رواية معلمة من الصعيد الفصل الحادي والأربعون 41 - بقلم مريم شعبان

رويدا: كفاية كفاية. تجري و الكل كان بيجري وراها. تقف قدام باب الفيلا لما شافت مهدي قدامها، وكان راح عندها. ماهر واقف قدام رويدا. ماهر: بالله اهدم. مهدي: إيه الفيديو ده؟ عز: ممكن ندخل نتكلم جوا، يلا مش عايز حد يقف هنا. يلا. ويطلعوا كلهم جناح ماهر ورحاب. مهدي: ممكن أفهم إيه ده؟ رويدا: والله ما عملت كده. ما أنت على طول بتكون قاعد معانا وعمره ما جه البيت وأنتِ مش موجودة. أقسم بالله صدقني. مهدي: طيب فهمني إيه الفيديو ده.

ويضربها بالقلم. عز: مهدي مينفعش كده. مهدي: ردي عليا، فهمني إيه الفيديو ده. ويرفع يده. ماهر: بالله سيبها، رويدا معلمتش حاجة. ده كله كدب. مهدي: إيه اللي يثبت؟ ماهر: دي بنت اختك يا مهدي، المفروض تكون واثق فيها. مهدي: الفيديو يا ماهر. الفيديو على سرير أوضته. ماهر: طيب اهد بس، أكيد في غلطة. ازاي تامر ده باعت الفيديو ولحد جزء معين؟ طيب فين الباقي؟

بنت اختك محصلش ليها حاجة. دي لعبة من تامر عشان متقوليش لحد أنه كان بيرخم عليها. بنات خدوا رويدا واطلعوا. رحاب: تمام، يلا يا بنات تعالوا نروح الجناح عند مودة. ويخرجوا. مودة: عز ممكن تيجي ثواني. عز: تمام. ويخرج. عز: نعم. مودة: بص الرسالة دي جات من يومين، وفي واحدة جديدة النهاردة. تجار المخدرات. عز: أنتِ عارفة كويس أوي. مودة: واحدة حاولتوا على طول مستحملني العصبية بتاعه عشان خاطر حد. عز: إيه ده؟ مين اللي ساقط عربي ده؟

مودة: يا بني ركز معايا. عز: مش بهزر. الكلام مكتوب غلط. مودة: وده يدل على إيه؟ عز: إيه؟ مودة: إن تاجر المخدرات دي مش مصري. عز: ليه؟ مودة: طريقته تدل على كده. وغير كده الرقم مش مصري. عز: آه. لو واحد قاصد يخلينا نفكر أنه أجنبي عشان نقعد نفكر كتير وهو مصري عادي. مودة: مش عارفة حقيقي. عز: طيب نقفل كلام دلوقتي لحد ما نشوف حل لموضوع رويدا. مودة: خير بإذن الله. أنا رايحة عندهم. عز: تمام. يلا. *** في جناح مودة وعز.

بيري: في صوتكم عالي كده ليه؟ رحاب: مفيش يا بنتي، ارتاحي انتِ. بيري: حد يعرف ينام في البيت ده، عاملين دوشة. مالك يا رويدا؟ مودة: ادخلوا يا بنات مع رويدا الأوضة دي. يارا: تعالي يا حبيبتي. ويدخلوا. بيري: في إيه؟ أنا مش فاهمة حاجة. رحاب: هقولك. وحكت لها. بيري: الحيوان! أنا أساساً مكنتش بثق فيه. مش عارفة ليه جدو سايب الأشكال دي. مودة: جدو لازم يعرف. الشخص ده لازم يمشي. ده كلمني امبارح على يارا.

رحاب: يارا وإزاي متقوليش حاجة زي كده؟ مودة: ما هي... زهرة: لازم جدو يعرف. بيري: انزلي انتِ يا مودة. مودة: تمام. *** في أوضة سليمان. سليمان: إيه يا مودة، بقالك ساعة قاعدة تتكلمي. مودة: جدو، هقول لحضرتك حاجة خاصة بمستر تامر. سليمان: ماله ده كمان؟ مودة حكت كل حاجة عن رويدا ويارا. سليمان: وإزاي تسكتوا؟ محدش قال ليه؟ فين رويدا؟ مودة: فوق يا جدو.

سليمان: تمام. من بكرة تامر هيمشي ويسيب المدرسة. أنا كنت سايبه عشان خاطر والده، إنما لما تواصل لكده مستحيل يقعد تاني. مودة: بس إحنا دلوقتي عايزين نثبت إن محصلش حاجة. سليمان: خير بإذن الله. أنا هتصرف معاه الكلب ده. وكلام بينا يا مودة، أنا شاكك في الواد ده أساساً. مودة بصدمة: شاكك في إيه يا جدو؟ سليمان: إن يكون تبع تجار المخدرات دول. مودة بصدمة: ممكن بس ليه؟

سليمان: مش عارف حقيقي. بس شاكك فيه. واحد بيعمل كده في بنات صغيرين هيكون إيه يعني؟ مودة: هو حضرتك صبرت عليه ليه؟ سليمان: عشان والده زميل ليا، راجل طيب. أقسم بالله مش عارف ده ابنه إزاي. مودة: ربنا يهديه ويبعده عن بنات الناس. سليمان: اللهم آمين. يلا تعالي نروح عند رويدا. مودة: يلا يا جدو. *** في جناح ماهر ورحاب. مهدي: أعمل إيه لما تيجي اختي أقولها معرفتش أحافظ على بنتك؟ أقول إيه بس.

عز: اهد يا مهدي، أنت ملكش ذنب. كلنا معاك وهنجيب تامر ده ونعرف الحقيقة. مهدي: بفكر نروح دكتور نطمن. ماهر: لا لا، عشان يعني البنت صغيرة. لو راحت دكتور دلوقتي هتفضل هتكون ذكريات مش لطيفة ليها. إحنا هنتصرف لوحدنا. مهدي: تمام. لازم نتصرف قبل ما الحيوان ده ينشر الفيديوهات. عز: متخافيش. هو مش هيعمل كده. هو بعتلكم انتوا بس. وخير اللهم. مهدي: يارب. أعمل إيه؟ أعمل إيه؟ أنا مش قادر بجد. غيث: صل على النبي يا مهدي.

مهدي: عليه الصلاة والسلام. حاتم: دلوقتي انت لازم تروح لبنت اختك. لازم تكون جنبه. مهدي: مش قادر. غيث: مهدي، ظاهر أوي في الفيديو أنها مكنتيش في وعيها. ركزوا كده يا جماعة معايا. ماهر: تصدق صح. غيث: وإشمعنى لما يجي في الجزء اللي يقرب ويقفل ليه؟ محترم أوي. مهدي: يعني قصدك لعبة منه؟ غيث: آه. ما إحنا بنقول إيه من الصبح. افهم. خده يا عز وروحوا شوفوا رويدا. عز: تمام. يلا يا مهدي. تعال اتفضل. ويمشوا.

غيث: ماهر، أنت مش عايزها يروحوا للدكتور ليه؟ ماهر: عادي يعني زي ما قلت. حاتم: كلامك ده مش بيدخل في دماغنا. انتوا روحتوا لدكتور؟ ماهر: لا. حاتم: واقفلوا كلام في الموضوع ده. غيث: يا ماهر، إحنا عايزين نساعد. قولنا الحقيقة عشان نقدر نفهم أم الموضوع ده. ماهر: آه. روحنا. حاتم: طيب وإيه؟ ماهر: بيأكد كلام اللي في الفيديو. غيث: أنت متأكد؟ ماهر: آه. حاتم: هنعمل إيه دلوقتي؟ غيث: خير بإذن الله. أكيد في حل. ماهر: أكيد. ***

في جناح مودة وعز. رويدا قاعدة والبنات حولها وبتعيط. تيا: طيب افتكري كده أي حاجة. رويدا: بالله يا تيا مش ناقصة. فيروز: اهدي كده، افتكري بجد. يمكن يعني حصل. رويدا: بس بقى، بس. سُغرام: خلاص، اهدي بس يا بنات دلوقتي. تيا: قولتلك مليون مرة يا رويدا تامر ده مش كويس. أنتِ اللي مصممة أنه كويس. يارا: تيا، ده مش وقته. تيا: ما امتى وقته؟ آه امتى وقته؟ لما يحصل أي تاني. فوقي بقى يا رويدا، فوقي لنفسك.

رويدا: بتقولي ليا أنا الكلام ده؟ ما تقولي لنفسك بدل ما انتِ قاعدة على التيك توك ليل ونهار بتعملي فيديوهات وإعلانات مضروبة. أنتِ بفيديو واحد هتروحي في داهية يا تيا. تيا: على الأقل محدش ضحك عليا بكلمتين وماسك عليا فضيحة. رويدا: شكراً يا تيا، شكراً. فيروز: بس انتوا الاتنين. تيا: في إيه؟ تيا: شوفها هي. أنا مش اتكلمت. فيروز: ما شاء الله. يارا: خلاص بقى، إحنا أصحاب وعايزين نشوف حل في أم الموضوع ده. إيه هنعمل في بعض كده؟

تيا: أنا آسفة يا رويدا، أنا خايفة عليكي. وتروح تحضنها. رويدا بعياط: أنا ضيعت حياتي بإيدي يا تيا. أنا بوظت كل حاجة. تيا: طيب اهدي، خير بإذن الله. كل حاجة هتكون كويسة. رويدا: يارب، يارب. والباب يخبط. رحاب: بنات، مهدي عايز يدخل لرويدا. يلا بينوا. رويدا بخوف: بلاش. فيروز: متخافيش يا رويدا، خالك بيحبك. يلا يا بنات. ويخرجوا. ويدخل مهدي. رويدا تبصله بدموع وخوف. رويدا: والله ما عملت حاجة. راح أقعد جنبها. تبعد عنه.

مهدي: متخافيش، مش هعملك حاجة. رويدا: والله مستحيل أعمل كده يا مهدي. مهدي: ما إيه الفيديو ده؟ رويدا: والله ما أعرف. أنا، أنا مش فاكرة أي حاجة. مهدي: طيب بطلي عياط. أنا متأكد. أنا كمان عمري ما سبتكم لوحدكم. رويدا: طيب اهو حصل. إزاي والفيديو في أوضتي؟ مهدي بعصبية: مش عارف، مش عارف. قولتلك مليون مرة بلاش الزفت ده يدخل بيتنا. أنا مش مرتاح. بس إزاي لازم تكسري كلامي؟ لازم.

رويدا تبعد عنه بخوف. والباب يخبط ويدخل سليمان ومودة. سليمان: إيه يا ابني بتزعق كده ليه؟ مهدي: مفيش يا حاج، عادي. سليمان: لو زعقتلها كده تاني مش هيحصل طيب. رويدا قومي يا بابا، قومي يا حبيبتي. حقك هرجع وأقسم بالله هجبلك حقك من الزفت تامر. قومي كده يلا، متخافيش، أنا معاكي وجنبك. قومي كفاية عياط. وأنت يا مهدي لو زعقت كده تاني مش هيحصل طيب، فاهم ولا لا؟ مهدي: إحنا في مصيبة يا حاج.

سليمان: وأنا همسك الموضوع ده. تامر ده هعرف أتصرف معاه كويس. يلا يا حبيبتي قومي عشان تأكلي. وافضلوا كلكم جنبها. رويدا هتفضل عندي هنا الفترة دي. مهدي: لا يا حاج، تسلم، هترجع بيتها. سليمان: هتفضل هنا، قولت كلمتي. وتعالى ورايا على مكتبي يلا. مهدي: حاضر. سليمان: يلا يا حبيبتي قومي عشان تأكلي مع أخواتك. رويدا: مش عايزة. سليمان: لا، إزاي؟

قومي كده، استعني بالله. حقك هرجع، قومي يلا، متشلش هم. خير بإذن الله. يلا يا بابا، يلا يا مودة، خدي رويدا وخليها تاكل وافضلوا كلكم جنبها. مودة: يلا بقى، هنموت من الجوع. سليمان: بسرعة قبل ما ياكلونا. متعرفيش دول لما يكونوا جعانين بيعملوا إيه. يلا. *** في المساء، في جناح مودة وعز. في البلكونة، مودة واقفة سرحانة. عز: سرحانة في إيه؟ مودة: حاجات كتير. عز: زي إيه؟

مودة: أنا من ساعة ما نزلت القاهرة وبيحصل حاجات كتير وأنا مش قدها. عز: ليه؟ مودة: اللعبة كبرت أوي يا عز. إحنا دخلنا في حوارات كتير أوي وإحنا أساساً ماليش دعوة. عز: مالكش دعوة إزاي؟ مودة: يعني المخدرات، حاتم اللي المفروض يمسك الموضوع ده مش إحنا. عز: إيه الاستسلام اللي بدري أوي ده؟ مودة: مش استسلام، بس تعبت. بعد اللي شوفته اليومين اللي فاتوا عرفت إن حياتي في خطر.

عز: حياتك في خطر قصدك إنك بتعملي الصح ولا تكوني في أمانة وتشوفي كل يوم حد يموت وأنتِ ممكن توصلي للحقيقة؟ مودة: أنا فشلت يا عز. أنا مش قادرة أوصل لحاجة. مش عارفة إزاي. أنا لما بمسك موضوع مش بسكت لغير لما أعرف كل حاجة عنه. مش عارفة في إيه. عز: عشان ده مش موضوع عادي. وأنتِ كان في مليون حاجة في دماغك. مشاكل الشباب والبنات وتجار المخدرات دول. مودة: آه. مشاكل الشباب والبنات. شكلنا مش هنخلص. البنت طلعت بتحب المدرس بتاعها.

عز: أنتِ مش لاحظتي أي حاجة يا مودة قبل كده؟ مودة: لاحظت أنا وبيري كتير إنها بتقف معاه كتير. بس قولنا يمكن بتسأل حاجة. بس أول مرة أعرف إنه كان بيجي عندهم البيت عشان درس. عز: ربنا يسترها بإذن الله. بس مستغرب إزاي رويدا قدرت تثق فيه بسرعة.

مودة: اللي زي تامر ده بيلعب على قلب البنت. والظاهر إن رويدا معجبة بيه من زمان وصدقت إنه قالها بحبك. وبدأوا يقربوا من بعض. بس واثقة إن مفيش حاجة حصلت بردو. رويدا حتى لو غلطت غلط صعب، مستحيل تعمل كده. عز: أنا واثق من رويدا بردو. وبإذن الله في حل أكيد. بس أنتِ لازم تكوني قوية. أنتِ اللي هتمسكي الموضوع ده. مودة: نعم؟ إزاي؟ عز: هتنجحي. أنا متأكد إنك تقدري. مودة: هحاول. عز: أنتِ قدها يا حبيبي. ***

في المدرسة تاني يوم، في مكتب سليمان. تامر: حضرتك عايزني؟ سليمان: تاخد حاجتك وتمشي من المدرسة. تامر: ليه يا أستاذ سليمان؟ أنا عملت حاجة. سليمان: أنت عارف كويس انت عملت إيه. أنت مرفوض. وبقيت كلامي مع والدك. تامر: أنا مش فاهم حاجة. سليمان: خلي الفيديو يفهمك. اطلع برة المدرسة يا كلب. أنا غلطان إني وثقت في واحد زيك يا كلب. كلامي مع والدك. اطلع برة. أنت عار على المدرسة وعلى المجتمع كله. تامر: هتندم يا سليمان، هتندم جداً.

ويمشي. سليمان: هتندم يا سليمان. ما هي دي التربية الزبالة. سليمان كده من غير مستر أو أستاذ أو حاج؟ كلب. يلا، خلصنا منه. وييجي عز. عز: جدو. سليمان: نعم. عز: في تفتيش تحت. سليمان: تفتيش ليه؟ حاتم: متخافيش يا حاج، ده تفتيش مفاجأة كده. سليمان: ليه يا بني؟ حاتم: يا جدو، ما أنت عارف إن المدرسة من القايمة. سليمان: آه. تمام. اتفضل. *** في فصل جاد. تيا: فكي بقى يا رويدا، فكي. رويدا: أنا مكنتش عايزة أجي النهاردة. فيروز: ليه؟

إن شاء الله. ويدخل تامر الفصل ويروح عند رويدا ويمسكها. تامر: قولت لهم صح؟ ارتاحتي كده؟ تمام يا رويدا، هتشوفي أيام ماشية. جاد: ابعد ايديك عنه. تامر: ابعد يا بني، أنتِ. يوسف: لا، محدش هيبعد. إيه انت فاكر نفسك مين؟ هتندم أوي يا تامر. تامر: أنت إزاي تكلمني كده؟ أنت نسيت إني المستر بتاعكم؟ موسى: ده كان زمان، زمان. إنما أنت دلوقتي مجرد واحد مش مهم. أقول لفظ وحش يعني. أنت مالكش علاقة بالتربية عشان أنت محتاج تربية من الأول.

تامر: لا، كده كتير. وكان رايح يضرب موسى. يوسف يزقه: لا، تقف عندك. أقسم بالله ما تقدر تقرب لواحد فينا. أمجد: لو فكرت تاني تمسك رويدا كده مش هيحصل. طيب. وائل: امشي من هنا دلوقتي بدل ما تروح بيتكم متكسر. ماهر: في إيه هنا؟ جاد: تعال يا ماهر، شوف الأشكال دي. جاي يتهجم علينا ويضرب رويدا. ماهر يمسك تامر من هدومه. ماهر: أنت عايز إيه بالظبط؟ آه. ويضربه. الكل يجي على الصوت. حاتم: ماهر، إيه؟

ماهر: سيبني يا حاتم. الحيوان ده لازم يموت. سليمان: سيبه يا ماهر. أنت تقعد لحد دلوقتي ليه؟ يلا من هنا. تامر: والله هتندموا كلكم. ماشي. ويمشي. عز: أنتِ كويسة يا رويدا؟ رويدا: آه. سليمان: يلا اقعدوا. متخافيش يا حبيبتي. أنا مشيته من المدرسة كله. ماهر: أحسن أشكال... رحاب: الألفاظ يا أستاذ ماهر، الألفاظ. ماهر: متعصب. رحاب: طيب، تعال استهد بالله. عز: فين مودة؟ رحاب: في مكتبها. عز: غريبة. مجتيش على الصوت؟ فضول مراتي راح.

رحاب: عندها شغل. قولت لها هروح أشوف في إيه وأجي. عز: تمام. هروح أشوف مراتي. حاتم: روح يا أخوي، روح. جدعان، هو المفروض الجمعة الجاي كتب الكتاب. سليمان: المفروض يا بومة. حاتم: بومة؟ أنا بومة. ماهر: غراب. جاد بضحك: كتب كتابك. فقر من ساعة ما قولنا كتب كتابك يوم كذا وبيحصل مصايب. حاتم: الله! أنا مالي؟ أنتوا اللي عيلة فقرة. سليمان: احترام نفسكم. موسى: أنت جاي هنا ليه؟

حاتم: عندنا تحقيق عشان عايز أخلص من أم القضية دي. أنا عريس يا جدع. سليمان: طيب يلا روح شوف شغلك. حاتم: تمام. *** فيلا سليمان. عند غيث وبيري. غيث: هو إحنا هنفضل قاعدين هنا كتير؟ بيري: إحنا بقالنا تلات أيام بس. غيث: بردو مش المفروض إننا لسه متجوزين وعايزين نخرج ونسهر؟ بيري: هل أنت عندك دم؟ أنا مضروبة على دماغي وأنت عايز تخرج. غيث: ما أنا مضروب في جنبي والدنيا عادي. الصراحة بقى، أنا زهقت من القاعدة دي. بيري: عايز إيه؟

غيث: عايز أروح بيتنا. إيه بقية؟ بيري: سيبني عند أهلي شوية. غيث: لا، ما إحنا مش مسافرين. إحنا جنبهم. يا ماما لو ناسية. بيري: طيب الأسبوع ده ونروح. كده كده بعد خمس أيام كتب كتاب زهراء. غيث: هو أنتِ مش عايزة تروحي البيت ليه؟ بيري: عادي يا غيث، مفيش حاجة. غيث: أنتِ خايفة مني؟ بيري: لا. بس أنا مرتاحة هنا. غيث: تمام يا بيري، براحتك. اهو خمس أيام ويخلصوا وبعد كده نروح بيتنا.

بيري: بإذن الله. أنا هروح أشوف زهراء عشان بتجهز حاجتها. غيث: تمام. اتفضلي. بس أنتِ خايفة مني كده ليه؟ بيري: قولت مش خايفة. غيث: بلاش كذب. بس براحتك. اهو قاعد برخم عليهم في البيت. أنا أقوم أروح عند أهلي. بيري: طيب خليها بكرة وأروح معك. غيث: تمام يا حبيبي. *** في القسم عند حاتم. حاتم: مفيش أي حاجة. المدرسة: أكيد عرفوا إنكم رايحين. حاتم: طيب هعرفوا إزاي وإحنا روحنا فجأة؟ طيب حد مرقبنا؟

إحنا قولنا يوم وروحنا يوم تاني خالص. المدرسة: مش عارف يا حاتم، بس في حاجة غلط. ما يمكن الشخص ده شافكم وشال الحاجة. حاتم: ويمكن الحاجة مش موجودة في المدرسة أساساً. المدرسة: ممكن بردو. صح. في أخبار جديدة عن الولد اللي مات في المدرسة؟ حاتم: آخر مرة كلمت أهله قالوا مفيش أي حاجة جديدة. وهم متأكدين إن ده مش ابنهم. المدرسة: طيب إيه يا حاتم؟ هتفضل مليون سنة في الموضوع ده؟ عايزين نخلص شوية تجار زي دول. مش عارف تخلص عليهم.

حاتم: يا فندم، أنا أقدر طبعاً. بس كل حاجة بالعقل. حضرتك ناسي إن أهلي في المدرسة، يعني أي حاجة هتجي عليهم. المدرسة: خير بإذن الله. وزي ما قولتلك، كتب كتابك يكون على الضيق. مش عايزين مشاكل. حاتم بضيق: إن شاء الله. *** في أوضة زهراء. زهراء: كل حاجة تمام الحمد لله. وموبايلها يرن، وكان حاتم. زهراء: غريبة، من امتى بيكلمني؟ بس أرد. زهراء: السلام عليكم. حاتم: وعليكم السلام. عاملة إيه؟ زهراء: الحمد لله بخير. وأنت؟

حاتم: أدام الله حمدك بخير الحمد لله. عايزك في موضوع مهم. زهراء: اتفضل. حاتم: احم. زهراء، إحنا مش لازم نعمل كتب كتاب كبير. زهراء: نعم؟ ليه؟ حاتم: يعني في خطر علينا دلوقتي. زهراء: بس أنا جهزت كل حاجة يا حاتم. وبعت الدعوات للناس وصحابي. طيب الخطوبة عملت على الضيق، كتب الكتاب كمان؟ يا حاتم، أنا مستنية اليوم ده بقالي كتير. كل حاجة تبوظ عشان القضية بتاعتك. حاتم: طيب أعمل إيه أنا يا زهراء؟

بحاول أتصرف وحاولت كتير. يا إما نلغي كتب الكتاب، يا إما يتعمل على الضيق بين الأهل فقط. زهراء: بين الأهل إزاي يعني؟ حاتم: يعني نكتب في هدوء. زهراء: بدون أناشيد ومكياج وفستان؟ حاتم: اعملي ده كله في الفرح. زهراء: يتلغي أحسن يا حاتم. أنا عايزة أفرح. حاتم: تمام. اللي أنتِ عايزاه. أنا هكلم جدو وعمو نبيل أقولهم. زهراء: تمام. وتقفل. وتيجي بيري. بيري: عروستنا القمر. إيه ده؟ مالك؟ زهراء: أنا لغيت كتب الكتاب. بيري: نعم؟ ليه؟

زهراء حكت لبيري. بيري: ليه بس يا زهراء؟ ما كنت مشيتي الدنيا؟ زهراء: أنا عايزة أفرح يا بيري مع صحابي وأهلي وأعمل هيصة. ليه أكتب بهدوء ودون أناشيد؟ ليه؟ يتكسر فرحتي. بيري: عشان إحنا في ظروف دلوقتي ولازم نعدي الدنيا. زهراء: عادي يتلغي. إحنا مخطوبين من فترة صغيرة أساساً وهو موافق. بيري: بس عمو كان عايز يفرح بيكي يا زهراء. زهراء: وأنا أعمل إيه يعني؟

أنا مش هكتب كتابي كده. تعرفي لو قالي يكون بين الأهل فقط وأشغل أناشيد وأرقص وأعزم صحابي، لا، ده عايز نكتب ونقعد بعد كده خلاص. بيري: طيب، اهدي. أكيد خير. زهراء: الحمد لله. *** في المساء، في بيت صابر. صابر: أنت غلطان طبعاً. مفيش بنت في الدنيا هتوافق تكتب كتابها في الهدوء بتاعك كده. حاتم: طيب أنا أعمل إيه؟ هيام: اتصرف يا حاتم. مش هيحصل حاجة يعني مش للدرجة. حاتم: أنا تعبت. دي أوامر اللواء.

حسناء: هو اللواء هو اللي هيتجوز ولا أنت؟ ما تفكر يا بني. البنت من حقها تفرح. وربنا يسترها اليوم ده. مش هيحصل حاجة. ما أنت مليون مرة تمسك قضية كبيرة، إشمعنى المرة دي يعني؟ حاتم: عشان المرة دي مش زي أي مرة. المرة دي هما فيا كلهم وأنا تعبت. مش قادر بجد. أعمل إيه ولا إيه؟ صابر: يا حاتم يا ابني، كلم خطيبتك وقولها كتب الكتاب في معاده عادي وزي ما هي عايزة. ومتزعليش منها. هي عايزة تفرح.

حاتم: والله مش زعلان منها. أنا متضايق. مش عارف أعمل إيه. هيام: طيب بص، نخليها بين الأهل والصحاب والجيران فقط، وتلبس فستان وتحط مكياج وأناشيد. اهو. حاتم: هو حضرتك عملتي حاجة جديدة كده؟ هيام: بطل تريقة. حاتم: أمي بالله أنا تعبان. لوحدي. هيام: أنا غلطانة إني بقولك أساساً. كتب الكتاب في معاده. خلينا نفرح. حاتم: تمام. هكلمها. صابر: قوم يا بني. ربنا يهديك. *** سهام: يعني إيه يتلغي؟ وإزاي؟ هو مش يكلم جدك أو أبوك؟

زهراء: كان بياخد رأي. سهام: هو لعب عيال يا زهراء. زهراء: أنا مش هكتب كده يا ماما. أنا عايزة أفرح. سهام: حقك يا بنتي. مقولتيش حاجة. بس ترجعوا لينا الأول. زهراء: طيب أعمل إيه أنا دلوقتي؟ سهام: مش عارفة. لما يرجع أبوكي نشوف الموضوع ده. زهراء: تمام. وموبايلها يرن. زهراء: ده حاتم. سهام: ردي. زهراء: تمام. السلام عليكم. حاتم: وعليكم السلام. عاملة إيه؟ زهراء: كويسة الحمد لله. حاتم: لسه زعلانة؟

زهراء: أنا زعلانة أساساً. عادي. قدر الله وما شاء فعل. حاتم: الحمد لله. طيب يا عروسة، حضري نفسك عشان كتب كتابك في معاده عادي. زهراء: أنت مجنون. حاتم بضحك: نعم؟ زهراء: لا بجد. أنت الصبح تكلمني تقولي يا كذا يا نلغي. ودلوقتي تقوله في معاده. سهام بفرحة: في معاده. الحمد لله يارب. زهراء: اصبري يا ماما. رد عليا. حاتم: مكنتيش عايز أزعلك. أعمل إيه تاني؟ زهراء: متعمليش. يلا سلام بقى. حاتم: تمام. سلام. ويقفله.

سهام: بتقفلي معاه كده ليه؟ زهراء: ما أقول إيه يعني؟ سهام: أي حاجة. خلي الواد يحس إنك بتحبيه. زهراء: حاتم قالي مفيش أي كلام رومانسي غير بعد كتب الكتاب يا ماما. كلامنا كله في حدود. حتى لو مخطوبين، إحنا ماشيين بضوابط الخطوبة. سهام: ربنا يهديكم ونخلص من الخطوبة دي عشان أنا تعبت منكم. زهراء: الله يا ماما. سهام: ده آخر كلام ولا في تغير تاني؟ زهراء: لا. بإذن الله. أقوم أشوف الفستان بقى. وتجري.

سهام: ربنا يكمل فرحتك على خير يا بنتي. *** في جناح عز ومودة. عز: مودة، مودة. مودة: نعم. عايز إيه؟ عز: بصي كده. ويمد علبة. مودة: إيه ده؟ عز: افتحي وشوفي. مودة فتحت لقيت خاتم دهب. مودة: إيه ده؟ عز: إيه؟ مودة: والله. عز: أنتِ شايفة إيه؟ مودة: خاتم. بس إيه المناسبة؟ عز: من غير مناسبة. لازم مناسبة عشان أجيب هدية لحبيبتي. مودة: تمام. شكراً. عز: إيه؟ شكراً دي؟ مودة: تسلم يا سيدي. أقول إيه يعني. عز: شوفتي طريقتك إزاي؟

وأنا بحاول أقرب والدنيا تمشي. مودة: طيب أنا آسفة. شكراً. عجبني. عز: العفو. أنا غلطان أساساً. مودة: يا عم بلاش زهق بقى. قولتلك عجبني. عز: ماشي يا مودة. مبارك عليكي. ويدخل البلكونة. مودة: هو زعلان ليه؟ الله. ما قولت عجبني. ما ردي بردو رخمة. ويدخل عز. عز: أنا نازل. مودة: رايح فين؟ عز: أي داهية. مودة: لا، بعد الشر عليك. تعال اقعد بس. عز: عايزة إيه؟ مودة: أنا آسفة. مكنتش أقصد أزعلك. بس عجبني بجد. عز: مبارك عليكي.

مودة: أقعد بقى وبطل رخامة. عز: نعم. مودة: يا عز، أنا مش قادرة أسامحك. عز: آه. سامحتي الكل وأنا لا. بتتكلمي والدك عادي وجدو بردو. إنما أنا؟ مودة: عشان أنت غيرهم. أنت المفروض مش تخبي عني حاجة. عز: وأنا قولتلك كنت هقولك. أعمل إيه تاني؟ مودة، أنا بقالي كتير بحاول معاكي. ولسه هحاول تاني. مش هستسلم. بس بالله سيبني. كل ما أحاول أنتِ تبعديني بطريقتك دي. مودة: لما نشوف يا عز. عز: طيب. مودة: طيب، آه. عايز إيه؟ عز: ناكل. جعان.

مودة: أنت مش لسه كنت بتاكل؟ عز: جوعت تاني. مودة: اللهم. مودة: تاكل إيه؟ عز: أي حاجة من إيديك. مودة: هعمل إندومي. عز: لا. مودة: طيب المطبخ قدامك. اعمل اللي أنت عايزه. وييجي رسالة لعز. مودة: مين؟ عز: أنتِ مالك؟ وبطلي فضول. مودة: بتكلم مين من ورايا يا عز؟ عز: يا شيخة اتنيل. مودة: افتح الرسالة قدامي. عز: يا ستي خدي الموبايل كله. ده ماهر بيقولي أنا نازل أجيب حاجات لرحاب. عايزين حاجة أنتِ ومودة؟

مودة: آه. أنا عايزة شوكولاتة. إيه ده؟ أنتِ بتكتب إيه؟ عز: عايزين سلامتك. تسلم يا أخويا. مودة: أنا عايزة شوكولاتة. عز: انزلي أنتِ هاتيها بقى. مودة: أنت رخمة أقسم بالله. وتزقه. عز يمسك إيديها: مودة، أنا آه بهزر معاكي وأضحك. بس إيديك لو اتمدت، أنتِ هكسرها. فاهمة ولا لا؟ مودة: عز، أنا بهزر. أنا مش قصدي حاجة. عز بضحك: آه مش قادر. جبانة. أقسم بالله مجرد ما اتكلمت بجمود وجد خوفتي.

مودة: أنت رخمة والله. اتضخيت. قولت ما كنت كويس. عز حضنها: بحبك. مودة: بقالك كتير مش بتقولي بحبك. مودة: أنا سايبة الهدوم على النار. عز: هدوم على النار؟ مش هتهربي يا مودة. مودة: آه، أهرب إيه بس؟ ابعد عيب كده. مش كنت عايز تاكل؟ عز: آه. مودة: تعال ورايا نعمل الأكل. عز: حاضر يا فندم. *** في أوضة بيري. غيث: أنتِ نزلتي من عند عز ومودة ليه؟ بيري: المفروض نكون عندنا دم؟ سيبهم براحتهم. أكيد مودة عايزة تقعد بشعرها وكده.

غيث: والهانم بتحس بالناس. بس ومش بتحسي بجوزك؟ بيري: جوزي لو متضايق كان قعد في مكان. مش كل شوية بيجيبوه من عند حد. غيث: تعرفي أنا نفسي أعمل إيه دلوقتي؟ بيري بابتسامة: إيه؟ غيث: أعضك من دماغك. بيري بصدمة: نعم؟ غيث: أبوظ دماغك أكتر ما هي كده. بيري: اطلع برة. وتحدف عليه المخدة. غيث: صل على النبي. بيري: عليه الصلاة والسلام. بس اطلع برة بردو. غيث: ما أنتِ اللي هبلة. عاملة دوشة. بيري: أنا أحلف. غيث: بحبك. بيري: وأنا كمان.

غيث: تاكلي؟ بيري: ياريت تنزل تجيب أي حلويات. غيث: حاضر يا آخرة صبري. والفون بتاعه يرن. غيث: ده ماهر باعت رسالة. ويشوفها. غيث: والله ابن أصول الواد ده. بيري: في إيه؟ غيث: بيسألني لو عايزين حاجة عشان هو نازل. بيري: طيب خليه يجيب حلويات ليا. غيث: لا، هنزل أنا. بيري: طالما هو نازل، بلاش تنزل عشان أنت لسه تعبان. غيث: تمام. ماشي. هروح أقول لماهر عايز إيه وأجيب. بيري: هاتلي إندومي. غيث: بس يا حبيبتي. بس يا ماما.

بيري: بالله عليك. غيث: إنسي يلا. أنا هنزل وهروح أتمشى مع ماهر بدل القاعدة. ويخرج. بيري: هاتلي الإندومي يا واد رخمة. *** في جناح مودة وعز. في المطبخ. مودة: اطلع برة. عز: الله! أنا اتكلمت. مودة: بوظت الأكل. عز: مودة، فوقي. أنتِ بتعملي بطاطس. مودة: بردو. وبطل رخامة. عز: يارب الصبر من عندك عشان مش مستحمل. مودة: طلقني حالاً. عز: نفسي. و اللهم. مودة: أنا كرهت إني حبيتك.

عز: وأنا مش حبيتك أساساً. بما إني موجوع قلبي. يلا نعلي على بعض من لقطات المسلسلات دي. مودة بضحك: يا بني، اهمد بقى. عز: والله بحبك. مودة: تمام يا سيدي. عز: كفاية حزن بقى يا مودة. بالله تيجي نبدأ صفحة جديدة. مودة: مش هتخبي عليا حاجة. عز: أقسم بالله. مودة: أوعدني. عز يمسك إيديها: أوعدك يا حبيبتي. مودة: تمام. نبدأ صفحة جديدة. بس بشرط. عز: اتفضلي يا فندم. مودة: نفضل زي ما إحنا كده لحد ما تثبت إنك قد الثقة بتاعتي دي.

عز: تمام يا حبيبتي. بحبك. مودة: إيه الريحة دي؟ عز: ريحة إيه؟ مودة: البطاطس. يلهوي. عز: حريقة، حريقة. مودة: عشان العشق الممنوع بتاعك ده ينفعك يا عز. هنموت. عز: يا بنتي ابعدي عشان أطفئ النار. بس الحمد لله. مودة: آه، كنا هنموت. يا زفت. عز: زفت في عينك يا محترمة. مودة: محترمة غصب عنك. عز: بتكلم مع واحد صاحبي مش مراتي. مودة: ما أنت اللي بتعصبني. عز: أنا غلطان أساساً إني واقف. مودة: بظبط. غلطان. يلا برة.

عز: الواحد بيتجوز عشان يعيش الحياة الهادئة الرومانسية مع مراته. إنما أنا متجوزة راديوم. مودة: بس يا بابا. بس يا حبيبي. عز: آه. كلمة حبيبي منك حلوة أوي. مودة: حبك برص. يلا برة. كفاية البطاطس اللي اتحرقت. عز: لا خلاص. ما أنا شبعت. مودة: شبعت. وتمسك السكين. عز: لا، اهدي كده. ونزلي السلاح. يطول. مودة: يعني واقفين بقالنا ساعة هنا، حرقنا الأكل واتخانقنا. وفي الآخر امشي من قدامي دلوقتي. عز: أحبك وأنتِ متعصبة كده.

مودة: حبيبي. بس دلوقتي بقى زي الشاطر كده تنظف المطبخ وتخلص عشان ده كله بسببك. عز: لا، أنتِ كده أخدتي عليا. مودة: تخلص المطبخ يا حبيبي. يلا، تصبح على خير. وتخرج. عز: يا بنت. مودة: اشتمي. عز: اطلعي برة عشان أقدر أخلص. مودة: لا خلاص. متعمليش حاجة. هعمله أنا. عز: نعمل سوا. مودة: نعمل سوا. يلا بينا. *** تاني يوم، في جناح ماهر ورحاب. رحاب: بردو مش عايزة تأكلي؟ رويدا: مش قادرة. رحاب: مش هينفع كده. لازم تأكلي.

رويدا: والله مش جعانة. بيري: مالك يا رويدا يا حبيبتي؟ فيكي إيه؟ رويدا: أنا خايفة أوي. خايفة ينشر الفيديوهات. رحاب: متخافيش. محدش هيقدر يعمل كده. رويدا: طيب الدكتور بيقول إن حصل. إزاي؟ زهراء: افتكري كده يا رويدا، حصل إزاي؟ رويدا: أنا معرفش إيه اللي حصل. هو كان بيجي عادي، بس ده حصل إزاي؟ مش فاكرة. هو كان بيجي على طول معاه هدية. زهراء: عبارة عن إيه الهدية؟

رويدا: عادي. مرة كان جايب اكسسوارات، مرة مكياج ليا، مرة شوكولاتة. شوكولاتة، شوكولاتة. كان جايب مرة شوكولاتة وصمم إني آكلها. أنا ومهدي. يبقى ده حصل في الوقت ده؟ يلهوي. حصل يعني حصل. بيري: اهدي بس. إحنا كده عرفنا السبب. الشوكولاتة. بس متخافيش. مفيش حاجة حصلت. تامر حتى لو قذر مش هيعمل كده. رويدا: طيب الدكتور؟ زهراء: هنشوف دكتور تاني. وتدخل مودة. مودة: جري. مودة: إيه؟ مودة: أنتوا قاعدين هنا والدنيا مقلوبة؟

في مصيبة وأنتم قاعدين كده؟ بيري: بسم الله. في إيه؟ مودة: الاندومي زاد جنية. زهراء: حسب الله. رحاب: يا شيخة ادعي عليكِ. مودة بضحك: بهزر معاكم. لقيتكم قاعدين جد. قولت أهزر. مالك يا رويدا يا حبيبتي؟ يلا فكي كده. يحرق تامر يا شيخة. رحاب: بصي يا رويدا يا حبيبتي. عايزين نتكلم معاكي كأخواتك الكبار.

مودة: آه. أنتِ غلط يا رويدا. مش قصدي غلط على الفيديو. أنتِ غلط إنك حبيتي واحد أكبر منك ودخلتي في علاقة حرام. حتى لو كلام فقط. غلطانة إنك سلمتي نفسك للحيوان ده. حتى لو كلام فقط.

رويدا: أنا كنت مش عارفة إيه اللي عايزاه. أنا ما صدقت إني أحب. وأنا طول عمري قاعدة لوحدي. محدش جنبي يعلمني الغلط من الصح. يعني أنا عايشة حياة رفاهية، بسهر وأخرج براحتي. محدش يقولي رايحة فين. لحد ما مهدي جاي وبدأ يظبط الدنيا شوية. وممنوع الخروج في وقت كذا. مفيش خروج مع شباب غير صحابنا بس. بعد إيه؟ بعد ما كنت اتعلقت بتامر. هو من البداية كان بيعملني حلو. وأنا شكلي ما صدقت.

رحاب: طيب اهدي بس. كلنا بنغلط يا رويدا. بس المهم نتعلم من الغلط ده ونفهم بقى. كلام بحدود مع شباب. تصبري وتقعدي لحد ما يجي ابن الحلال. رويدا: وهيجي إزاي بعد ده كله؟ زهراء: يا حبيبتي، أنتِ كويسة. مش فيكي حاجة. الفيديو ظاهر إنه مش حقيقي. وبكرة الحقيقة هتظهر. رويدا: يارب. مودة: يلا قوموا. إحنا عندنا فرح. لازم نهيص. يلا يا عروسة. زهراء: بالله أخوكي كل خمس دقايق عليه يلغي كتب الكتاب.

رحاب: معلش يا زهراء، غصب عنه. هو خايف عليكي مش أكتر. زهراء: ربنا يستر طريقه. بيري: الالتزام الخطوبة ده. آه. مش قادرة تقوليه عليه كلام حلو. زهراء: بس يا رخمة. مودة: ضوابط الخطوبة قد ما هي صعبة، بس بالله حلوة أوي. كفاية إنك تقولي كلمة بحبك لشخص اللي حلالك. بيري: لما يمسك إيديكِ وهو حلالك أحسن مليون مرة من الخطوبة. زهراء: ياربي بقى. ما تقعدي ساكتة أنتِ وهير. رحاب بضحك: خلاص، القطة بتاعتنا اتكلمت. زهراء: قطة إيه؟

بيري: الكيوت بتاعت عيلتنا. والله. زهراء: أنا كيوت. مودة: آه والله. تحسي إنك غلط في العيلة دي. زهراء: أنا بقول ننزل ناكل عشان رويدا جعانة. صح؟ رحاب: آه. يلا بينا. *** في المساء، رويدا قاعدة لوحدها في الجنينة، وموبايلها يرن. وكان رقم غريب. رويدا: السلام عليكم. الرد: وعليكم السلام. رويدا بخوف: مين؟ تامر: نسيتي صوتي ولا إيه؟ رويدا: عايز إيه؟ تامر: عايزك. وأوعي تقفلي. رويدا: عايز إيه مني؟ حرام عليك.

تامر: هتجي عند البيت اليوم اللي قبل كتب كتاب زهراء وحاتم. الكل هيكون مشغول. محدش هياخد باله منك. رويدا: مستحيل. تامر: إنك تجي عندي البيت. قصد إن مش أنشر الفيديوهات. رويدا: الفيديو مش حقيقي. تامر: اثبتي. اسمعي الكلام يا رويدا. يوم الخميس لو مكنتيش هنا عندي، الفيديو هينزل. وأنتِ عارفة بقى شعب بيموت في الفضائح. فكري براحتك. بس افتكري إنه قصد حياتك. رويدا: يا كلب، يا حيوان.

تامر: بلاش شتائم. هتزعلي مني أقسم بالله. ويلا منتظراك يوم الخميس يا رويدا. ويقفل. رويدا: أعمل إيه؟ أعمل إيه؟ وييجي وائل اللي كان قاعد مع الشباب في الجنينة الخلفية. وائل: رويدا، أنتِ كويسة؟ رويدا: وائل. وائل: مالك؟ فيكي حاجة؟ رويدا: لا، لا. بعد إذنك، هطلع أوضتي. وائل: ممكن ثواني. رويدا: نعم. وائل: عايز أعرف مالك. رويدا: يعني أنت مش عارف؟ ما الفيديو عندكم كلكم.

وائل: بس أنا مش مصدق أي حاجة من ده. على فكرة، أنا واثق إنك مش عملتي كده. بس أكيد في حاجة تانية. رويدا عيطت. وائل: شوفتي؟ قولي. متخافيش. يمكن أقدر أساعدك. رويدا: مفيش. بعد إذنك. ومشيت. أمجد: واقف عندك كده ليه؟ وائل: إيه؟ مفيش. أمجد: لسه بتحبها؟ وائل: آه. أمجد: حتى بعد الفيديو؟ وائل: أنا متأكد إنها مستحيل تعمل كده. وغير كده، كلنا بنغلط. أمجد: بتحبها أوي يا صاحبي. وائل: بس أنا عايز أعرف مالها.

أمجد: خليك جنبها. هي محتاجة الكل جنبها. وائل: بلاش تعرف دلوقتي. أنا لسه مش ثانوي عام. الله أعلم بكرة في أيام. أمجد: ادعي ربنا. وائل: ونعم بالله. أمجد: كنت رايح فين بقى؟ وائل: مكنتش رايح مكان. أنا شفتها قاعدة. قولتي أجى أتكلم معاها. بس هي فيها حاجة والله. أمجد: خير بإذن الله. تعالى نرجع نقعد معاهم. وائل: يلا. *** عند رويدا. طلعت جناح ماهر ورحاب ودخلت الأوضة وقعدت تعيط. رويدا: أعمل إيه دلوقتي؟ يارب. أروح ولا لا؟

يارب، قولي أعمل إيه؟ يارب.