رواية معشوقتي البريئة الفصل الرابع 4 - بقلم اميرة بذاتي

مر شهر ولم يتعرض فهد لعز الدين منذ آخر لقاء بينهما، لذا ظن عز الدين أنه قد نسي أمره وأن ما قاله كان من باب التهديد فقط. في هذا الشهر ظهرت الشهادة الثانوية وحصلت كيان على 99%. عند كيان: "بابا، هنروح نعمل ورق الكلية امتى؟ "لسة مصممة على طب؟ "متدخل أي كلية قريبة من هنا، هو إلى تعلموا خدوا إيه." كيان بجرأة لأول مرة، فهذا حلمها: "بس أنا طول عمري نفسي أكون دكتورة كانسر، عايزة أساعد الناس من المرض اللي موت ماما."

"وأنا مش هحرمك من حلمك يا كيان. جهزي نفسك، هنروح بكرة نخلص الورق اللازم، أنا قابلت واحد صاحبي وقال على الورق اللازم." "ربنا يخليك ليا يا بابا." ******************** عند فهد كان يتحدث في الهاتف: "الآنسة كيان هي وأبوها رايحين بكرة يعملوا الأوراق اللازمة للكلية." "حلو قوي، هبعتلك ورقة لازم تخلي كيان وأبوها يوقعوا عليها من غير ما يقرؤوها." "حاضر يا فهد باشا، بس ده هيبقى صعب."

"مبحبش أسمع الكلمة دي، الكلام يتنفذ. وهبعت لك مبلغ مع الورقة." "تمام يا باشا." بعد أن أنهى فهد الاتصال: "ناوي على إيه يا فهد؟ ورقة إيه دي؟ "هتعرف قريب أوي. سلام، عندي مشوار ضروري." قام فهد بالاتجاه إلى مكان ما. ************** في منزل عز الدين: "بقى الزفتة ترد عليا قدام أبوها وكمان عايزة تبقى دكتورة؟ "على الأقل هتمشي من البيت، هتقعد 7 سنين في السكن مش هتيجي غير قليلاً." "دي أحسن حاجة في الموضوع."

كانت رهف تنظر إليهم بحزن على كيان وتركتهم واتجهت إلى كيان في غرفتها: "بتعملي إيه يا كوكو؟ "مبسوطة أوي يا رهف، حلمي بيتحقق." "هتبعدي يا كيان؟ كيان بحب: "هاجر كل إجازة." ظلت كيان ورهف يتسامرون الحديث حتى غلبهم النوم. ثاني يوم ذهبت كيان وعز الدين لعمل الأوراق اللازمة للجامعة. "وأخيراً خلصنا." "مبارك يا كيان." احتضنت كيان والدها بحب ودموع. وعادوا إلى المنزل. ******************** فهد في الهاتف: "ها، عملت اللي قلت عليه؟

"آه يا باشا، الورقة اتمضت." "الورقة تيجي في أسرع وقت." "تمام." بعدما أنهى فهد الاتصال: "وأخيراً يا كيان هتبقي ملكي، أنتِ متعرفيش أنا صبرت الشهر ده إزاي، بس خلاص، معدش حد يقدر يمنعك عني." وقام بالاتجاه إلى منزل كيان. ********************* عادت كيان ووالدها إلى المنزل. "ادخلي ارتاحي شوية يا كيان، أنتِ تعبتي النهاردة." بعد ساعة، دُق باب المنزل وفتحت رنا. "مين؟ "أنا فهد الأنصاري." كانت رنا شاردة في وسامة فهد.

"من الداخل، مين يا بنتي؟ "ده أنا." "اتفضل يا ابني، بس لو كنت جاي عشان الأرض فأنا مش هغير رأيي." "أنا مش جاي للأرض، أنا جاي آخد مراتي."