رواية معشوقتي الصغيرة (2 الفصل التاسع 9 - بقلم ملكة زماني

تميم خرج جري على مكتب وتين. تميم دخل اتلقى وتين مش قادرة تاخد نفسها، ووشها أحمر. تميم جري عليها بخوف ولهفة: "وتين ردي عليا، فين العلاج بتاعك؟ وتين عينيها بتقفل واغمى عليها في حضن تميم، اللي روحه راحت منه معاه. لمار دخلت هي وعشق. "يالهوي هي ماله؟ تميم شالها وخرج بيها على المكتب بتاعه. لمار راحت وراه جري. تميم نيمها على الكنبة ويهز وشها بخوف: "الحقيها يا ماما، اعملي أي حاجة، دي عندها السكر." لمار حطت إيدها على بوقها:

"السكر يعني أنا السبب." تميم بزعيق (ودي أول مرة صوته يعلى على أمه) "مش وقته دلوقتي، اعملي أي حاجة." لمار بتوتر: "أكيد، معاها حقنة أنسولين بتاعت السكر." تميم مش عارف، وخرج جري يجيب الشنطة بتاعتها يشوف فيها الحقنة. تميم دخل جري: "أهي اتلقيتها." لمار اديتها الحقنة. وتين نفسها بدأ ينتظم. تميم نفخ براحة. لمار بدموع: "أنا السبب، هي ماكنتش راضية تاخد، أنا اللي أصرت." تميم خدها في حضنه: "اهدي ياقلبي، هي كويسة، صح؟

لمار هزت دماغها. عشق واقفة غيرانة من اهتمام تميم بوتين، وفي نفس الوقت وتين صعبانة عليها. عشق قربت بزعل: "إن شاء الله هتكون كويسة." تميم: "روحي انتي ياقلبي." لمار: "لا مش همشي غير لما تفوق، أطمن عليها وأمشي." تميم: "براحتك." وقعد جنب وتين ويتأمل فيه. لمار لاحظت اهتمام تميم وخوفه عليها، افتكرت معتز لما كان بيخاف عليها، وعرفت إن تميم بيحبها. عشق انسحبت بهدوء وخرجت وهي الدموع هتنزل من عينيها. "لدرجة دي بيحبها؟

ده حتى مقالهاش كل سنة وانتي طيبة، ده تميم اللي عمره مفوت عيد ميلاد غير لما يحتفل معاها." اتلقت أدهم في وشها. أدهم بابتسامة: "كل سنة وانتي طيبة، أنا عملتلك مفاجأة حلوة." عشق دموعها نزلت. أدهم بخوف ولهفة: "مالك يا عشق، فيكي إيه؟ عشق: "عاوزة أمشي من هنا." أدهم بخوف: "حاضر، اهدي." وخدها وخرج. وتين بدأت تفوق. "آه اه." تميم راح عليها بخوف: "وتين انتي كويسة؟ وتين بتعب: "آه، متخافش." وتين بصت على لمار اللي واقفة بعيد. وتين

بهزار بتحاول تفك الجو: "تعالي يا طنط، ولا تسمحيلك أقولك يا مرمر، أصل بصراحة طنط مش لايقة عليكي، إنتي شكلك أصغر مني." لمار ضحكت جامد. "بجد؟ وتين: "والله، إنتي عارفة لو متجوزة كنت جوزتك أخويا 😂." لمار ضحكت. "حقك عليا أنا السبب." وتين بهزار: "يستي بيني وبينك أنا كنت عايزة أدوق." تميم وقف يبص عليها بحب. "إد إيه كويسة، في عز تعبها بتحاول تطمن لمار." لمار: "كده اطمنت إنك بقيتي كويسة." وتين باستغراب:

"إزاي عرفتي إني باخد حقنة؟ لمار: "أنا دكتورة وعارفة." وتين: "أوعى، مش بس حلوة وكمان مثقفة، متجوزيني ابنك." تميم برق بصدمة. ولمار ضحكت جامد. "من عيوني." تميم لسه مبرق. وتين: "مالك ياحبيبي، بهزر، إيه مبتهزرش؟ تميم حس إن قلبه هيخرج من مكانه، منطقش بكلمة وخرج. لمار بضحك: "يعيني الواد اتصدم." أدهم: "قوليلي مالك." عشق: "مفيش، كنت مخنوقة شوية." أدهم بعدم تصديق: "أكيد؟ عشق: "أكيد." وبعدين حاولت تضحك:

"فين المفاجأة اللي قولت عليها؟ أدهم بحب: "تعالي معايا." *** أسر قاعد في الكافيه. الويتر كبت عليه العصير. "أسر بغضب: إنتي غبية يابت." البنت: "أنا آسفة جداً، غصبن عني." أسر بغضب: "أعمل إيه بأسفك أنا." البنت عيونه دمعت. "حقك عليا بس وطي صوتك، المدير هيسمعك." أسر صعبت عليه شكل البنت. "طب خلاص، إنتي هتعيطي؟ البنت وشها أحمر من كتر ما بتجهد عشان دموعها مش تنزل. أسر فضل يبصلها. ملامحه صغيرة وهي أصلاً قصيرة ووشها طفولي. أسر:

"خلاص ياستي، حصل خير، إنتي كويسة؟ البنت هزت رأسها. "آه." أسر: "إنتي اسمك إيه؟ البنت: "اسمي وعد." أسر: "اسمك حلو أوي." وعد: "ميرسي جداً، بعد إذنك هجيبلك عصير تاني." ومشيت. أسر ضحك. "أوعى، شكلها هتختم بجوازه 😂."