رواية معلمة من الصعيد الفصل الرابع والعشرون 24 - بقلم مريم شعبان

يوم جديد. فيلا تيا. كانت قاعدة بتصور فيديو. تيا: يا صباح الفل والياسمين على عيونكم. قولت قبل ما أروح المدرسة أصور لكم. طبعًا النهارده هيكون في مطعم... لو المطعم عجبني هقولكم عليه. وكمان النهارده في حفلة... وأكيد الكل جاي، فحابّة أتصور معاكم وأشوفكم كلكم. بحبكم، باي. وقفلَت الفيديو ونزلتُه. وفتحت فيديو بأغاني وترقص عليه. والباب يخبط ويدخل أشرف. أشرف: تيا. تيا: نعام. أشرف: بتعملي إيه. تيا: بصور فيديو.

أشرف: أوعي تكوني بتنزلي القرف ده. تيا: بنزلُه. أكيد أنا عندي عدد كبير متابعين ليا. أشرف: إنتي بتهزري؟ إيه الهبل ده؟ غلط يا تيا، غلط. تيا: أشرف، إنت نسيت إنت بتعمل إيه. أشرف: أكيد مش ناسي، بس أوعدك مش هعمل كده تاني. ولا هييجي جنبك ولا أعملك أي حاجة. تيا: وده من إمتى؟ إن شاء الله. أشرف: من النهارده، بإذن الله. يلا البسي وأنا تحت عشان أوصلك. تيا: إيه التغيير ده؟ من إمتى وإنت كده. أشرف: ربك يهدي من يشاء.

تيا بضحك: لا، ما العالم كله يتغير ما عدا إنت. في شيطان يتوب. أشرف: بس أنا إنسان مش شيطان. خلصي وأنا تحت. ومشى. تيا باستغراب: لا، مستحيل. ده أشرف. أنا بتخيل ولا إيه. تحت عند فرح. كانت بتحضر الفطار. أشرف: السلام عليكم. فرح باستغراب: وعليكم السلام. رايح فين بدري كده؟ أشرف: هوصل تيا المدرسة. فرح: ده من إمتى؟ إن شاء الله. أشرف: من النهارده. فرح: مش لازم تعمل كده يعني. قولتلك هخليك تتجوزها.

أشرف: أنا لو تيا مش موافقة عليا، مستحيل أتجوزها. أنا هروح أوصلها عشان دي أمانة عندنا. فرح: إنت بتقول إيه؟ إنت مجنون؟ عايزة تضيعي الفلوس دي كلها علينا؟ الورث ده كله هيروح فينا. أشرف: ورث إيه؟ ربنا يطول في عمر خالو. لو سمحت يا أمي، أنا مش عايز كلام في الموضوع ده. فرح: إنت متغير ليه؟ كنت فين امبارح من العصر لحد الفجر؟ داخلة البيت الفجر. كنت فين يا أشرف؟ وليه لهجتك اتغيرت؟ أشرف: أنا كويس يا ماما. فرح: كنت فين امبارح.

أشرف: مع ناس صحابي. فرح: صحابك مينا؟ أشرف: صحابي يا ماما. يلا يا تيا. تيا: أنا خلصت. فرح: مش هتفطري. تيا: لا، مش قادرة. يلا. وتمشي، وأشرف يمشي وراها. فرح: مالهم دول. قدام الفيلات. تيا: هقعد ورا. أشرف: اركبي براحتك. تيا: تمام. أشرف: تحبي تفطري قبل ما تروحي المدرسة. تيا بخوف: لا. أشرف: خوفتي كده ليه. تيا: مش عايزة منك حاجة. أشرف باستغراب: هو أنا كلمتك؟ أنا بقولك تفطري.

تيا: آه، ممكن تكون حاطط حاجة في الأكل ويحصل حاجة وأنا مش واثقة فيك بعد كده. أشرف بضحك: إيه ده كله؟ هعمل إيه فيكي يعني. تيا: يعني يعنى. أشرف: فهمتك يا تيا. بس عايزك تنسي الكائن بتاع زمان. ربنا يهديني وأكون واحد جديد. تيا: مالك يا أشرف؟ متغير ليه؟ في حاجة غلط.

أشرف: كل الحكاية يا ستي إني امبارح كنت رايح الجامعة وأسهر مع صحابي في أي مكان بعد كده. فالمهم خلصت محاضرات على العصر كده وأنا نازل أنا وصحابي. ضايقنا على بنت مختمرة بس جميلة أوي. المهم يعني واحد معانا في الدفعة معروف بشيخ الدفعة، المهم شفنا. فجيه اتخانق معانا. والله يا تيا قال كلمة خلّتني أفوّق وأركز كده. تيا: قال إيه. أشرف: "تخليها لو أختك أو خطيبتك أو حبيبتك، هتوافق يحصل معاها كده؟

" مقدرتش أتخيل حد بحبه في اللحظة دي. وهو بعد ما قال كده، البنت نسيت وهو راح الجامع، المسجد. كان عندي فضول فروحت وراه. وهو شافني قال: "ما تدخل، واقف ليه؟ تعال في درس جوه." تيا: ودخل.

أشرف: آه، هو شدني عشان أدخل. ولقيت الناس بصت علينا فدخلت. المهم قعدت جنبه. المهم كان الدرس الهداية. قعدت أسمع وأول مرة في حياتي أسمع حاجة عن القرب من ربنا. وحسيت إن ربنا خليني أعمل الخناقة دي عشان أروح الجامع. المهم بعد ما خلص الدرس وأنا حاسس إني مش قادر، حاسس إني كان في سواد قدام عيوني. وراح مرة واحد وأنا قاعد سرحان.

قال: "يلا صلاة العصر". شدني الأخ اللي دخلني الأول برضه. وروحت اتوضيت زيه وساعدني. المهم روحت صليت وأول مرة أعيط. أول مرة أحس إني مخنوق من الدنيا كلها. أقعد بادعي ربنا يغفرلي بس ويسامحني عن كل حاجة وحشة عملتها. وقعدت أدعي ربنا كتير لحد ما خلصت صلاة وقمت. كان المسجد فاضي مفيش غير الشخص اللي دخلت معاه والشيخ اللي كان بيقول الدرس. فشاورلي عشان أروح عنده. فروحت. فـ قالي: "مالك يا بني؟

قولتله: "أنا بعيد أوي أوي، أنا أول مرة أصلي." قولتله: "تفتكر ربنا هيسامحني؟ قالي: "ربنا يتقبل التوبة ويغفر الذنوب جميعًا." قولت: "أنا عملت حاجات كتير غلط." قالي: "غفور رحيم." قولت: "أنا كنت بكلم بنات وبسهر وعمري ما ركعتها." قالي: "غفور رحيم." وبدأت أتكلم معاه كتير. ويقولي الحلال والحرام.

وقالي: "أنا كل يوم بعد المغرب بكون في جامع الرحمن اللي جنب الجامعة. تعال هتكون مبسوط وأنت مع الصحبة الصالحة." ولما رجعت قررت أبدأ صفحة جديدة وأتوب وأحافظ على الحاجة اللي بحبها. تيا: ربنا يهديك. أشرف: يارب. نروح نفطر بقيت. تيا: ممكن ناخد سندوتشات عشان بس متأخرة. أشرف: تمام. فيلا سليم. سهام: يا بني اقعد افطر براحة. جاد: مستعجل يا ست الكل. سهام: هو الباص مش جاي ولا إيه. جاد: مش عارف بقاله يومين على كده.

سهام: مين السواق بتاع الباص. جاد: مش فاكر. في كتير. كاظم: ما تشوفوا عربية وتروح أنت وأصحابك وبلاش باص المدرسة. آه هي بتاعتنا بس بلاش عشان المشاكل بتاعتكم. جاد: والله شكلك عارف يا حاج. سهام: عارف إيه. كاظم: البيه اتخانق مع شباب في الباص ومش عايز يركب عشان محدش فينا يقول لباباه. جاد: خلاص يا ست الكل، بقيت. نبيل: بس غريبة مش ماسك موبايل على الصبح. جاد: لا، ما الموبايل اتكسر. سهام: اتكسر ليه.

جاد: كنا بنلعب أنا وشباب وبنعدي الشارع بسرعة فوقعت منه. سهام: فداك يا حبيبي، أهم حاجة إنك كويس. جاد: آه الحمد لله. وماهر قالي هيجيب موبايل جديد، مش كده. ماهر: صح. سهام: ربنا يحفظكم لبعض. ماهر: يارب يا حبيبتي. في المدرسة، في فصل جاد. مودة: السلام عليكم. الكل: وعليكم السلام ورحمة الله وبركاته. مودة: عاملين إيه. يوسف: الحمد لله. وحشتني والله. مودة: وحشتني. يوسف: والله. وبعدين إنتي داخلة دلوقتي ليه؟ مش حصتكم.

مودة: آه عارفة، بس دي حصة مستر تامر. رويدا: هو مش جاي. مودة: لا. فيروز: بس بقاله كتير مش بيجي. مودة: آه إجازة الفترة دي، بيقولوا تعبان. تيا: تمام. مودة: ناخد الحصة بقى. يوسف: ما تخلي الحصة دي كده. إنتي كده كده خلصتي جزء كبير معانا في الفلسفة. مودة: ممكن نخلي الحصة كده بس نتكلم مع بعض. مروان: موافقين. مودة: نتكلم في إيه بقى. يوسف: ما تيجي نلعب. مودة: إيه يا أستاذ يوسف. جاد: أسئلة. يوسف: بلاها.

مودة: بطل رخامة. طيب بصوا، إيه رأيكم أسأل أنا السؤال والكل يجاوب عليه. الكل: موافقين. يوسف: بس بشرط. مودة: اتفضل يا أستاذ يوسف. يوسف: نسأل إحنا كمان. مودة: موافقة. مروان: كل واحد فينا يسأل. مودة: موافقة برضه، عادي. جاد: اتفقنا. يلا نبدأ. مودة: يلا. عايزة أعرف أحلامكم إيه. لو نفسكم في حاجة دلوقتي اتحققت هتكون إيه. عايزة أعرف بجد، مين يبدأ. تيا: أي حد عادي. مودة: تبدأ يا يوسف. يوسف: تمام. مودة: نفسك في إيه.

يوسف: إني بابا يرجع ويخلي ماما تقعد معايا على طول، متنزليش الشغل كتير، تاخد بالها مني، ميكونش الشغل أهم مني، ميكونش المهم عندها شكلها ومنظرها قدام الناس. أنجح عشان أفرحها.

مروان: إني بابا وماما يرجعوا لبعض. إني مقعدش لوحدي تاني. نفسي أقعد وسط ناس بدل ما أنا بقعد أسابيع لوحدي لحد ما بابا يجي يقعد معايا يومين ويمشي يروح لمراته الجديدة. إني حد يحس إني عايش. إني أخويا يرجع وينزل إجازة عشان أشوفه. بقالي عشر سنين مشفتش أخويا.

تيا: ماما وبابا يرجعوا ويقعدوا معايا على طول ومش مهم الشغل. عمتي تسيبني وتسافر بدل ما هي طمعانة في فلوسي على طول. أبطل أصور تيك توك عشان أنا بصور وأنا متضايق عشان مليش حد يقعد معايا على طول. رويدا: حد يهتم بيا يقعد معايا بدل ما أنا قاعدة طول الوقت لوحدي. معنديش غير خالي مهدي، ربنا يحفظه ليا.

غرام: إني بابا يحبني، يحب البنات عمومًا بدل ما هو شايف إني البنات عار عليه. وأقعد مع أمي وباقي أخواتي بدل ما أنا قاعدة عند جدتي عشان أنا بنت. فيروز: أكون جميلة، أخس عشان محدش يتنمر على شكلي بدل ما كل حد يقولي تخنتي أوي، فكري تخسي، هتروحي فين تاني. نفسي أخس بس مش عارفة ومش قادرة. وائل: أبعد عن أهل بابا عشان مركزين في حياتنا أوي. حاولوا يخربوا بين ماما وبابا كتير. أعيش مرتاح لو مرة واحدة.

يارا: أنجح وأفرح أهلي بيا وأقعد هنا مش في الصعيد. آيات: أعيش مرتاحة بدون تعب وخوف وبدون ما كل شوية نروح مستشفيات عشان أختي. أنام مرتاحة لو مرة واحدة. أمجد: نفسي أحقق حلمي أنا مش حلم أهلي. نفسي أختار مرة واحدة أنا عايز إيه مش هم عايزين إيه. نفسي أعيش حياتي صح مش كل حاجة عيب، غلط، مينفعش. طيب بص زيك بيعمل إيه. نفسي أعيش حياتي أنا وبس.

جاد: نفسي محدش يقارني بحد. نفسي ماما وبابا يفرحوا إني ابنهم مش يقعدوا يتكلموا قد إيه أخواتي أحسن مني وإني أنا الفاشل.

موسى بضحك محزن: أنا بقى مختلف عن الكل. على الأقل إنتوا أهلكم كلكم عايشين بس مسافرين. إنما أنا مسافرين على طول عمري ما شفتهم ولا مرة. أنا أهلي ماتوا معرفش عنهم أي حاجة. بابا صابر خليني معاه. وكل اللي أعرفه عن أهلي إنه ناس طيبين وماتوا في حادثة. بس أنا محتاجهم أوي معايا. محتاج حضن أمي، محتاج دفء أبويا، محتاج الضحك والهزار معاهم. محتاج أسمع صوتهم حتى لو مرة واحدة. أنا موافق أشبع من حضن أمي. بس أنا تعبت أوي في الحياة. أنا محتاج أهلي أوي. عارفين لما حد عزيز عليكم يموت؟

عارفين لما شخص كل دنيتكم يموت؟ عارفين الشعور ده؟ طيب لو واحد بيكون هنموت إحنا كمان. بعض ما بالك اتنين بقى؟ لأ واتنين هما أساس حياتك يروحوا. إنتوا في نعمة كبيرة أوي من ربنا. احمدوا ربنا عليها حتى لو بيعملوا فيكم إيه. وجود الأهل أهم من أي شيء في الدنيا. ربنا يرحم أهلي ويغفر لهم. يوسف: موسى! لا، وراحوا كلهم عنده. ومودة كانت واقفة. يارا: موسى اهدى. جاد: في الجنة يا موسى، مش إنت بتقول كده. موسى: وحشوني أوي.

أمجد: ربنا يرحمهم ويغفر لهم. هما في الجنة دلوقتي في مكان أحسن من هنا بكتير. مروان: هاتوا مياه يا شباب. جاد: خد اشرب يا موسى. وصل على النبي. موسى: عليه الصلاة والسلام. مودة كانت واقفة بابتسامة على منظر الشباب والبنات واقفين حوالين موسى وخايفين عليه. وراحت عندهم. مودة: يلا، كل واحد مكانه. يلا. وقعدوا كلهم. مودة: أنا سمعتكم كلكم. بس قبل ما كل واحد يسأل سؤال، ممكن أقول حاجة. مروان: أكيد، اتفضل.

مودة: أول حاجة، ربنا يرحم والدك يا يوسف ويغفر له. وأنت يا موسى يا حبيبي، عمو وطنتو في الفردوس الأعلى. وأنت وسطنا كلنا، أهلك وصحابك. وأنت أخويا حبيبي. ربنا يرحمهم ويغفر لهم. تقدروا دلوقتي تسألوا. يوسف: جيتي هنا ليه. مودة: هنا فين بالظبط. يوسف: القاهرة عمومًا. وليه جيتي المدرسة، وأنتِ عارفة إننا فصل صعب والكل بيقولوا علينا وحشين.

مودة: جيت القاهرة ليه عشان أشوف أهلي ويحصل شوية حاجات كده. وربنا يجعلني زوجة لعز وأقعد هنا على طول. إشمعنا بقى اخترت الفصل ده؟ عشان أنا بحبكم. وأنا شايفاكم حاجة تانية غير كل الناس. كل حاجة ليها حل يا شباب. بس التغيير يكون من عندكم. أنا سمعت جزء بسيط من أحلامكم، بس عايزة أسمع المشاكل بقى. لو مش عايزين تعرفوا ونكون وجهًا لوجه، تقدروا تكتبوا المشاكل دي وتحطوها في الصندوق اللي قدام مكتبي. تمام؟

وكمان حاجة، حطوا علامة عشان تعرفوا إن الجواب ده بتاعكم لما أحط الحل. تمام؟ موافقين. الكل: موافقين. مودة: الحصة خلصت، بس أنا لسه عندي وعد. أنا هكمل الأسئلة بتاعتكم بإذن الله في يوم تاني. وموسى، تعال عايزك. وقام موسى وخرجوا. عند بيري وغيث. غيث: إنت يا بت، اقفي مكانك. بيري: ابعد عن وشي لو سمحت. غيث: في إيه يا بت. بيري: إنت بتلف ورايا من الصبح ليه. غيث: مش جوزك. بيري: أنا عندي حصص. غيث: وأنا عملت إيه يعني؟

ده كله عشان خايف عليك وبيشوفك فين. بيري: تقوم تقعد قدام الفصل على الأرض. غيث: رجلي وجعتني. أجيب كرسي من فين. بيري: امشي يا غيث، أنا متعصبة دلوقتي بدل ما أموتك. غيث: أهون عليك يا جميل. سليم: ده أنا هنزل عليك بالعصاية دي يا حيوان. سايب حصصك وواقف بتحق. غيث: بسم الله. في إيه يا حاج. سليم: إنت واقف هنا ليه؟ مش المفروض عندك حصة دلوقتي. غيث: تصدق صح، نسيت. ويجري. بيري: عوض عليا، عوض الصابرين يارب.

سليم: يلا إنتي كمان على شغلك. مش كفاية. بيري: حاضر يا جدو. وتمشي. سليم: أنا هفضل أمشي وراهم كده. يارب استرها معانا عشان أنا عندي شوية متخلفين. في مكتب مودة. مودة: اقعد يا موسى. مالك يا حبيبي. موسى: مفيش. مودة: موسى، أنا أختك. مالك؟ إيه اللي مضايقك. موسى: أنا عايز أرجع البلد. مودة: ليه بس؟ أنا زعلتكم. موسى: لأ. مودة: طيب بابا. موسى: لأ. مودة: طيب مين؟ حاتم؟ عمتك؟ مين؟

موسى: مفيش حد. كتر خيركم إني أقعد معاكم لحد دلوقتي. بس أنا مش عايز. مودة: بس هبل. موسى: يا مودة، المدرسة غالية أوي وكفاية مصاريف. فأنا أرجع البلد، كفاية كده. مودة: أنا ليا جزء في المدرسة دي. وأنت أخويا، يعني تقعد في المدرسة ببلاش. براحتك والكلام الهبل اللي أنت بتقوله ده. مالك يا موسى. موسى: المصاريف زادت أوي على بابا. مودة: يا حبيبي، إنت ابنه. إزاي؟ ما أنا بنتهم.

موسى: إنتي بنته يا مودة، إنما أنا ابن بنت خالته. يعني مش ملزم يصرف عليا. مودة: طيب، ليه الكلام ده دلوقتي. موسى: عشان أنا حاسس إني بقيت كتير عليكم. مصاريف وهدوم وموبايل وخروجات وكل حاجة. المدرسة عندي ومصاريف المدرسة كمان. وأنا مجرد واحد من العيلة ومن بعيد كمان. مودة: لا، بقي. إنت أخويا. أخويا اللي عاش معايا ومن سنين. أخويا اللي عاش معايا سنين عمره كله. إنت أخويا وغصب عنك كمان. موسى: المصاريف.

مودة: أقسم بالله لو هقعد سنين عمري كلها أدفع فلوس عشان تعليمك إنت ويارا. معنديش مانع. ويا سيدي نتفق اتفاق. تمام. موسى: قول. مودة: أنا أدفع فلوس السنة دي. ولما تخلص جامعة وتشتغل، يبقى تحط الفلوس في المدرسة لحد محتاج. تمام. موسى: موافق. مودة: يلا بقى، بلاش هبل. إنت أخونا وهتفضل وسطنا. والمدرسة مدرستك ومدرسة اختك. لو حد كلمك، بس تعال قولي على طول. يلا ربنا يرحمهم ويغفر لهم. موسى: يارب. مودة: يلا على فصلك بقى.

موسى: حاضر. في المساء، فيلا سليم. ماهر: ماما. سهام: نعم. ماهر: أنا عايز أتجوز. سهام: يا ختي، ما شاء الله. رحاب، صح. ماهر: آه. هروح أقول لجدو وبعد كده هكلمك عمو صابر. سهام: على خير يا بني، بإذن الله. ماهر: هروح أقوله دلوقتي. سهام: تمام. هو في مكتبه، خد القهوة معاه. ماهر: تمام. هاتي. ويروح المكتب، يخبط ويدخل. سليم: ماهر، خير. ماهر: عايز حضرتك في حاجة. سليم: تعال اقعد. عايز إيه. ماهر: الصراحة يعني. سليم: اتكلم على طول.

ماهر: أنا عايز أتجوز. سليم: مين إن شاء الله. ماهر: رحاب. رحاب بنت عم مودة. إيه رأي حضرتك. سليم فاضل ساكت شوية، وبعد كده ابتسم. سليم: على خير. تكلم صابر ولا أكلمه أنا. ماهر: أحلف موافق. سليم: آه طبعًا. مبارك. ماهر: الله يبارك فيك يا جدو. إيه حاجة تكلمه أكلمه إيه حاجة. سليم: خلاص، روح كلمه أنت وبعد كده نروح كلنا. ماهر: ربنا يحفظك لينا يارب. سهام تفتح الباب. سهام: لولولولولولوي، لولولولولولوي. ماهر: ماما.

سهام: لولولولولولوي، لولولولولولوي، لولولولولولوي. سليم: كنتي واقفة عند الباب. سهام: لا، إنتوا اللي كان صوتكم عالي. سليم: عليا أنا الكلام ده. سهام: فرحانة أوي يا بابا. لولولولولولوي، لولولولولولوي. ويجوا البنات. بيري: في إيه يا طنط. سهام: ماهر هيتجوز يا بنات. زهراء: بجد. ماهر: آه. زهراء: مبارك، مبارك. ماهر: مش عايزين تعرفوا مين. زهراء وبيري: رحاب. ماهر بضحك: هو غالبًا البيت كله عارف ما عدا أنا. نورسين: هو في إيه.

ماهر: بابا هيتجوز. نورسين: طنط رحاب، صح. ماهر بصدمة: حتى إنتي يا أوزعة. نورسين بفرحة: هتتجوز طنط رحاب بجد. ماهر: إنتي مبسوطة صح. نورسين: جدا جدًا جدًا. ماهر: اقعدي. أروح أكلم عمو صابر وأجي. سهام: دلوقتي. ماهر: آه، عادي. يلا سلام. ويمشي. سهام: الولد مستعجل. سليم: ربنا يسعده. الكل: يارب. في بيت صابر. مودة: فهمتوا كده. موسى: تمام. يارا: آه. مودة: طيب، خدوا الأسئلة دي لحد ما أعمل سندوتشات وأجي. يارا: تمام. وتقوم مودة.

لين: أنا جعانة. رحاب: اعملي لبنتي معاكي. مودة: حاضر، ما أنا الشاغلة لكِ ولبنتك. رحاب: براحتنا يا بت. والباب يخبط. رحاب: موسى، روح شوف مين. موسى: حاضر. ويروح. ماهر: السلام عليكم. موسى: وعليكم السلام. أهلاً يا ماهر. ماهر: أهلاً بيكي. عمو صابر موجود. موسى: آه، بابا. ماهر عايزك. اتفضل تعال. صابر: ماهر، اتفضل يا بني. ماهر: السلام عليكم ورحمة الله وبركاته. الكل: وعليكم السلام ورحمة الله وبركاته. هيام: تعال يا بني، اتفضل.

ماهر: تسلمي يا طنط. عمي عايزك في موضوع. صابر: طيب، اتفضل معايا جوه. ويمشوا. يارا: في إيه. رحاب: مش عارفة. هيام: رحاب، روحي قولي لمودة تعمل عصير لماهر. رحاب: حاضر. وتقوم تروح عند مودة. رحاب: مودة، اعملي عصير لماهر. مودة: ماهر عندنا ليه. رحاب: مش عارفة، عايز عمك في موضوع. مودة: تمام، اصبري عشان تدخلي العصير. رحاب: تمام. عند صابر وماهر. صابر: اتفضل يا بني، سامعك. ماهر: يعني أنا. صابر: اتكلم يا بني.

ماهر: أنا أطلب إيد الأستاذة رحاب. صابر بابتسامة: ما شاء الله. وجاي لوحدك ليه. ماهر: عشان أعرف رأي حضرتك. لو موافق، كلهم هييجوا. صابر: الرأي مش رأيي يا بني، رأي العروسة. ماهر: طيب، نعرف رأيها. صابر: الصبر يا ماهر يا بني. اصبر شوية. والباب يخبط وتدخل رحاب. رحاب: العصير يا عمو. صابر: تعالي يا بنتي، العروسة بذات نفسها. رحاب باستغراب: عروسة إيه. صابر: ماهر يا ستي بيطلب إيدك مني. رحاب بصت بصدمة وخرجت.

ماهر: هي مش موافقة ولا إيه. صابر: هنعرف ردها من أول مرة. اصبر يا بني شوية. ماهر: طيب، تمام. هستنى رد حضرتك عليا. ولو وافقت، أتمنى من ربنا كده. ياريت يكون فرح على طول، بلاش خطوبة. صابر: ربنا يقدم اللي فيه الخير يارب. ماهر: طيب، استئذن أنا بقى. صابر: نعم، اشرب العصير. ماهر: معلش، مرة تانية. بعد إذنك. ويقوم. ماهر: معلش يا عمو عشان عندي شغل بس. صابر: ربنا يكرمك. ويخرج. ماهر: مستني رد حضرتك. صابر: بإذن الله.

هيام: نورتنا يا بني. ماهر: بنورك، تسلمي يا طنط. بعد إذنكم. ويمشي. مودة: بابا، هو في إيه. مالها الكائن اللي جوايا دي. صابر بابتسامة: مفيش يا ستي. ماهر عايز يتجوز رحاب. حسناء بفرحة: بجد. صابر: آه. رحاب، رحاب تعالي عايزك. وتيجي رحاب. رحاب: نعم يا عمو. صابر: عايز أعرف ردك. رحاب: على إيه يا عمو. صابر: على العريس يا بنتي. رحاب بصدمة: لا طبعًا، مش موافقة.