المافيا. بدر لاحظ تعبها: تعالي اقعدي، شكلك تعبانة. نادين بعند: مين قالك إني تعبانة. بدر ضرب الدولاب بإيده من عناد نادين. نادين راحت لكيان الأوضة. كيان أول ما شافها تعبانة قلق: مالك يا حبيبتي؟ انتي تعبانة. نادين

هزت راسها بأه ومسكت بطنها: آه يا كيان، بطني وجعاني، مش عارفة ليه. كيان بخوف: طيب تعالي نروح عند الدكتور. نادين هزت راسها بلا: لا، أنا تعبانة عشان مخدتش العلاج. كيان بغضب: ومخدتهوش ليه؟ نادين بعياط من الوجع: خلص ونسيت أجيب غيره. كيان لسه هيرد، لقى بدر دخل. كيان بغضب بسبب إهمال نادين: تعالي شوف مراتك يا عم. بدر بص لنادين وبعدين اداها العلاج. بدر بهدوء: خدي العلاج بتاعك اهو. نادين خدته منه، وكيان جاب مياه وادهاله.

نادين بعد ما خدت العلاج حست إن الوجع خف شوية. بدر قرب منها بهدوء عكس اللي جواه: بقيتي كويسة؟ نادين مسحت دموعها بإيديها زي الأطفال: آه شوية. بدر ابتسم من حركة الأطفال اللي بتعملها، وبعدين افتكر إهمالها في علاجه. بدر بعصبية وصوت عالي: ممكن أعرف مقولتيش ليه العلاج خلص؟ نادين سكتت. بدر بزعيق خلاها تخاف: متردي، إيه اللي خلاكي متقوليش إنه خلص ها؟ كيان اتكلم بدل نادين عشان شايف عصبية بدر: معلش يا زعيم، أكيد نسيت.

بدر شاور على الباب لكيان إنه يخرج. كيان لسه هيتكلم، بس بدر شاور إنه يسكت ويمشي. نادين بصوت واطي بس مسموع: كيان متسبنيش مع أبو فصادة ده، ده ممكن يعمل مني بطاطس مسلوقة. كيان وهو خارج: معلش بقى يا نادين، العمر واحد، وأنا عايز أخش دنيا مش أخرج منها بسببك. كيان خرج، مفضلش غير نادين وبدر. بدر قرب منها بهدوء مرعب: ينفع اللي انتي عملتيه ده؟ ردي عليا. نادين بعياط وخوف: والله نسيت، أنا آسفة، مش هنساه تاني. وكملت بعياط:

بدر صعبت عليه نادين وهي بتعيط، خدها في حضنه عشان تهدأ. بدر بحنية: شششش بس يا بابا، بس يا حبيبي، بطلي عياط. نادين بعياط وشهقات زي الأطفال: متزعلش مني، أنا آسفة، مش هنساه تاني. بدر باسها من راسها بحنية: حصل خير، بس متنسيش تاني. نزل إيده على بطنها: أنا عايزكم تكونوا كويسين، أنا عايزكم تيجوا بالسلامة. بدر بحب: نامي شوية عشان ترتاحي. نادين: مينفعش أسيب مامتك وأختك. بدر بهدوء: ملكيش دعوة، نامي عشان انتي تعبانة.

وفعلاً نادين نامت. عند كيان وبدر خرج من الأوضة. كيان جري عليه بخوف: عملت إيه في نادين يا بدر؟ بدر بذهول: انت فاكر إني ممكن أؤذي نادين؟ ده أنا أموت نفسي قبل ما أذيها. نادين دي كل حياتي. كيان بأسف: أنا آسف يا زعيم، بس لما شفتك متعصب، خفت على نادين منك. جاسر روح لقى نافين قاعدة ولابسة لبس مبين أكتر ما مخبي. نافين بدلع: مالك يا إمبراطور؟ جاسر: أنا قررت اتجوز. نافين كانت ماسكة كاس، أول ما سمعت كده وقع من إيديها.

نافين: انت بتتكلم جد؟ جاسر: وأنا من امتى بهزر معاكي؟ أنا حبيت أقولك بس. وسابها وطلع الأوضة بتاعته. بدر خبط على رودينا ودخل. لقى أمينة قاعدة مع رودينا. بدر بهدوء: رودي حبيبتي، متفكريش في أي حاجة حصلت النهارده، أنا... رودينا قاطعته في الكلام: هصلي يا بدر، وهقول رأيي في موضوع الجواز. أمينة أول ما سمعت كده زغرطت من الفرح: يا رب يا رودينا يكون من نصيبك، شكله ابن حلال. بدر في نفسه: أوي ابن حلال خالص، ده حتى شغله شريف.

أمينة لقت بدر ساكت: مالك يا بدر ساكت ليه يا حبيبي؟ بدر ابتسم غصب: مفيش يا ست الكل، بس أنا عايز أقول إن جاسر مينفعش يتجوز رودينا. أمينة: ليه يا بدر؟ بدر سكت، مش عارف يقول إيه، مش عايز أخته تتجوز واحد من المافيا، ومش أي حد، ده أكبر عضو في المافيا. ها مفيش بس عشان بقول إنه مشفهاش غير مرة واحدة، عشان كده بقول مينفعش. سابهم وخرج وعمال يشتم في نادين. كيان خبط في بدر. كيان باستغراب: مالك يا زعيم؟ في إيه؟

بدر بنرفزة: بلا زعيم بلا زفت، منك لله يا نادين، يابنت أمل ونوال، أشوف فيكي يوم يا بعيدة، يارب تقصري أكتر ما انتي قصيرة. كيان بضحك: يا عم ماهي نايمة في الأوضة جوه، عملتلك إيه؟ بدر: هي اختك بتعمل حاجة، أنا بس اللي بعمل. وراح اتصل بجاسر. بدر بنرفزة: رودينا هتصلي وتشوف، بس يارب متوافقش عليك. وقفل السكة قبل ما يسمع رد من جاسر. جاسر فرح: هتوافق وأنا متأكد. عدى يومين ومفيش أي رد من رودينا. لحد ما جه يوم وبدر سألها.

رودينا: أنا... بدر بذهول: إيه؟