رواية معشوقتي الفصل السادس 6 - بقلم عائشة الكيلاني

علي في عربيته: ـ الو. عادل بضحك: ـ تصدق وحشني. علي بغضب ونفذ صبره: ـ اخلص عايز أي. عادل: ـ عايز أقولك ابعد مراتك عني، ولها أقولها كفاية لحد كدا. صحيح ندمت، بس برضو هي ست متجوزة وعيب لما واحدة محترمة تكلم واحد غريب عنها، حتى لو ابن عمها. صح ولا أنا غلطان؟ علي بفحيح: ـ طب بص بقا يا روح أمك، لو مبعدتش عن مراتي، قسماً بالله ما هسيبك يا ابن الـ... عادل ببرود:

ـ أنا بعيد والله، بس مراتك هي اللي ماسكة فيا. أيش صور وأيش كلام في نص الليل. ملهاش حق. اللي خلها تبيع أبوها مش هتبيع جوزها. علي قفل في وشه بغضب ورجع على الفيلا ومش شايف قدامه. طالع وفتح الباب. رحاب بفزع: ـ حاا ختتني يا أخي. علي قفل الباب واتجه ليها. فتح الفون بتاعه وقال بصوت أرعبها أكتر: ـ أي دا؟ انطقي انتي ولا مش انتي. رحاب واقفة بتبص له بصدمة. مش دا الإنسان اللي حبيته ووقفت قدام أبوها علشانه. رحاب بوجع:

ـ أنت بتشك فيا يا علي؟ بتشك فيا أنا؟ علي مسكها من دراعها: ـ بقولك انطقي يا رحاب ومتجننيش. أنا مش ناقص. قولي وهصدقك، بس اتكلمي. رحاب هزت رأسها: ـ أنا بس... قبل ما تكمل كلامها، كان قلم نزل على وشها. حطت إيديها على خدها بصدمة. علي قفل الباب ونزل وهو بيتوعد ليهم. عند عادل، تسنيم كانت عنده في مكان شغله. عادل بضحك: ـ دا انتي طلعتي مشكلة. عملتيها إزاي دي؟ تسنيم بضحك: ـ حاجة بسيطة يعني. كانت بترقص وصورتها. أي المشكلة؟

وخدت صورتها وعملت أكونت باسمها وبكلمك منه. وبالنسبة للصوت ف عادي جدا. سجلت ليها وقصيت المقطع اللي عايزاه. وأهي جابت نتيجة. عند رحاب، كانت مش بتتكلم من الصدمة ولا بتعيط. بتبص قدامها وخلاص. رن الفون بتاعها. كانت بتحسبه هو. ردت بلهفة. رحاب: ـ علشان خاطري اسمعني. حمزة بتعب: ـ رحاب الحقني. أنا بموت... أنا مش عايز أكون لوحدي يا رحاب. سامحيني. رحاب قامت بصدمة: ـ حمزة مالك؟ كملت بسرخ: ـ فيك أي؟ اتكلممم. حمزة بتعب:

ـ أنا في... طبعا عارفة الدور. قولي لبابا يسامحني. حمزة قفل الفون وغمض عيونه. رحاب: ـ الو؟ الو؟ قفلت ليه؟ رحاب جريت لبست فستان من فساتينها واتصلت بالجلال. رحاب: ـ بابا الحق حمزة. رحاب: ـ ها؟ أقولك أنا نفسي مش عارفة ماله، بس هو مش كويس. رحاب خرجت من الأوضة جريت على السلم بجنون. ركبت عربيتها حتى ملبستش الطرحة. رحاب: ـ اتحرك بسرعة مستني أي؟ وديني على... السوق: ـ أمرك يا هانم.

بعد وقت وصلت، وفي نفس الوقت جلال ومديحة وصلوا وطالعوا العمارة لقوا باب الشقة مفتوح و...