رواية معلمة من الصعيد الفصل العشرون 20 - بقلم مريم شعبان

في بيت صابر، الكل كان قاعد ساكت. صابر: قومي شوفي ابنك يا هيام. هيام: أقوم أقول إيه، ابني اتكسر النهارده يا صابر. رحاب: شوف بنتك عملت إيه يا عمو. صابر: عملتي إيه؟ رحاب: كلمت عز وطلبت الطلاق. هيام: نعم! انتي هبلة؟ مودة بعياط: أنا مش هكمل مع عز. صابر: هو ذنبه إيه يا بنتي، ده جدك. انتي بتحبي عز؟ مودة: مش مهم الحب، أنتوا أهم حاجة. صابر: غلط يا مودة، غلط. مش عشان جدك مش موافق تبوظي حياتك. هيام: أبوكي عنده حق.

مودة: عملتي كده لسهم؟ هيام: عشان مستحيل أشوف إهانة أهلي قدامي وأكمل مع نفس العيلة. مستحيل. أنا رايحة أشوف حاتم وتمشي. حسناء: صلوا على النبي يا جماعة. قومي يا هيام يا حبيبتي. هيام: قلبي واجعني على كسرة ابني. موسى: خلاص يا عمتو، الحمد لله. يارا: خلاص بالله. في أوضة حاتم، كان قاعد على السرير بيبص للسقف. مودة: حاتم. حاتم: تعالي يا مودة. مودة: متزعليش، يمكن مش خير لك. حاتم: مش زعلان، الحمد لله. قدر ربنا. الحمد لله.

مودة: بالله ما تزعل. ربنا يرزقك واحدة أحسن منها. حاتم: مفيش أحسن منها. أنا عايزها هي. يارب يارب. مودة: طيب اهدى. حاتم: أنا أول مرة قلبي يدق بجد. مودة: خير خير. حاتم: الحمد لله. مودة: طيب قوم تعال نخرج نقعد شوية برة. حاتم: لا، هنام. عندي شغل بكرة. مودة: تمام. ربنا يوفقك. وكانت خارجة، وسمعوا صوت إسعاف وصوت عالي. مودة: إيه الدوشة دي؟ حاتم: تعالي نشوف. وخرجوا. وصابر كان خارج بيجري من البلكونة. مودة: في إيه يا بابا؟

صابر: الإسعاف داخلة الفيلا. هيام: يالهوي! في إيه؟ وجرى صابر وحاتم ونزلوا كلهم. عند الإسعاف، طلعوا نبيل. كان صابر وحاتم وموسى نزلوا، والستات وراهم. حاتم: في إيه؟ عز: بابا واقع مرة واحدة. حاتم: خير خير. كاظم: يلا بسرعة ادخلوا جوا أنتوا. صابر: اصبر، أنا جاي معاكم. حاتم: يلا. زهراء: أنا مش هسيب بابي. ماهر: ادخلي جوا يا زهراء. زهراء: مش هسيب بابي. عز: طيب اركبي يلا. و ركبوا كلهم ومشوا بالعربيات ورا نبيل. ***

في المستشفى، واقفين كلهم قدام أوضة الكشف. وخرج الدكتور. عز: خير يا دكتور. الدكتور: تعبان جداً. قولنا بلاش ضغط عليه لحد ما يعمل العملية. صابر: عملية إيه؟ الدكتور: نبيل باشا عنده سرطان. صابر: لا حول ولا قوة إلا بالله. الدكتور: العدد كتير يا جماعة. يا ريت يفضل كام واحد بس. عز: يعني بابا كان بيتكلم بجد؟ هو عنده سرطان؟ سهام بعياط: آه. ماهر: محدش فيكم قال ليه؟ سهام: هو مكنش عايز يقول. الكل كان بيعيط.

صابر: خير يا جماعة، خير. اهدوا. كاظم: عز خد البنات وامشوا. الوقت متأخر. وخد حاد معاك عشان المدرسة. جاد: أنا مش ماشى. زهراء: ولا أنا. سهام: لازم تروحوا. مش هينفع نقعد كلنا في المستشفى. روحوا وتعالوا بكرة. زهراء: لأ. هيام: روحي يا بنتي وأنا هقعد معها. سهام: هتتعبي نفسك ليه؟ هيام: ولا تعب ولا حاجة. أنا هقعد معاكِ. وأسماء وحسناء يروحوا عشان واحدة تقعد مع دول وواحدة مع دول.

أسماء: تمام. وهنجي الصبح بإذن الله. يلا يا بنات، عز. سهام: عز يا ابني رد عليا. ومودة شافت كده، جريت عليه. مودة: عز عز، اهدى. كل حاجة خير. اهدى. حضنته وهو بيعيط. مودة: بس خير يا حبيبي. سهام: اهدى يا ابني، أبوك كويس. عز: إزاي محدش يقولنا؟ إزاي نخلي إنهاردة يتعصب كده؟ ليه محدش قال؟ أنا بابا لو حصله حاجة عمري ما هسامحك يا جدو. سليم كان قاعد بيعيط. صابر: بس يا عز، عيب كده. عز: بس إيه؟

حياتنا بتدمر قدامنا واحنا مش عارفين نتكلم. رفض عريس أختي وبوظ فرحتي، وبابا بيموت بسببه، وحياة ماهر باظت، وبيري كان عايز يجوزها غصب عنها. إيه يحصل تاني؟ كاظم: عز بس. عز: قول بتعمل فينا كده ليه؟

سليم: عشان مش عايزكم تبعدوا عني. أنا خسرت بنتي زمان. مكنتيش عايزها تبعد عني. وهي مش فهمت كده، فهمت إني رافض تتجوز صابر عشان مستوانا غيرنا. وأنا كنت بعمل كده عشان تبعد عنه. بس اتجوزته وسافرت معاه وبعدت عني. لما مودة رجعت، رجعت حياتي تاني. كنت عايزها تتجوز عز عشان تفضل جنبي. وبيري كنت عايزها تتجوز ماهر عشان تفضل جنبي. وزهراء كنت عايز عريس مناسب ويوافق يقعد في الفيلا معانا عشان محدش فيهم يبعد عني. أنا اتحرمت منهم كتير. حاتم يا ابني، أنا آسف على الكلام اللي قلته. والله أنت أحسن شاب اتقدم لزهراء. بس أنا مش عايزها تسيبني. أنا مليش حد غيرهم، هما حياة. أنا نفسي يقعدوا معايا مش أكتر.

البنات راحوا عنده. بيري: يا جدو، ما إحنا هنفضل معاك. إحنا كلنا بيوتنا جنبكم. سليم: بعد الجواز كل واحدة هتنسى وهتعيش حياتها. زهراء: إحنا برضه نقدر يا جدو. إحنا بنحبك. سليم: أنا آسف. زهراء: متقوليش حاجة بالله. أنت على راسنا كلنا. مودة باست إيده: أنا بحبك أوي يا جدو. سليم ابتسم: ربنا يحفظكم ليا. حاتم. حاتم: نعم. سليم: لسه عايز تتجوز زهراء؟ الكل بص لـ حاتم. حاتم بصدمة: أكيد طبعاً. سليم: طيب يا ابني، أنا موافق.

حاتم بفرحة: احلف! الكل كان فرحان. سليم: بس بشرط. صابر: لا، كده كتير بقى. شرط إيه تاني؟ سليم: اسكت أنت. صابر: حاضر. اتفضل يا حاج. سليم: تجيب شقة في العمارة اللي جنبنا، وحفيدتي تفضل جنبي على طول. حاتم: من عيوني حاضر. جاد: ما هو كان من الأول، ولا كان لازم نيجي المستشفى ونوجع دماغنا ونعيط. الكل يضحك. الممرضة تطلع من عند نبيل. سهام: يا بنتي، عامل إيه؟ ممرضة: أحسن بكتير. بس فين حاتم؟ حاتم: أنا. ممرضة: هو عايزك جوا.

حاتم: حاضر. سهام: طيب، ينفع أدخل أنا كمان؟ ممرضة: هو قال حاتم بس. صابر: تمام يا بنتي. روح يا حاتم، شوف عمك عايز إيه. حاتم: تمام. ويدخل. حاتم: السلام عليكم. نبيل: وعليكم السلام. تعال يا حاتم. حاتم: حضرتك كويس؟ نبيل: آه يا ابني الحمد لله. حاتم: طيب الحمد لله. نبيل: يا ابني، أنا موافق عليك لـ زهراء، وهي موافقة. وأنا عايز أطمن على بنتي معاك. اتجوزها يا حاتم. حاتم: عمي، متخافيش. أنا هتجوز زهراء. نبيل: أنا عارف الكلام.

حاتم: خلاص يا عمي، مفيش حاجة. الحاج موافق. نبيل بفرحة: موافق على إيه؟ حاتم: على جوازي من زهراء. نبيل بفرحة: بجد؟ الحمد لله الحمد لله. حاتم: الحمد لله. نبيل: خلي بالك منها. زهراء غلبانة وطيبة. حاتم: ربنا يحفظك لينا. هتكون كويس بإذن الله. نبيل: بإذن الله. يلا اخرج. وقال إني تعبان وهنام عشان محدش يدخل بعدك. حاتم: حاضر. عايز حاجة؟ نبيل: تسلم يا ابني. اتفضل. ويخرج حاتم. سهام: إيه؟ كويس؟

حاتم: آه الحمد لله. بس هو نايم دلوقتي. سهام: الحمد لله إنه كويس. يلا عز خد البنات وامشوا. ماهر: هقعد معاكم. سهام: لا، يلا امشي عشان الأولاد في البيت لوحدهم مع يارا وموسى. ماهر: حاضر. هييجي بكرة بدري. سهام: بإذن الله. صابر: امشوا انتوا يا بنتي. أنا هقعد شوية. مودة: تمام. يلا يا رحاب. *** في فيلا سليم، نورسين ولين ناموا. يارا: مش هتنام أنت كمان؟ سند: لما يجي بابا. يارا: بس الوقت متأخر أوي. لازم تنام عشان المدرسة بكرة.

سند: هو جدو كويس؟ يارا: هيكون كويس بإذن الله. سند: طيب، أنا هقعد لحد ما بابا يجي. يارا حسيت إنه خايف: طيب تعال ننام أنا وأنت. وأخدته في حضنها. يارا: مالك؟ سند: أنا متعود أنام في حضن عمتو زهراء عشان بخاف. يارا: طيب متخافيش. يلا ننام أنا وأنت. سند: ماشي. ويبدأ ينام. ويجي موسى. موسى: قاعدة كده ليه؟ سند نائم كده ليه؟ يارا: خايف ينام لوحده. أخدته في حضني لحد ما ينام. موسى: تمام. ويسمعوا صوت عربيات. يارا: وصلوا.

موسى: يروح يفتح. ويجوا الشباب يدخلوا كلهم. يارا: عمو عامل إيه؟ بيري: الحمد لله كويس. ماهر: سند نائم كده ليه؟ يارا: كان خايف، فـ أخدته في حضني ونام. ماهر: تسلم يا يارا. هاتيه يا بنتي. ويأخده منه. مودة: فين لين؟ يارا: نايمة. مودة: طيب حاتم، اطلع هاتـها عشان نمشي. أسماء: زهراء، يلا يا حبيبتي عشان تطلعي. زهراء: حاضرة. مودة: تعالي، هطلع معاكي. حاتم: يلا لحد ما أجيب لين وأجي. مودة: تمام.

و الكل يطلع. وموسى ويارا يطلعوا يقفوا برة لحد ما حاتم ومودة يجوا. أسماء: يلا يا بيري، اطلعي نامي انتي كمان. بيري: حاضر يا ماما. أسماء: فين خطيبك؟ مش هنا؟ ظرف؟ إحنا مش المفروض يكون جنبنا؟ بيري: يالهوي! غيث! أنا نسيته. وتطلع الموبايل. بيري: 20 مكالمة منه. ده أنا هيعمل مني شاروما. أسماء: طيب، اطلعي كلميه ونامي على طول. بيري: حاضر. *** في أوضة زهراء. مودة: انتي كويسة دلوقتي؟ زهراء: آه الحمد لله. مودة: طيب، أسيبك تنامي؟

زهراء: تمام يا حبيبتي. مودة: نعم؟ زهراء: انتي طلبتي الطلاق من عز بجد؟ مودة: للأسف آه. زهراء: طيب ليه تعملي كده؟ انتي مالك ومال نام؟ مودة: عشان صعب عليا أشوف أهلي حصلهم كده وأكمل، حتى لو بحب عز. زهراء: يعني انتي بتحبي عز؟ مودة: مين أنا؟ زهراء: انتي لسه بتقولي، حتى لو بحب عز. مودة: ده ده ده. زهراء بضحك: بتحبيه، والله بتحبيه. مودة: آه، جوزي ولازم أحبه. عز: وربنا، وهو بيموت فيكم. مودة بصدمة: عز! أنا أنا! عز: يالهوي!

يعني لازم طلاق عشان تقولي بحبكم؟ مودة: أنا مش قولت حاجة. أنا لازم أمشي حالا حالا. وتجري. زهراء: روحي وراها. عز: تمام. ويجري. عز: إنتي يا بت، اصبري ثواني. مودة: بس يا عز. عز يروح عندها ويمسكها. مودة: ابعد. عز: عملتي كده ليه؟ مودة: عشان إهانة أهلي. عز: طيب، وأنا ذنبي إيه؟ مودة: جدك مش شايف إننا مش من المستوى. عز: ما هو قال كل حاجة. مودة: ما أنا مكنتش أعرف الأول. عز: طيب، مش عايز كلمة طلاق دي أسمعها تاني. مودة: حاضر.

عز: بس بحبك دي عايز أسمعها على طول. حاتم: وحياة طنط سهام. مودة تزق عز: مودة! حاتم: مش عيب، عيب تحضنها كده. عز: مراتي. حاتم: نتكلم بعدين عشان بالليل ومش وقته. يلا يا زفتة، قدامي. عز: مدام عز لو سمحت. حاتم: طيب، يلا يا مدام زفت. عايز أنام. مودة بضحك: يلا يا حبيبتي. عز: بت، حبيبك إيه؟ أنا بس اللي تقولي حبيبتك. حاتم: لا، هنقعد نتخانق كتير. أنا عايز أنام. مودة: يلا. وتمشي. عز: ماشي يا حاتم، لك يوم. حاتم بضحك: هنشوف. سلام.

ويمشي. عز: ماشي، ماشي. مش هتكون جوز أختي تمام. *** في صباح يوم جديد، في المستشفى. سهام: الحمد لله إنك بقيت بخير. نبيل: الحمد لله. يلا روحي نامي وتعالي بليل. سهام: لا، مش هسيبك. نبيل: سهام، اسمعي الكلام. سهام: بس أنت لو سمحت. نبيل: مين برا؟ سهام: بابا، وكاظم، وصابر، وهيام. نبيل: صابر وهيام هنا من امبارح. سهام: آه قاعدين. نبيل: ربنا يحفظهم. سهام: يارب. نبيل: بابا كويس؟ سهام: آه. نفسه يدخل يشوفك.

نبيل: خليهم يدخلوا دلوقتي. سهام: حاضر. وتروح. سهام: بابا. سليم: نعم. سهام: تعال، نبيل عايز يشوفك. سليم: بجد؟ ويدخل. سليم: ابني، عامل إيه؟ نبيل: كويس الحمد لله. كاظم: عامل إيه دلوقتي؟ نبيل: الحمد لله. هيام: ألف سلامة عليك. نبيل: الله يسلمك. كده يا جماعة قاعدين من امبارح؟ طيب روحوا وتعالوا تاني. هيام: أنا قاعدة مع سهام عادي. صابر: يا سيدي، قاعدين أهو. مفيش أي حاجة. نبيل: فين الولاد؟

سهام: كلموني الصبح وقالوا هيروحوا المدرسة ويجوا على طول. وزهراء بتلبس وجاية. نبيل: تمام. *** في المدرسة، في فصل جاد. كان قاعد زعلان. يوسف: مالك يا عم جاد؟ جاد: يعني، انتوا مش عارفين؟ مروان: لا، في إيه؟ تيا: مالك يا جاد؟ جاد بدموع: بابا. فيروز: ماله عمك؟ جاد بدموع: بابا عنده كانسر. رائد: لا حول ولا قوة إلا بالله. يوسف: طيب، اهدى. هيكون كويس. موسى: آه، بإذن الله. وهيرجع أحسن من الأول. جاد: يارب. وتيجي مودة.

مودة: واقفين كده ليه؟ الله، مالك يا جاد؟ جاد: مفيش. أنا كويس. مودة: طيب، روح اغسل وشك وتعالى يلا. جاد: حاضر. كلمتي ماما؟ مودة: آه. وخالو كويس أوي الحمد لله. متخافش. جاد: الحمد لله. ويمشي. مودة: كل واحد مكانه. يلا. *** في المستشفى، زهراء قاعدة في حضن نبيل. سهام: يا بنتي، ابعدي عن أبوكي شوية. زهراء: لـ (لا) نبيل: سيبك منها، افضلي في حضني كده على طول. زهراء: يارب يا بابا. والباب يخبط ويدخل حاتم. حاتم: السلام عليكم.

الكل: وعليكم السلام. هيام: تعال يا حبيبي. حاتم: عامل إيه يا عمي؟ نبيل: الحمد لله يا ابني، تعبت نفسك ليه؟ حاتم: تعبك راحة. سهام: زهراء. زهراء: نعم. سهام: هاتي عصير من التلاجة لحاتم. زهراء: حاضر. وتقوم وتجيب عصير وتجيز. زهراء بكسوف: اتفضل. حاتم: تسلمي، شكراً. زهراء بكسوف: العفو. هيام: عروستنا مكسوفة. حاتم: نيجي نقرأ الفاتحة امتى؟ سليم: أظن إننا في المستشفى. لما ابني يخرج. نبيل: أنا هخرج خلال يومين. وتعال بعدهم يا حاتم.

سليم: ليه الاستعجال؟ نخليها بعد شهر. حاتم: شهر مين يا حاج؟ سليم: صابر، خلي الولد ده يسكت. صابر: بس يا حاتم، غلط طبعاً. شهر حلو عشان يكون خطوبة مع كتب الكتاب. سليم: كتب الكتاب؟ صابر: آه، في السريع. موافقين يا جماعة؟ حاتم: وربنا، أنا موافق، موافق، موافق! هيام بضحك: اهدى يا ابني. حاتم: اصبري يا أمي عشان الحاج بيرجع ف كلامه. سليم: احترم نفسك. حاتم: نيجي امتى؟ سليم: لما نبيل يخرج. نبيل: يعني بعد يومين.

سليم بضيق: تمام. ماشى. هيام: طيب، أزغرط في المستشفى؟ نبيل: لما نرجع البيت. هيام: بإذن الله. نبيل: فين كاظم؟ سهام: بره بيجيب حاجة وجاي. والباب يخبط ويدخلوا الشباب والبنات. سهام: أهلاً بالدوشة. عز: حبيب قلبي، عامل إيه؟ نبيل: كويس يا حبيبي الحمد لله. ماهر: ألف سلامة عليك. نبيل: الله يسلمك. فين نورسين وسند؟ ماهر: في البيت مع يارا. نبيل: تمام. فين جاد؟

مودة: أنا قولته يروح عشان كان شكله تعبان، وراح غصب عنه. وقالي هييجي بليل. نبيل: أحسن برضو. راجع من المدرسة خليه يروح ينام شوية. ازيكم يا بنات؟ الكل: الحمد لله يا عمو. كاظم يجيب. كاظم: أهلاً. بيري: بابا حبيبي. كاظم: فين الهبل بتاعك؟ بيري باستغراب: أهبل مين؟ كاظم: خطيبك. مش عارف إني عمك في المستشفى؟ بيري: تصدق، مش عارفة. أنا بخاف لما يختفي فجأة كده. نبيل: هو مش كان في المدرسة إنهاردة؟

بيري: لا، كان موجود. بس أنا كان عندي شغل كتير فـ مش شفته غير مرة. والباب يخبط ويدخل. كاظم: أهو المجنون وصل. غيث: مساء الخير يا جماعة. معلش اتأخرت لحد ما لقيت برتقال وموز. سليم: بتقول إيه؟ غيث: برتقال وموز. مش جايبين نشوف مريض في المستشفى؟ سليم: امشي من وشي دلوقتي. حد يجي مستشفى نضيفة بـ برتقال وموز؟ غيث: طيب، أجيب إيه؟ سليم: شوكولاتة. غيث: لا، دي جبتها يوم قراية الفاتحة. سليم: قراية الفاتحة؟

وفيها إيه لما تجيبها تاني؟ غيث: طيب، لما عمو يخرج بالسلامة، أوعدك أجيب اتنين كيلو لحمة وأجي. سليم: امشي من قدامي يا غيث، امشي. غيث: هاكل البرتقال. وراح اقعد جنبه. ويطلع برتقال. غيث: خد يا حاج. سليم: امشي يا حيوان من هنا. غيث بياكل البرتقال: ده كرم الضيف عندكم يا حاج. صح يا عمي، عامل إيه؟ نبيل: لسه فاكر. الحمد لله كويس. غيث: طيب الحمد لله. تاخد برتقال؟ نبيل: لا، شكراً. غيث: خطيبتي؟ بيري: نعم يا آخرة صبري.

غيث: خدي برتقال. بيري: لا، شكراً. غيث: مودة، موزة ولا برتقال؟ مودة: هات موزة. غيث: خد. مودة: شكراً، تسلم. غيث: عز، موزة ولا برتقال؟ ولا أقولك، خد حتة من مراتك. ماهر: إيه القرد اللي قاعد ده؟ كاظم: غيث. غيث: نعم يا عمي؟ كاظم: سيب بنتي. غيث: ليه يلهوي؟ أنا نسيت. خد يا عمو، موزة ولا برتقال؟ كاظم: برة. غيث: موزة ولا برتقال؟ كاظم: مش عايز منك حاجة. غيث: في إيه يا حمايا؟ عز: يلا يا غيث من هنا. نبيل: يلا كلكم من هنا.

زهراء: أنا هقعد معاك. ماهر: وأنا. نبيل: طيب، ماهر وزهراء يقعدوا. والباقي يمشي. وإنتي أول حاجة يا سهام، إنتي قاعدة من امبارح. روحي وتعالي بليل. سهام: بس. نبيل: اسمعي الكلام بقى. و خدي بابا معاك. سليم: لا، أنا مش همشي. نبيل: بابا، لو سمحت. سليم: مش هروح ف مكان. قاعد. غيث: خلاص يا عمو، هقعد أنا والحاج ناكل برتقال لحد ما هما يجوا. متخافش عليه. سليم: إنت اقعد. غيث: أكيد. سليم: طيب، أنا همشي. غيث بضحك: ليه بس؟

عز: بس يا رخم، ملكيش دعوة بجدو. غيث: جدو ده حبيبي والله. مش هتخليني أتـجوز البت اللي هناك؟ سليم: قولنا الخطوبة بعد أسبوعين. غيث: أسبوع؟ سليم: أسبوع يا زفت. غيث: شكراً. طيب، ما نخليها فرح على طول. سليم: بس يا غيث، بس يا ابني. غيث: بس. *** في فيلا سليم، يارا خرجت من أوضة نورسين وسند، وكانت بتكلم حسناء. حسناء: ناموا. يارا: آه الحمد لله. لين عاملة إيه؟ حسناء: نامت الحمد لله. من عندك؟

يارا: مفيش، كانت طنط أسماء ومشيت عشان كده هفضل معاهم. حسناء: تمام. أنا خمس دقايق، هيجيب لين وأجي. وموسى جاي عندك دلوقتي. يارا: تمام يا ماما. يلا سلام. وتقفل. يارا: واقفة عندك ليه؟ يارا بصت، كان جاد. جاد: واقفة عندك كده ليه؟ يارا: إنت هنا ليه؟ جاد: ده بيتي يا هبلة. إنتي اللي هنا ليه؟ يارا: عشان نورسين وسند. جاد: هما فين؟ يارا: ناموا. جاد: فين طنط أسماء؟ يارا: راحت تشوف عمو في المستشفى. جاد: يعني إحنا هنا لوحدنا؟

يارا: آه. اتفضل بقى في أوضتك لحد ما يجي موسى. عشان مش هينفع نقعد لوحدنا. إنت مش المفروض في المستشفى؟ جاد: هروح شوية وبعدين. ده بيتي، أجي في أي وقت براحتي. وبعدين، ما إنتي لو رجعتي معانا كنت سمعتي مودة هي بتقولي امشي وتعال شوية. يارا: لا، سمعت يا بابا. بس فاكرة إن في حد هنا تاني. على العموم، اتفضل في أوضتك. جاد: الله. يارا: صدقني، مش هينفع نكون لوحدنا. حرام. اتفضل على أوضتك، وأنا هدخل أوضة نورسين وسند وأقفل الباب.

جاد: طيب، ادخلي. يارا: لما تمشي إنت الأول. جاد: هو إنتي خايفة كده ليه؟ على فكرة، أنا مستحيل أعملك حاجة. يارا: ما إنت بتكلم بنات وبتضحك عليهم. جاد: مين قالكِ؟ يارا: هو أنا في فصل تاني؟ ما أنا نفس الفصل وبتشوف بتعملوا إيه. جاد: احم، إحنا صحاب عادي. يارا: صحاب بكلام حب وصور وفيديوهات. جاد: الله، إنتي عارفة الصور والفيديوهات كمان؟ يارا: آه. اللي إنت بتعملوه ده حرام. جاد: أنا مش بعمل حاجة بالصور. يارا: ما بتاخدها ليه؟

جاد: مش عارف. يارا: طيب، خليك فاكر إن عندك أخت. جاد: أختي مش زيهم. يارا: هما مالهم؟ هما بنات طيبين. إنت وصحابك ضحكتوا عليهم عشان بس رغبتكم. جاد: الغلط مش عندي. الغلط عليها، بتوافق تكلمني ليه؟ يارا: إنتوا الاتنين غلط. غلط إنك تضحك عليها، وهي غلط إنها تكلم واحد زبالة زيك. جاد بصدمة: زبالة؟ يارا: آه. ويلا امشي من هنا. جاد: أنا في بيتي. يارا: طيب. ودخلت أوضة نورسين وسند وقفلته في وشه.

جاد: ماشي يا يارا. أنا وإنتي والزمان طول، هنشوف كلمة "زبالة" دي بعدين. زبالة؟ أنا زبالة؟ و الباب يخبط. ويروح يفتح. وكان موسى. موسى: إنت هنا فين؟ جاد: فوق، في أوضة سند ونورسين. موسى: إنتوا لوحدكم؟ جاد: آه. بس هي قافلة على نفسها باب الأوضة. موسى: ليه؟ إنت كلمتها؟ جاد: هو أنا أقدر أكلمها أساساً؟ دي عليها لسان. سيبني بالله عشان هطلع أضربه. موسى: ليه؟ جاد: وربنا هقولك. ويقولهم. موسى: ما عندها حق.

جاد: يعني إنت عمرك ما كلمت بنات؟ موسى: لا. جاد: إزاي؟

موسى: أنا عارف إن الكلام حرام طالما مفيش عقد شرعي. أنا طلعت وسط أسرة ماشية بالدين. صح، والكلام بين أي بنت بحدود. وإني أنا عندي أخوات بنات ولازم أخاف عليهم. على فكرة، أنا زي أي شاب نفسي أتكلم وكده، بس خايف من ربنا وخايف على أخواتي. ومش هحب بنت غير لما تكون حلالي. ولما شفت حاتم، أهو أكبر مني، وعمري ما شفته مرتبط ولا أي حاجة. بالعكس، بيحافظ على قلبه عشان حلاله. وربنا رزقه بأختك، أهو.

جاد: لا، ما أنا أختي محترمة. سيبك مني. أنا فاشل ومش نافع معايا حاجة. موسى: ليه بتقول كده؟ ما كلنا بنغلط وبنرجع. يعني إنت فاكر إني ماشي صح طول عمري؟ أكيد بغلط وبنرجع. وده أهم حاجة إننا نرجع ونتوب لربنا. جاد: أكلت؟ موسى: لا، خالتو حسناء جايبة أكل وجاية ورايا. اصبر، ناكل كلنا. جاد: تمام. *** في عربية عز. غيث: جدعان. عز: خير. غيث: هو شكلنا إحنا نحس، أنا والبت دي. بيري: نعم. عز: في إيه؟

غيث: إحنا اتفقنا إني هكلم عمو عشان نكتب الكتاب مع الخطوبة. مودة: إنتي موافقة يا بيري؟ بيري: آه. عز: أقولك حاجة؟ غيث: اتفضل. عز: إحنا نقول لبابا، ونخليه يقول لجدو. صدقني كده هيوافق. غيث: أشطا، جداً. عز: تمام. بس ثواني. إنتي كلمتيها امتى عشان تتفقوا؟ غيث: من يومين كده. عز: وأنا قولت مفيش زفت كلام غير بعد كتب الكتاب. غيث: أنا كنت بعرف رأيها بس. عز: يعني هي مش ليها أخوات ولاد؟ يعني إيه؟ غيث: خلاص يا عز، مش حوار.

ويطلع سجائر. بيري بصدمة: إيه ده؟ غيث: سجائر. بيري: إنت بتشرب؟ غيث: آه، من زمان. بيري: أنا أول مرة أعرف. إزاي محدش قالي؟ غيث: دي سجائر مش مخدرات، يعني. بيري بصدمة: أنا عمري ما شفتك بتشرب. ده من امتى ده؟ غيث: مش بشرب كتير. بيري: عز، إنت كنت عارف؟ غيث: ما عز بيشرب هو كمان. مودة: يا نعم. عز: وربنا مش بشرب. بيهزر. أنا عارف إنه بيشرب سجائر، إنما مش بشرب. وإنت يا بني، عايز تشرب؟ لما نروح، بلاش في العربية. بيري: عربية؟

ده إنت يومك أزرق يا غيث. ارمي القرف ده. غيث: بس يا بتي. بيري بصوت عالي: أنا مش بهزر. غيث: صوتك يا بتي. عز: بس يا غيث، نتكلم في البيت. مودة بهمس: خلاص يا بيري. بيري بغضب: يعني مش شايفة هو غلط. مودة: طيب، نتكلم في البيت. بيري بغضب: حاضر. *** بعد مدة، كلهم روحوا البيت. وغيث كان واقف في الجنينة. وتيجي بيري. غيث: يا هلا. بيري: أنا زعلانة منك أوي. غيث: ليه؟ بيري: إزاي بتشرب سجائر حرام يا غيث. غيث: أنا مش بشرب كتير.

بيري: برضه غلط. غيث: طيب، إنتي عايزة إيه؟ بيري: تبعد عنها. غيث: هحاول. بيري: وإزاي أنا مش شوفتك قبل كده؟ غيث: ما قولتلك، مش بشرب كتير. بيري: تمام. بس بالله، ابعد عنها. غيث: حاضر يا بيري. حاجة تانية؟ بيري: لا. غيث: طيب، أنا كمان عندي طلب. بيري: إيه؟ غيث: عايزك تلبسي الخمار. بيري: أنا بفكر في كده بقالي فترة، بس خايفة من الخطوة دي. أنا لسه لابسة الحجاب من فترة. غيث: متخافيش. اتكلي على الله. بيري: هتبعد عن القرف ده؟

غيث: حاضر، عشان خاطرك. بيري: عشانك مش عشاني. صحتك أهم من القرف ده. غيث: حاضر. *** عند مودة، كانت بتكلم عز. عز: العمال جاين بكرة يعملوا الجناح. مودة: مش هتصبر لحد ما خالي يخرج؟ عز: هو اللي طلب كده. لقيته بيقولي: أنا كلمت العمال وجاين بكرة. المفروض يجوا الأسبوع الجاي. مودة: خلاص تمام، على خير. عز: تعالي بدري بكرة عشان نشوف هنعمل إيه. مودة: خلاص، بإذن الله. بتعملي إيه؟ مودة: قاعدة عادي. عز: طيب، ما تيجي نخرج.

مودة: هنروح فين؟ عز: نلف بالعربية شوية. أنا مخنوق وعايز أشوفك. مودة: طيب، تمام. يلا هلبس وأنزل. عز: وأنا كمان. مودة: ألبس أي جلابية وأنزل؟ عز: جلابية؟ مودة: ما إحنا هنقعد في العربية، مش هننزل. عز: طيب تمام. يلا. مودة: يلا. *** بعد مدة، عز كان واقف قدام العربية بجلابية، وهي نزلت بـ أسدال. عز بضحك: لا، إحنا كده رايحين صلاة العيد. مودة: يارب والله. نروح نصلي مع بعض كده. عز: يارب، وتكوني في بيتي. مودة: يارب.

عز: يلا، اركبي. مودة: يلا. ويركبوا. عز: تاكلي إيه؟ مودة: ناكل في العربية؟ صح؟ عز: أهم. مودة: خلاص، تعال نجيب بيتزا. عز: تمام. *** في المستشفى، جاد وسهام وماهر، ونورسين وسند راحوا لـ نبيل. نورسين: جدو، حبيبي. نبيل: حبيبتي، عاملة إيه؟ نورسين: الحمد لله. إنت كويس؟ نبيل: آه يا حبيبتي الحمد لله. جاد: ألف سلامة عليك. نبيل: الله يسلمك. عامل إيه يا جاد؟ جاد: كويس الحمد لله. نبيل: أدام الله حمدك. سليم: روحت المدرسة إنهاردة؟

جاد: آه والله. سليم: تمام. والباب يخبط ويدخل غيث وبيري وزهراء. غيث: مساء الخير. سليم: أهلاً. غيث: جدو، حبيبي. سليم: مش ناقصة صداع. اقعد ساكت. غيث: حاضر. زهراء: عامل إيه دلوقتي يا بابا؟ نبيل: كويس الحمد لله. بيري: الحمد لله. هتخرج امتى يا عمو؟ نبيل: بكرة بإذن الله. بيري: على خير. غيث: حماتي حبيبتي، إزيك عاملة إيه؟ أسماء: أهلاً. غيث: وسهلاً. أسماء: مستفز. غيث ابتسم برخامة وراح عند نبيل. نبيل بهمس: عايز إيه؟

غيث: يوم الخطوبة، اكتب على بيري. نبيل: هي موافقة؟ غيث: آه والله. نبيل: طيب، اتكل على الله. اتكلم وأنا معاك. غيث: حبيبي، بقولكم يا جماعة. سليم: خير. غيث: كنت عايز آخد رأيك يا جدو ويا عمو كاظم، إني يوم الخطوبة يكون كتب الكتاب كمان. سليم: نعم؟ إنت بتقول إيه؟ غيث: يا حاج، صل على النبي. كاظم: بيري، إنتي موافقة؟ بيري: اللي حضرتك شايفه. أسماء: معني كده إنك موافقة. سليم: أكيد. نبيل: ممكن أقول رأيي؟

بيري شكلها موافقة. لو سمحت يا كاظم إنت وبابا، خليهم يفرحوا عشان خاطري. كاظم: أنا شخصياً موافق، طالما بيري مبسوطة. سليم: ابني تعبان. لما نمشي نتكلم ف الموضوع ده. نبيل: أنا مش تعبان. أنا كويس. وأنا اللي طلبت من حضرتك كده عشان خاطري. سليم: ... غيث: وافق بقا. نبيل: عشان خاطري. سليم بضيق: تمام. غيث: إيهوه يا جدو يا حبيبي. وباس إيد نبيل. نبيل: مبارك يا ابني. غيث: ربنا يحفظك ليا. نبيل: ويحفظكم ليا. أسماء: بعد إذنكم.

غيث: مفيش زغروطة يا حماتي؟ أسماء بصت لـ غيث بقرف وخرجت. غيث: الله. أزغرط أنا يعني؟ ولا إيه؟ كاظم بضحك: لما نروح البيت نفرح كلنا. غيث بابتسامة: بإذن الله. *** في عربية جاد، كانوا بياكلوا بيتزا. مودة: هنعمل الجناح إزاي؟ عز: إنتي عايزة إيه؟ مودة: هو كام أوضة؟ عز: اتنين. مودة: طيب، تمام. نعمل أوضة لينا، وأوضة تاني نحط فيها كام سرير كده ويكون شكلهم حلو، والجناح كله يكون أبيض. عز: تمام.

مودة: ونعمل بلكونة شكلها حلو عشان نقعد فيها أنا وإنت كل يوم. عز: يا سلام. تمام يا ستي. مودة: ممكن طلب؟ عز: اتفضل. مودة: عايزة مرجيحة. عز: حاضر يا مودة. مودة: هتجيبها بجد؟ عز: آه. أنا عندي كام؟ مودة: ربنا يحفظك ليا. عز: يارب. *** في يوم جديد، عند مودة. كانت بتجهز بسعادة. ويدخل صابر. صابر: عروستنا، صباح الخير. مودة: صباح النور. صابر: رايحة دلوقتي تشوفي الجناح، صح؟ مودة: آه يا بابا.

صابر: على خير بإذن الله. أنا رايح المستشفى عشان خالك هيخرج إنهاردة. مودة: تمام يا حبيبي. *** عند عز، كان واقف هو والعمال. وتيجي مودة. مودة: السلام عليكم. عز: وعليكم السلام. تعالي، المدام، شوفيها عايزة تعمل إيه. مودة: وتقول. مودة: عايزة إيه؟ مودة: كده تمام. عز: تمام يا فندم، تحت أمركم. مودة: شكراً لحضرتك. عز: اشتغلوا بقى براحتكم. ولو عايزين حاجة، كلموني. العمال: تمام يا باشا. اتفضل. *** في المدرسة، في فصل جاد.

يوسف: هي مودة مش جاية إنهاردة؟ جاد: هتـيجي متأخرة. بتعمل الجناح بتاعه. مروان: امتى تتجوز، عشان نقعد شهر من غيرها. يارا: أحب أقولكم، مودة لما تتجوز مش هتقعد إجازة غير أسبوع. مروان: إحنا صوتنا عالي أوي كده. يارا: آه. وبلاش كلام على مودة كتير. يوسف: الله، إنتي مالكِ؟ يارا: بنت عمي. موسى: يارا، اقعدي. يارا: حاضر. جاد: كلميها كويس يا يوسف. يوسف: حاضر. طيب، إحنا هنقعد كده. هو فين تامر ده كمان؟

رويدا دخلت بحزن: مستر تامر مش جاي إنهاردة. موسى: أحسن. جاد: طيب، بما إننا قاعدين، ما تيجوا نلعب أي لعبة مع بعض كلنا. يوسف: وإحنا؟ جاد: أي لعبة عايزين تلعبوا؟ أي. يوسف: نلعب تحدي معهم، واللي يكسب ينفذ طلب التاني. موافقين؟ موسى: آه. يلا، إحنا فريق، وإنتوا فريق. ستة قدام ستة. يوسف: إشطا. يلا بينا نلعب إيه؟ موسى: أي حاجة موافقة. يوسف: أسئلة. موسى: أسئلة. يوسف: أسئلة عامة، واللي يجاوب عليها يكسب.

موسى: تمام. واحد منك أو مننا يسأل. تيا: لا، كده هيكون في غش. عايزين حد غيرنا نهائي. أمجـد: هنجيب مين يعني؟ آيات: تعالوا نشوف أي حد. فيروز: كل الطلاب عندهم حصص دلوقتي. مروان: أنا عارف هنجيب مين... غيث: مبدأ كده، خمس أسئلة نبدأ. ومعكم عشرين ثانية للتفكير. ومعنا طبعاً أستاذ عز و حرمه المدام مودة، والأستاذة بيري، أم العيال. يوسف: ابدأ. إن شاء الله إحنا اللي هنكسب. موسى: هنشوف.

غيث: أعزائي المشاهدين والمشاهدات، إحنا حالا في مسابقة بين فريق "جمع و وفق" وفريق "أخواتي". وأول سؤال معانا في الرياضيات: 15 × 20 -20 = ؟ يوسف: 0. غيث: إجابة غلط. "جمع و وفق"، عندكم إجابة؟ موسى: آه، 280. غيث: إجابة صح. جاد: ليه إن شاء الله؟ غيث: عشان يا ساقط إنت وهو، الضرب بعد كده الطرح. عز: فاشلين. يوسف: آه صح. غيث: ندخل في السؤال التاني. مين مؤلف فيلم "ابن الحداد"؟ مروان: يوسف وهبي.

غيث: برافو. 1/1. مصر فازت كام مرة بكأس العالم؟ موسى: ولا مرة. غيث: إجابة صحيحة. يوسف: على فكرة، السؤال سهل وأنا عارفه، ومصر كلها عارفة. غيث: السرعة يا أستاذ يوسف، اللي يقول الأول. يوسف: تمام. غيث: دلوقتي، لو فريق "جمع و وفق" قالوا السؤال صح، فنقول مبارك لهم. أما لو فريق "أخواتي" صح، فهيكون ليهم فرصة يرجعوا تاني. نقول السؤال: مغني أغنية "طال الغياب"؟ مروان: مسلم. غيث: برافو. برا. إجابة صحيحة.

موسى: ما أنا مش بسمع أغاني. غيث: إحنا قولنا من الأول نحدد نوع الأسئلة. قولتوا أي حاجة. أمجـد: خلاص، مش مهم. يلا يا مستر. اتفضل. غيث: السؤال الآخر اللي هيحدد مين اللي يكسب. أه، إيه هو السؤال؟ موسيقي تصويرية لو سمحت. جاهزين؟ تيا: آه. يلا. غيث: اختاروا اتنين منكم بسرعة. يوسف: مين ينزل؟ تيا: أنا عادي. يوسف: طيب، يلا. وائل: أمجد، انزل. أمجـد: تمام.

غيث: معنا دلوقتي أمجد وتيا. أه، نبدأ. 33 + 3 + 30 + 3 + 333. في كام 3 في الصورة؟ تيا: 8. يوسف بفرحة: إيوه بقي. ويعملوا هيصة. غيث: ثواني، ثواني. الإجابة غلط. مروان: نعم؟ غيث: الفريق التاني عنده إجابة. أمجـد: آه، 2. غيث: إجابة صحيحة. مبارك فريق "جمع و وفق". مبارك. حظ تعيس لكم يا فريق "أخواتي". يوسف: ثواني، ثواني. غيث: أنا بقول كام 3. 3 بس، فاهم؟ جاد: أه، اوف بقي. غيث: مبارك فريق "جمع و وفق". ويطلع موبايله ويشغل.

غيث: والله وعملوها الرجالة. غيث: عاش يا أبطال، عاش. عز: بس يا ابني، بطل دوشة. غيث: جمع و وفق كسبوا. مودة بضحك: والله إنت مجنون. بيري: عوض عليا، عوض الصابرين يارب. غيث: استني العقاب يا شباب. موسى: هو مش عقاب عشان إحنا أخوات. هو طلبي. يوسف: جدع يا موسى والله. إيه بقي؟ أمجـد: ننزل نصلي كلنا الظهر، إيه رأيكم؟ عز: فكرة جميلة أوي. الشباب والبنات بصوا لبعض. تيا: بس إحنا مش معانا حجاب. يارا: أنا هتصرف. يلا بينا.

الكل: تمام. يلا. ويخرجوا كلهم. مودة: ماشاء الله. عز: فكرة حلوة. ربنا يحفظهم. الكل: يارب. غيث: لا، إحنا نلعب كل يوم نفس اللعبة. وربنا، جو حلو. بلا مدرسة بلا قرف. عز: أنا كان نفسي جدو يكون هنا. غيث بضحك: آه، كان زماني بيشوف مدرسة تانية. مودة بضحك: بس إيه "جمع و وفق" دي؟ غيث: أنا اخترت الأسماء، حسيت إنهم حلوين كده. أهو بنهزر شوية مع العيال عشان لما أموت يفتكروني. بيري: بعد الشر عليك. غيث: خايفة عليا؟ بيري: أنا عندي حصة.

وتجري. ومودة تمشي وراها. عز: بتحبها يا غيث؟ غيث: مش عارف. غيث: أنا متعود عليها في حياتي. يعني لازم أشوفها كل يوم وتكون جنبي. وبحب أرخم عليها أوي. بس إنت عارف، في الأول والآخر ده اتفاق وفترة، وكل واحد يروح لحاله. عز: طيب، ما فترة وكل واحد يروح لحاله. عايز تكتب عليها ليه؟ غيث: ليه؟ عز: عشان إنت بتحبها بس خايف تقول كده. غيث: عز، نكمل كلامنا بعدين. عندي حصة. يلا. عز: تمام.