رواية معجزة الحب الفصل السابع عشر 17 - بقلم بسمله حسن، منة السيد

جاسر: بدر أنا عايز أتجوز أختك. بدر فضل ساكت وبعد كده اتكلم: مين قالك إني هوافق على جوازك منها؟ أنا مش هخلي أختي تعيش حياتها زي حياتنا، وكمان هي لسه مطلقة مكملتش نص ساعة، وتقولي جواز؟ وأنت لسه شايفها من كام ساعة، لحقت حبتها؟ جاسر: تعرف الحب من أول نظرة؟ أنا حبيت أختك من أول ما عيني شافتها. بدر سابه ومشي، راح لأمه المستشفى، وكانت أمينة خلاص خارجة ورودينا كمان. بدر بحب: أنتم هتيجوا تعيشوا معايا في البيت؟

أمينة رفضت، بس بدر أصر عليهم ووافقت. وفعلاً بدر أخذهم وراحوا البيت. نادين أول ما لقت الباب بيخبط قامت فتحت بسرعة. نادين أول ما شافت بدر حضنته بخوف. بدر بحنية: مالك يا حبيبي؟ بتعيطي ليه؟ نادين خرجت من حضنه لسه هتتكلم، لقت رودينا وأمينة. نادين باستغراب: رودينا وطنط أمينة، اتفضلوا. دخلوا، وكل ده نادين مش فاهمة حاجة. بدر قرب من نادين: أنتِ طبعاً عارفة أمينة، لكن متعرفيش إنها أمي. نادين بصدمة: أمك؟ إزاي؟

بدر حكالها كل حاجة. أمينة فرحت إن بدر متجوز نادين. في نفس الوقت، جه كيان. أول ما شاف بدر جري عليه بخوف: أنت كويس يا بدر؟ فيك حاجة؟ بدر: متخافش يا عم، أنا قاعد على قلبك. كيان خد باله إن في ناس. كيان باحراج: إحنا عندنا ضيوف. أمينة بحب: أنت كيان؟ كيان هز رأسه بـ آه. أمينة: تعالي في حضني يا ابن الغالية. كيان رايح عندها: أنتِ تعرفيني؟ أمينة: أنا أمينة، مامت بدر. مش فاكرني؟ كيان فتح بوقه من الصدمة: أنتِ طنط أمينة؟

وراح حضنها جامد. أمينة: كبرت يا كيان، واتغيرت يا حبيبي. أكيد أمل أمك اتغيرت هي كمان. أمينة متعرفش موضوع أمل. كيان بحزن: ماما ماتت من زمان. أمينة شهقت وحطت إيدها على بوقها: إيه؟ أمل ماتت؟ إزاي ده؟ كلهم بصوا لبدر. بدر بتوتر خفيف: طنط أمل ماتت في حادثة عربية، وعم أحمد وراها على طول. كيان بيشاور على نادين: ودي هدير أختي. رودينا: إزاي؟ وهي نادين بنت طنط نوال؟

بدر: عشان طنط نوال لقت نادين في الشارع ساعة الحادثة بتاعت طنط أمل. فهمتي يا رودي؟ كيان: أنتِ أخت بدر؟ رودينا هزت راسها بـ آه. كيان بهزار: بقولك إيه يا بدر؟ جوزني أختك زي ما أنا جوزتك أختي. رودينا بحزن: بس أنا مطلقة. كيان: مغفل؟ في حد يسيب القمر ده؟ والله راجل أهبل. كيان كان بيتكلم بطريقة كوميدية. قعدوا يتكلموا ويهزروا، اليوم عدى بسعادة على الجميع. بدر وهو ونادين في الأوضة. بدر بسعادة: أنا مش مصدق إن أمي عايشة.

نادين بابتسامة: أنا فرحانة أكتر منك إن طنط أمينة طلعت مامتك. أنا بحبها أوي. بدر قرب منها: وأنا بحبك أكتر. نادين بعدت عنه بحزن: لا، أنت مش بتحبني. بدر بذهول: أنا مش بحبك؟ أنا محبتش حد قدك. نادين بدموع: أمال بعت عني ليه الفترة اللي فاتت؟ بدر: معلش، كانت دماغي مشغولة عنك. لكن من هنا ورايح، مش هركز غير عليكي. نادين: بدر؟ بدر: نعم يا عيون بدر؟ نادين: أنا لو مت، عايزك... بدر حط إيده على شفايفها منعها عن الكلام.

بدر بعصبية: متقوليش كده تاني. أنتِ هتكوني معايا العمر كله. نادين: عشان خاطري يا بدر، لو جرالي حاجة، خلي بالك من عيالنا. بدر: لو هما هيبعدوني عنك، أنا مش عايزهم. مش عايز عيال. نادين: بدر، لو خيروك ما بيني وبينهم، اختارهم هما. بدر: وهتبقى الحياة من غيرك ليها لازمة؟ بدر خدها جوه حضنه: نادين، أنا عايز أقولك، لو خيروني ما بينك وبين حياتي، هختارك أنتِ. عارفة لي؟

عشان أنتِ أغلى من حياتي. أنتِ بنسبة لي معجزة. أنتِ غيرتي فيا حاجات كتير ولسه بتغيري. عارفة لي؟ نادين خرجت من حضنه وبصت في عينيه: ليه؟ بدر بحب: عشان أنتِ معجزة الحب. الحب فيه معجزة، وأنتِ أكبر معجزة حصلت في حياتي. نادين بحب: لو تطلب عيني، ليك والله ما تغلى في يوم. ليك، الي ده، الجاي ليك، العمر من كله ليك. لولاك حبيبي، لولاك معايا. بدر: لا، أنا من بعد الكلام الحلو ده لازم أ صالحك. شالها وراح لحد السرير و...

جه الصباح على أبطالنا. كلهم قاعدين والباب خبط وفتحت. دخل جاسر. بدر وكيان قاموا وقفوا أول ما جاسر جه. جاسر بابتسامة أول ما شاف رودينا. راح عند أمينة: عاملة إيه يا ست الكل؟ أمينة بابتسامة: الحمد لله يا ابني. رودينا: ده أستاذ جاسر يا ماما، اللي خلى هاجر تجيبك على المستشفى بتاعته. أمينة: شكراً يا ابني على اللي عملته معانا. ربنا يوفقك يا جاسر يا ابني. بدر بغضب: جاسر عايز إيه؟

جاسر بابتسامة زادت حلاوته: عايز أتجوز مدام رودينا، أختك. كلهم اتصدموا. رودينا: بس أنا مش عايزة أتچوز يا أستاذ جاسر. جاسر: أنا عارف إنك أطلقتي من جوزك، وأنا هستنى شهور العدة تخلص وأتجوزك. رودينا: مش عايز تعرف أنا أطلقت ليه. جاسر: أنا مش عايز أعرف. رودينا بدموع: حتى لو قلتلك إني مبخلفش؟ جاسر سكت شوية وبعد كده اتكلم: أنا... رودينا بعياط: إيه؟