رواية معلمة من الصعيد الفصل السابع والعشرون 27 - بقلم مريم شعبان

في المستشفى، نايمين كلهم على السرير بعد ما اتعمل لهم غسل معدة. سليم: عجبكم منظركم كده؟ نبيل: نتكلم بعدين يا بابا. سليم: كبده كبده. صابر: تعال يا حاج نطلع نقعد بره ونسيبهم مع بعض. سليم: تمام أحسن والله. (ويخرج الجميع) صابر: أنتوا كويسين دلوقتي؟ مودة: آه يا بابا. كاظم: ربنا يطمنا عليكم. بيري: يارب. سهام: اخرجوا أنتوا واحنا هنقعد. نبيل: تمام، ألف سلامة عليكم يا حبايب. زهراء: الله يسلمك يا بابا.

(ويخرجون، ويفضل الشباب والأمهات، وكل واحد يروح لمراته) رحاب: أنا قلت لكم إني فيه طعم غريب. ماهر: ألف سلامة عليكي. رحاب (تبكي) : أنا آسفة. ماهر: طيب اهدي، بتعيطي ليه؟ رحاب: بوظت الفرح. سهام: يا حبيبتي اهدي، أهم حاجة إنك كويسة. حاتم: يعني كل واحد جنب مراته وأنا واقف لوحدي. ماهر: لو جدع روح اقعد هناك. حاتم: أنا رايح اقعد جنب أختي يا جماعة. (ويذهب) ماهر: اهدي يا رحاب بقى، مش مهم اللي يبوظ يبوظ، أهم حاجة انتي.

رحاب: ربنا يحفظك ليا. عز: ألف مليون سلامة عليكي. مودة: الله يسلمك. (يمسك يدها) غيث يحضن بيري. بيري: اتلم، الناس قاعدين. غيث: حتى وإنتي تعبانة يا بنتي. بيري: كنت هموت. أسماء: بعد الشر عليكي يا حبيبتي، الحمد لله إنكم كويسين. غيث: بعد الشر عليكي يا روحي. بيري: الحمد لله. (والباب يخبط) سهام: ادخل. (ويدخل يوسف ومروان) يوسف: مالكم يا جماعة؟ إيجاد: الكبده يا يوسف. يوسف: تسمم صح؟ سهام: آه يا بنتي.

مروان: ألف سلامة عليكم يا جماعة. موسى: الله يسلمك. (ويروح الشباب يقعدوا جنب جاد) بيري: ابعد. غيث: بس الناس. بيري: أدعي عليك يا جاد. أسماء: اتلمي بقى، ده جدك هيطلع عيونا كلنا. سهام: آه، كبده، لازم يعني من برة، ما كنتوا قلتوا. هيام: بس احنا اللي غلطانين. أسماء: صح، وفقنا ليه من الأول إنها تطلع أساساً. حسناء: حصل خير يا جماعة خلاص، وبطلي عياط يا رحاب. ماهر: خلاص يا حبيبتي. رحاب: اليوم باظ، حسب الله ونعمة الوكيل فيكم.

مودة: مش انتي اللي مفجوعة وقالت لي كبده. يارا: قولي يا بنتي. رحاب: مفيش واحدة فيكم تضربني وتقولي لأ. زهراء: طعم كان حلو أوي آه. سهام: اهدوا بقى يخربيتكم، حتى وإنتوا تعبانين مش قاعدين ساكتين. زهراء: ما هي يا ماما اللي بتقول كلام بيعصب. سهام: طيب اهدوا بقى. رحاب: بص بتزعق إزاي وبتعيط. زهراء: هي البت دي مالها النهاردة؟ يارا: وربنا ما عارفة بتعيط على أي حاجة. مودة: رحاب، انتي تأثير الكبدة لسه في دماغك ولا إيه؟

بتعيطي ليه؟ رحاب: مش عارفة، أنا عايزة أعيط. ماهر: عيطي يا حبيبتي، عيطي. (يحتضنها) بيري: هو الجواز يعمل أكتر من كده؟ ماهر: جواز إيه اللي منكم لله أنتوا. زهراء: مراتك مفجوعة. يارا: آه، أكلت خمس سندوتشات. سهام: يا قلبي يا بنتي. رحاب: أقسم بالله لما أقوم بس هضربكم كلكم يا شوية كلاب. ماهر: بس يا حبيبتي، سيبك منهم. بيري: رحاب هتكون جامدة أوي وهي في البنج. يارا: آه، كنتِ شفتيها بقى يوم ما ولدت لين. موسى، يا خرابي على الضحك.

حاتم: ده المستشفى كلها سمعت ضحكنا. سهام: ما بس بقى، عيب عليكم. رحاب: شوفتي يا طنط. سهام: معلش يا حبيبتي، ملكيش دعوة بيهم. رحاب: حاضر، حسب الله فيك يا جاد. جاد: اسكتي يا ولية. رحاب: انت السبب يا حيوان، روحت تجيب من واحد معفن انت وموسى الزفت. جاد: أنا غلطان. رحاب: آه. ماهر: خلاص بقى يا رحاب. رحاب: حاضر. عز: انتي كويسة دلوقتي؟ مودة: آه، خوفت عليا. عز: أكيد طبعاً، ده انتي حياتي. بيري: غيث خوفت عليا زي الناس اللي هناك دي.

غيث: سيبك من دول يا بنتي، دول العشاق المفقوع، إحنا ملناش دعوة بحد، خلينا في نفسنا. بيري: عندك حق. عز: جدعان، حد يتسكت سرحان ونفيسة دول. غيث: بس بس، ملكيش دعوة بينا أنا ومراتي. رحاب: ماهر. ماهر: نعم يا حبيبتي. رحاب: عايزة ورد. ماهر: حاضر، من عيوني. رحاب: بالشوكولاتة. سهام (باستغراب) : هو اللي بالشوكولاتة؟ هيام: بسم الله، البت فيها إيه؟ هي أخدت بنج كتير بجد ولا إيه؟ ماهر: هي كده طبيعية ولا فيها حاجة؟

مودة: بالله ما نعرف، إحنا أهلها أهو بنقولك مش عارفين. رحاب: خلاص يا جماعة، أنا عايزة ورق عنب. يارا: دي تخاريف بجد. ماهر: حاضر يا حبيبتي، لما نروح هجيب لك اللي انتي عايزاه. رحاب: تمام. *** بعد مدة، يروحوا كلهم البيت ومعاهم البنات. **في جناح ماهر ورحاب** ماهر: تحبي أعملك حاجة تشربيها؟ رحاب: لا، أنا عايزة أنام. ماهر: تمام يا حبيبتي، نامي. (ويروح يقعد جنبها) رحاب: أنا آسفة. ماهر: على إيه؟ رحاب: إني بوظت اليوم.

ماهر: بوظي مليون يوم، أهم حاجة إنك كويسة، والأيام جاية كتير. نامي انتي دلوقتي وارتاحي وبلاش تفكير في أي حاجة نهائي. رحاب: ربنا يحفظك ليا. ماهر: ويحفظك يا حبيبتي. *** **تاني يوم** **في بيت صابر** هيام (تخبط وتدخل عند البنات) : صباح الخير. يارا: صباح النور. هيام: عاملين إيه يا حبايب. مودة: الحمد لله يا عمتو، أحسن بكتير. هيام: الحمد لله. يارا: كلمتي رحاب؟ هيام: لا، خليها مع عريسها براحته.

مودة: أنا أشك في "خليها مع عريسها دي". يارا (بضحك) : تلقيها نامت أساساً. مودة (بضحك) : ده أكيد. هيام: طيب يلا يا ختي انتي وهي. يارا: فين لينة؟ هيام: قاعدة مع حاتم بره، يلا قوموا بقى. مودة: حاضر يا عمتو. *** **في جناح ماهر ورحاب** ماهر: رحاب، رحاب. رحاب: نعم. ماهر: كفاية نوم، يلا قومي، الظهر. رحاب: حاضر. (وتقوم) رحاب: صباح الخير. ماهر: صباح النور يا حبيبتي، يلا قومي كده، وأنا حضرت الفطار، نصلي ونفطر على طول.

رحاب: حضرت ليه؟ كنت هقوم أعمله. ماهر: انتي تعبانة دلوقتي، يلا بقيت أحسن. رحاب: آه الحمد لله. ماهر: طيب الحمد لله، يلا قومي. رحاب: أولاد هييجوا امتى؟ ماهر: شوية بإذن الله. رحاب: تمام. *** **في بيت صابر** مودة: إحنا هنروح نشوف رحاب امتى؟ هيام: لا، يعني مش كلكم كنتوا في المستشفى امبارح؟ يارا: آه، عايزين نروح نشوفها. صابر: خليها مع عريسها براحتها، بكرة نروح. موسى: بابا، أنا خارج. صابر: رايح فين؟

موسى: مع جاد ويوسف ومروان. مودة: نعم، وده من امتى إن شاء الله؟ موسى: في إيه؟ يارا: إزاي تخرج معاهم؟ موسى: انتي مالك؟ صابر: موسى، اتكلم كويس. موسى: في إيه يا بابا؟ قلت لحضرتك هنزل شوية وأجي. صابر: خلصت مذاكرتكم؟ موسى: آه. صابر: طيب تمام، اخرج، بس حاجة يا موسى. موسى: نعم؟

صابر: أنا عملتك دينك صح، وقعدت سنين أحفظك القرآن وإننا نعمل بالقرآن في كل حياتنا. متجيش انت من شهر قعدته هنا تبوظ كل حاجة. أنا واثق فيك، خليك قد الثقة دي، وأهم من ثقتي، ربنا بيحبك، بلاش تغضبه منك. موسى: حضرتك بتقول إيه؟ هم كلموني وقالوا عايزينك ضروري، وأنا أروح، بس أنا عمري ما أعمل حاجة تزعل ربنا مني، متخافيش يا بابا، ابنك متربي. صابر: والمتربي ده يقول لأخته: "انتي مالك؟ موسى: أنا آسفة يا يارا، مكنش قصدي.

يارا: تمام يا موسى، مفيش حاجة، عادي. صابر: ربنا يحفظكم، ويلا تكون هنا بدري، وانت برة العصر هيكون وقته، تصلي في أي مكان. موسى: حاضر. *** **في جناح ماهر ورحاب على سفرة الطعام** ماهر: كويسة دلوقتي؟ رحاب: آه الحمد لله. ماهر: طيب الحمد لله. إيه بقى؟ رحاب (بتوتر) : إيه؟ ماهر (بابتسامة) : أروح أشوف نورسين وسند وأجيبهم. رحاب: وأنا عايزة لينة. ماهر: حاضر، نروح نجيبها وأجي. رحاب: ينفع يقعدوا هنا النهاردة؟

ماهر: ينفع يا ستي، عادي. رحاب: طيب تمام، خليهم يجوا. ماهر: تمام. طيب إيه رأيك نعمل نخرج كلنا النهاردة؟ رحاب: عروسة وعريس يخرجوا؟ ماهر: وفيها إيه؟ ما إحنا امبارح كنا في المستشفى. رحاب (بضحك) : تصدق صح، بس الناس... ماهر: وإحنا مالنا بالناس، سيبك منهم، يلا بينا إحنا بس، وأنا هخلي ماما تلبس نورسين وسند، وطنط تلبس لينة، وننزل كلنا، مليش دعوة بحد، طالما إحنا مرتاحين كده، يبقى مش مهم كلام أي حد.

رحاب: عندك حق، يلا بينا، بس هات الأولاد، أنا هلبسهم كلهم. ماهر: ليه بس؟ خلي ماما النهاردة. رحاب: لا، دول ولادي، أنا ملزمة بيهم دلوقتي، يلا يا ماهر. ماهر: حاضر يا ستي. *** **في بيت صابر** مودة (بتكلم عز) مودة: إيه، كل حاجة بقيت في الجناح صح؟ عز: آه، الدنيا ضاربة معايا في الفلوس. مودة: ربنا يعينك حقيقي، بس الحمد لله إحنا خلصنا كل حاجة، وأنا قلت لك يا عز نعمل الفرح عادي في الفيلا.

عز: لا يا مودة، هيتعمل في قاعة كبيرة، ربنا يكرمني وأقدر أساعدكم. مودة: أنا مبسوطة بأي مكان يا عز. عز: ربنا يحفظك ليا، وهو أنا نروح بكرة أدفع حجز القاعة؟ وخير بإذن الله. مودة: بإذن الله، ربنا يعينك، وعارفة إن تجهيزات الجناح كتير أوي والمصاريف كتير. عز: الحمد لله، خير بإذن الله. مودة: بقولك. عز: خير. مودة: جبت المرجيحة. عز: طيب لو شتمتك دلوقتي حرام ولا حلال؟

أنا عامل أقول لك التجهيزات صعبة والمصاريف، وانتِ تقولي المرجيحة. مودة: مجبتيش المرجيحة؟ لا أعياط. عز: جبتها، جبتها، لما نشوف آخرتها معاك. مودة (بفرحة) : بجد حبيبي؟ عز: ربنا يحفظك ليا. مودة: يارب. *** **فيلا سليم** سهام: رايحين فين كده؟ ماهر: هنخرج شوية. سهام: انهاردة؟ ماهر: آه، عادي. سهام: طيب، سيب نورسين وسند معايا. ماهر: لا، رحاب عايزاهم. سهام: تمام يا بني، ربنا يحفظكم لبعض. ماهر: يارب يا أمي.

عز: الله، العريس هنا، عامل إيه؟ ماهر: الحمد لله، عقبالك. عز: يارب يا أخويا. ماهر: يلا بعد إذنكم بقى. *** **في الجنينة** قاعدة بيري وغيث معاها. غيث: بقيتي كويسة دلوقتي؟ بيري: الحمد لله. (وتنام على كتفه) غيث: الله. بيري: بس عشان مش قادرة. غيث: مالك؟ بيري: تعبانة أوي. غيث (يمسك يدها) : ألف سلامة عليكي. حاسة بوجع؟ بيري: تعبانة تعب مش مرضي. غيث: مالك؟ بيري: قلبي واجعني أوي. غيث: بسم الله على قلبك، حتى يهدأ.

بيري: انت مش عايز تطلقني ليه؟ غيث: انتي عايزة الطلاق ليه؟ بيري: عشان الاتفاق، وماهر اتجوز خلاص. غيث: ما تسيبك من ماهر والاتفاق، ونركز على فرحنا، حضرتك مش عارفة إن الفرح بعد 3 أسابيع؟ بيري: يا غيث، بقي إحنا لازم نسيب بعض. غيث: بعد الفرح هطلقك، حلو كده؟ بيري: تمام. غيث: انتي عايزة الطلاق بجد؟ بيري (تحضن يده) : لا. غيث: طيب ليه يا مجنونة بتطلبي الطلاق؟ أنا مش فاهمك. بيري: عشانك، وعشان الاتفاق.

غيث: سيبك من الاتفاق يولع، وأنا يا ستي عايز أكمل عادي. بيري: هتكون مبسوط وأنا معاك صح؟ غيث: أكيد طبعاً، بعيد عن خناقنا المستمر، أنا مرتاح معاك وبحب أشوفك على طول. بيري: يعني مش هتندم؟ غيث: عمري ما أندم إنك مراتي، وبعدين طلاق وكلام يدل إنك مش عايزاني، بس حضنيني وحطي راسك على كتفي، كانت هتقوم، هو شدها. غيث: خليكي كده على طول جنبي. بيري: ابعد عشان انت مستفز.

غيث: ما انتي اللي كلامك مش منطقي، بتقولي حاجة وبتعملي حاجة. نائمة على كتفي كده ليه؟ بيري: عشان مرتاحة وأنا كده، واسكت بقى. غيث: حاضر يا ستي، بلاش تجيبي كلمة الطلاق دي تاني، تعالي نرضى بنصيبنا ونكمل مع بعض، يمكن خير لينا. بيري: ماشي، موافقة، بس بشرط. غيث: خير. بيري: تكون طيب معايا يا غيث، بلاش تكون قاسي عليا، خليني أحبك يا غيث، أنا مش عايزة أخاف منك نهائي. غيث: وأنا أوعدك إني هكون سند وضهر لكِ. بيري: بإذن الله.

غيث: كفاية نكد بقى. بيري: عندك حق. (ويجي عز وجاد) عز: واد يا جاد، أنا في حلم. جاد: تصدق وأنا كمان حاسس إني في حلم. عز: بيري وغيث قاعدين كده وبهدوء كده؟ لا لا لا. غيث: يا عم انت مالك؟ عز: قومي يا بنتي، انتي نائمة كده ليه؟ يلا جوا. غيث: بس بس، هي مراتي وبتنام على كتفي براحتها. عز: نعم يا بني؟ بيري: بتزعق لجوزي ليه؟ (باستغراب) : في إيه؟ انتي تعبانة يا بيري؟ غيث: قول أعوذ برب الفلق، الله أكبر من عينك يا شيخ.

عز: غريب الصراحة إنكم قاعدين كده، ربنا يحفظكم لبعض. غيث: يارب. *** **في جناح ماهر ورحاب** لينة: إحنا رايحين فين؟ رحاب: هنخرج كلنا. نورسين: هنروح الملاهي. رحاب: انتوا عايزين تروحوا فين؟ سند: نروح الملاهي أكيد. رحاب: خلاص نروح. ماهر: إيه يا حبايبي، خلصتوا؟ رحاب: آه، خلصنا. ماهر: ما شاء الله. رحاب: شكلنا حلو صح؟ ماهر: جداً، و بأس أيدك. رحاب: ربنا يحفظك ليا. ماهر: ويحفظك. سند: يا بابا، انت لسه مش لبست؟

ماهر: عشر دقايق وأكون خلصت. نورسين: طيب بسرعة عشان نروح الملاهي. ماهر: حاضر يا ستي. رحاب: هدومك على السرير. ماهر: تسلمي. رحاب: تلبس اللي محطوط يا ماهر. ماهر: حاطة إيه يا رحاب؟ رحاب (بابتسامة) : روح شوف. ماهر: تمام. (ويمشي، ورحاب تبص بضحك، وماهر يخرج تاني ويمسكها من هدومها) رحاب: الله الله. ماهر: إيه ده؟ رحاب: إيه ده إيه؟ ماهر: بطلي هبل، أنا هلبس كده. رحاب: آه يا ماهر، هتلبس كده؟ ماهر: أنا بحب اللبس الرسمي.

رحاب: وأظن إننا خارجين، وسيبني عشان منظري بقي وحش قدام العيال، انتوا بتضحكوا عليّ. لينة (بضحك) : منظرك مضحك. رحاب: شوفتي ضحك العيال عليّ. ماهر: رحاب، مش هلبس كده. رحاب: هتلبس يا ماهر، ماله يعني تيشيرت وبنطلون. ماهر: مش متعود. رحاب: لا، انسى الكلمة دي، يلا عشان إحنا متأخرين، مش صح يا ولاد؟ سند: آه، وسيب ماما. ماهر ورحاب بصوا لبعض بصدمة. ماهر: ماما؟ سند: آه ماما، مش انت قلت إنها هتكون مراتك؟ هو حضرتك زعلت إني قلت ماما؟

رحاب: ابعد عشان ده مشهد حساس. (وتروح عند سند) رحاب: أكيد، أنا زي ماما، وقولها عادي. (وتحضنه) نورسين: وأنا؟ رحاب: وأنتي كمان يا ست البنات. نورسين: بحبك أوي يا ماما. رحاب: قلب ماما. (تهمس) يلا نجري قبل ما بابا يضربنا تاني. نورسين (بضحك) : يلا. رحاب: إيه يا أستاذ ماهر، هتفضل واقف كده؟ يلا عشان متأخرين. ماهر: هلبس البدلة. رحاب: لا بقى يا ماهر، إحنا نازلين مع بعض، ليه البدلة يعني؟ ماهر: رحاب. رحاب: ماهر، عشان خاطري.

ماهر: حاضر يا ستي. (ويدخل) رحاب (بضحك) : كسبنا يا أطفالي. *** **تحت** الكل قاعد. سليم: فين جاد؟ سهام: عند يوسف. سليم: مش المفروض يقعد يذاكر؟ سهام: المفروض والله، بس أنا تعبت معاه. سليم: لا، لما يجي لازم أتصرف معاه. نبيل: بابا. سليم: نعم؟ نبيل: أنا عايز كتب كتاب زهراء وحاتم يكون بعد فرح الشباب. سليم: ده ليه إن شاء الله؟ نبيل: عايز أطمئن عليها قبل ما أدخل العملية. سليم: انتي إيه رأيك يا زهراء؟ زهراء (بكسوف)

: اللي تشوفه حضرتك يا جدو. سليم: تمام، بإذن الله على خير، لما يجي حاتم نشوف. نبيل: تمام يا حاج. سليم: عز. عز: نعم يا جدو. سليم: الزفت صاحبك قاعد ده كله مع بيري ليه؟ غيث: مراتي يا حاج، أقعد براحتي، وشهر وتكون في بيتي. سليم: كفاية، بقالك ساعتين. غيث: الله، انهاردة إجازة، سيبني براحتي مع المدام. سليم: يا شيخ، اللهي أخلص منك عشان زهقت. بيري: بعد الشر يا جدو. عز: الله. زهراء: في حاجة غريبة. عز: في حاجات.

بيري: بس يا رخيم انت وهي. غيث: هو فيه حاجات غريبة أوي الصراحة، حتى لو بصت على أخوك. عز: في إيه؟ (ويُبص على ماهر وهو نازل مع رحاب ونورسين وسند ولينة، وينزلوا ويروحوا عندهم) ماهر: السلام عليكم ورحمة الله وبركاته. الجميع: وعليكم السلام ورحمة الله وبركاته. سليم: رايحين فين كده؟ ماهر: خارجين شوية يا جدو. سليم: ربنا يسعدكم يا ولاد. ماهر: يارب. عز: ماهر. ماهر: نعم. عز: هو يا بني، هو. ماهر: في إيه يا مجنون أنت؟

عز: انت لبست كده إزاي؟ ماهر: يلا يا رحاب. رحاب (بضحك) : يلا بعد إذنكم يا جماعة. سهام: اتفضلي يا بنتي، لا، هو مش تأثير الشباب بس، لا، تأثير البنات كمان. غيث: أخوك ده. عز: غالب. بيري: من امتى ماهر بيخرج كده؟ زهراء: المدام قالت يخرج كده، يبقى يخرج كده. ماهر: تصدقوا، انتوا رخيمين. رحاب: في إيه يا شباب؟ وربنا حلو يا حبيبي، سيبك منهم.

سهام: آه، بس يا واد انت وهو، قمر يا حبيبي، ربنا يحفظكم لبعض، يلا روحوا، الله يجعله يوم سعيد عليكم. ماهر: يارب يا أمي، ويارب. نبيل: لازم الضحك يعني؟ عز: مش شايف؟ نبيل: بطلوا رخامة. ماهر: ده كله بسببك. رحاب (بضحك) : والله شكلك حلو أوي، سيبك منهم. ماهر: بتضحكي ليه؟ رحاب: الله، الضحك حرام؟ ماهر: ماشي يا رحاب، أما خليتك تلبسي النقاب. رحاب: احلف؟ ماهر: احلف. رحاب: هلبس النقاب. ماهر: انتي عايزة تلبسيه؟ رحاب: جد.

ماهر: ربنا يرزقك بيه. رحاب: يارب. ماهر: يلا على العربية يا ولاد، يلا. (ويركبوا كلهم) *** **في فيلا يوسف** يوسف: نفس أعرف انتي جاية عندي ليه؟ مودة: الله يمشي. مروان: ياريته. مودة: تصدقي أنا غلطانة بجد، أنا تعبانة ونزلت عشان نتكلم. جاد: يا جدعان اخلصوا، عايز أنام. مودة: ممكن نتكلم بهدوء؟ يوسف: اتفضل. مودة: أنا عرفت إنك فلسطيني. يوسف: ماش. مودة: المهم بقى دلوقتي. مروان: ما تخلصي يا مودة.

مودة: مودة في عينك، اصبر، أنا متوترة. جاد: يلهوي على. مودة: اصبروا بقى، بصوا، إحنا دلوقتي متأكدين إن صاحب المطعم تجار مخدرات، وغير كده إحنا شاكين إنه إسرائيلي. جاد (أحلف) مودة: أكيد، ما إزاي يدخل ناس زي دول عنده؟ أكيد دي مش أخلاق مصري. يوسف: ما تجار مخدرات عايزة يكون شيخ يعني. مودة: تصدق صح، على فكرة الحكاية دي صعبة وأنا خايفة عليكم. يوسف: مودة، إحنا قدها. مودة: طيب نتفق اتفاق. مروان: اتفضل.

مودة: نعرف مين الراجل ويتم القبض عليه، بس بشرط. جاد: قولي. مودة: تذاكروا صح، يعني إحنا هندور عليه آه، بس لازم تذاكروا، وأنا وحاتم والبنات معاكم ندور، إحنا وانتوا معانا، بس انتوا تذاكروا. يوسف: تمام، بس وعد إننا نقدر نجيب الكائن ده. مودة: هنعمل كل اللي نقدر عليه. يوسف: تمام، وعد. مودة: وعد، بس لازم تذاكروا يا شباب، وأوعدكم كمان إني هحاول أحل المشاكل اللي في حياتكم. مروان: لا، دي مش هتقدري.

مودة: هنقدر، وإحنا سوا، إحنا كلنا مع بعض وهنقدر، اتفقنا؟ الكل: اتفقنا. *** نروح مكان جديد أول مرة نروحوا، هناك في منزل غرام. **في منزل جدتها** غرام: جدتي. جدتها: نعم يا غرام. غرام: هي ماما جاية امتى؟ جدتها: شوية يا حبيبتي. غرام: بابا جاي معاها؟ جدتها: لا يا غرام، مش كل زيارة لأمك تقولي بابا جاي ولا لا. غرام: طيب، إيه أعمل؟ أنا هفضل هنا كتير. جدتها: هو أنا ضايقتك في حاجة يا بنتي؟

غرام: لا طبعاً يا جدتي، بس نفسي أقعد مع أخواتي. جدتها: ربنا يهديه يا حبيبتي، مش عارفة هو بيعمل كده. غرام: هو أنا وحشة للدرجة؟ جدتها: لا يا حبيبتي، انتي ست البنات، سيبك منه، ربنا يهديه. غرام: يارب، أنا رايحة أكمل مذاكرة لحد ما ماما تيجي. *** **عند ماهر ورحاب** كانوا في الملاهي، واقفين يتفرجوا على أطفالهم وهم بيلعبوا. رحاب: شكلهم حلو أوي. ماهر: آه جداً، ربنا يحفظكم ليا. رحاب: يارب. (وييجوا نورسين وسند ولينة)

رحاب: أهلاً أهلاً. لينة: اللعبة جميلة أوي أوي. ماهر (يشيلها) : مفيش أجمل منكم. نورسين: بابا، شيلني أنا كمان. ماهر (بضحك) : بدأنا الغيرة. (ويشيل نورسين) نورسين: بحبك. (وتبوسه من خده) ماهر: حبيبتي. سند: الله، وأنا. رحاب: لا، انت حبيبي أنا، امشي جنبي، سيبك منهم. سند (يمسك يدها) : ماشي يا ماما. رحاب: يلا يا لينة، انزلي، مش هنمشي طول الطريق كده. لينة (لماهر) : سيبها يا رحاب. ماهر: عادي. رحاب: هتمشي كده إزاي بالاثنين؟

ماهر: عادي، مفيش حاجة، وده لسه لما نجيب بنتين تاني أشيل الأربعة وأمشي. رحاب: إيه؟ بتقول إيه؟ ماهر: نجيب بنتين تاني. رحاب: نجيب إيه يا حبيبي؟ ماهر: صوتك. رحاب: لا، لو سمحت، اصبر، أجيب إيه بقى؟ لا لا، أنا مش عارفة أتعامل مع دول، أجيب اتنين تاني؟ ماهر (بضحك) : آه، وتوأم بإذن الله، مش عايزين بيبي صغير تلعبوا معاه يا ولاد؟ سند: آه، آه، وعايز أخ عشان يلعب معايا، مش بنات بس. ماهر: من عيوني يا حبيبي، نجيب ولد وبنتين.

رحاب: هو إيه ده؟ ماهر: خلاص خلاص، انتي اتعصبتي كده ليه؟ رحاب: ما تشوف انت بتقول إيه. ماهر: طيب خلاص، إحنا مش خارجين نتخانق، يلا بينا نكمل الخروجة عادي، عشان عندي لكِ مفاجأة. رحاب: إيه؟ ماهر: شوية وهتعرف. رحاب: تمام يا حبيبي، يلا بينا. ماهر: يلا يا أم ست عيال. رحاب: ماهر. ماهر: طلقني وتاخد سند وتمشي. ماهر: تعالي هنا يا مجنونة انتي. (ويروح وراها) *** **في بيت صابر** مودة قاعدة في البلكونة.

مودة: أول حاجة يا مودة، لازم أعمل اجتماع عشان أهل الشباب، ويكون يوم الخميس عشان يكون الكل موجود، وأبعت من النهاردة عشان الناس المسافرين دول يجوا، آه، وأعمل إيه تاني؟ الندوات الدينية لازم أبدأ فيها، أنا أهملت شغلي عشان فرحي، لازم أركز دلوقتي في شغلي، وساعة فرحي أفرح بقى. إيه ده؟ ده مش تامر ده داخل عند رويدا ليه؟ ربنا يستر. جاد: مودة، مودة. مودة: في إيه يا بني؟ جاد: انزلي، عز عايزكم.

مودة: يلهوي، فضحتنا، اطلع بدل الفضايح دي. جاد: يا بنتي انزلي، مش قادر اطلع. مودة: حاضر يا زفت، ما أنا كنت تحت. (وتنزل عند جاد) كاظم: في حد ينادي على حد كده يا حيوان؟ جاد: مش قادر اطلع. كاظم: والله. جاد: آه يا عمو والله. كاظم: طيب يلا على جوا. جاد: هجيب مودة وأجي. كاظم: تمام. *** **في عربية ماهر** رحاب: إحنا رايحين فين؟ ماهر: هنفذ حلمك. رحاب (باستغراب) : حلم إيه؟ ماهر: مش عايزة تلبسي النقاب؟ رحاب: احلف؟ بجد؟

ماهر: آه يا ستي، هنروح نجيب اللي انتي عايزاه. رحاب: ربنا يحفظك ليا يارب. ماهر: يارب يا حبيبتي، نروح المول وناكل ونروح، تمام. رحاب: تمام. *** **عند مودة وجاد** تنزل مودة. مودة: نعم، عايز إيه؟ وفين عز؟ جاد: أنا اللي عايزك، مش عز. مودة: عايز إيه؟ جاد: من شوية نزل خبر على صفحة المطعم إني هيكون فيه وفد من كبار المسؤولين بعد أسبوع. مودة: طبعاً، دول إسرائيليين. جاد: أكيد طبعاً. مودة: طيب، على خير. جاد: هنروح.

مودة: بإذن الله، بس نخطط براحة وبهدوء كده عشان نعرف هنعمل إيه. جاد: تمام. *** **في المساء** كانوا الكل واقفين قدام الفيلا. مودة: الجو حلو أوي. عز: إحنا واقفين كده ليه؟ بيري: بالله ما نعرف، أنا جيت لقيت مودة وجاد واقفين، وقفت معاهم. زهراء: وأنا زيها. غيث: وأنا جيت ورا مراتي. حاتم: يا عم اقف، الجو حلو بدل القاعدة في الجنينة. (وييجي يوسف ومروان) يوسف: واد يا جاد، نلعب كورة؟ عز: هنا. جاد: آه، يلا بينا. مروان: يلا.

موسى، موسى. غيث: بس بس، واقف في حارة إنتوا. مروان: اصبر بس، موسى، موسى. موسى (من البلكونة) : إيه يا بني؟ يوسف: انزل، هنلعب كورة. موسى: يا سلام، في دقيقتين هكون عندك. يوسف: عز، حاتم. حاتم: معاكم يا باشا، يلا بينا. مروان: مين الحاكم؟ غيث: طبعاً عارفين مين. (وينزل موسي ويلعبوا، والبنات واقفين يتفرجوا) (جوا في الجنينة) سليم: إيه الدوشة دي؟ صابر: مش عارف، بس دوشة جامدة، غالب بيلعبوا حاجة. سليم: بيلعبوا. (ويقوموا)

نبيل: ربنا يستر. (ويروحوا وراهم كلهم) غيث (يصفر) : انت يا زفت. عز: الواد ده نصاب، أنا معملتليش حاجة. سليم (بصدمة) : انتوا بتعملوا إيه؟ غيث: بنلعب كورة يا حاج، كارت أصفر ليوسف. يوسف: بطل رخامة. غيث: هطلع كارت أحمر أقسم بالله. سليم: ده أنا اللي هولع فيكم يا زفت انت وهو. الناس تقول علينا. جاد: بنلعب يا جدو. (وييجي ماهر) ماهر: إيه الدوشة دي؟ سليم: تعال شوف أخواتك. ماهر: إيه الهبل ده؟ يلا على جوا.

عز: انزل يا ماهر، اللعبة حلوة أوي. ماهر: والله. رحاب: خدي موبايلي كده. رحاب: ليه؟ ماهر: خدي بس. (وينزل يلعب معاهم) كاظم: حتى الكبير العاقل. غيث: ما تنزل يا حاج معانا، ولا نسيت اللعب؟ كاظم: نسيت اللعب. (هات الكورة يا واد كده، وينزل يلعب معاهم) سليم: العيلة كلها بقت مجانين. صابر: مش بيعرفوا يلعبوا أساساً. هات الكورة يا حاتم. نبيل: جات عليا. (وينزلوا يلعبوا معاهم) سليم: الله. غيث (بخدة) : في إيه يا حاج؟ أهي اتفضلي.

سليم: نلعب فريقين. غيث: العب يا حاج. سليم: ولد. غيث: أنا الحاكم على فكرة. سليم: على نفسك. (وينزل يلعب معاهم) مودة (بصدمة) : جدو؟ زهراء: صدمة كبيرة. سهام: بس يا بت انتي وهي، الله أكبر. غيث: يقولك كبير ومش قادر، طيب لو كنت قادر كنت هتعمل إيه؟ سليم: قول أعوذ برب الفلق. (يلعبوا كلهم في سعادة وفرحة، والبنات والستات واقفين يتفرجوا بفرحة عليهم)

ما أجمل شعور لمة العيلة والصحاب على لعبة أو حاجة مفرحة، الله يسعدك جميع الناس ويفرح الجميع يارب.