رواية معشوقتي الفصل الخامس 5 - بقلم عائشة الكيلاني

رحاب غمضت عيونها. ـ مفيش حاجة يا ماما بس انتي كنتي وحشني ف علشان كدا انفجرت في العياط. أنا كويسة. حنان بصت ليها بشك وحزن. ـ هعمل نفسي مصدقكي بس نسيري اعرف يا بنتي. رحاب نامت على رجل حنان والدموع بتنزل، بس بعد وقت رحاب نزلت من بيت خالها. ركبت عربيتها وسندت راسها على الازاز والسوق اتحرك بالعربية. بعد وقت طويل وصلت الفيلا. اعتماد. ـ كل دا هو علشان ابني مسافر هتسوقي والهبل. رحاب بهدوء.

ـ معلشي الوقت خدني ومحستش بيه. اسفة عن اذن حضرتك. اعتماد اتنهدت وقالت بصوت حاد. ـ استني عندك. رحاب بصت ليها. ـ اتفضلي. اعتماد. ـ أنا عارفه ان ملكيش ذنب وان دا إرادة ربنا بس برضو الشرع محلل أربعة وكمان هو مش هيتجوز حب يعني. انتي بتحبيه وعايزة سعادته صح. رحاب بهدوء. ـ علي أول ما يرجع هفاتح معاه الموضوع دا. اعتماد بغيظ.

ـ انتي كدا بتعكي الدنيا علي مستحيل يعرف حاجة زي كدا. اقولك طهقيه وعيشته خليه يكرهك كدا اسهل وأوفر في الوقت. أنا عارفه ان صعب بس نعمل ايه يا بنتي. رحاب ابتسمت بسخرية. ـ حاضر يا طنط. حاجة تانى عن اذنك. رحاب جريت على اوضتها ودفنت نفسها في السرير وقعدت تبكي بقهرة. هاجر من بره. ـ رحاب انتي صاحية. رحاب مسحت دموعها وحطت مكياج وفتحت الباب. ـ أنا صاحية تعالي.

هاجر دخلت وقعدت على السرير وربعت رجليها. رحاب قفلت الباب وقعدت جانبها. رحاب. ـ تتحسدي؟ اي الهدوء دا. هاجر. ـ مفيش شكلي بحب. رحاب. ـ اي يختي. هاجر. ـ هو الحب حرام يا جدعان. رحاب. ـ طب لمي نفسك ونزلي رجلك. هاجر. ـ يوه بقا اهو. رحاب. ـ مين وايه الحكاية كلها. هاجر. ـ احم بصي يا ستي. هاجر حكت لرحاب. اللي بتسمع بخوف وصدمة قامت بعصبية. ـ الواد دا تبعدي عنه خالص فاهم؟ لا تكلميه ولا زفت. هو من امتي واحنا بنتعرف وبنخبي؟

انتي واعية لكلامك؟ تخرجي معاه؟ بتاع ايه؟ عارفة لو اخواتك ولا بابا شموا خبر بالكارثة دي؟ ايه اللي ممكن يحصل. هاجر دموعها نزلت. ـ طب مانتي بتحبي علي واتجوزك. رحاب قعدتها وقعدت جانبها وحضنتها والدموع في عينيها.

ـ صحيح بحب علي وهو كمان بس لا وعدني بالجواز ولا قالي بحبك لأنه مش عارف الظروف ولا النصيب. مفيش حاجة اسمها حب يا هاجر. الحب يا حبيبتي بيجي بعد الجواز مع الإنسان اللي يدخل البيت من الباب ويتجوزك برضا ربنا واهلك يصونك ويخاف عليكي. تقدري تقوليلي هو يقبل اخته تكلم ولد غريب ولا تخرج معاه؟ اكيد لأ. الواد دا مش كويس وبيتسلي بيكي. هاجر خرجت من حضنتها.

ـ خلاص والله العظيم ما هكلمه تاني. وادي يا ستي عملت له بلوك من الاكونت ومن حياتي. اول حاجة علشان ربنا يرضى عني وعشان نفسي اتجوز واحد زي علي أو زي بابا. اوعدك اني مش هعمل كدا تاني. رحاب. ـ اوعي يكون شاف صورك أو. هاجر. ـ هو شافني في المدرسة بس والله ما بكذب عليكي في كلمة. سيبك مني مالك؟ شكلك زعلان. رحاب. ـ مفيش حاجة. شوية برد وهيروحوا لحالهم. هاجر. ـ بجد؟ طب عيني في عينك كدا. رحاب. ـ قومي وسبني انام. هاجر.

ـ بتطردني يا رحاب؟ ماشي. طب والله اللي بتعملوه فيا هطلعو في عيالكم باذن الله. رحاب بتعب. ـ امشي يا هاجر. هاجر بصت ليها بشفقة وشك وخرجت. رحاب دموعها نزلت. ـ هو انا وحشة اوي كدا؟ اللهم لا اعتراض لكنني ببقي من لانى موجوعة. انا مش عارفة عملت ايه في حياتي. انا راضية يارب والله العظيم انا راضية بنصيبي وقدري. هعوز ايه اكتر من كدا؟

بس مش هقدر اشوفه مع غيري. والله ما هقدر. يارب خدني انا مش عايزة لا الدنيا دي ولا عايزة الناس اللي فيها. عند جلال كان قعد مع صاحبه. جلال. ـ هي دلوقتي في مكان احسن. امين. ـ مش قادر اصدق اني مش هشوفها تاني ولا هسمع صوتها. شادية مش بس بنتي دي عجزي اللي بتسند عليه. كانت مليت البيت بصوتها وجنانها وصداعه. لما بترغي. اه يا بنتي كان فاضل على فرحها يوم. جلال بيسمع بس. امين.

ـ تحويشة عمري وتعب السنين كان فيها. ماعنديش غيرها. ربنا رزقني بيها قولت بس جت عوضي عن صبر سنين انا وامها ملناش غيرها. كانت بتهون علينا مصاعب الدنيا. كانت مزينة البيت بصوتها ومشغبتها. كانت نور البيت. البيت انطف وزينته راحت. امين بص لجلال. ـ اشبع من بنتك يا جلال. انت أهملتها وجيت عليها. عيشتها ولا العبدة فضلت عليها حتة عيل صغير في الآخر مخدش حاجة غير التعب. تقدر تقوليلي ابنك اللي طالع بيه السماء فين؟

ولا بيعمل ايه غير المشاكل؟ ههههه يااه على الدنيا. رحاب بقت دكتورة صحيح مش بتشتغل لكن شرفتك. كفاية سيرتها لما بتيجي الكل بيقول يارب ارزقني ببنت زيها كدا. انت قسيت اوي على بنتك يا جلال. قسيت اوي عليها. روح يا جلال روح لبنتك طبطب عليها خدها في حضنك اسمعها لو لمرة واحدة حس بحنيتها. صدقيني الوقت مش مضمون. متخليش الوقت يفضل سرقك من نفسك. ومين عارف مش يمكن ربنا يستجيب لدعاك وتروح من الدنيا وترتاح من همها.

جلال سرح شوية ومشي. طول الطريق بيفكر في كلام امين. بليل علي اخيرا رجع مصر. هاجر بفرح. ـ وحشتني اوي اوي. كل دا انا عايزة اقولك حاجات كتير حصلت في غيابك. اعتماد هنا ادخلت. ـ روحي على اوضك وذاكري شوية زي ما انتي فالحة في الرغي. هاجر حطت ايديها في وسطها. ـ انا اجازة ولا نسيتي يا مامتي. علي قام. ـ طب اروح اغير هدومي. عن اذنكم. علي طالع اوضته فتح الباب. رحاب كانت نائمة ضمها نفسها وضع الجنين ودموعها نازلة على وجنتها.

علي رفع ايديه بعدا شعرها على وشها. ـ متعرفيش انتي وحشتيني قد ايه. حتى لما بتبقي معايا. رحاب ظهر على وشها الخوف واكنها بتتخنق وبتردد اسمه. برحاء اخرست وقامت بفزع اترمت في حضنه وقعدت تبكي. علي ضمها له وفضل يملس على شعرها. ـ هششش. دا كابوس يا حبيبتي. رحاب بدموع وبعض الانهيار. ـ لأ دا حقيقي. انت مشيت وسبتني. مسكت ايد بنت خالتك وسيبتني من رغم اني اترجيتك. علي بهدوء وهمس.

ـ أنا معاكي وعمري ما هسيبك. أنا معاكي. افتحي عيونك وبصيلي. بصيلي يا رحاب. رحاب فتحت عيونها ببطء. بعدت عنه بفرح. ـ أنا مش بحلم صح؟ انت بجد. علي بعشق. ـ دايما معايا حتى وانتي بعيدة عني. رحاب. ـ بس انت قولت انك جاي كمان اسبوع. علي. ـ حبيت اعملك مفاجأة. رحاب ابتسمت وبعدت عيونها عنه. ـ أنا عايزة انام يا علي. ممكن تطلع بره؟ ولا اقولك روح نام في اي اوضة تانية. علي مسكها من دراعها.

ـ ما انا مش خارج غير لما اعرف فيكي ايه. دا مش كل واحدة فرحانة؟ واي اللي على وشك دا؟ من امتي وانتي بتحطي مكياج. رحاب ببعض القسوة. ـ ايه مالي؟ انا شايفني مجنونة ولا شايفني بكلم نفسي؟ عادي زهقت قولت اغير من شكلي بدل الارف والملل دا. علي بهدوء. ـ وبعدين خلصتي ولا لسه في مسرحية سخيفة لسه معملتيهاش.

علي قام جاب علبة المناديل وزال المكياج من على وشها. رحاب كانت بتتجنب النظرة في عيونه. بس اللي متعرفوش انه عيونه على كل حركاتها وتصرفاتها والتهرب. مسك وشها بين ايديه. ـ ليه يا رحاب؟ عاملة في نفسك ليه كدا؟ ايه اللي حصل. رفع ايديه وفضل يحرك ايده على شعرها. رحاب بصوت مرتعش. ـ هو انا وحشة يا علي؟ علي بحب. ـ انتي ست البنات بجد والله. انتي حظي ونصيبي الحلو. بحبك.

رحاب كانت ه تتكلم اتفاجأت لما علي قبلها. رحاب كانت هتتكلم وتبعده لكن حبها له غالبها. تاني يوم. علي. ـ ايه دا يا رحاب. رحاب بهدوء. ـ مانع حمل. علي. ـ مانا عارف ان زفت ممكن اعرف بيعمل ايه هنا. رحاب بجمود وقسوة مصتنعين. ـ بتاعي يعني هيكون لمين؟ وبعدين انا حرة اعمل اللي عايزاه. علي. ـ بس مكنش دا كلامك من فترة. رحاب ببرود.

ـ غيرت رايي يا سيدي. لو مش عاجبك طلقني وخلصني من العيشة دي. ولا اقولك اتجوز وسيبني في حالي لاني مش طايقة العيشة معاك. انا ندمت على كل حاجة عملتها خصوصا جوازنا. ف روح لحالك وسيبني يا علي. علي زقها على السرير واتجه لباب. ـ انتي اللي بدأتي. حطي دا في بالك. علي نزل بغضب. اعتماد مسكة الفون بفرح. ـ طمني بقا. ما قولت بنتك مش هتبقى غير لابني؟ هي برضو احسن من رحاب؟ انا عارفة بيحب فيها ايه دي هم مهبب.

اعتماد لفت وشها وهي بتضحك لكن الضحكة اختفت. اعتماد بتوتر. علي في عربيته. ـ الو. عادل بضحك. ـ تصدق وحشني. علي بغضب ونفذ صبره. ـ اخلص عايز ايه. عادل. ـ عايز اقولك ابعد مراتك عني. لانها وقولها كفاية لحد كدا. تو صحيح ندمت بس برضو هي ست متجوزة وعيب لما واحدة محترمة تكلم واحد غريب عنها حتى لو ابن عمها. صح ولا انا غلطان. علي................