رواية معلمة من الصعيد الفصل الأربعون 40 - بقلم مريم شعبان

في المدرسة، في مكتب موده. قاعدة بتفكر في الرسالة. موده: مش غريب الموضوع ده شوية؟ إشمعنى ياخد الشباب بس، ليه إحنا لأ؟ ليه مش عايزين أي بنت؟ وليه كانوا بيعملوا غيث حلو كده ويدخل؟ عز: مودهموده: نعمعز: سرحانة في إيه؟ موده: بفكر في أم الحوارات دي. عز: في حاجة غريبة يا موده؟ موده: حاجة واحدة. حاجات كتير. عز: في حاجة مهمة. جدك كان مختفي مع غيث؟ إزاي كان جاي معاكم؟ موده: أي ده. ثواني. هو جدو ما كانش عندكم جوه؟

وطلع عشان ياخد معانا؟ عز: مش فاهم. موده: إحنا لقينا جدو قدام الفيلا واقف وقال إنه كان منتظر هنا لما عرف إننا جايين عشان يطمن علينا. أنا صدقت كلامه لما لقيتكم محدش قام يطمن عليه. عز: لا، ما كانش جوه. أنا كنت داخل قبلكم بعشر دقايق. ما كانش في حد أساسًا. موده: بسم الله. ما جدك جه إزاي؟ عز: مش فاهم. ومش عارف. ويدخل سليم. سليم: السلام عليكم. الجميع: وعليكم السلام. عز: تعال يا جدو اقعد.

سليم: تمام يا بني. عاملين إيه يا ولاد؟ عز: الحمدلله. سليم: وإنتي يا بنتي عاملة إيه؟ موده: الحمدلله. سليم: إيه بقي مش ناوين تفرحوني بطفل صغير كده؟ يارب تكون الشقة بتاعت هيام عجبتكم. عز: ربنا يسهل يا جدو. آه، الشقة جميلة. سليم: طيب الحمد لله. موده: بس إحنا هنمشي في أقرب وقت. سليم: تروحوا فين؟ موده: نرجع شقتنا. سليم: آه تمام. قلتوا هتمشوا فين؟

استغربت. إنتوا بس اقعدوا اليومين دول في الجناح لحد ما نعرف مين دول، وبعد كده امشوا براحتكم. ويلا يا بنتي فرحيني بطفل صغير. موده: حضرتك عارف إني ماجلة موضوع الأطفال فترة. كنت اتكلمت مع حضرتك في الموضوع ده قبل كده. إني مش عايزة أطفال دلوقتي. نسيت ولا إيه؟ سليم: آه آه افتكرت. معلش يا بنتي السن بقى. يلا بعد إذنكم. ويقوم يمشي. وتقوم موده تتأكد أنه مش هو. موده: عز، ده مش جدو. عز: نعم يا أختي؟

موده: اقسم بالله. طيب بذمتك أنا اتكلمت مع جدو قبل كده في موضوع الأطفال أساسًا؟ بالعكس، أنا كنت بقوله إني عايزة أطفال كتير. الراجل ده مش جدو. عز: بس يا موده، إنتي بتقولي ده جدك. شكله وكل حاجة. موده: صدقني ده مش عارف علينا حاجة. ولا حتى الأسماء. مش ملاحظ؟ عز: بس إمبارح كل واحد قعد في أوضة. مين عارف الغرف والأسماء؟ إنتي بتقولي إيه؟

موده: طيب، أنا عمري ما اتكلمت معاه في موضوع الأطفال. وكمان حاجة، جدك بيتكلم عادي كأني مفيش حاجة. عكس قبل كده. وإزاي بيقول ارجعوا شقتكم براحتكم؟ جدك حتى لو اتغير هيفضل ورانا لحد ما نرجع الجناح. الشخص ده مش هو. صدقني. عز: إحنا شكلنا في خطر. موده: وخطر كبير أوي. فين جدو؟ عز: محدش لازم يعرف الموضوع ده. موده: تمام. عز: أنا هروح عندي حصة. خلي بالك من نفسك. موده: تمام. اتفضل. ويخرج عز. موده: إيه فيلم الرعب اللي أنا فيه ده؟

والباب يخبط. موده: ادخل. تامر: صباح الخير. موده: صباح النور يا مستر تامر. اتفضل. تامر: كنت عايز حضرتك في حاجة. موده: اتفضل اتفضل يا مستر تامر. سامعك. تامر: أنا كنت عايز أتقدم ليارا. موده بصدمة: إيه؟ تامر: عايز أتجوز يارا. قولت أطلب من حضرتك تكلمي والدك عشان أجي. موده: حضرتك مستوعب انت بتقول إيه؟ يارا بنت ١٨ سنة وإنت ٣٠. إنت بتهزر؟ تامر: السن مش مهم. وأنا هخليها تكمل تعليم.

موده: يا أستاذ تامر، يارا صغيرة. وغير كده مستحيل تتجوز دلوقتي. تامر: أنا سمعت إنها هتتجوز جاد. موده: ده كلام هزار. وحتى لو جداً، أظن جاد مناسب ليها. فرق السن كبير. يا أستاذ تامر، حضرتك عايز عروسة تكون في العشرين كده. وبعدين معلش، أنا سمعت إني حضرتك متجوز قبل كده. تامر: آه، اتجوزت مرتين. موده: والله؟ وجاي تطلب أختي اللي صغيرة وهتكون أول جواز ليها؟ إنت بتهزر؟ تامر: أفهم من كده إنك رافضة؟

موده: أكيد. ومستحيل حد يوافق من أهلي أساسًا. اتفضل على شغلك يا أستاذ تامر. تامر: تمام يا موده. لينا كلام كتير. ويمشي. موده: هي ناقصاك إنت كمان؟ إيه القرف ده؟ ***** في مكتب تامر. تدخل رويدا. رويدا: تامر. تامر: عايزة إيه يا رويدا؟ رويدا: اللي أنا سمعته ده صح؟ تامر: سمعتي إيه؟ رويدا: إنك عايز تتجوز يارا. تامر: آه. وإنتي مالك؟ رويدا: مالي إزاي؟ إنت مش بتحبني؟ تامر: أحبك؟ طيب صل على النبي. أحبك إيه؟ إنتي فترة وخلصت.

رويدا: إنت بتقول إيه؟ تامر: يلا من هنا عشان إحنا في مدرسة. رويدا: في مدرسة؟ إنت كنت بتقولي إنك بتحبني أنا. تامر: فترة وخلصت. وإنتي اللي هبلة. رويدا: أنا هفضحك قدام المدرسة كله يا حيوان. تامر: طيب تعالي شوفي الفيديو يمكن تغيري رأيك. رويدا: فيديو إيه؟ وتأخذ الموبايل. رويدا: ده... ده مش أنا. تامر: ده في بيتكم يا ماما فوق. رويدا: إنت عملت كده إمتى؟ مستحيل. أقسم بالله مستحيل. تامر: مستحيل إيه؟

الفيديو قدامك. وفي بيتكم. وفي أوضتك. إيه؟ أنشر الفيديو ونشوف مين اللي يفضح مين. رويدا: إنت حيوان وكلب. أنا عمري ما هسيبك. تامر: إن شاء الله. يلا من هنا بقى. وتخرج رويدا وهي تبكي. ماهر: رويدا، مالك؟ رويدا: مفيش. ماهر: إنتي جاية من عند تامر وبتعيطي كده ليه؟ رويدا: إيه لا مفيش حاجة. حاجة دخلت في عيني بس. ماهر: رويدا، هو عملك حاجة؟ رويدا تبكي. ماهر: ردي عليا. حصل إيه؟ رويدا: مش قادرة. ماهر: طيب تعالي في مكتبي. *****

في فصل جاد. يوسف: الفصل وحش من غيركم يا موسي إنت وجاد. مروان: جداً والله. تيا: البت رويدا اتأخرت كده ليه؟ فيروز: مش عارفة. هي فين؟ يارا: قالت هتروح تجيب حاجة وتيجي. فيروز: هي غرام مش بتيجي بقالها يومين. آيات: تعبانة شوية. يوسف: تعبانة مالها؟ آيات: في مشاكل بين أهلها وهي تعبانة. يوسف: طيب إحنا لازم نروح نشوفها. أمجد: تروح فين؟ يوسف: أشوفها.

وائل: يوسف، أهلها صعبين أوي. لو حد فينا راح هيحصل مشكلة. ليها البنات يروحوا ونطمن عليها. إحنا. يارا: تمام. بنات نروح النهارده بعد المدرسة. الجميع: تمام. موافقين. موده: قاعدين كده ليه؟ يوسف: عادي. فينكم؟ المدرسة بقت غريبة. موده: جداً. يوسف: أظن الأفراح خلصت. نشوف موضوعنا بقى. موده: أظن ده مش مكان مناسب نتكلم. عندي في الجناح بكرة بليل كلكم تكونوا موجودين. وائل: كلنا؟ كلنا؟ موده: آه كلكم. ويلا عشان نبدأ الحصة. *****

في مكتب ماهر. ماهر: ممكن أفهم؟ في إيه؟ طالعة بتعيطي من عند تامر ليه؟ رويدا: أنا... ماهر: احكي بدون كسوف. وافتكري إني أخوكي الكبير. ومتخافيش. أنا هتصرف. رويدا: الفيديو اللي مع تامر لو وصل لأهلي هيموتني يا مستر. ماهر باستغراب: فيديو إيه؟ رويدا: إني أنا وهو. أنا... ماهر: أنا مش فاهم. ياريت توضحي. رويدا تبكي: مش عارفة أقول. ماهر: إنتي قصدك إنك إنتي وهو؟ يعني اللي أنا فهمته؟ رويدا: آه. ماهر: نعم؟ إنتي بتهزري؟

رويدا: أقسم بالله ما أعرف ده حصل إزاي. والله العظيم أنا عمري ما خليته يقرب مني. حتى. إزاي ده حصل؟ ماهر: هو كان بيجي البيت عندكم؟ رويدا: آه. عشان الدرس. بس على طول خالو مهدي معانا. إزاي ده حصل؟ أنا مش عارفة. أنا مش فاكرة أي حاجة. والله صدقني يا مستر. مش عملت كده. ماهر: طيب. اهدي. اهدي. في حل بإذن الله. رويدا: حل إيه ده؟ لو حد شاف الفيديو؟ ماهر: هو إنتي شوفتي الفيديو كامل؟ يعني هو قرب منك؟

رويدا: أنا شوفت لحد ما كنت على السرير. وبعد كده أخد مني الفون. ماهر: بس يبقى مفيش حاجة حصلت. وهو كداب. متخافيش. بيعمل ده كله عشان مش تقولي لحد. رويدا: بجد؟ ماهر: آه. اهدي كده دلوقتي. أنا هتكلم رحاب عشان تاخدك وتروحي الدكتور بتاعها ونتأكد. رويدا: ماشي. بس بالله ما حد يعرف تاني. ماهر: صدقني محدش هيعرف. أنا لو كان ينفع أروح معاكي العيادة كنت روحت. بس لازم ست تكون معاكي. عشان كده هكلم رحاب وأجي أوصلكم. يلا تعالي معايا.

رويدا: أنا خايفة أوي. ماهر: متخافيش. أنا معاكي. يلا بينا. عز: ماهر، بقولك إيه؟ مالك يا رويدا؟ ماهر: مفيش حاجة. تعبانة شوية. ولقيتها واقفة تعبانة. قولت لها تعالي عندي المكتب بدل ما تقع. ودلوقتي هوصلها بيتهم. عز: ألف سلامة عليكي. تمام. تحب أوصلها وتقعد إنت؟ ماهر: لا. خليك بس. خلي بالك من مراتك. الخطر عليها كبير. عز: تمام. خير بإذن الله. ألف سلامة عليكي يا رويدا. رويدا: الله يسلمك. ماهر: يلا يا رويدا. رويدا: يلا.

ويمشوا. عز: في حاجة غريبة. ***** فيلا سليم. في جناح عز وموده. غيث: منورين والله. رحاب: بنورك يا أخويا. بيري: رحاب، معلش ممكن تجيبي المخدة دي؟ رحاب: تمام يا حبيبتي. اتفضلي. بيري: معلش تعبتك معايا. رحاب: ولا تعب ولا حاجة. وبطلي. غيث: هو مفيش حد في البيت ده؟ رحاب: الكل في المدرسة. والستات كلهم تحت. غيث: وإنتي قاعدة ليه؟ مش في المدرسة ليه؟ رحاب: تعبانة. قولت أقعد النهارده.

غيث: لا. ألف سلامة عليكي. بسرعة بقى عشان عايز الطفل ده يكون ولد ويكون اسمه غيث كمان. بيري: يا بني اسكت شوية. غيث: الله. بتكلم معاها. أنا هنزل أتمشى شوية. بيري: اهدا يا غيث. الدكتور قال تقعد. بلاش الحركة الكتير. غيث: هروح أشوف جاد وموسي وأجي تاني. بيري: تمام. اتفضل. غيث: تمام. بعد إذنكم. ويمشي. رحاب: آه الواحد تعبان أوي. بيري: ربنا يكملك على خير يا حبيبتي. رحاب: يارب. بيري: هي زهراء فين؟ رحاب: راحت الكلية.

بيري: افتكرت قاعدة هي وحاتم. رحاب: من امتى يعني يا أختي بيقعدوا بدون محرم؟ بيري: نسيت صح. مفيش حد هنا. أهم أسبوع ويتكتبوا الكتاب ويقعدوا على طول مع بعض. رحاب: آه. ربنا يكملهم على خير. عشان دول بقى اللي تعبوا. إنتوا كتبتوا على طول؟ هما بقالهم أربع شهور مخطوبين. بيري: آه. ربنا يكملهم على خير. مش كتير برضه ناس بتقعد سنين.

رحاب: حاتم كان ناوي يقعد سنة خطوبة. بس طبعاً عشان عمو نبيل في. قال عادي خلاص يكتب. كده كده هو واثق من زهراء في كل حاجة. بيري: ربنا يشفي عمو. عايز يطمن علينا كلنا. رحاب: ربنا يطمنه يارب. بيري: إنتي بقيتي في الشهر الكام صح؟ رحاب: لسه في الأول يا أختي. بيري: ربنا يكملك على خير يا رب. رحاب: يارب. وموبايلها يرن. رحاب: زوجي قرة عيني. ماهر: السلام عليكم. رحاب: وعليكم السلام. إيه فينكم؟

ماهر: بقولك البسي وانزلي. أنا قدام الفيلا. رحاب: ليه؟ في حاجة؟ ماهر: البسي بس وانزلي. رحاب: حاضر. بس ليه؟ ماهر: لما تيجي هقولك. رحاب: تمام. حاضر. سلام. وتقفل. بيري: مالك؟ في حاجة ولا إيه؟ رحاب: مش عارفة. بيقولي البسي وانزلي. بيري: يمكن عايز حاجة. خير يا حبيبتي. رحاب: بإذن الله. هبعتلك طنط. معلش هروح أشوفه. عايز إيه؟ بيري: تمام يا حبيبتي. أنا كويسة دلوقتي الحمد لله. رحاب: الحمد لله. ***** في القسم.

حاتم: حضرتك لسه مصمم إنه حد من المدرسة؟ المسؤول: إنت مش شايف التقرير بيقولك في عربية مخدرات خرجت من المدرسة؟ حاتم: يا فندم. طيب أنا بدور ومافيش أي خيط نمسكه غير التقرير دي. المسؤول: تنزل المدرسة بكرة يا حاتم من غير ما حد يعرف. ويتم تفتيش المدرسة كلها. تمام؟ حاتم: تمام يا فندم. المسؤول: كاميرات المراقبة تشوفها كلها. لازم نعرف مين دول وإزاي يقدروا يخرجوا بدون أي ظهور ليهم. حاتم: هنعرف بإذن الله.

المسؤول: أنا شاكك في حد يا حاتم. حاتم: مين يا فندم؟ المسؤول: جدك. حاتم: نعم؟ مستحيل. المسؤول: شاكك في شبه جدك. الراجل اللي كان معاك إمبارح لما جيتوا عشان نكمل تحقيق في موضوع غيث. مش جدك يا حاتم. حاتم: أنا متأكد إنه مش سليم. وحاطت مراقبة على الشخص ده. بس مين يعمل كده؟ وزي ما سمعت. غيث. مفيش أي حد كلمه. تاجر المخدرات من عندكم يا حاتم. حد منكم مش عايز حد يجي جنب أهل بيتكم. وبذات الستات. حاتم: حضرتك. عندنا إحنا إزاي بس؟

المسؤول: أنا بقولك اللي أنا شاكك فيه. يمكن غلط. حاتم: تمام يا فندم. هوصل بإذن الله. المسؤول: خلي بالك من نفسك يا حاتم. إنت في خطر دلوقتي. تجار المخدرات دول مش ساكتين. هيفضلوا وراك. حاتم: خير بإذن الله. المسؤول: وكمان حاجة. ده مش واحد بس. دول كتير أوي. إنت لسه حاطط مراقبة على المطعم؟ حاتم: آه يا فندم. بس بقاله فترة قافل. مش عارف ليه. بيقولوا إن صحابه سافروا.

المسؤول: تمام. برضه خليك حاطط المراقبة. أحسن يحصل حاجة. يلا. إنت قدها يا حاتم. ربنا معاك. حاتم: يارب. ***** عند ماهر. في العربية. كان قاعد هو ورويدا لحد ما رحاب جات. رحاب: السلام عليكم. رويدا؟ في إيه؟ ماهر: اركبي وهقولك. رحاب: تمام. وتركب. رحاب: في إيه بقى؟ ماهر: عايزك تروحي مع رويدا الدكتور بتاعك. رحاب: ليه؟ ماهر: هتروحي معاها. أنا حجزت لكم. ويمشي بالسيارة. ويكتب لرحاب رسالة. ماهر: خدي يا رحاب موبايلي كده ثواني.

رحاب باستغراب: تمام. وتشوف الرسالة وتقرأها. رحاب: نعم؟ إيه الكلام ده؟ ماهر: صوتك اهدي. وشاور على رويدا. رحاب: إنتي متأكدة يا رويدا؟ رويدا: والله متأكدة. رحاب: طيب. اهدي. خير بإذن الله. اطلع يا ماهر. ماهر: تمام. ***** فيلا سليم. على السفرة. سليم: فين ماهر ورحاب؟ زهراء: عندهم مشوار مهم يا جدو. سليم: تمام. سهام بعد كده اعملي الفراخ متحمرة. سهام باستغراب: متحمرة؟ سليم: آه. إيه الغريب؟

سهام: حضرتك عمرك ما حبيتها متحمرة. وعمرك ما أكلتها غير مشوية. سليم بتوتر: آه آه. بقيت أحبها كده. هات عصير. كلهم يبصوا لبعض باستغراب. سليم: في إيه؟ أسماء: بابا، إنت عمرك ما بتشرب عصير. ممنوع أساسًا منه. سليم: آه برضه. معلش. كان نفسي فيه. أنا أكلت الحمد لله. هطلع أنام. ويطلع. نبيل: في إيه؟ كاظم: بابا ماله اليومين دول؟ صابر: الحاج بقى غريب أوي من ساعة ما رجع من إمبارح. موبايل موده يرن وترد. عز: مين؟ موده: رقم غريب.

عز: افتحي الصوت. صوت: جدك قدام الباب. عارف إنكم عرفتوا إن ده مش جدكم. وإحنا نفذنا خطتنا خلاص. اطلعوا خدوا جدكم من قدام الباب. الكل يجري برة. كان سليم مرمي على الأرض. نبيل: بابا. جدو. يجروا كلهم عنده. كاظم: شيلوه بسرعة يا شباب. صابر: اطلبوا الدكتور بسرعة. ***** عند ماهر في العربية. قاعد منتظر رحاب ورويدا. ويجوا. وكنت رويدا في صدمة. ماهر: إيه؟ طمنوني. رحاب: اطلع بس. ماهر: في إيه يا رحاب؟ رويدا تبكي: إزاي؟

أنا معرفش. ده حصل إزاي؟ ماهر: يعني الكلام ده صح؟ رحاب: الدكتور أكد الكلام. ماهر: إنتي متأكدة من الدكتور ده؟ رحاب: أنا معرفش مين اللي فوق ده. أنا باجي عند دكتورة بس مش موجودة النهارده. قالوا الاتنين زي بعض كويسين. لو مستعجلة ادخلي. ماهر: طيب يا رويدا. اهدي كده. يمكن... رويدا: والله أبداً يا مستر. والله لا. مهدي. كان بيقعد معانا على طول. إزاي؟ إزاي؟ والله لار... رحاب تحتضنها: طيب. اهدي. إحنا هنتصرف.

رويدا: بابا لو عرف هيموتني. رحاب: اهدي يا حبيبتي. أكيد إنتي كويسة. رويدا: طيب ما الدكتور بيقول كده ليه؟ رحاب: معرفش. بس خير بإذن الله. رويدا: هعمل إيه دلوقتي؟ ماهر: إنتي دلوقتي مش هينفع تروحي بيتك. هيظهر عليكي الخوف والتوتر. رحاب: تعالي اقعدي عندي في الجناح. مش مامتك ووالدك مسافرين أساسًا. وقولتيلي إن خالك عنده شغل صح؟ رويدا: آه. بس قالي هيرجع النهارده. ماهر: طيب. يارا؟ يمكن ده حصل وقت ما خالك بيسافر؟

رويدا: لا والله. خالي مش بيسافر. دي أول مرة أساسًا. ورايح إسكندرية. رد على طول. رحاب: طيب. اهدي. خير بإذن الله. يلا يا ماهر عشان نروح. ***** فيلا سليم. الدكتور يخرج من أوضة سليم. الدكتور: هو كويس الحمد لله. بس أخد مخدر كتير. كاظم: يعني صحته كويسة؟ الدكتور: الحمد لله كويس. بس سيبه نايم شوية. وبكرة هيقوم. نبيل: تمام يا دكتور. تسلم. عز مع الدكتور. عز: تمام. اتفضل. ويمشوا. سهام: أنا هدخل أقعد جنبه. نبيل: تمام يا حبيبتي.

أسماء: وأنا كمان هقعد. سهام: لا. اطلعي إنتي لبنتك. أسماء: هقعد هنا شوية. وإنتي شوية عشان تشوفي جاد برد. سهام: تمام. ويجي ماهر ورويدا ورحاب. ماهر: في إيه؟ نبيل: مفيش حاجة يا حبيبي. اهد. ماهر: عز قالي كل حاجة. جدو كويس؟ كاظم: الحمد لله كويس. ماهر: الحمد لله. يلا يا رحاب. خدي رويدا واطلعوا فوق. رحاب: تمام. تعالي يا حبيبتي. ويطلعوا. ماهر: رويدا هتقعد عندنا يومين. نبيل: تنور يا بني. بيتها. بس هي كويسة؟

ماهر: آه. بس مش عايزين تقعد لوحدها. ف هتقعد هنا. نبيل: تمام يا بني. تنور. يلا يا بنات اطلعوا كل واحدة على أوضتها. جدكم مش هيقوم دلوقتي. يلا. ***** في جناح رحاب وماهر. رحاب: ارتاحي دلوقتي يا رويدا. وبكرة ربنا يحلهالك. رويدا: خالو مهدي؟ رحاب: طيب ردي. رويدا: خائفة. رحاب: ردي. متخافيش. رويدا: تمام. وترد. مهدي: حبيبتي. عاملة إيه؟ رويدا: الحمد لله بخير. فينكم؟

مهدي: معلش مش هقدر أجي النهارده. بعتلك دادة عشان تقعد معاكي النهارده وبكرة. وهييجي بعد يومين. رويدا: لا. خلاص. أنا عند تيا. وهقعد عندها اليومين دول. مهدي: اللي يريحك. خلي بالك من نفسك. وأوعي تاخدي درس وأنا مش موجود. فاهمة ولا لأ؟ رويدا: مهدي. إنت سبتني مرة مع مستر تامر لوحدنا وخرجت. مهدي: عمري. ولا هعملها. عشان مش مرتاح ليه أساسًا. بس بتسألي ليه؟ رويدا: لا. عادية.

مهدي: تمام. يلا روحي نامي عشان المدرسة. وملي بالك من نفسك. رويدا: تمام يا حبيبي. وتقفل. رويدا: اهو سمعتي. عمرنا ما كنا لوحدنا. رحاب: أنا مصدقة يا حبيبتي. مش بثق في تامر ده أساسًا. رويدا تبكي: أنا مش قادرة. أفتكر. حلحى. رحاب: طيب. قولي كده. إيه اللي كان بيحصل؟ إنتي قولتي إنه قال إن بيحبك. رويدا: حاضر. فلاش باك. تامر: فهمتي كده؟ رويدا: آه يا مستر. تامر: إيه بقى؟ أنا قولتلك إني بحبك. مش عارف ردك. رويدا: ردي إيه يا مستر؟

تامر: لو مش بتحبيني أقدر أمشي. رويدا بكسوف: لا. لا. بس بست... تامر بضحك: لا شكلك بتحبني. وأنا كمان أوي. المهم بقى. ويمسك يدها. رويدا: لا. وتبعد يدها. تامر: ليه؟ أنا بحبك. رويدا: برضه يا مستر. مش هينفع. تامر: طيب. بلاش مستر. خليها تامر. رويدا: حاضر. ويدخل معها بالعصير. مهدي: العصير. تامر: تسلم يا أستاذ مهدي. مهدي: بالهنا. رويدا عاملة معاك إيه؟ تامر: رويدا من الممتازات. ربنا يباركلكم فيه. مهدي: يارب. باك.

رويدا: دي كانت أول مرة. نتفق إننا بنحب بعض. هو كان بيضحك عليا بحبه. رحاب: طيب. في مرة بعتله صور ليكي؟ رويدا: آه. بس والله صور عادية. مفيش فيها أي حاجة. رحاب: تمام. طيب كملي. رويدا: مش قادرة حقيقي. رحاب: طيب نامي. وبكرة نكمل كلام. رويدا: تمام. ***** تاني يوم. في أوضة سليم. موده قاعدة جنبه. وبدأ يفوق. سليم: آه. وبص جنبه. كانت موده نايمة على طرف السرير. ابتسم بتعب. وحط أيده على شعرها. قامت بخضة. موده: جدو؟ إنت كويس؟

سليم: آه الحمد لله يا حبيبتي. نايمة كده ليه؟ موده: عشان آخد بالي منك. سليم: أصيلة يا موده. بعد ده كله إنتي اللي قاعدة جنبي. موده: إنت جدي برضه. ولازم آخد بالي منك. سليم: سامحني يا بنتي. موده: طيب. بلاش كلام كتير. واهد. وحضنته. سليم: أنا عارف إني عملت حاجات كتير ليكي. بس سامحني. ندمان أوي يا بنتي. موده: خلاص يا جدو. محصلش حاجة. أنا نسيت أساسًا. وباست أيده. سليم: ربنا يحفظك ليا. فين الباقي؟

موده: طنط سهام وطنط أسماء كانوا قاعدين طول الليل هنا. بس خليتهم على الفجر يروحوا يشوفوا بيري وجاد. سليم: مالهم بيري وجاد؟ وأنا كنت فين؟ أنا حاسس إني نمت كتير أوي. آخر حاجة فاكرها لما كنت بصلي الفجر. وبعد كده مش فاكر أي حاجة. موده حكت كل حاجة. سليم: لا حول ولا قوة إلا بالله. المهم إنكم كويسين صح؟ موده: الحمد لله بخير. سليم: مين دول بقى؟ موده: مش عارفين يا جدو. سليم: خير بإذن الله. عاملة إيه مع عز؟

موده: كويسين الحمد لله. سليم: ربنا يهديكم على بعض. عز ملوش دعوة يا موده. أنا السبب في ده كله. هو كان عايز. بقولك بس أنا كنت خايف تسيبني وتمشي. أنا عارف إني كنت بحبكم حب امتلاك. يعني عايزكم تكون جنبي على طول. بس خلاص. أنا اتغيرت. عايزين تقعدوا اقعدوا. مش عايزين تقعد. ادعي ربنا إنك ترجعوا تقعدوا معانا تاني. البيت وحش من غيرك يا موده. ارجعي كلمي عز. بالله عليكي. عيشوا حياتكم. بلاش حزن وزعل. بالله عليكي.

موده: حاضر يا جدو. ويجي عز. عز: صباح الفل. عامل إيه يا جدو؟ سليم: الحمد لله يا بني. ده كله يحصل لينا يا عز. عز: العصفورة بتاعتي قالتلك. موده: هو اللي سألني. عز: تمام تمام. موده: المهم تروح البيت تجيب هدومي وتيجي. عز: أجيب الحاجة ليه؟ موده: عشان أنا هقعد مع جدو. عز: وإنتي؟ موده: آه. سليم: متروحش لوحدك. عز: قالتلك دي كمان. موده: أنا قولتلهم كل حاجة.

عز: برافو. شطورة. طيب ما تخليها تكلمني عشان وربنا بلف وراها في كل مكان. سليم: دي حاجة بينكم. وموده طيبة. وباذن الله كل حاجة هتكون خير. عز: بإذن الله. تعالي عشان عايزك. موده: قاعدة مع جدو. سليم: روحي يا بنتي مع جوزك. وابعتيلي سهام عشان أجهز وأنزل على الفطار. عز: خليك هنا يا جدو. أحسن. سليم: لا. هنزل أقعد معاكم. عز: على راحتك يا جدو. ويلا يا أخت. عندنا مدرسة. ***** في المدرسة. في فصل جاد. فيروز: هي رويدا فين؟

يارا: في الفيلا عندنا. فيروز: ليه؟ يارا: معرفش. جات إمبارح مع ماهر ورحاب وقعدت عندهم. تيا: البت دي فيها حاجة غريبة. آيات: طيب نروح نشوفها بعد المدرسة. يوسف: إحنا كده كده هنروح نشوف جاد وموسي. وكمان موده عايزة نكون كلنا هناك النهارده. الجميع: تمام. ***** بعد وقت المدرسة. كلهم قاعدين في الجنينة. يوسف: ألف سلامة عليكم يا شباب. جاد: الله يسلمكم. أنا بقيت كويس الحمد لله. أهو. مروان: الفصل ضلم من غيركم حقيقي.

موسي: حبيبي تسلم. تيا: مالك يا رويدا؟ قاعدة سرحانة ليه؟ رويدا: تعبانة شوية. موده: منورين والله. بقالنا كتير مش اتجمعنا كده. يوسف: عايزة إيه يا موده؟ موده: عايزة سلامتك يا يوسف. يوسف: تسلمي. غيث: مساء الخير. الجميع: مساء الفل. مروان: والله والله واحشنا. فينك يا عريس؟ غيث: مخطوف يا أخويا. عريس اتخطف. عز: ممكن نتكلم جد بقى؟ غيث: اتفضل. حاتم: إزاي ياخدوك؟ محدش عملك حاجة؟

غيث: وربنا ما أعرف. أنا مستغرب زي زيكم. حتى شاكك إنهم حاطين في الأكل حاجة. لحد ما الراجل اللي هناك أخد من الأكل. موسي: أصل غريبة. ليه المعاملة دي؟ غيث: أنا شاكك إن تاجر مخدرات ده عارفنا. موده: والله ما كلنا عارفين كده. عز: ده شخص عارفنا وخايفين علينا. عشان كده بس. مين؟ غيث: وليه متقوليش إنه قصده كده عشان نفكر في حد فينا؟ إنت يا ماهر؟ ماهر: بس يا بني. غيث: يبقى حاتم. آه. رائد. وعامل فيه محترم.

حاتم: لو مقعدتش ساكت هقوم أعرفك الرائد ده هيعمل إيه. غيث: حاضر. طيب. مين؟ مين؟ عز: أنا شاكك فيك. أصل... غيث: يا عم صل على النبي. ده هيكون حالي وأنا تاجر مخدرات؟ ده أنا عليا أقساط كتير. والله لسه فاضل قسط في الأجهزة الكهربائية. سيبني في حالي يا بني. ده حال تاجر مخدرات. عز: آه صح. إنت عارف تاكل؟ غيث: باكل عندكم. بس أنا في حاجة شاغلة بالي. ماهر: خير.

غيث: اللي كان عامل شكل جدكم. قال هنقعد هنا. طيب دلوقتي. إحنا هنمشي ولا هنقعد؟ الأكل عندكم حلو وببلاش. وأنا لسه عريس وصرفت كتير أوي. حاتم: امشي من هنا يا غيث. امش. عز: آه صح. هم إيه فكرتهم إننا نقعد كلنا في بيت واحد؟ غيث: أكيد عشان كلنا نكون تحت عيونهم. ماهر: صح. طيب هنعمل إيه؟ عز: و نوقف شوية يا جدعان. وبلاش لعب معاهم. غيث: أنا عايز حقي وحق مراتي. أنا اتضربت ومراتي اتضربت. أقسم بالله ما هسيبهم.

ماهر: كل حاجة هتجي بإذن الله. ورسالة توصل للشباب. يوسف: إيه ده؟ مروان بصدمة: مستحيل. ويبصوا لرويدا. رحاب: في إيه؟ جاد: لو سمحت يا رحاب ابعدي. أي الفيديو ده. رويدا: فيديو إيه؟ يوسف: الفيديو ده اتبعت لنا كلنا دلوقتي. شوفي. شوفي. رويدا تبكي: والله مش عملت حاجة. واللهم... مروان: إزاي؟ ومين اللي في الفيديو؟ ماهر: بس إنت وهو. مش عايز أسمع صوت واحد فيكم. يوسف: ردي علينا. مين اللي معاكي ده؟ ردي علينا. وإيه الفيديو المعفن ده؟

إنتي يا رويدا؟ إنتي تعملي كده؟ رويدا: والله... موده: في إيه؟ عز: شوفي الفيديو. ويأخذ الموبايل. موده: إيه ده؟ رحاب: بس يا جماعة. رويدا مش عملت حاجة. موده: تمام. بس إيه ده؟ ومين ده؟ وط موبايل رويدا يرن. مروان: ردي. شوفي مين. رويدا: حاضر. وترد. رويدا: يلهوي يلهوي! الفيديو وصل لمهدي! يلهوي يلهوي! وتطلع تجري. رحاب: رويدا اصبري. ماهر: اهدي. محدش هيعملك حاجة. جاد: ده صوت تامر. يوسف: آه. هو تامر يا رويدا.

تيا: بس يا شباب. اهدوا عشان نفهم. مروان: نفهم إيه؟ ردي علينا. رويدا: كفاية. كفاية. وتجري. والكل كان بيجري وراها. وتقف قدام باب الفيلا. لما شافت مهدي قدامها. وكان راح عندها...