رواية معلمة من الصعيد الفصل الحادي والعشرون 21 - بقلم مريم شعبان

بعد مرور أسبوع من حياة أبطالنا، باقي 3 أيام على خطوبة وكتب كتاب بيري وغيث، واليوم قراية فاتحة زهراء وحاتم. *** فيلا سليم أوضة زهراء بيري: عروستنا القمر خلصتي؟ زهراء: آه، حلو. رحاب: ما شاء الله. زهراء: بيري، لو سمحتي شوفي هاجر فين ده كله. هاجر: أنا أهو يا عروسة. زهراء: فينك ده كله؟ هاجر: معلش، المواصلات زحمة أوي. لا بس أي الجمال ده، ما شاء الله. زهراء: عقبالك يا حبيبتي.

بيري: هاجر، الخطوبة وكتب الكتاب يوم الجمعة بإذن الله. تيجي بإذن الله. هاجر: بإذن الله. ربنا يتمم لك على خير يا رب. لا لا، اللهم بارك. البيت بقى كله أفراح. اللهم بارك. مودة: عقبالك. هاجر: تسلمي. *** بيت صابر عند حاتم مصطفى: لا، عريس عريس. حاتم: عقبالكم. مصطفى: يارب يارب. حاتم: ما تتجوز. مصطفى: أشوف بنت الحلال اللي توافق تقعد معايا أنا والحاج. حاتم: خير بإذن الله. ربنا يرزقك ببنت الحلال. مصطفى: يارب و يجي موسى.

موسى: خلصت يا عم حاتم. حاتم: أهه. موسى: طيب، يلا بينا. *** في فيلا سليم، أوضة سليم سهام: هتفضل قاعد كده؟ سليم: هنزل براحتي. سهام: بابا، بلاش مشاكل. سليم: أنا قلت هنزل براحتي. كفاية جوزك مش عايز يعمل العملية دلوقتي. سهام: مش الدكتور قال عادي نبدأ بالعلاج وبعد كده نعمل العملية؟ سليم: بس الدكتور الأول قال لازم العملية. سهام: وهو نفسه قال عادي نصبر فترة نبدأ بالعلاج ونعمل التحاليل وبعد كده نعمل العملية، صح ولا لأ؟

سليم: ما جوزك هو اللي طلب كده، إني يصبر فترة. سهام: هو مش جوزي ده هو ابني. سليم: ما هو مش بيسمع الكلام. سهام: هو بخير يا حبيبي، يلا بقا. سليم: هات جاكيت البدلة. سهام: حاضر. *** في أوضة جاد بيكلم تيا جاد: قراية فاتحة زهراء النهاردة. تيا: مبروك. جاد: صح، خطوبة وكتب كتاب بيري وغيث يوم الجمعة، عشان تعملي حسابك. تيا: لا يا عم، أكيد هيكون اسلامي وشكلنا هيكون وحش.

جاد: البنات لوحدها والشباب لوحدها. تعالي عادي، مش مختلط. هتروحي تقعدي مع البنات، ولكم بيكون براحتهم. تيا: تمام، هشوف كده. جاد: تمام، منتظرك. هي كده كده بيري هتقولكم بكرة. تيا: تمام، ماشي. والباب يخبط ويدخل عز. عز: جاد، يلا. حاتم تحت. جاد: تمام، سلام يا تيا. العريس واصل. تيا: تمام، هكلمك بليل. جاد: تمام، سلام. *** في فيلا يوسف يوسف كان قاعد بيلعب بالموبايل، وتدخل والدة يوسف. بسملة: يوسف. يوسف: نعم.

بسملة: أنا خارجة دلوقتي، عايز حاجة؟ يوسف: رايحة فين دلوقتي يا ماما؟ بسملة: عندي معاد عشاء في الشغل. يوسف: هتجي امتى؟ بسملة: مش عارفة، ممكن متأخر. بس أنا جهزت لك الغدا جوا، والدادة هتجي شوية بإذن الله. يوسف: طيب، أنا خارج أنا كمان. عايز فلوس. بسملة: رايح فين؟ يوسف: خارج مع صحابي. بسملة: صحابك مين؟ يوسف: مين يعني يا ماما؟ مروان وجاد. بسملة: إزاي بقى؟ وجاد قراية فاتحة زهراء النهاردة. يوسف: هنخرج بليل.

بسملة: بس أنا سمعت إن العريس، الناس اللي جات العمارة جديدة صح؟ يوسف: آه، حاتم. بسملة: أنت تعرفه؟ يوسف: آه طبعًا، دول أهلهم. بسملة: أهلهم إزاي؟ يوسف: حضرتك سمعتي إن حفيدة جدو سليم جات صح؟ اللي كانت عايشة في الصعيد؟ بسملة: آه، سهام قالتلي من فترة إن بنت زهراء الله يرحمها جاية، بس أنت عارف إني كنت مسافرة بعد كده فما كنتش مركزة معاهم. بس اسمها إيه؟ سمعت كمان إن عز اتجوزها.

جاد: اسمها مودة. مدرسة عندنا في المدرسة. وحاتم ده يبقى ابن عمتها. ومكتوب كتاب لسه، الفرح بعد شهر. بسملة: آه، قلت مدرسة عندكم في المدرسة. يوسف: آه، هي وبنت عمها رحاب وبنت عمها وأخوها قدنا معانا في الفصل. بسملة: من الصعيد؟ سليم باشا بيهزر ولا إيه الفترة دي؟ أنا لازم أتكلم معاه. جايب مدرسين من الصعيد ليه؟ مش كان في المدرسة مدرسين أجانب؟ أكيد مش شاطرين.

يوسف: بس بس يا ماما، ده أقسم بالله أحسن من مدرسين الأجانب دي. معاها كذا لغة وبتتكلم بيها، وأخدت جوائز كتير. ويارا وموسى شاطرين جدًا الصراحة. بسملة: آه، تمام. أنا أمشي، سلام. وتمشي. *** فيلا فيروز تيا كانت عنده. تيا: جاد كلمني وبيقولي نروح كتب كتاب بيري. إيه رأيك؟ فيروز: لو هتروحوا تمام، عادي. تيا: خلاص كده، هشوف. فيروز: أهلك راجعين بكرة؟ تيا: لا، قالوا بعد أسبوع. فيروز: تمام، ما تخليكي قاعدة معايه.

تيا: لا، مش هينفع. أنا قاعدة في الفيلا عادي. فيروز: لوحدك؟ تيا: عادي بقى، شي عادي. حتى عمتو مش بتيجي الفترة دي. وأحسن مش تيجي عشان ابنها الرخم. فيروز: معلش، اقعدي عندي النهاردة. تيا: مش هينفع، صدقيني. والباب يخبط. فيروز: ادخل. دخلت والدة فيروز. حنين: يلا يا بنات، الغدا جاهز. تيا: لا، أنا أكلت قبل ما أجي. حنين: يلا يا تيا، هتأكلي. أنا عملت مكرونة بالبشاميل عشانك مخصوص عشانك. تيا: حبيبتي يا طنط.

حنين: يلا بقى عشان ناكل. فيروز: يلا. *** فيلا سليم، كانوا قاعدين الرجالة لوحدهم والستات لوحدهم. صابر: إحنا نقرا فاتحة على طول، إحنا اتكلمنا قبل كده. نبيل: هذا رأيي برضو، يلا بسم الله. سليم: اصبر أنت وهو. صابر: في إيه تاني؟ سليم: أنا عندي شرط. حاتم: اتفضل. سليم: قلت شرطي قبل كده، بس هقوله تاني. تجيب ليها شقة جنبنا. حاتم: وربنا حاضر. صابر: في حاجة تانية؟ سليم: آه، تيجي براحتها عندنا.

حاتم: أكيد مش هرفض. تيجي عند أهلها يعني. سليم: تمام. نبيل: نقرا الفاتحة بقا؟ سليم: تمام. روح هات العروسة يا ماهر. ماهر: حاضر. ويخرج. ماهر: زهراء، تعالي. زهراء: نعم. ماهر: قراية الفاتحة يلا. سهام بفرحة: بجد؟ ويجروا كلهم يقفوا عند الباب. سليم: تعالي يا بنتي. زهراء: نعم يا جدو. سليم: موافقة على الواد ده؟ زهراء هزت راسها. سليم بابتسامة: تمام يا سيدي، نقرا الفاتحة. سهام: لولولولولوي! مبارك يا حبيبتي.

نبيل: ألف مبارك يا قلب أبوكي. زهراء: الله يبارك فيك. صابر: عقبال جاد وماهر. نبيل: في حياتك إن شاء الله. صابر: عقبالك يا حاج. سليم: اطلع برة يا صابر. صابر بضحك: خلاص. غيث: جدعان، أنا كتب كتابي يوم الجمعة. كاظم: لا، أنا زهقت بقى. أنت كل خمس دقايق تقول نفس الكلام. غيث: فرحان يا حاج. نبيل: ربنا يفرحكم يا ولاد. حاتم: وأنا كتب كتابي امتى؟ سليم: نعم؟ حاتم: أنا بسأل بس. ماهر: أنت لحقت عشان تقول كتب كتابك امتى؟

حاتم: بسأل بس يا جماعة. صابر: في إيه جماعة؟ ما يكتب الواد الحلال أحسن. سليم: بس يا صابر. صابر: حاضر. حاتم بهمس: غيث. غيث: نعم. حاتم: عايز أقعد مع زهراء شوية. اتصرف. غيث: المحامي أنا. حاتم: اخلص. غيث: حاضر. أي يا جدعان، مش نسيب العريس والعروسة؟ صابر: آه، يا ريت. نبيل: ماهر، خد أختك وحاتم، واقعدوا برة شوية. ماهر: تمام. اتفضل يا حاتم. ويخرج. سليم: حد خليك المحامي بتاعه؟ غيث: الله، مش دي الأصول؟

إن العريس يقعد مع العروسة يعرفوا بعض. سليم: وأنت مالك؟ غيث: لا لا، أنت شكلك مش بتحبني يا جدو. سليم: آه. غيث: مش بتحبني، عادي. أنا بحبك يا جدو. سليم: رخمه. *** في فيلا فيروز، كانوا قاعدين كلهم على السفرة. فارس والد فيروز: اعملي حسابك يا تيا إنك هتقعدي معانا النهاردة. تيا: لا يا عمو، تسلم. أنا هروح شوية. فارس: تروحي إيه؟ هتنامي لوحدك إزاي؟ اقعدي مع صحبتك يومين لحد ما عمتك تيجي. تيا: أنا مش عايزة أتعبكم.

حنين: بس يا هبلة، أنتِ زي فيروز. تعب إيه؟ فارس: اقعدي بقى. وبعد الكل نتفرج كلنا على مسرحية. تيا: تمام. حنين: عاملين إيه في الدراسة بقى؟ تيا: الحمد لله، ماشية. فارس: كاظم عزمني على كتب كتاب بنته يوم الجمعة. حنين: آه، سهام كلمتني. رايحين يا بنات. تيا: أنا بفكر. حنين: تعالوا نروح. سهام بتقولي على العصر كده كتب كتاب مختلط، وبعد كده على المغرب حفلة البنات لوحدها والشباب لوحدهم. فيروز: خلاص نروح. فارس: بإذن الله. ***

فيلا سليم، في الجنينة. حاتم: هنفضل قاعدين ساكتين؟ زهراء بكسوف: ما أقول إيه؟ حاتم: مش عايزة تسألي على حاجة؟ زهراء: لا. حاتم: طيب يا ستي. ويجوا البنات والشباب. عز: أنا بقول كفاية كده. حاتم: أنا لحقت أختك قاعدة ساكتة بقالها ساعة. عز: أحسن. حاتم: انتوا جايين كلكم كده ليه؟ غيث: بص، أنا خليتك تقعد معاها عشان نتكلم في الجد بقى. ماهر: خير.

بيري: بما إن جدو قال إن كتب الكتاب يكون على العصر ويكون مختلط بس بدون أغاني ولا أي حاجة، بس عشان يقدر يدخل ويسلم عليا عشان إحنا هنقعد فوق السطح مش زي عند مودة هنقعد في شقة وندخل أوضة وهو يجي يشوفنا، ف هنعمل كتب كتاب مختلط وبلبل الهيصة. بس عايزين منكم طلب. ماهر: خير. بيري: أنا ما كنتش في دماغي الكلام ده، فبالتالي مش عارفة أعمل. رحاب: ديكور يعني.

بيري: بالظبط. يعني حاجتين مختلفين، حاجة تكون شيك الصبح وعلى السطح حاجة مناسبة إنها تكون بالليل. حاتم: ممكن الصبح ديكور ورد بسيط، وفوق نعمل أضواء نور كده هتكون شكلها حلو. غيث: فكرة حلوة. بكرة نكمل العمال عشان يبدأوا فيها يوم الخميس كده. بيري: هي حاجة بسيطة. غيث: خير. رحاب: إحنا مش جبنا فساتين. عز: نعم؟ إزاي؟ زهراء: إحنا جبنا فستانين لحفلة البنات، بس أما الحفلة المختلط هننزل بكرة. ماهر: طيب، ما تنزلوش.

مودة: ما كده مش هنقدر نروح المدرسة عشان عندنا كام مشوار. بيري: ف أنتوا تاخدوا الحصص بتاعتنا. عز: نعم؟ أنا أشوف أشكال جاد وأصحابه كام حصة. جاد: اللهم. مودة: معلش يا شباب، بكرة بس عشان عندنا كذا مشوار. هنخلص بعد كده نجي المدرسة ناخد يارا ونروح نجيب الفساتين. عز: مبدأ الفساتين تكون واسعة، مفيش مكياج، تمام. البنات: حاضر. *** تاني يوم عند البنات في عربية زهراء. بيري: كده خلاص، جبت باقي حاجات حفلة البنات.

رحاب: آه، الحمد لله. نروح نجيب يارا ونروح نجيب الفساتين. زهراء: أنتِ ناوية على فستان إيه؟ بيري: رأيكم أجيب لون إيه؟ رحاب: بصي، إحنا نروح نشوف. بيري: تمام. زهراء: يلا، إحنا وصلنا المدرسة. *** في المدرسة، في فصل جاد. تيا: يعني كلهم مش موجودين النهاردة. جاد: آه. فيروز: ربنا يكتر من أفراحكم. جاد بضحك: يارب. ويجي غيث. غيث: السلام عليكم. يوسف: العريس؟ غيث: حبيبي. كلكم جاين طبعًا. جاد: أنا جاي. غيث: لا، متجيش أنت بالذات.

جاد: أنا ابن عم العروسة، خلي بالك. غيث: والله، بطل رخامة. وائل، أمجد، بنات لازم تنوروا الفرح. أمجد: بإذن الله. مبارك لحضرتك. غيث: الله يبارك فيك. ويجوا البنات. مودة: السلام عليكم. الكل: وعليكم السلام. مروان: أنا قلت إنك مش جاية دلوقتي. مودة: لا، إحنا جاين ناخد يارا وماشين تاني. غيث: خلصتوا؟ بيري: ناقص فستانين كتب الكتاب بس. غيث: تمام.

بيري: بنات، شباب، طبعًا كلكم جاين كتب الكتاب الصبح، والبنات طبعًا حفلتنا بليل للهيصة، تمام. تيا: مبروك يا ميس بيري. بيري: الله يبارك فيكي يا حبيبتي. يلا يا يارا عشان نلحق. يარა: حاضر. *** في أتيلييه. مودة: السلام عليكم. الكل: وعليكم السلام. أهلًا بيكم. عايزين حاجة معينة؟ رحاب: فستان للعروسة ينفع كتب كتاب. مودة: عايزة أبيض ولا لون تاني؟ بيري: ممكن أبيض لو فيه حاجة بسيطة. مودة: آه يا فندم، اتفضلي. ويروحوا.

البنات: بصي حضرتك ده. بيري: آه، حلو أوي. صح يا بنات؟ زهراء: آه، ما شاء الله. بيري: هشوف الفستان لو سمحتي. مودة: اتفضلي يا فندم. وتروح بيري. رحاب: يلا ندور إحنا لحد ما هي تخلص. يارا: تمام. صح، أنا عايزة أجيب حلق عشان فستان حفلة البنات. مودة: آه، إحنا الاكسسوارات بعد ما نخلص هنا نروح نجيب. يارا: تمام. بيري: بنات. مودة: بسم الله ما شاء الله. رحاب: لولولولوي! قمر أوي. زهراء: اللهم بارك. بيري: حلو.

يارا: جدًا، ما شاء الله. بيري: اتكل على الله. رحاب: آه. مبارك. بيري: خلاص تمام. مودة: تمام يا فندم. بيري: خلصتوا؟ زهراء: آه. ندخل نشوف الفساتين بجد؟ بيري: تمام. *** في عربية عز. جاد: نروح نجيب البدلة الأول. عز: يا بني، حاضر. هتجيب حاجة معينة يا موسى؟ موسى: هجيب أسود. عز: تمام. والعريس؟ غيث: وربنا ما عارف. عز: أنت على الله. غيث: بص، أنا هروح اللي هتكون حلوة عليا هجيبها. عز: تمام. *** في فيلا سليم.

في أوضة بيري. تدخل أسماء وتفتح الدولاب وتطلع فستان حفلة البنات وتبص بضيق. أسماء: ماشي، مش عايزة الجوازة دي يا بيري. ماشي، هكسر فرحتك بالفستان. وتبدأ تقطع فيه بعصبية. أسماء: قال غيث قال، والورث ده كله يروح مني. *** عند بنات قاعدين في مطعم. بيري: آه، الحمد لله. كنت جعانة أوي. مودة: هنروح فين دلوقتي؟ يارا: أجيب اكسسوارات. رحاب: تمام.

بيري: دلوقتي كتب الكتاب العصر، والمفروض حفلة البنات المغرب. هيكون في وقت نجهز، وقالوا كتب الكتاب لحد 5. أجهز في ساعتين. رحاب: ممكن الحفلة تكون على بعد المغرب بساعة كده لحد ما نجهز. زهراء: وكمان نحضر كل الحاجة قبلها بيوم في أوضة عشان نخلص كتب الكتاب ونطلع على طول على الأوضة. بيري: تمام. مودة: ممكن نحط الحاجة في أوضتي عشان أوضة بيري أكيد هتجهز فيها الصبح. يارا: صح.

زهراء: ف إحنا كده النهاردة نخلص كل حاجة، وبكرة نروح نجيب الفساتين ونحطهم في الأوضة. بيري: تمام. مودة: يلا بينا بقى. البنات: يلا. *** فيلا سليم. سهام: أعمل أكل إيه؟ أعمل أكل. أسماء: سرحانة في إيه؟ سهام: بفكر أعمل أكل إيه يوم الجمعة. أسماء: يارب ما يتم. سهام: ليه كده يا أسماء؟ أسماء: سيبني في حالي. البنت ولا كاني موجودة في حياتها. قررت معاد كتب الكتاب هي والزفت بتاعها. سهام: إيه الغيرة دي يا أسماء؟ أسماء: غيرة؟

أنا هغير من بنت؟ سهام: مش قلت منها، أنا قصدي عليها. أسماء: دي مش غيرة. أنتِ عارفة كويس أوي أنا كنت عايزها تتجوز مين. سهام: آه عارفة، بس هم مش عايزين بعض. بس برضو أنتِ غيرانة عليها ومش عايزها تسيبك. أسماء: بنتي الوحيدة، وأكيد خايفة عليها وعلى مصلحتها. بس هي هبلة راحت اتجوزت غيث ده. غيث: حماتي حبيبتي. أسماء: بسم الله. عز: السلام عليكم. سهام: وعليكم السلام. خلصتوا؟ جاد: آه. سهام: بسرعة كده؟ البنات من الصبح برة.

غيث: يا سوسو، إحنا أول بدلة ناخدها ونيجي. أما هم خمسين فستان. سهام: طيب، اقعدوا. أروح أحضر الغدا عشان خلاص البنات في الطريق. عز: تمام. غيث: كنتي بتقولي عليا إيه بقي يا حماتي؟ أسماء: مش بقول حاجة. غيث: تمام. جبتي الفستان يا حماتي ولا لسه؟ أسماء: أنا طالعة أوضتي أحسن. وتمشي. غيث: الله! ماشي يا حماتي. عز: جاد، خد البدلة بتاعتي معاك وأنت طالع. جاد: تمام. ويطلع. غيث: ما تكلم مودة تشوفهم فين؟ عز: وأنت مالك ومال مودة؟

غيث: ما أنا عايز أعرف هما فين، ومش هينفع أكلم بيري. عز بضحك: تمام. ويطلع الموبايل ويرن على مودة. عز: قفلت. غيث: يبقي أكيد عند البيت. عز: أهم يا سيدي. ويدخلوا البنات. مودة: السلام عليكم. الكل: وعليكم السلام. غيث: إيه ده كله؟ بيري: طيب، تعال خد مننا. مودة: عز، خدوا دول على أوضتي يلا. عز: تمام، يلا يا أستاذ غيث. غيث: تمام. ويأخذوا الحاجة ويطلعوا. مودة: يلا وراهم. ويطلعوا البنات. *** في أوضة مودة.

غيث يرمي الحاجة على السرير. مودة: براحة يا أخ أنت. غيث: إيه ده كله؟ ده حاجات الحفلة الصبح وحفلة البنات، صح؟ بيري: لا، دول حفلة البنات بس. عز: نعم؟ إيه ده كله؟ زهراء: لسه يا حبيبي حاجات كتير. كتب الكتاب بكرة، هناخد الفساتين ونجيب الطرح واكسسوارات بسيطة. بيري: هروح أوضتي ثواني وأجي. البنات: تمام. وتخرج. غيث: عايزين مننا حاجة؟ مودة: يوم الخميس تكونوا هنا. عز: هنعمل إيه؟ مودة: يوم الخميس هتعرفوا. غيث: إيه ده؟

أجي يوم الخميس؟ أنا عريس. مودة: يوم الخميس تكون هنا. غيث لسه هيرد، ويسمعوا صراخ بيري ويجروا كلهم على برة. *** في أوضة بيري. قاعدة على الأرض وماسكة الفستان في إيديها وبتعيط. ويجوا البنات والشباب. عز: بيري، أنتِ كويسة؟ بيري: الفستان. مودة: طيب، اهدي. حصل إيه؟ بيري: مش عارفة. رحاب: طيب، براحة بس. زهراء: احكي براحة. بيري: أنا جيت لقيت الفستان على السرير وشكله زي ما أنتوا شايفيني. يارا: طيب، مين عمل كده؟

بيري: مش عارفة. الحفلة بعد يومين وأنا مصدقة جبت حاجة عجبتني. غيث: طيب، اهدي. هنجيب غيره، مش مهم الفستان. المهم أنتِ. وتيجي سهام وأسماء وكاظم. سهام: في إيه؟ بيري: الفستان. كاظم: مين عمل كده؟ بيري: مش عارفة. كاظم: طيب، بطلي عياط. اهدى. بيري: الحفلة بعد يومين. كاظم: هنجيب واحد أحسن من ده. بيري: مش عايزة خلاص، هلبس فستان واحد. سهام: طيب، ممكن تهدي وخير إن شاء الله. قومي يلا تعالي معايا. وتأخذها وتخرج، والبنات وراها.

كاظم: أسماء، تعالي ورايا. أسماء: تمام. ويخرجوا. مودة: هنعمل إيه؟ عز: مين عمل كده؟ زهراء: أنا هروح أشوفها. رحاب: خدني معاكي. ويخرجوا. غيث: عز، مودة، يارا، تعالوا معايا. مودة: هنروح فين؟ غيث: تعالوا. مودة: يلا يا يارا. *** في بيت صابر. هيام: موسى، موسى. موسى: نعم. هيام: تعال خد لين وروحوا عند رحاب الفيلا. موسى: حاضرة. هيام: حضر لك الخير. موسى: هي يارا هنا؟ هيام: لا، راحت مع مودة يجيبوا حاجة. موسى: تمام، يلا يا لين.

لين: يلا يا موسى. ويمشوا. صابر: هيام، هيام. هيام: نعم يا صابر. صابر: أنا نازل، عايز حاجة؟ هيام: رايح فين؟ صابر: نازل أقعد مع نبيل وكاظم شوية. هيام: تمام يا حبيبي. لا تسلم. صابر: تمام، يلا السلام عليكم. هيام: وعليكم السلام. *** في أوضة مودة. مودة: مين هيروح يجيب الفساتين؟ رحاب: هروح أنا وزهراء. مودة: خلاص تمام. هتروحوا امتى؟ رحاب: كمان ساعة كده. مودة: تمام. يلا بينا إحنا يا يارا هنروح عند بيري. هاتِ لين ويلا بينا.

يارا: طيب، أنا عندي حاجة هخلصها في المذاكرة الأول. مودة: خلاص تمام، خلصي وبعد كده نروح. يارا: تمام. *** في فيلا تيا. قاعدة في أوضتها متوترة، لحد ما سمعت خبط على الباب. ف عرفت إن يوسف وصل، و نزلت. فرح: أهلًا بسملة هانم، اتفضلي. بسملة: إزيك يا مدام فرح. فرح: الحمد لله. اتفضلوا. يوسف: فين تيا؟ تيا: أنا أهو. وتروحوا عندهم. بسملة حضنتها. بسملة: عاملة إيه؟ تيا: كويسة. أشرف: يوسف، أهلًا بيك. اتفضل. يوسف: إزيك.

فرح: اتفضلوا يا جماعة. هنفضل واقفين كده؟ بسملة: لا، مرة تانية. إحنا جاين ناخد تيا بس عشان رايحين كلهم عند جاد. فرح: آه، تمام. بسملة: بعد إذنك. فرح: نورتوا. ويخرجوا، وتقفل الباب. فرح: عملت إيه؟ أشرف: مش كلمتها أساسًا. فرح: والله تيا خايفة منك. أشرف: أنا بحبها وعايز أتجوزها. فرح: قولت لما خالك يجي هنشوف رأيها. أشرف: ما هي مش موافقة. فرح: هتوافق غصب عنها. يلا بس عشان الفطار. أشرف: يلا. *** في فيلا يوسف. قاعدة هي وبسملة.

بسملة: عامل إيه في المذاكرة؟ يوسف: ماشية. بسملة: عايزة درجة حلوة السنة دي. يوسف: إن شاء الله. موبايله يرن ويرد. يوسف: أهلًا يا ست تيا. تيا: بعيط. يوسف، تعال خدني بسرعة من هنا. يوسف: اهدي، في إيه بس؟ تيا: تعال لو سمحت، بالله الحقني. الحيوان ده هيعمل فيا حاجة. يوسف: طيب، تمام. سلام. ويقفل ويقوم. بسملة: في إيه؟ مالها تيا؟ يوسف: مش عارف. بتقول تعال خدني بسرعة. ويجيبها. بسملة: اصبر، خدني معاك. وتخرج معه.

يوسف: أكيد الزفت ابن عمتها عملها حاجة. بسملة: اهدى، مش عايزين مشاكل. يوسف: حاضر. *** في فيلا سليم. سهام: ماهر، ماهر. ماهر: نعم. سهام: وراك حاجة دلوقتي؟ ماهر: لا، ليه؟ سهام: تروح مع زهراء ورحاب يجيبوا الفساتين. ماهر: تمام. سهام: ربنا يحفظك يا حبيبي. والباب يخبط. سهام: روح شوف مين. ماهر: تمام. ويروح. غيث: بكرة فرحي يا جدعان. ماهر: أهلًا. سهام: تعال يا غيث يا بني. غيث: إزيك يا ست الكل. سهام: الحمد لله يا بني. غيث: إيه؟

هنعمل إيه بقى؟ ماهر: اهدى يا بني، محدش صاحي أساسًا. غيث: نعم؟ ما قالوا تعال بدري ليه؟ ماهر: مش عارف. غيث: طيب، إحنا نقعد بقى. ما الهوانم يجوا. سهام: هروح أحضر الفطار. غيث: ياريت يا طنط، والله عريس من امبارح في الشارع. والهوانم قالوا تعال النهاردة، مش عارف ليه. سهام: هتعمل الديكور معاهم يا زفت؟ غيث: يعني مفيش حد يعمل الديكور غيري؟ يعني العمال راحوا فين؟ سهام: معرفش، اسألهم هم. أنا رايحة أعمل الفطار.

وتمشي، وتنزل زهراء. زهراء: السلام عليكم. الكل: وعليكم السلام. ماهر: خلصتي؟ زهراء: آه، يلا بينا. غيث: رايحين فين؟ ماهر: نجيب الفساتين. غيث: آه، تمام. زهراء فين بيري؟ زهراء: بتلبس حجابها ونازلة. غيث: تمام. ماهر: يلا زهراء، بعد إذنك يا غيث. غيث: اتفضلوا. أنا هقعد أنام. ماهر: تمام. ويخرجوا، ويقعد غيث ويشغل التلفزيون. غيث: أشغل أنا أناشيد إزاي؟ سوسو! ويروح المطبخ. سهام: عايز إيه؟ غيث: عايز أشغل الأناشيد على التلفزيون.

سهام: افتح اليوتيوب على التلفزيون واكتب أناشيد وشوف أنت عايز إيه. غيث: تمام. سهام: بصوت واطي، مش عايزين خناق. غيث: حاضر. ويخرج ويشغل الأناشيد. غيث: جمع ووفق. ويقعد يرقص عليها. سليم ينزل بعصبية من الدوشة. سليم: إيه الدوشة دي؟ ويتصدم لما يشوف غيث واقف بيرقص. غيث: يلا يا جدو. سليم: بصدمة. يلا يا جدو. سهام: خرجت من المطبخ. سهام: أنت يا زفت، قلتلك الصوت عالي، مش عايزين خناق مع بابا. بابا: آه، بابا. إيه الدوشة دي؟

أطفئ يا حيوان. غيث: لا، عندنا فرح. ويشغل أغنية "كتبوا الكتاب". وينزل جاد. جاد: الله. غيث: كتبوا كتابك يا نقاوة عيني. أحلى كلام بينك وبيني. جيه اليوم اللي هتكون في حلالي، ما أنا أصلي طيب وأمي دعت لي. جاد: هات يا بني كده. غيث: حاجات بدون موسيقى. جاد: تمام. هات، ويجيب. يا سيد العرسان. ويمسك إيد غيث ويرقصوا، وسهام تضحك عليهم. سليم: أنت يا زفت، أنت وهو. جاد: إيه يا حاج؟ سليم: اقفلوا الزفت ده. سهام: فرح يا الله.

غيث: زغرطي يا سوسو، بالله. سهام: لولولولولوي! وينزل بيري. جاد: العروسة نزلت. سهام: لولولولولوي! سيبهم يا بابا يفرحوا. كاظم: في إيه هنا؟ سليم: الحيوان ده عامل دوشة. كاظم: ما فرح يا بابا. سليم: فرح في عيونكم. الفرح بكرة. نبيل: الفرحة حلوة يا حاج. تعال نقعد برة، وسيبهم. والباب يخبط. سليم: روح افتح يا حيوان. غيث: حاضر. ويروح، وكان عز وبيري ويارا وموسى ولين. عز: أنت عندنا ليه؟ وإيه الدوشة دي؟

غيث: ادخل، ادخل. زغرطي يا مودة. وتدخل مودة وهي بتزغرط. مودة: جدو. سليم: كملي، كملي. نبيل: تعال بس يا بابا نطلع نقعد برة. سليم: مش عايز أسمع صوت واحد فيكم. ويخرجوا. سهام: هات الأناشيد يا جاد. جاد: المهرجانات الحلوة. عز: أناشيد يا جاد، اخلص. جاد: حاضر. أنا مش عارف حاجة. خد يا موسى. موسى: هات. أجيب. مودة: هات فرحة عمر ونصيب. موسى: تمام. ويشغل، وشباب ترقص والبنات واقفين على جنب بابتسامة، والأطفال بترقص جنبهم. ***

في فيلا رويدا. رويدا: مهدي، مهدي. مهدي: نعم. رويدا: أنا رايحة عند يوسف. مهدي: ليه؟ رويدا: كلمني وقال تيا عنده، وتعالي اقعدي معايا. ف هروح آخد فيروز ونروح. مهدي: تمام يا حبيبتي. وأنا شوية ورايح الشغل. رويدا: هي ماما كلمتكم؟ مهدي: لا. هو مش المفروض عندك درس النهاردة؟ رويدا: المفروض، بس اتلغى. مهدي: تمام. رويدا: رايح بكرة كتب كتاب بنت عم جاد. مهدي: آه، بإذن الله. عز كلمني وهروح بإذن الله. بس إيه اسلامي ده؟ مش فاهم.

رويدا: بص يا خالو يا قمر، أنت. أول حاجة، هم عاملين كتب كتاب مختلط الصبح من غير رقص ولا أي حاجة، زغاريط وأناشيد بتاعتهم. بدون رقص كمان. بليل بقى، ف حفلة بنات بس. دي بقى اللي فيها الرقص. البنات لوحدهم والشباب لوحدهم. مهدي: آه، غريبة شوية. رويدا: كتب كتاب عز كان كده. الشباب راحوا. مهدي: آه، أنا هروح شوية وبعد كتب الكتاب همشي. رويدا: تمام يا حبيبي. رويدا: يلا، أنا خارجة يا خالو. مهدي: تمام، خلي بالك من نفسك.

رويدا: حاضر، سلام. وتخرج. *** فيلا يوسف. قاعدة هي وبسملة. بسملة: الأكل يا تيا، يلا يا حبيبتي. تيا: لا يا طنط، شكراً. مش عايزة. بسملة: يا حبيبتي، مش هينفع لازم تأكلي. تيا: مش قادرة بجد. بسملة: طيب، عصير بست؟ تيا: تمام. بسملة: هروح أعمل عصير برتقال وأجي. تيا: تمام. معلش تعبت حضرتك معايا. بسملة: بس يا تيا، أنتِ زي يوسف بالظبط. تيا: تسلمي. بسملة: حبيبتي. وتخرج. تيا: تقعد تعيط. والباب يخبط. تيا: ادخل. يدخل يوسف.

يوسف: عاملة إيه دلوقتي؟ تيا: تمام، كويسة. يوسف: ديما. أنا كلمت بنات جاين. تيا: ماشي. أنت رايح فين؟ يوسف: عند جاد. تيا: تمام. يوسف: طيب، إيه؟ هتقعدي زعلانة كده؟ تيا: مش زعلانة، تعبانة شوية. يوسف: ما أنتِ لازم تأكلي. تيا: مش قادرة بجد. بسملة: العصير. تيا: شكراً يا طنط. بسملة: العفو يا حبيبتي. مش رايح عند جاد؟ يوسف: آه، هروح شوية كده. بسملة: تمام. *** في فيلا سليم. كانوا بدأوا تجهيزات في الجنينة.

غيث: يا جدعان، وربنا حرام كده. مفيش عمال؟ بيري: اخلص لو سمحت. غيث: يا جدو، ما تقول حاجة. سليم: ده أنا فرحان فيك أوي. غيث: ماشي، ماشي. مودة: ليه عمال؟ ما نعمل حاجاتنا بأيدينا. شعور حلو وهنكون مبسوطين أكتر. عز: ده شغلهم هم. مودة: ماشي، ربنا يرزقهم. ما هم هيعملوا كذا حاجة، بس في حاجات نعملها إحنا عادي. بلاش تعب عليهم كتير. غيث: ياربي، أنا جيت ليه بس. سليم: أحسن، أحسن. كنت فضلت في بيتكم أحسن.

غيث: أنا جيت أساعد، بس كنت فاكر إنها حاجة بسيطة. مودة: بلاش دوشة وخلصوا. غيث: حسب الله. لين: مودة. مودة: نعم يا حبيبتي. لين: هي ماما فين؟ مودة: راحت تجيب الفساتين بتاعتنا. نورسين: طيب، إحنا عايزين نطلع نلعب بألعاب فوق. مودة: تمام. يارا تعالي خديهم واطلعي. يارا: تمام، يلا. سند: أنا هقعد هنا. يارا: تمام يا أستاذ سند. وتاخد البنات وتطلعوا. غيث: ادلع يا عريس، عريس. قال إيه التعب. بيري: طيب، فين التعب بالله عليك؟

طيب، أنا راضية ذمتك، أنت عملت حاجة؟ غيث: يوم وهتكوني عليه. بيري: هي إيه؟ غيث: ذمتي. سليم: اشتغل يا حيوان وأنت ساكت. غيث: شغال أهو يا جدو. حفيدتك هي اللي معطلاني. يوسف: يا مساء الفل. مودة: أهلًا. يوسف: أهلًا بيك. مروان: عاملين إيه؟ جاد: الحمد لله. مروان: عايز إيه بقا؟ مودة: ف كراسي جوا. يلا بقى تاخدوا الكراسي وعلى السطح. يوسف: باللهم. مودة: آه، يلا. مروان: الصبر يارب. يلا يا بني. ويمشوا.

سليم: يا مودة يا بنتي، ما كنا جبنا عمال. مودة: يا جدو، خليهم يتعلموا. *** فيلا تيا. أشرف: هي راحت فين ده كله؟ فرح: مش قالوا رايحين عند جاد؟ أشرف: اوف. أنا هتجوزها امتى بقى؟ فرح: اهدا شوية يا أشرف. قلتلك أول ما خالك يجي هقولها. أشرف: ما أكيد هيقول لأ، لسه صغيرة ومش عارف. فرح: مش قلتلك؟ أنا عارفة هعمل إيه. أشرف: تمام. أروح أجيبها. فرح: لا، سيبها مع صحابها شوية. أشرف: تمام. *** في فيلا سليم. في أوضة نورسين وسند.

يارة: طبعا هتجي بكرة. غرام: آه، بإذن الله. يارة: اعملي حسابك إن في حفلة بنات. البسي حاجة ساترة من فوق، وأول ما نبدأ حفلة البنات، مكياج وشعر ورقص. غرام: أنا متحمسة أوي. أول مرة أحضر حاجة زي كده. يارة: بإذن الله هيبقى يوم حلو. غرام: بإذن الله. بتعملي إيه؟ يارة: قاعدة مع لين ونورسين. غرام: آه، ربنا يحفظهم. يارة: يارب. عاملة إيه في المذاكرة؟ غرام: بخير، الحمد لله. اهو ماشية. ربنا يخلصنا من السنة دي على خير. يارة: يارب.

غرام: هي بجد مودة سقطت سنة؟ يارة: آه. كانت هي ورحاب ثانوي عام، وذاكروا واجتهدوا، ف الآخر مودة سقطت، وكانت صدمة لينا كلنا. بس بعد كده كلمت، وربنا كرمها وعوضها. غرام: طيب، عملت إيه عشان تنجح تاني؟ يارة: بصي، هو كرم من ربنا. بس مودة شافت عملت إيه غلط وصلحت الغلط ده. وحاولت تشوف الأخطاء، وكانت حاطة حاجة في دماغها. عندما يمنحك الله بداية جديدة، لا تكرر نفس أخطاء. ومشيت على الكلام ده، وربنا كرمها ونجحت. غرام: عقبالنا يارب.

يارة: يارب بإذن الله. لين: يارا. يارة: نعمل. لين: أنا عايزة أشرب. يارة: طيب، خليكم هنا لحد ما أنزل أجيب مياه وأطلع. لين: تمام. يارة: خليكي معايا يا بنتي. أنزل أجيب مياه. وتخرج. غرام: تمام، معاكي. يارة: آه، خلصتي مذاكرة ولا لأ؟ غرام: خلصت اللي عليا النهاردة. شوية وأكمل كذا حاجة. يارة: ربنا يوفقك. وتنزل تجيب مياه وتطلع. وهي طالعة خبطت في جاد. يارة: آه. جاد: مش تاخدي بالك؟ يارة: آسفة، بتكلم في الفون.

جاد: طيب، ابعدي عشان الشباب نازلين. يارة: حاضر. وتقف على جنب. جاد: انزلوا يا رجالة. يوسف: آه، مش قادر بالله. هاتي المياة. يارة: اتفضلي. يوسف: شكراً. يارة: العفو. وكأنها نازلة. جاد: رايحة فين؟ يارة: هجيب مياه تاني. جاد: طيب، اطلعي وأنا هجيبلك المياة. يارة: تمام. وتطلع. يوسف: موبايلها على الأرض يا بني. جاد: آه، صح. ويوسف يمسك الموبايل، ويكون اسم: غرام. على موبايلي. غرام: يارا، يارا، رحتي فين؟ يوسف: يا مساء الخير.

غرام: نعم؟ مين؟ يوسف: أنا يوسف. غرام: أنت أخدت موبايل يارا ليه؟ يوسف: هي وقعته. جاد: هات يا رخمة، يا ست يارا. يارة: نعم؟ مش قولت روحي، وأنا هجيب لك المياة. جاد: موبايلك يا بنتي. يارة: يلهوي، نسيته. هات. وتأخذه وتمشي. جاد بضحك: مجنونة والله. مروان: بس قمر. جاد: احترم نفسك. يوسف: في إيه يا عم أنت؟ جاد: بلاش تنسى إنها قريبتي. مروان: خلاص يا يوسف، سيبه. أصلها قريبتة. جاد: والله بطل رخامة.

يوسف بضحك: طيب، يلا ننزل نجيب مياه لقريبتك. *** غيث: تعبت يا جدعان. لا، تعبت بجد. سهام: أنت عملت حاجة؟ اخلص بقى. بقينا العصر ولسه مش خلصتوا. غيث: يعني هو لازم كتب كتاب مختلط الصبح؟ لازم يعني. سليم: بتقول حاجة يا غيث؟ غيث: لا يا جدو. سليم: تمام. نبيل: كلمتي كل الناس يا سهام؟ سهام: آه، الحمد لله. كاظم: ربنا يحفظكم يا جماعة ويبارك فيكم. سهام: واقفين معانا، واقفة.

سهام: بس بلاش كلام فاضي. بيري بنتي لو مش واقفة في يوم زي ده، تقف امتى؟ ربنا يكمل على خير. كاظم: يارب. نبيل: هي زهراء ده كله بتجيب الفساتين؟ مودة: ما يا خالو هيروحوا يجيبوا كام حاجة ناقصة كمان. نبيل: تمام يا بنتي. سليم: فين أسماء؟ سهام: في أوضتها. سهام: يمكن تعبانة يا بابا عادي. سليم: تمام. ويجوا الشباب. يوسف: مش قادر. مودة: مالك يا أستاذ؟