رواية معلمة من الصعيد الفصل الثاني عشر 12 - بقلم مريم شعبان

موده: ميس موده، معلمة علم النفس والفلسفة الجديدة. الجميع بصدمة: ااه. موده: ياريت كل واحد مكانه. جاد: انتي متأكدة يا موده؟ موده: ميس موده، اقعد مكانك. مروان: يمكن غلطانة، الفصل ما مستحيل. موده: مكانكم. يوسف: شوفِ. موده بصوت عالي: كل واحد مكانه، يلا مش هقول الكلام خمس مرات. يوسف: يوم عسل إن شاء الله. موده: أنا عارفة كل واحد فيكم. نبدأ مبدأ، بقي نظامي أهم حاجة الالتزام والهدوء والواجب والمذاكرة.

جاد: على آخر الزمان هنذاكر. موده: وغصب عنكم كمان. يلا عشان نبدأ أول درس. بنات، أظن إني لوحدكم في الفصل، يعني ياريت البنات لوحدهم والشباب لوحدهم. تيا: ليه إن شاء الله؟ موده: نخلص من غير كلام كتير. مروان: إحنا صحاب، بنقعد كلنا جنب بعض عادي. موده: ده كان زمان. يلا البنات لوحدهم والشباب لوحدهم. يلا. يوسف: اوف. ويقوموا كلهم، البنات يقعدوا جنب بعض والشباب بردوا. موده: لو قولت اوف دي تاني مش هيحصل كويس.

يوسف: هتعملي إيه يعني؟ موده: بلاش تعرف. يلا نبدأ بسم الله. *** عز: أنا رايح أشوف موده. غيث: إنت أهبل، سيبها. عز: العيال دي صعبة. لا أنا هروح أشوفها. ويمشي. غيث: اصبر يا بني. ويروح وراه. ويروحوا عند فصل جاد ويخبط عز ويدخل. عز: السلام عليكم. موده: وعليكم السلام. خير يا أستاذ عز. عز: إيه الأخبار؟ بنمر على الفصول. موده: الحمد لله كله تمام. عز يبص عليهم اللي كانوا قاعدين متضايقين. عز: مالكم يا شباب؟ يوسف: مفيش. عز: تمام.

مروان: الحصة خلصت. موده: حتى لو خلصت، أنا عندكم كل يوم. مين عليكم؟ يوسف: مش عارفين. موده: تمام. أقسم بالله لو عرفت إن واحد فيكم قام من مكانه هيكون يومه أسود. أشوفكم بكرة. وتخرج هي وعز وغيث. عز: إنتي عملتي فيهم إيه؟ موده: مش عملت حاجة. بس العيال متدلعة أوي. إيه اللبس بتاع البنات ده؟ كل حاجة غلط في المدرسة دي، عايزة نظام. عز: موده فوقي، دول مش زي بتوع الصعيد. دول عيال عايزين تربية تاني من الأول.

موده: والتربية دي عليا، من بداية العام الدراسي. أنا هعلمهم الآداب. يلا بعد إذنكم. وتمشي. غيث: مراتك مش ناوية على خير. عز: ربنا يستر. يلا بينا. عند موده، فضلت تمشي في المدرسة وتبص على حال البنات اللي واقفين بيعملوا تيك توك، واللي واقف جنبه صحبته بطريقة مش كويسة، واللي بيشرب سجاير. موده: هي دي مدرسة؟ إيه ده؟ ده على كده فيلم رمضان مبروك أبو العلمين حمودة. صح في مدارس كده؟ عيال أهلها بيدفعوا فلوس على الفاضي.

وراحت عند جدها. وكانت بيري هنا. سليم: تعالي يا موده يا حبيبتي. موده: أنا عايزة حضرتك في حاجة. بيري: طيب بعد إذنكم. موده: لا اقعدي يا بيري. جدو، عجبك حال المدرسة دي؟ حضرتك شايف البنات لابسة إيه؟ شايف الشباب واقفين إزاي؟ طريقة كلامهم. مش طلاب جايين يتعلموا. سليم: أعمل إيه؟ أهلهم عارفين. أكيد أنا مليش دخل في تربيتهم. موده: لا لينا. إحنا أساساً التعليم. إحنا المدرسة. سليم: طيب هنعمل إيه؟

موده: الزي يتغير من بكرة. يكون فستان طويل شكله حلو، واللي مش عجبه يمشي. والشباب يلبسوا لبس كويس بطريقة محترمة. ممنوع الموبايلات، ممنوع المكياج. هما مش جايين فرح. بيري: أنا موافقة على الكلام ده. أنا دخلت لحد دلوقتي فصلين، الاتنين أسوأ من بعض. موده: أيوه، مش فصل جاد بس اللي مش كويسين. لا دي المدرسة كلها. سليم: حاضر. هنزل على الصفحة أقول كده. موده: تمام، حلو أوي كده. سليم: بس خلي بالك، هيجي بالضرر علينا.

موده: مش مشكلة طالما بنعمل الصح. سليم: خير بإذن الله. أنا رايح أشوف الطلاب. ويخرج. بيري: عندك حصة دلوقتي؟ موده: لا. وإنتي؟ بيري: فصل جاد. موده: طيب، ربنا معاكي. بقي فصل صعب أوي. بيري: متخافيش، هقدر عليهم. يلا أشوفك شوية. وتخرج. موده: دي مدرسة دي. والباب يخبط ويدخل غيث. غيث: السلام عليكم. موده: وعليكم السلام. غيث: فين الحاج؟ موده: حاج دي في بيتكم هنا، اسمه مستر سليم. غيث: ما تتكلمي كويس. موده: هو أنا قولت حاجة؟

غيث: إنتي تقدري تقولي أساساً. موده: أقدر، وكثير. غيث: بت اسكتي. موده: بت في عينك. إزاي تكلميني كده؟ عز: في إيه؟ غيث: تعال شوف مراتك يا سيدي. موده: تعرف الكائن ده يا عز؟ عز: ده غيث صاحبي ومدرس هنا. في إيه؟ غيث: يا سيدي، أنا داخل أدور على جدك. بيقول فين الحاج. عز: حاج، إحنا قاعدين على قهوة. موده: شوفت، حتى جوزي. غيث: ما أنتوا مجانين زي بعض. عز: خلاص يا جماعة. يلا يا غيث، روح شوف مستر سليم فين. غيث: تمام. تشرفت. ويخرج.

موده: أنا أكتر. عز: إنتي قاعدة هنا ليه؟ موده: كنت قاعدة مع جدو وبيري، وبعد كده هما قاموا، وأنا كنت هقوم بس غيث ده داخل. عز: تمام. بطلي خناق بقي. أنا من الصبح شايفك ماشية خناق مع كل المدرسة. موده: هي دي مدرسة. عز: مالها المدرسة يا ختي. موده: إنت شايف إيه ده بجد. عز: طيب عايزة أفهم. موده: طيب ممكن نتكلم شوية عشان عندي حصة. عز: تمام، اتفضلي. *** في فصل جاد. رويدا: أنا عايزة أشوفه أوي. تيا: اهدي بق. رويدا: بس يا بنت.

فيروز: على فكرة، هو كان واقف قدام غرفة المدرسين. رويدا: بجد؟ طيب أروح. فيروز: براحتك. رويدا: أنا هروح. تيا: رويدا مينفعش كده. رويدا: أنا رايحة عادي يعني. وتجري. يوسف: رايحة فين دي. تيا: رايحة تجيب حاجة وجاية على طول. جاد: جدعان، أنا مش قادر أخرج بعد المدرسة. ما تجوا بالليل عندي. يوسف: تمام، موافق. مروان: أشت. جاد: وإنتي؟ تيا: معاكم. فيروز: وأنا كمان. جاد: أشت. *** موده: بيري، بيري. بيري: نعم. موده: خلصتي؟

بيري: أه، يلهوي. فصل صعب أوي. موده: كلهم كده يا بنتي. بيري: لا، أنا عايزة أرجع كندا تاني. إيه الهم ده. موده: إنتي لسه شوفتي حاجة. سنة قمر إن شاء الله. بس سؤال، في كندا أكيد لبسهم كده قصير وضيق؟ دي بلد أجنبية. بيري: لا طبعاً. محدش يقدر يجي المدرسة بلبس ضيق أو قصير. عندهم قوانين. أكيد بيكون فيها مشاكل. بس أنا اللي مزعلني إننا بلد مسلمة. لما يكون حال البنات المسلمات بقي كده، برة هيكون إزاي.

موده: عندك حق. بقينا تقليد في الأجانب وبس، تقليد الأشياء الوحشة. ربنا يهديهم. بيري: يارب. هتعملي إيه دلوقتي؟ موده: مش عارفة. تعالي نلف في المدرسة شوية. بيري: يلا. *** عند رويدا، راحت عند تامر. رويدا: مستر تامر. تامر: أهلاً رويدا. عاملة إيه؟ رويدا: بخير حضرتك. عامل إيه؟ تامر: بخير. رويدا: أنا زعلت أوي إني حضرتك مش هتكون معانا السنة دي. تامر: أه، للأسف. معلش، ربنا يوفقكم. رويدا: يارب.

تامر: أنا موجود لو عايزة أي حاجة، كلميني. تمام. رويدا: حاضر. تامر يمسك إيديها: لون شعرك حلو كده. رويدا بكسوف: بجد. تامر: أه جداً. يلا روحي على فصلك. لو عايزة حاجة، أنا هنا في غرفة المدرسين. رويدا بكسوف: حاضر. وتمشي. تامر: اوف، جامدة. موده: بيري، شوفتي اللي أنا شوفته؟ بيري: أه. إيه ده؟ إزاي يمسك إيديها كده؟ موده: غالباً مش الطلاب بس اللي عايزين تربية، ده المدرسين كمان. *** بعد فترة، يخلص الدوام المدرسي.

في العربية، عز معاه موده وبيري. عز: أنا نفسي أعرف إنتوا انهاردة رايحين جايين في المدرسة ليه؟ بيري: إحنا. عز: لا، خالتو. موده: اسكتي، اسكتي. هي دي مدرسة. عز: أه، صح. قولي بقي مالها المدرسة. موده: لبس البنات مش حلو يا عز، ولا طريقة كلامهم. وإزاي أساساً الموبايل يدخل معاهم الفصل؟ في حاجات كتير غلط. عز: عندك حق. وقولت لجدو كذا مرة على الهدوم، بس قالي أهلهم عارفين، إحنا مالنا. بيري: لا، لينا. عز: طيب، إنتوا عايزين إيه؟

موده: عايزين المدرسة تمشي صح، ونغير النظام ده. عز: صعب تغير نظام مدرسة بقاله أكتر من عشرين سنة زي ما هو. موده: لا، هنقدر طالما إحنا صح. وإزاي أساساً مفيش أخصائية نفسية في المدرسة؟ طيب هما يتكلموا مع مين؟ عز: أخصائية؟ محدش فكر في حاجة زي كده أساساً. لمي بيكون فيه حاجة، يقدر يروح لأي حد فينا. موده: لا طبعاً، لازم يكون فيه أخصائية وفي أقرب وقت. الولاد محتاجين حد يتكلموا معاه، يفهم هما مالهم.

بيري: موده، إنتي مش درستي علم نفس؟ موده: أه. بيري: يبقي إنتي الأخصائية. إنتي فاهمة، وإنتي أكتر واحدة هتنفعي، صدقيني. عز: صح، أنا موافق. موده: بس دي مسؤولة كبيرة، إني أسمع المشاكل وأدور على حلول. بيري: صدقيني، هتقدري. وأنا معاكي. عز: وأنا كمان معاكي. هتقدري يا حبيبتي. موده: تمام، خلاص. موافقة. بيري: أيوه كده. هنلعب لعب. موده: أيوه. عز: ناوية على إيه إنتي وهما؟ موده وبيري بضحك: كل خير. *** في منزل هيام.

موده: وبس كده، يومي. هيام: يعني جدك وافق إنه يغير من النظام؟ موده: أه يا طنط. صابر: غريبة. موده: يا بابا، حال المدرسة صعب أوي. صابر: ربنا يهديهم. موده: فين حاتم؟ هيام: حاتم عنده شغل كتير الفترة دي، فـ هيجي بالليل متأخر. موده: أه، ربنا معاه. صابر: عز هيبدأ الجناح بتاعتكم إمتى؟ موده: أسبوعين كده. ما لسه بدري على الفرح، شهرين. صابر: ربنا يكملك على خير. هيام: يارب. صابر: أنا هسافر البلد الأسبوع الجاي. موده: نعم؟ ليه؟

صابر: يا بنتي، شغل هناك. ولسه فرحك بعد شهرين. هقعد ده كله من غير شغل. موده: لا يا بابا، خليك معايا. صابر: يا بنتي، إنتي كبيرة، وإنتي هنا مع عمتك وحاتم وأهل مامتك وجوزك. موده: بس أنا عايزك إنت تكون جنبي. صابر: هيجي كل فترة وساعة. فرحك هيجي قبلها بـ أسبوعين. موده بحزن: تمام يا بابا، براحتك. وتقوم تدخل أوضتها. هيام: ما تخليك يا صابر. صابر: هقعد ليه يعني.

هيام: ما إنت اقعد معانا. لو على الشغل، شوف أي حاجة هنا. بس افضل جنب بنتك. صابر: بنتي هتتجوز وهتروح بيت جوزها. هيام: هي محتاجة جنبك دلوقتي. إنت كل حياتها يا صابر. خليك معانا، مش لازم شغل يعني. اقعد معايا. صابر: هصرف منين؟ الفلوس اللي معايا خلصت خلاص. وإنتي استحملتي كتيرة. هيام: أخص عليك يا أخوي. أنا طلبت منك حاجة؟ ما أنا لما أجي البلد بقعد بالشهور، وإنت اللي بتصرف. ومن امتى إحنا بينا فلوس؟

إحنا أخوات يا صابر. أشيلك فوق راسي يا أخوي، وإنت مش غريب. صابر: هحاول أشوف شغل لو قدرت، هيقعد هنا. لو لا، هسافر. هيام: بإذن الله خير. موده جات. موده: بابا، أنا رايحة عند جدو. صابر: ليه؟ موده: عادي، رايحة أقعد شوية مع بيري وزهراء. صابر: تمام، بس بلاش تأخير. موده: حاضر. وتمشي. هيام: أقوم صالحها بقي. صابر: لازم تعرف إني في يوم لازم أسيبها وأمشي. والله وأعلم اليوم ده إمتى. هيام: بعد الشر عليك. ربنا يحفظك لينا.

صابر: ويحفظكم ليا. *** في فيلا سليم، كانوا الشباب كلهم قاعدين في الجنينة. رويدا: مبدأ كده. هو المفروض نذاكر السنة دي صح؟ مروان: المفروض. فيروز: أنا مش بفهم حاجة من المدرسة، والحصة بتكون صغيرة. تيا: طيب هنعمل إيه؟ يوسف: إحنا كلنا المدرسين أهلكم يا جاد. فـ نعمل إيه بقي؟ ناخد دروس في البيت معاهم. جاد: هقولهم حاضر. مروان: بس موده دي كمان هناخد عندها. تيا: أه، لازم نستحمل السنة دي. مروان: اوف، سنة وتخلص. رخمة أوي.

جاد: ما تحترم نفسك برضو. هي بنت عمتي. مروان: ما هي اللي رخمة، وفاكرة نفسها هتقدر علينا. يوسف: حد يقدر على العصابة يا بني. مروان: هي القاعدة دي من غير أي حاجة؟ أغاني، سجائر. جاد: بس أهلي كلهم جوا. مروان: لا، أنا المرة الجاية عندي. كده كده أهلي مش موجودين، فـ هنقعد براحتنا. جاد: خلاص، تمام. *** عند أوضة زهراء، معاها بيري وموده. زهراء: مالك يا موده؟ من ساعة ما جيتي، وإنتي قاعدة ساكتة. موده: تعبانة شوية، كان يوم صعب.

زهراء: ربنا يكون في عونكم. موده: يارب. أنا هروح أوضتي، هيجيب حاجة ويجهز. زهراء: تمام. وتخرج. زهراء: هي ماله؟ بيري: كانت كويسة، مش عارفة. زهراء: يمكن زعلانة مع عز. بيري: لا، كانوا بيضحكوا وإحنا راجعين عادي. زهراء: طيب، في إيه؟ بيري: الله وأعلم. اصبري لحد ما تيجي، ونعرف. زهراء: تمام. والباب يخبط. زهراء: مين؟ أنا عز. بيري عدلت حجابها. زهراء: تعال يا عز. عز: إيه؟ عاملين إيه؟ الحمد لله. عز: فين موده؟ زهراء: في أوضتها.

عز: ليه؟ ماله؟ بيري: شكلها تعبانة. عز: طيب، أنا هروح أشوفها. زهراء: تمام. ويخرج عز. *** عند موده، كانت قاعدة على السرير وعيونها بتدمع. موده: أنا مش عايزة يمشي. أنا مش هقدر من غيره. يارب، هو كل حياتي. والباب يخبط. موده: مين؟ عز: أنا يا حبيبتي. موده: ادخل. ويدخل. عز: مالك؟ موده: مفيش، تعبانة شوية. عز: إنتي بتعيطي ليه؟ موده: مفيش. عز: موده، بتعيطي ليه؟ إيه حصل؟ موده بعصبية: قولتلك مفيش حاجة. الله، سيبني واخرج لو سمحت.

عز بهدوء ويمسك إيديها: طيب، ممكن تهدي؟ أنا بس عايز أعرف مالكم. موده: بابا. عز: ماله؟ موده: عايز يسافر ويسيبني. عز: ما هو لازم يرجع عشان شغله وحياته. موده: أنا عمري ما قعدت في مكان من غيره. أنا مش هقدر. بابا، كل حياتي. أنا مش عايزة يمشي. أنا مش بكون قوية غير وهو جنبي. عز: طيب، هو عايز يسافر ليه؟ موده: عشان الشغل. عز: طيب يا ستي، أنا هحل الموضوع ده. موده بفرحة: بجد؟

عز: أه. وبكرة هروح أكلمه. يلا بقي امسحي دموعك، بلاش عياط. موده: شكراً. عز: مفيش بينا شكراً. موده حضنت عز. عز استغرب رد فعلها، بس كان مبسوط. موده: احم، أنا آسفة. بس. عز: موده، أنا جوزك. مفيش آسفة دي. أنا كلي ملكك. يلا قومي، أنا هكلم عمو وهقوله إننا هنخرج شوية. موده: هنروح فين؟ عز: أي مكان، المهم نغير جو. موده: تمام. اخرج، هغسل وشي وأعدل الخمار. عز: تمام. ويخرج. عز: هنخرج ساعة بس. صابر: إنت يا بني، إنت لسه خارج معاها؟

عز: ما هي مراتي يا عمي. صابر: عارف إنها مراتك، بس هي لسه في بيتي، فاهم ولا لأ؟ عز: كده ظلم على فكرة. أنا بقول لحضرتك ساعة واحدة. صابر: قولت لا. تجيب موده وتيجي هنا. عز: حاضر. على فكرة، بعد كده هنخرج من وراك. صابر: والله أعملها لو تقدر. عز: يا عمي بقي، بالله عليك. صابر: ساعة واحدة. عز: أقسم بالله ساعة. صابر: تمام. دلوقتي ستة. سبعة، موده تكون عندي. عز: حبيبي يا عمي. صابر بضحك: خلي بالك منها. عز: في عيوني.

صابر: يلا سلام بقي عشان أقوم أصلي. عز: تقبل الله. سلام. ويقفل. وتنزل موده. موده: خلصت. عز: طيب، يلا. ويمشوا. *** عند زهراء، كانت بتكلم هاجر. زهراء: هنروح بكرة الكلية بإذن الله. هاجر: أه، بإذن الله. زهراء: هتجي عندي الأول. هاجر: مش عارفة. زهراء: تعالي عشان نروح بالعربية. هاجر: خلاص، تمام. *** في الفجر، في القسم عند حاتم. ويدخل مصطفى. حاتم: أه، وصلت. إيه يا مصطفى؟ مصطفى: يا بني، اصبر. أنا بقالي ساعتين في الشوارع.

حاتم: اتكلم. مصطفى: إني الكبير بتاعتهم اسمه البرنس. محدش يعرف اسمه الحقيقي. بيكون حاطط قناع على وشه. لمي يتقابلوا. حاتم: تفتكر إن ده الكبير بجد؟ مصطفى: لا، أظن ده إيده اليمين. حاتم: بقول كده برضو. مستحيل يكون الكبير وينزل هو يقابل العيال دي. مصطفى: طيب، دلوقتي هنعمل إيه؟ حاتم: مش عارف. دماغي مش قادرة. مش عارف أفك. مصطفى: عندك حق. بقالنا يومين شغالين بدون أي فائدة. حاتم: خير بإذن الله. هنقدر.

مصطفى: بإذن الله. أقوم كده نصلي الفجر، وبعد كده نرجع نكمل. حاتم: تمام. يلا. *** في فيلا سليم، عند بيري. كنت قاعدة في الجنينة. بيري: أتيتك يا خالقي باكياً، ودمع الأسى كل حين يزيد. فـ قد قلت في الآي: لا تقنطوا. ماهر: الله. بيري: ماهر. ماهر: بتعملي إيه هنا لوحدك؟ بيري: عادي، مش عايزة أنام. فـ قولت أقعد هنا شوية. ماهر: تمام. ممكن أقعد معك؟ بيري: احم، الوقت متأخر ومش هينفع نقعد لوحدنا. ماهر بابتسامة: تمام، بعد إذنك.

ويمشي. بيري: وإن تعفوا عني فذا يوم عيد. ساترك ياربي ذنباً. مضى. الجو بقي برد أوي. أنا أقوم أنام. ماهر، إنت لسه واقف. ماهر: قولت أسمع الجمال ده. بيري: بعد إذنك. ماهر: اصبري ثواني. نفسي أقولك حاجة. بيري: نعم. ماهر: احم، أنا عايز أتجوزك.