رواية معشوقتي الصغيرة الفصل السادس 6 - بقلم ملكة زماني

مراد بخوف: الوو معتز رد عليا. حور: في إيه يا مراد بتزعق ليه؟ مراد: معتز وخرج جري. مراد: الوو، عاوزك تعرفلي مكان المقدم معتز بسرعة. صفاء: يابنتي كولي حاجة، انتي وشك أصفر زي الليمونة. لمار بدموع: أنا مش عاوزة حاجة. صفاء: انتي بتعيطي ليه دلوقتي؟ لمار: ياريتني ما كنت رجعت. صفاء: خديتها في حضنها بحنية، اهدي يا حبيبتي. لمار: انتي طيبة أوي يا طنط زي ماما بالظبط. صفاء: أومال فين مامتك؟ لمار بدموع: ربنا يرحمها.

صفاء بحنية: خلاص اعتبريني زي أمك بالظبط، أنا عارفة إنك مش هتعتبريني زي أمك عشان خاطر معتز. لمار: انتي غير معتز، انتي طيبة أوي، يلا بقا مش هتاكليني من إيدك الحلوة دي يا ماما. صفاء بفرحة: من عيوني. مراد عرف مكان معتز. مراد وصل عند العربية اتلقى معتز مغمي عليه. مراد بخوف: معتز رد عليا. مراد طلب الإسعاف بسرعة. الإسعاف وصلت وخدوا معتز على المستشفى. صفاء: هو أخوك اتأخر لي كده يا محمد؟ رن عليه. محمد: برن بيديني مغلق.

صفاء: يا رب تجيب العواقب سليمة. محمد: اهدي انتي بس دلوقتي، تتلاقيه داخل دلوقتي. معتز دخل غرفة العمليات. مراد غمض عينه: يارب معتز، لأ يارب. بعد مرور ساعتين. الدكتور خرج. مراد بخوف: معتز عامل إيه دلوقتي؟ الدكتور: الحمد لله، الرصاصة جت في الكتف مش جنب القلب. مراد: الحمد لله يا رب. مراد: طب هو هيفوق إمتى؟ الدكتور: لما مفعول البنج يروح. لمار نزلت من فوق: خير، في إيه؟ صفاء: معتز لسه مجاش وأنا قلبي واكلني عليه أوي. لمار

بقلق وافتكرت كلام أبوها: "هقتلك يا ابن الأنصاري" خافت أوي. مراد قاعد جنب معتز: فوق يا صاحبي، أنا مليش غيرك، معتز وحور راحت فين؟ مراد بفرحة: معتز! انت كويس! وفضل يبوس فيه. معتز: أوي يا ضنا، بطل تلزيق، ما كفاكش بوس؟ مراد بغيظ: لأ، ما كفنيش، ما واحد ربنا يهديه قطعلي الخلف. معتز بحب: شكرا يا صاحبي. مراد: مين اللي عمل كده؟ معتز: مفيش غيره. مراد: سليم الجبالي؟ معتز: آه. مراد: ناوي على إيه؟

معتز بشرود: على كل خير، أنا عايز أمشي من هنا. مراد: انت اتجننت؟ انت واخد رصاصة حقيقية مش لعبة. معتز بهدوء: مقدرش أقعد هنا، أمي زمنها دلوقتي قلقانة عليا وأنا مش عايز أخضها. مراد بغمزة: أمك بردو؟ معتز بغيظ: غور يا ضنا من هنا. صفاء بعياط: أنا عاوزة ابني. لمار ومحمد عاملين يهدوا فيها. معتز دخل: أنا هنا. يست الكل، الكل راح عليه بخوف. أمه بعياط: مين اللي عمل فيك كده يا حبيبي؟ وخدته بالحضن. معتز كان موجوع بس مبيّنش.

محمد بخوف: انت كويس؟ معتز: أنا كويس يا حبيبي، متخافش. أمه: تعالي ارتاح. معتز عينه على لمار: لي متحركتش؟ معتز طلع الأوضة. أمه: ارتاح يا حبيبي، هعملك أكل يرم عضمك كده. الكل خرج ومفضلش غير لمار. معتز: هتفضلي تبصيلي كده كتير؟ تعالي قربي. لمار قربت منه بدموع: أبويا اللي عمل فيك كده صح؟ معتز غمض عينه وهز دماغه بـ "لأ" عشان ميزعلهاش أكتر. لمار: أومال مين؟ معتز: مش مهم تعرفي. معتز حاطط إيده على كتفه بوجع.

لمار قربت منه وحطت إيدها هي كمان. معتز فتح عينه وبصلها. لمار بتوتر: ممكن أشوفهولك؟ وكملت بمرح: عشان ينسى الوجع. لعلمك أنا دكتورة شاطرة، جربني وهتروح المدافن عدل. معتز ضحك على طريقة كلامها وطيبة قلبها، رغم اللي هو عمله فيها بس بتحاول تخفف عنه. لمار لاحظت نظرات معتز ليها. لمار بتوتر: هروح أجيب لك علاج، مكنش ينفع تسيب المستشفى. معتز: انتي كنتي شايفة حالات أمي ومحمد عاملين إزاي،

وبعدين كمل بخبث: أنا قلتلهم مراتي دكتورة، سابوني على طول. لمار بهدوء: هجيب لك علاج كويس وأجي. معتز بخبث: أهها. لمار بخضه: مالك؟ معتز بخبث: بيوجعني أوي. لمار بدموع: هجيب العلاج وأجي على طول. معتز بتوهان في عيونها: لي بتعملي معايا كده؟ أنا أذيتك وانتي خايفة عليا؟ لمار استغربت بردو خوفها عليه. لمار بتوتر: عشان ده واجبي، أنا حلفت القسم إني ما أقصر مع حد محتاجني، وخرجت بسرعة. معتز: هتعملي في قلبي إيه يا بنت الجبالي؟