رواية معلمة من الصعيد الفصل الثالث عشر 13 - بقلم مريم شعبان

ماهر: اصبري ثواني، نفسي أقولك حاجة. بيري: نعم. ماهر: احم... أنا عايز أتزوجك. بيري بصدمة: نعم؟ ماهر: موافقة؟ بيري: أنت بتقول إيه؟ ماهر بضحك: مصدومة كده ليه؟ عايز أعرف رأيك عشان أتقدم لعمي رسمي. بيري: ماهر، أنت مش عايزني؟ ماهر: نعم؟ بيري: زي ما سمعت، عيونك بتقول كده، بتقول إنك جاي غصب عنك. ماهر بضحك: عيوني! بطلي هبل. بيري: لا مش هبل، دي الحقيقة. أنت مش عايزني. ماهر: لو مش عايزك كنت قلتلك. ليه؟

أنتِ عارفة ماهر، عمر ما حد يقدر يغصبني على حاجة. أنا عايزك وشايف فيكِ أم لولادي. بيري: بطل كذب بقى. ماهر: بيري، اتكلمي كويس. بيري: أنا مش قلت حاجة غلط، أنت مش عايزني، وزي ما أنت مش عايزني، أنا مش عايزة. ماهر يمسك إيديها جامد: أنتِ مجنونة؟ أنتِ تتمني واحد زيي؟ آه، مش عايزك، بس أقسم بالله ما هسيبك. بيري: ماهر، إيدي! ماهر: اجهزي يا بنت عمي، فرحك بعد أسبوع. بيري: ماهر، بطل جنان. ماهر: هعرفك إزاي تكلميني كده.

بيري بعياط: ماهر، أنا آسفة، بس أنا مش عايزة. ماهر: أنسي يا بنت عمي، الخميس الجاي فرحك. ماهر يمشي. بيري تطلع أوضتها و تعيط. *** تاني يوم، في فيلا سليم، الكل كان قاعد على السفرة. ماهر: أنا عايز أقول حاجة. سليم: خير. ماهر: عمي وجدي، أنا عايز أتزوج بيري. الكل: نعم؟ ماهر: زي ما سمعتوا. إيه ردك يا عمي؟ سليم: أنا مش موافق. ماهر: نعم؟ ليه؟ سليم: أنا مش موافق. بيري صغيرة عليك، ومن حقها واحد صغير. ماهر: والله؟

سليم: آه، مفيش جواز. أسماء: عمي، حرام نقف قاصد سعادة الولاد. سليم: مش عايز أسمع صوت، لا يعني لا. ماهر: تمام. يلا يا ولاد على المدرسة. الكل يمشي. نبيل: ليه يا بابا؟ سليم: بيري، يلا عشان تروحي شغلك. بيري: حاضر. بيري تمشي، وعز وجاد يطلعوا وراها. سليم: نبيل، كاظم، تعالوا ورايا. أسماء: هو في إيه؟ سهام: مش عارفة، اصبري هنعرف. *** قدام الفيلا. ماهر: اركبي معايا. بيري: لا، هروح لوحدي. ماهر: بيري، اركبي واسكتي. بيري: لا.

ماهر: بيري، أقسم بالله لو ما ركبتي هيكون ليا تصرف تاني. بيري: ماشي. بيري تركب. عز وجاد كانوا واقفين مراقبين الموقف. عز: في إيه؟ جاد: مش عارف. يلا خدني معاك. عز: يلا. جاد: هو إحنا هنروح النهاردة بس؟ وهنروح تاني من بداية الأسبوع؟ عز: آه، امبارح والنهاردة للتعريف. جاد: تمام. الكل يركب. عز: هنروح نجيب مودة الأول. جاد: تمام. *** عند زهراء في الكلية. زهراء: هتجي معايا بعد المحاضرة نروح المدرسة؟

هاجر: لا، هروح على طول. عمي جاي عندنا النهاردة، ربنا يستر. زهراء: خير، بإذن الله. فاضل محاضرة، صح؟ هاجر: آه، واحد ساعة ونص بس. زهراء: طيب، الحمد لله. يلا بينا. هاجر: يلا. *** في المدرسة. بيري دخلت المدرسة متعصبة وخبطت في حد، وموبيله يقع. غيث: يخربيتك! ماشية كده ليه؟ بيري: آسفة، ما كنتش أقصد. غيث: اوف! امشي من قدامي بدل ما أضربك. بيري: أنا قلت أنا آسفة. غيث: الموبايل يا بنت! بيري: أعمل إيه دلوقتي يعني؟

غيث: مش هرد عليكي عشان عيال عمك. بيري: بسب... لا رد، رد! ما هي ناقصك أنت كمان. إيه القرف ده على الصبح! بيري تمشي. غيث: دي مجنونة، أقسم بالله. *** في الكلية عند البنات. زهراء: آه، الحمد لله إنها عدت على خير. هاجر: آه، هي الساعة كام؟ زهراء: ١. يلا نمشي عشان ألحقهم في المدرسة. هاجر: يلا. زهراء: لا، اصبري. هوصلك. هاجر: لا، عشان تلحقي تروحي. زهراء: هم بيخرجوا ٣، يلا لسه بدري. هاجر: تمام، يلا. *** في المدرسة، فصل جاد.

مودة: بإذن الله، من الأسبوع الجاي مستر تامر هيكون معاكم مادة الفلسفة، إنما أنا علم نفس بس. جاد: ليه؟ مودة: هتعرفوا الأسبوع الجاي. الحصة خلصت، هنبدأ جد من الأسبوع الجاي، وعشان نكون حلوين مع بعض، يا ريت تسمعوا الكلام، تمام؟ يوسف: إن شاء الله. مودة: إن شاء الله يا أستاذ يوسف. *** في مكتب سليم. الكل واقف. ماهر: خلاص بقى. عز: منظركم امبارح كان مسخرة. ماهر: نعمل إيه يعني؟ ما كانش قدامنا غير كده. نرجع بـ...

زمان بعد ما رجعوا من المدرسة. ماهر: بيري، أنا عايزك ثواني. بيري: نعم. ماهر: بصي، أنا هقولك بصراحة، بس بالله افهمي صح. أنا جدي عايزني أتزوج، والصراحة، أنا شايف إنك صغيرة قوي عني، ومن حقك واحد تكوني أول واحدة في حياته. صدقيني، أنتِ أحسن البنات، بس مش معايا. بيري: ماهر، أنت أخويا مش أكتر. ماهر: عشان كده لازم نتصرف بطريقة مش واضحة. بيري: نعمل إيه يعني؟ ماهر: هقولك... باك.

زهراء: الحمد لله إنها عدت على خير، وجدو مش اكتشف الموضوع وهو بيبص عليكم من البلكونة بعد ما خلص صلاة الفجر. جاد: أول مرة حد يضحك على جدو. زهراء: واطي صوتك، جدك يسمعك. جاد: لا، راح يشوف الطلاب، مش هيسمع، صدقني. سليم: لا يا روحي، جدك عارف إنكم كذابين. جاد: يلهوي! عز: الحاج منور والله. سليم: أنا تضحكوا عليا يا جزم؟ فاكرين إني مش هعرف؟ ماهر: احم... حضرتك عرفت إزاي؟ سليم: شفتكم متجمعين امبارح وسمعتكم.

بيري: جدو، ياريت حضرتك تفهم إننا مش مناسبين لبعض. سليم: أنا مش عايز كلام، بس ماشي يا أحفاد سليم. ماهر: يا جدو، بيري صغيرة، من حقها تتجوز حد من سنها. سليم: طيب، تمام. بيري مش هتتجوز ماهر. جاد: إيوة بقى! سليم: بس بشرط. بيري: إيه؟ سليم: خلال شهر، لو مفيش حد اتقدم لبيري، ماهر هتتجوزها، ومن غير كلام كتير. ده شرط. بيري: جدو بس... عز: موافقين، موافقين. بيري: عز! عز: اصبري بس. تمام يا جدو؟ الكل موافق؟ الكل: صح.

سليم: شهر معاكم. شهر. وأنت يا زفت. جاد: أنا. سليم: آه. سيبك حصصك. واقف هنا ليه؟ جاد: مش عندنا حاجة دلوقتي. سليم: تروح على فصلك دلوقتي. الكل يخرج. بيري: أنتوا بتهزروا؟ هيجيب عريس مننا؟ أنا في الشهر ده هيمشي أدور على عريس في الشارع. عز: يا ستي، اهدي، بإذن الله هيكون فيه. ندور كويس. بيري: أنا مش بهزر. عز: طيب، بصي، إحنا ممكن نجيب أي حد يجي يخطبك كام شهر كده لحد ما الأمور تهدأ، وبعد كده تسيبوا بعض. بيري: عز، أنت مجنون.

عز: طيب، هنعمل إيه يعني؟ مفيش حل غير كده. الباب يخبط. الكل: مين؟ مودة تدخل. مودة: في إيه؟ قاعدين هنا كلكم ليه؟ مالك يا بيري؟ بيري: مصيبة. مودة: مصيبة إيه؟ بعد الشر. زهراء: عايزين عريس في خلال شهر. مودة: أنا مش فاهمة. عز: بصي يا مراتي العزيزة، عشان ماهر مش يتجوز بيري، لازم حد يتقدم لبيري في خلال شهر. لو مفيش، ماهر هيتجوز بيري. بيري: جدك اللي قال كده. مودة: نعم؟ إزاي يعني؟ بيري: ده شرطهم. مودة: إيه؟

هنمشي في الشارع ندور على عريس؟ بيري: مش عارفة. زهراء: اهدي يا بيري، أكيد فيه حل. ندور على عريس نعرفه ونتفق، يخطبك زي ما قال عز كده. بيري: يعني مفيش حل غير كده؟ مودة: احم... للأسف آه. بيري: طيب، ندور بقى. الكل راحوا جايين في الأوضة بيفكروا. جاد: عريس... عريس... عريس... أيوة! ماهر: إيه؟ جاد: الواد سامي. بيري: سامي مين؟ جاد: اللي بيجيب طلبات البيت لينا. بيري: جاد، اسكت بالله.

عز: بس صح، إحنا عايزين واحد بسيط عشان ياخد الفلوس وينفذ زي ما إحنا عايزين. بس بلاش سامي، عنده عيال. بيري: اوف! اخلصوا. جاد: اصبروا بقى، أفكر في حد تاني. عز: إيه رأيكم في سيد؟ ماهر: لا، لا، ده عليه قضية قتل. بيري: يلهوي! مودة: مش عايزين هزار، عايزين ندور بجد. جاد: ما أنا بدور. شوفوا بقى عريس لبنت عمكم، شوفوا عريس يوافقوا على الهبل بتاعنا ده. عز: مين المحروس اللي يوافق؟ جاد: مين يا واد يا جاد؟ مين المحروس؟

الباب يخطب ويدخل غيث. غيث: عز وماهر، مستر سليم عايزكم. جاد يبص لعز وماهر ويبتسم. عز: العريس؟ غيث باستغراب: في إيه؟ *** في بيت هيام. هيام بتحط العصير قدامهم. هيام: منورين يا ولاد. ماهر: بنورك. معلش بقى جايين من غير ميعاد. هيام: معاد إيه يا بني؟ تنوروا في أي وقت، ده بيتكم. اعملوا حسابكم الغدا عندنا النهاردة. مودة: متخافيش يا عمتو، مش هينزلوا من غير غدا. زهراء: لا، غدا إيه؟ إحنا هنتكلم ونمشي على طول.

هيام: أنا قلت كلمتي خلاص، الغدا عندنا النهاردة. يلا أسيبكم تتكلموا. ماهر: مودة، غدا إيه؟ إحنا بس جاين هنا عشان جدو مش يسمعنا. مودة: ماهر، انسى إن هيام تخليكم تمشوا من غير غدا. وعيب عليكم تدخلوا بيتنا وتنزلوا كده. المهم دلوقتي، هنعمل إيه؟ غيث: أنا مش فاهم حاجة. عز: بص يا غيث، أنت صاحبي، فـ أنت الوحيد اللي تنفع في كده. غيث: طيب، إيه؟

ماهر: جدي عايزني أتزوج بيري، بس أنا وهي مش عايزين كده، وجدي حط شرط لعدم جوازنا إنه حد يتقدم لبيري في خلال شهر. غيث: طيب، أنا أعمل إيه؟ جاد: ما أنت العريس يا باشا. غيث: نعم؟ أنتوا بتقولوا إيه؟ عز: غيث، اسمعني. أنت الوحيد اللي منا، وجدي هيوافق عليك بسرعة عشان بيحبك ويعتبرك حفيد من أحفاده. هما شهرين خطوبة، وبعد كده سيبوا بعض. غيث: يا جدعان، بتقولوا إيه؟

بيري: بص يا أستاذ غيث، طبعاً أنا موقفي زبالة أوي عشان أنا اللي جاية أتقدم، مش أنت. بس شهرين بس، لعبة يعني على جدو. غيث: مستحيل، يا جماعة. بيري: أنت يا بني، أنا مش هموت عليك يعني. إيه ياربي القرف ده. غيث: برضو تاني، قرف؟ قلتلها الصبح وأنا مشيت. بيري: أيوه، هقولها مليون مرة، وأنا مش عايزة الشخص ده. غيث: أقسم بالله لا، أنا موافق يا جماعة. بيري: وأنا قلت لا. عز: بيري، بلاش لعب عيال.

بيري: مش شايف هو بيتكلم إزاي بطريقة مستفزة. غيث: أنا قلت حاجة؟ أنتِ محتاجاني دلوقتي؟ اتكلمي كويس بقى. بيري: أنا مش رخيصة يا أستاذ. أنا بعمل ده كله عشان جدو. غيث: مين قال إنك رخيصة؟ أنا مش قصدي والله حاجة، أنا بهزر. وموافق يا جماعة. تمام. عز: خلاص يا بيري بقى. بص، غيث، يومين ويجي يكلم جدي ويقوله إنك عايز بيري، تمام؟ غيث: ليه؟ ما نخليها النهاردة؟ بيري: نعم؟ غيث: قصدي ناخد الموضوع وهو سخن.

بيري: لا، يومين عشان مش يشك في حاجة. غيث: تحت أمرك يا جميل. ماهر: احترم نفسك. غيث: احم... مش قصدي حاجة، أنا آسف. عز: فهمت هتعمل إيه؟ غيث: آه، يا جدعان. ماهر: طيب، يلا بينا إحنا. حاتم: يلا، فين؟ ماهر: حاتم، إزيك؟ حاتم: الحمد لله بخير. عاملين إيه؟ الكل: الحمد لله. حاتم: تمشوا فين يعني؟ أقسم بالله، ست الكل اللي واقفة في المطبخ دي لو سمعت إنكم عايزين تمشوا، هتحطكم مكان الفراخ. عز بضحك: لا، لا، خلاص.

ماهر: هو إحنا جايين نتعبكم يعني. حاتم: أنت مش دخلت بيتنا، انسى إنك تنزل، ما نغير ما تأخد واجبك. نورتوا يا شباب والله. مودة، روحي شوفي عمتك. مودة: حاضر. زهراء: خدني معاكي يلا. بيري: يلا. الكل يخرج. ماهر: صح يا حاتم، أنت شغال إيه؟ حاتم: أنا رائد في الشرطة. ماهر: ما شاء الله، ربنا يوفقك. حاتم: يا رب. غيث: جدعان، أنا عايز أمشي. حاتم: تمشي فين؟ غيث: يعني، أنتوا أهل في بعض، أنا أمشي بقى. حاتم: اقعد بس يا بني، أهل إيه؟

أنت مننا. غيث: تسلم والله. جاد: جماعة، ثواني. عز: خير؟ جاد: نفرض جدك قال الجواز يكون في أقرب وقت، زي ما حصل معاك يا عز. عز: تصدق صح. بس ده اللي هيحصل. يقولك شهر عشان تكون جاهز، والجواز يتم. هيقولك شروط كتير كده. غيث: شروط إيه؟ عز: إنك تقعد معانا. غيث: جدعان، مش قلت خطوبة؟ عز: خطوبة دي قدام بيري، إنما هي هتوصل جواز. غيث: طيب، على بركة الله. بس مش هقعد معاكم في الفيلا أكيد. ماهر: طيب، هنعمل إيه؟

عز: ما تقول رأيك يا حاتم. حاتم: ما أنا مش فاهم. غيث: بص يا سيدي، هقولك، وهو يقول كل حاجة. حاتم: أنا شفت مرة، لما كنت عندكم، عمارة جنب الفيلا. إيه رأيك يا غيث تأخد شقة هناك؟ غيث: فكرة صح. برافو عليك. جاد: طيب، لو قال نعمل فرح مختلط وكده؟ غيث: دي لا بقى. عز: متخافش، دي عليا. ماهر: المهر والشبكة، جدو هيخليهم كتير أوي. غيث: موافق. عز: موافق على إيه؟ غيث: أي حاجة هو عايزها، أنا موافق عليها.

عز: غيث، أنا عارف إننا متفقين معاك، وكله لعب، بس أقسم بالله لو عملت حاجة لبيري... غيث: يا عم، أنا أقدر أعمل حاجة. عز: تمام. مودة: اتفضلوا يا جماعة، الغدا. حاتم: اتفضلوا يا شباب، تعالوا. عز: مراتي اللي طبخته. هيام: طبعا. عملت السلطة. عز: السلطة؟ مودة: هعمل إمتى يعني؟ ما أنا كنت في المدرسة. عز: آه. هناكل سلطة بعد الجواز على طول؟ مودة: لا يا حبيبي، متخافيش. مفيش أكتر من الأكل الجاهز. عز: مش بتعرفي تطبخي؟

هيام: لا، لو الحق مودة، أكلها جميل أوي أوي، ماشاء الله. عز: طيب، الحمد لله. هيام: اتفضلوا يا شباب، معلش، حاجة بسيطة. ماهر: بسيطة إيه بس! تسلم إيديك بجد. حاتم: طيب، يلا بسم الله. الكل ياكل في جو لطيف وجميل، والكل كان مبسوط. *** في فيلا سليم. سليم: هم فين لحد دلوقتي؟ سهام: مش عارفة والله. سليم: العيال روحوا فين؟ نبيل: يا بابا، إحنا جاين معاك، مش عارفين بجد، هم فين؟ سليم: حد يكلمهم. كاظم: محدش بيرد. أنا قلقان على بنتي.

أويس: سليم: بنتك هربت مع الجزم؟ أقسم بالله هولع فيهم. جاد: مساء الخير. سليم: أنتوا كنتوا فين كلكم كده؟ عز: كنا خارجين عادي. كاظم: أنتِ كويسة يا بنتي؟ بيري: آه يا بابا. فيه إيه؟ سليم: الساعة معاكم كام، وكنتوا فين ده كله؟ ماهر: الساعة ٦، كنا فين؟ قولنا نخرج شوية بدل الزهق ده. سليم: أنت يا زفت أنت وهو، مش هتضحكوا عليا تاني. جاد: في إيه يا حاج؟ إيه العصبية دي؟ سليم: بس يا جاد، كنتوا فين؟ عز: عند مودة. سهام: كلكم ليه؟

زهراء: عادي يا ماما، عز كان رايح، وقولنا نروح نرخم عليه. سهام: برضو كلكم كده؟ مش عيب طيب. ماهر: عادي يا ماما، طنط هيام دي عسل. سليم: روحتوا المكان ده تاني؟ عز: أنا ورايا حاجة مهمة، بعد إذنكم. ماهر: عز، خدني معاك. زهراء: بيري، صح تعالي، عايزة آخد رأيك في حاجة. بيري: يلا. الكل يجري. جاد: أنا أروح إذاكر بقى، صح يا جدو؟ إحنا أكلنا عند طنط هيام، وأكلنا كل حاجة حضرتك بتقول عليها لا. الكل يجري. سليم: شوفت ابنك.

نبيل بيكتم ضحكته: معلش يا بابا، ما أنت عارف جاد. سليم: ماشي، ماشي يا أحفاد سليم. *** يمر يومين، ويجي بداية الفصل الدراسي في المدرسة. الكل واقف في الطابور. المدرس: الفترة الجاية هيكون فيه تغيرات كتير، ممنوع الموبايلات، ممنوع المكياج، الزي المدرسي اتغير. آخر اليوم تروحوا تاخدوا الزي الجديد. الكل قاعد يتكلم ويشتكي. سليم: مش عايز دوشة، دي القوانين الجديدة. الكل: بس يا مستر سليم، إحنا مش متعودين على كده.

مودة: جدو، لو سمحت، اسمحلي أتكلم. سليم: اتفضل. مودة: انسوا أي حاجة كانت زمان. الكل: إحنا مش موافقين. مودة: براحتكم، دي قوانين بتاعتنا. اللي مش موافق يتفضل. الكل قاعد يتكلم بعصبية. مودة بصوت عالي: أنا مش عايزة أسمع صوت أي حد فيكم. نطلع بنظام، ومش عايزة دوشة على السلم. يلا، اتحركوا. الكل بدأ يتحرك. *** في فصل جاد. تيا: لا، لا، ده مستحيل. أنا روحت أشوف الزي، دي عملت فستان طويل. إيه الهبل ده؟ يوسف: أخدوا مننا الموبايلات.

روان: هنعمل إيه يا شباب؟ يوسف: مش عارف، بس لازم نتصرف. نلعب معاها شوية. جاد: يوسف، لا. يوسف: ليه؟ ما إحنا على طول كده، ومع الكل كده. إشمعنى دي؟ جاد: دي غيرهم كلهم، دي بنت عمتي. روان: متخافيش يا جاد، نلعب براحة يا عيال، يا بلاش حاجات كبيرة. متخافيش، صدقني. جاد: مش عايز يحصلها حاجة. يوسف: عيب عليك، برضو، هي بنت عمتك. جاد: تمام. يوسف: بصوا بقى، أول حاجة هنعمل... *** عند مودة، ماسكة ورقة وبتلف على المدرسين. سليم: مودة.

مودة: نعم يا جدو. سليم: مش في فصلك ليه يا أستاذة؟ مودة: بلف على زمايلي أجمع أوردر الفطار. سليم: نعم؟ مودة: إيه يا جدو، نشتغل واحنا جعانين ولا إيه؟ سليم: يارب، لا. أنا صبري نفذ بجد. أنتِ مش عارفة إن ممنوع أي أكل من برة، ويجيبوا أكلهم وهم جايين؟ مودة: آه عارفة، بس تغير يا جدو. وبعدين، المطعم بتاع المدرسة مش فيه أي أكل حلو، وإحنا جعانين.

سليم: مودة يا حبيبتي، أنتِ مش دلوقتي أخصائية، يعني المفروض تفضلي في مكتبك عشان لو أي حد محتاج حاجة. مودة: تمام. جعانة، أشتغل وأنا جعانة. مش عيب برضه. المهم، أجيب لك معانا إيه؟ سليم: امشي من قدامي. امشِ. مودة: حاضر. مودة تجري. *** عند عز، كان في مكتبه، وتروح عنده مودة. مودة: صباح الفل. عز: صباح النور. مالك؟ مودة: كنت بجري من جدك. عز: ليه؟ مودة: مش عايز نجيب فطار من برة. عز: ما أنتِ عارفة جدو والقوانين بتاعتهم.

مودة: القوانين دي عليكم أنتم، مش عليا أنا. عز بضحك: والله. مودة: لا، بس حلو مكتبك. عز: مش أجمل منكم. مودة: حبيبي والله. ربنا يحفظك. عز: قولي كلمة حلوة مرة، أنا بقيت جوزكم. مودة: بس يا بابا. عز: طيب، يلا من هنا بقى. مودة: لا، هقعد هنا شوية. عز: تنوري يا وصية الرسول. مودة تطلع سندويتشات بطاطس وفول. مودة: عز، تاكل؟ عز: بطاطس وفول في المدرسة؟ جدو يا بنت. مودة: هتاكل ولا لأ؟ عز: لا، بالهنا، أنتِ.

مودة: تمام. صح، هتبدأ إمتى في الجناح؟ عز: الأسبوع الجاي، بإذن الله. مودة: إحنا الدور التالت. عز: آه يا حبيبتي. ممكن بس ثواني، عايز أركز في حاجة. مودة: تمام. مودة تسكت شوية. مودة: الله، الفول جميل أوي. تصدق، عم سيد بيعمل فول جامد. والله، أنت مش بترد عليا ليه؟ عز: عشان قلت لحضرتك إني بعمل حاجة. قولت اقعدي ساكتة خمس دقائق. مودة: أنا غلطانة إني قاعدة معاك أساساً. هاكل وأمشي. عز: يكون أحسن ابتلاء من ربنا، أنا عارف.

مودة بصوت عالي: إيه ابتلاء دي يا حبيبي؟ عز: بس، بس، صوتك. إحنا في المدرسة. مودة: احم... مش قصدي، بس عصبتني. عز: ما أنا عايز كده. مودة: تعصبني؟ عز: بحب أضيقك، بحب أسمع صوتك وأنتِ متعصبة. مودة: يا رومانسية. عز: تصدقي، أنتِ خسارة فيكِ أي حاجة. مودة بضحك: خلاص، خلاص. بس مش متعودة على الرومانسية أوي كده. عز: مش بقيتي مراتي، اتكلم براحتي بقى.

مودة: اتكلم يا سيدي، بس بلاش مدح أوي كده. ده أنا مودة يعني، ولا شعر أصفر ولا عيون خضرة. جمالي عاد. عز: جمالك عاد. مودة: آه. عز: أقولك حاجة؟ مودة: قول. عز: أنتِ أجمل بنت أنا شفتها في حياتي. مودة بضحك: بطل كذب بقى.

عز: أقسم بالله مش كدب. أنتِ جميلة بشكل لا يوصف. شكلك جميل أوي، روحك حلوة، وشخصيتك قوية. أنتِ أجمل بنت شفتها عيوني بجد. ليكي جمال خاص بيكي كده، جميل. عيونك السوداء دي غرامي. الجمال مش بيكون بالعيون الخضرة ولا الشعر الأصفر. أنا مش بقولك الكلام ده مجاملة يعني، لا، أنتِ بجد جميلة وجميلة أوي كمان. يا مودة، أنا بحبك كده، وعايزك تكوني كده. هتكون أول مرة هقول أنا بحبك بجد. بعشقك يا مودة، ونفسي نفضل مع بعض على طول.

مودة: أنت بتقول إيه؟ عز: بيقول الحقيقة. أنا بحبك أوي. مودة: عز، أنا كنت بهزر على الشكل وكده، أنت... عز: أنا مش بهزر. عز يروح عندها ويمسك إيديها ويبوسها. مودة: عز... عز: عيوني. مودة: مش كدب، صح؟ عز: ورب الكعبة. بحبك، بحبك يا ست الكل. مودة: طيب، إزاي؟ إمتى أساساً؟ إحنا بقالنا شهر بس، وبقالنا أسبوعين بس مكتوب الكتاب يعني.

عز: حبيبتي، من أول مرة شوفتك فيها. لما حبيت أرخم عليكي وأنتِ عندنا، بس قولت يمكن إعجاب. كان إعجاب الأول بجد، بس بعد كده حبيتك أوي. وأنتِ يا مودة... مودة: أنا؟ عز: مفيش خلاص. مودة: تمام. الباب يتفتح. ماهر: بص بقي، أقسم بالله هضربهم. غيث: هي اللي غلطانة. بيري: أنا مش غلطانة، واتكلم كويس. غيث: أنا أتكلم؟ عز: في إيه؟ ماهر: مش إحنا قولنا يقفوا يتكلموا مع بعض عشان جدو يشوفهم؟

عز: آه، بس قولنا لما إحنا نكون موجودين معاهم عشان مش يوقف معاها لوحدها. ماهر: تمام. لا، دول واقفين النهاردة في نص المدرسة بيتخانقوا، والهانم تقوله: أنا غلطانة إني دخلتك في اللعبة دي. عز: يخربيتكم! بيري: هو اللي غلطان. مودة: طيب، إيه سبب الخناقة؟ غيث: بقولها هروح النهاردة أتقدم لجدك، قالتلي: لا، لسه بكرة. عز: إحنا مش متفقين على بكرة؟ غيث: آه، بس قولت يلا عادي. عز: يلا عادي، طيب حصل إيه بعد كده؟ بيري:

قولت: لا، إيه الاستعجال ده؟ ولا أنت لقيتها فرصة؟ غيث: فرصة مين بقى يا معفنة؟ بيري: معفنة؟ ده أنت قليل الأدب. ماهر: غيث، احترم نفسك. غيث: مش شايفها. ماهر: برضو، كلمها كويس. بيري: بسب... بيري: أنا مش عايزة الجوازة دي. غيث: يكون أحسن برضو. عز: بس، أنتوا الاتنين بس. غيث: خليها تقول آسفة. بيري: لا. غيث: بت اعتذار؟ بيري: لا. ماهر: بس بقى، بطلوا لعب عيال ده. موبايل مودة يرن. مودة: حاتم. مودة ترد. مودة: السلام عليكم. حاتم...

مودة: ليه؟ في إيه؟ حاتم... مودة: إيه؟ أنا هسافر دلوقتي. سلام. عز: في إيه؟ مودة: رحاب في مصيبة يا عز.