تحميل رواية «معشوقتي الصغيرة (2» PDF

اسر بص عليها بصدمة ونزل عندها بسرعة.

اسر بخوف: ندى ردي عليا ووشك غرقان دم.

اسر شالها بسرعة وجري بيها على العربية.

تليفون تميم رن.

تميم: الوو.

اسر بعياط: تميم الحقني.

تميم وقف بخوف: مالك فيك إيه؟

الكل بص على تميم.

اسر: ندى زقتها جامد، وقعت ودلوقتي فقدت الوعي ووشها كله دم.

تميم بخوف: طب اهدى وأنا جاي.

معتز: في إيه؟

تميم: مفيش، دي مشكلة صغيرة في الشغل.

وبص على أدهم: تعالى معايا.

فهد قام وقف وقرب منه في ودانه: في إيه؟

تميم: تعالى وأنت تعرف من غير ما حد ياخد باله.

التلاتة خرجوا.

اسر عمال يبص على ندى وبيعيط.

اسر: ندى روحي، والله العظيم مكنت أقصد، فوقي عشاني.

وصل المستشفى وندى دخلت أوضة الخياطة.

تميم: في الطريق.

ادهم: في إيه؟

تميم: اسر كلمني بيقولي إنه زق ندى ودمغها اتفتحت واغمى عليها.

ادهم غمض عينه: عيل غبي.

فهد: أدهم يا جماعة، هو أكيد مكنش يقصد.

تميم: إن شاء الله خير.

بعد شوية دخلوا المستشفى.

اسر أول ما شافهم جري عليهم بسرعة.

اسر حضن تميم: والله مكنت أقصد.

تميم: اهدى، الدكتور قالك إيه؟

اسر: لسه مخرجش.

فهد: هو إيه اللي حصل؟

اسر: أنا روحت الكافيه عندها، لقيتها في حضن واحد، أنا اتجننت وسبتها ومشيت. هي جريت ورايا عشان تفهمني وأنا غيرتي سيطرت عليا، روحت زقتها عشان تبعد عني من غير ما أقصد، وقعت على سن الترابيزة واغمى عليها.

تميم: كان المفروض تقف تسمع منها الأول.

اسر بعياط: هسمع والله، بس هي تكون كويسة.

ادهم صعب عليه شكل اسر.

ادهم حضنه: هتكون كويسة.

الدكتور خرج.

اسر جري عليه: عاملة إيه، طمني عليها بالله عليك.

الدكتور: الخبطة كانت جامدة شوية، إحنا وقفنا النزيف بس مش عارفين حصل مضاعفات إيه.

اسر: هتفوق امتى؟

الدكتور: لما البنج يروح.

معتز رن على تميم: الوو، أنت فين؟

تميم: أنا.

معتز: من غير لف ودوران كتير، قول الحقيقة عشان الموضوع مدخلش عليا.

تميم: لما أجي هقولك والله.

معتز: تمام. وقفل.

وتين روحت البيت ورنت على فهد، قالها إنه هيتأخر شوية.

ندى ابتدت تفوق.

ندى: أهه، راسي.

اسر قرب منها بخوف: ندى حبيبي قلبي، أنت كويسة؟

ندى باستغراب: أنت مين؟ كلكم مين؟ وأنا فين؟

اسر بصدمة: أنا مين؟

الأربعة بصوا لبعض بصدمة.

اسر بخوف: يارب اللي في دماغي يطلع غلط.

وخرج جري جاب الدكتور.

الدكتور كشف عليها.

الدكتور: للأسف فقدت جزء من الذاكرة.

اسر بخوف: يعني إيه؟

الدكتور: يعني مش هتفتكر الحاجات اللي دخلت في حياتها جديد.

اسر بخوف: طب الموضوع ده ملوش علاج؟

الدكتور: هو فقدان مؤقت، يعني ممكن نفكرها بالحاجات، زي مثلاً نعيد قدامها حاجة حصلت، بس مش غصب، يعني لو مفيش استجابة لازم نوقف عشان متتعبش أكتر.

اسر حط إيده على دماغه وبيلوم نفسه.

اسر قرب منها بهدوء: ندى حبيبي، أنا اسر حبيبك وخطيبك.

ندى: أنت كداب، أنا مش مخطوبة لحد ولا بحب حد.

اسر: اسمعي بس.

ندى دمغها وجعتها جامد.

ندى بوجع: أهه، راسي.

اسر: خلاص، اهدى.

ندى بعياط: أنا عايزة ماما.

اسر هز راسه بندم: حاضر.

وسابها وخرج.

الكل خرج وراه.

تميم: اسر، استنى رايح فين؟

اسر بدموع: سيبوني لوحدي.

وسابهم ومشي.

التلاتة بصوا عليه بزعل.

ادهم: هنعمل إيه دلوقتي؟

تميم: هنروحها ونحكي لأمها.

اسر وقف في مكان فاضي وعيط عياط جامد أوي.

اسر بحزن: يارب اقف جنبي، يارب أنت عارف أنا بحبها قد إيه.

وقعد على الأرض بحزن.

تميم: روح ندى البيت وفهم أمها كل حاجة.

أمها بحزن: الحمد لله على كل حال، أنا مش زعلانة من اسر عشان ده أكيد وقت غضبه، بس لازم يعرف مين الشاب ده.

تميم بزعل: أكيد هنعرف.

واستأذن ومشي.

اسر روح البيت.

حور: مالك يا اسر؟

اسر مردش عليها ودخل الأوضة وقفل الباب.

عشق باستغراب: ماله اسر؟

حور: مش عارفة، أول مرة يكون بالحالة دي.

اسر نام على السرير وافتكر ندى وضحكتها وهي بتقوله إنها بتحبه.

غمض عينه وراح في النوم من كتر العياط.

تاني يوم الباب خبط.

اسر: ادخل.

عشق دخلت بستغراب.

عشق: مالك يا اسر فيك ايه ياحبيبي؟

اسر لما صدق حضنها وعيط جامد.

عشق بخوف عليه: مالك ياقلبي؟ اسر حبيبي فيك ايه؟

اسر حكلها.

عشق بصدمة: انت بتكلم بجد؟

اسر: اههه.

عشق: بس انت غلطان عشان شفتها وهي بتبعد عنه وبردو مردتش تسمعها.

اسر: انا عارف اني غلطان بس هعمل ايه دلوقتي؟ ندى راحت مني خلاص.

عشق حبت تخرجه من الزعل الي هو فيه.

عشق: مفيش حاجة اسمها خلاص. انت طالما بتحبها حاول عشانها، قوم رجع حبك تاني.

اسر فكر شوية.

اسر: انتي صح.

وبسها من خدها.

اسر: ربنا يخليكي ليا ياقلبي.

عشق بابتسامة: وانا هفضل معاك ومش هعمل الفرح غير لما ندى تفتكر.

اسر: لا مفيش الكلام ده. الفرح هيتعمل في معاده، انتي عارفه ادهم مستني اليوم ده ازاي. انا عمري ما اكون اناني، وبعدين ياستي اعتبريه وسيله تخرجني من الحزن ده تمام.

عشق هزت راسها.

عشق: تمام.

تميم قالهم على كل حاجة.

حور بزعل: وانا اقول اسر اول مرة يكون كده.

معتز: انشاء الله خير. احنا هنكون جنبه ونساعده.

ادهم: احنا ممكن ناجل الفرح عادي.

اسر من ورا: مفيش حاجة هتتاجل، كل حاجة هتمشي زي ماهي.

ادهم: بس.

اسر: مبقاش اسمع الكلام. وبعدين ياعم عاوزني افرح؟ اتجوزوا عشان افرح بيكم.

ادهم حضنه.

ادهم: كلنا معاك ياصحبي.

تميم: انت هتعمل ايه دلوقتي؟

اسر: ولا حاجة، هبتدي من الاول.

تميم: تاني؟ يلا عشان ورانا شغل كتير اووي.

اسر وادهم: يلا.

فهد دخل المصنع.

فهد: جوري بتعملي ايه هنا؟

جوري بستغراب: بعمل ايه؟ بشتغل.

فهد: قصدي نزلت بدري ليه؟

جوري: عادي حسيت اني كويسة فنزللت.

فهد: علي العموم حمدالله على السلامة.

جوري بابتسامة: الله يسلمك.

وحدة من البنات: مش معني هي يعني مااحنا كمان كنا جوه، ولا جوري عليها سكر؟

جوري: انا.

فهد: استني انتي. قرب من البنت.

فهد: والله علي ما افتكر اني خرجتكم انتم الاول. وبعدين اههه، جوري عليها سكر وعسل كمان. وكلمة كمان اعتبري نفسك مرفودة.

البنت بخوف: لا خلاص.

وسابته ومشيت.

جوري بزعل: معلش كله بسببي.

فهد بابتسامة: انا مش عاوز الوش القمر ده يزعل ابدا.

جوري بكسوف: هروح انا اشوف شغلي.

فهد: تمام.

اسر وتميم وادهم دخلم الشركه بطلتهم الي تخطف الانظار.

وتين جت عليهم.

وتين بصت علي اسر بحزن.

وتين: اسر انا عرفت الي حصل، انشاء الله هتقوم بسلامة.

اسر: يارب.

تميم: طب يلا عشان الاجتماع هيبدأ.

وهما في الاجتماع، الوفد الاجنبي طبعاً الحوار مترجم.

الوفد عينه منزلتش من على وتين.

تميم قاعد هيولع.

تميم: مستر جاك ممكن تركز معايا.

جاك: اههه معاك.

تميم بضيق: احنا هنفتح كمان فرع من الشركه في امريكا والنسبة هتكون 75٪ لينا و 25٪ ليك.

جاك: بس دي نسبة قليلة اوي مستر تميم.

تميم: تمويل الشركه على حسابي والخامات عليا، انت بس عليك انك تضيف جزء من أسهم الشركه بتاعتك عندي، يبقى النسبة الأكبر تكون لي عشان أنا اللي مسؤول عن راس المال.

جاك: بس.

وتين بصت لمستر جاك.

وتين: طبعاً انت عارف إن اللي بيشارك مستر تميم بيربح قد إيه. والموضوع عرض يا ما توافق يا أما ترفض، بس إحنا مش هنتنازل عن واحد في المية حتى.

تميم: قدامك لحد بكرة عشان في شركة فرنسية عاوزة المشروع وموافقة على النسبة، اختار.

جاك: خلاص ماشي، موافق.

تميم بثقة: مبروك عليك مستر جاك.

جاك بص على وتين.

جاك: انتي شاطرة جدا، أنا بجد معجب بذكائك.

وتين: شكرا جزيلا.

تميم قام وقف بغضب وغيره.

تميم: الاجتماع خلص.

اسر خرج وراح عند بيت ندى وفضل واقف تحت مستني.

تميم: استني ممكن نتغدى سوا.

وتين: معنديش مانع.

وقت الغدا.

فهد: تحبي نتغدى سوا؟

جوري: بس انا مش عاوزة حد يتكلم علينا تاني.

فهد: قولتلك مرة طظ في أي حد، أنا هنا المدير يعني تسمعي الكلام.

جوري: حاضر.

فهد بضحك: جبانة.

وهما برا.

واحد: اي القمر ده كله، يخربيت جمدانك ياشيخة.

تميم: هو انت لسه شفت جامدان.

وراح كاسر الكوباية على دماغه.

وتين صوتت بخوف.

وتين بصويت: تميم، الراجل دماغه بتنزف!

تميم بغيرة ضربه بالبوكس: عشان تبص على حاجة مش بتاعتك، ياروح أمك!

وخد وتين ومشي وساب الراجل غرقان في دمه.

وتين بعياط: ليه عملت كده؟

تميم بغضب وغيره: عشان انتي بتاعتي أنا وبس، ممنوع حد يبصلك.

وتين بصدمة: بتقول إيه؟

تميم: بقول إني بحبك وبموت فيكي.

وتين عينيها وسعت على الآخر: أنا مش عارفة أقولك إيه.

تميم بابتسامة: متقوليش حاجة، أنا عارف إني واد حلو وميتسبش.

وتين رفعت حاجبها: والله؟

تميم بضحك: بهزر معاكي. وبعدين شدها عليه: مش هتقوليها بقا؟

وتين بتوتر: أقول إيه؟

تميم: بحبك.

وتين بدلع: تؤتؤ.

بعينها وسابته ومشيت.

وتميم بصوت عالي: التقل صانعة برضو!

وتين ضحكت بفرحة، حاسة إنها طايرة.

تميم روح البيت وهو بيغني:

سجلني مجنون الغرام، اكتبني عاشق ولهان.

أدهم: أيوه ياعم، إيه الروقان ده كله؟

تميم بابتسامة: مبسوط أوي يااض يا أدهم.

أدهم: إيه اللي بسطك أوي كده؟

تميم: بعدين بعدين. عملت إيه في تجهيزات الفرح؟

أدهم بفرحة: كل حاجة تمام.

تميم حضنه: خلاص، كلها يومين وتكون أحسن عريس في الدنيا.

وتين روحت البيت وهي وشها بيضحك، قعدت جنب فهد اللي هو كمان قاعد مبسوط.

والاتنين شكلهم بيفطسوا ضحك.

الاتنين بصم لبعض وضحكوا جامد.

فهد: أهه، على الحب وسنينه.

وتين بهيام: ده طلع حلو أوي.

فهد: أيوا كدا، اعترفي.

وتين: اعترف بإيه؟

فهد: بتحبي مين؟

وتين قامت وقفت: هاا، أنا تعبانة جداً، تصبح على خير. وجريت من قدامه.

ندى في الكافيه.

أسر خد نفس ودخل.

ندى راحت عليه: تحب تشرب إيه؟

أسر: استنى معايا وحدة وجاية دلوقتي.

دخلت بنت.

اسر: معلش، اتأخرت عليكي.

اسر بص على ندى: عايز اتنين عصير مانجا.

ندى: تحت أمرك. ومشيت.

اسر بص على البنت: تنفيذي اللي قولتلك عليه بالظبط.

بعد شوية ندى جابت العصير وجت.

البنت شنكلت ندى ودلقت العصير.

ندى: أنا آسفة جداً، أنا مكنتش أقصد.

اسر: انتي مجنونة؟

ندى حست إنها شافت الموقف ده قبل كده وحست بصداع.

اسر: خلاص، حصل خير. جيبلي كوباية تانية.

بعد مرور يومين.

جه يوم الفرح، الكل بيجهز نفسه.

أدهم وتميم واسر وفهد.

ووتين مع عشق في الكوافير عشان عشق هي اللي طلبت وتين تكون معاها.

بعد شوية أدهم وصل وعشق هتموت من التوتر والخوف.

وتين: أهدي ياحبيبتي.

أدهم دخل أول لما شاف عشق بص عليها بحب وانهيار عشان عشق كانت زي القمر.

أدهم باس رأسها وخدها ونزل.

تميم لما شاف وتين فضل باصص عليها.

وتين بصت عليه بكسوف.

تميم غمز ليها.

في أكبر قاعة، أدهم قاعد والماذون في النص.

والناحية التانية مراد والماذون بيكتب الكتاب.

المأذون: بارك الله لكما وبارك عليكما وجمع بينكما في خير.

الكل زغرط وأدهم شال عشق بفرحة وحضنها.

أدهم بدموع: طلبتك من ربنا ونولتك ياعشقي الأبدي.

تميم وقف جنب وتين: إيه رأيك نكتب الكتاب احنا كمان؟

وتين بصدمة: نعم؟

تميم: هتديني موافقة؟

وتين: لا، استنى.

تميم: استنى يا حضرة الشيخ.

معتز: فيه إيه؟

تميم: هتجوز.

معتز: نعم؟

تميم: بقولك هتجوز.

معتز بص على وتين: موافقة؟

وتين بصت على فهد.

فهد ضحك ليها.

وتين بتوتر: أه.

تميم بفرحة: ده عين العقل.

فهد حط إيده في إيد تميم وكتبم الكتاب.

تميم حضن وتين بفرحة: أنا مش مصدق نفسي، أنا بموت فيكي.

وتين بابتسامة: شكراً.

تميم بغيظ: هو إيه اللي شكراً؟ قوليها بقا.

وتين: يوم الفرح أبقى أقولها.

تميم بغمزة: هستنى عشان خاطر عيونك يا قمر.

لمار حضنت تميم بدموع وفرحة: عشت وشوفتك عريس.

تميم باس رأسها: ربنا يخليكي ليا يارب.

معتز حضن تميم بفرحة: ألف مبروك يا غالي.

تميم حضنه جامد.

فهد حضن وتين: ألف مبروك يا قلبي.

وتين: أنت كنت عارف صح؟

فهد ضحك: حاجة زي كده.

أدهم وعشق قاعدين على الكوشة والكل مبسوط.

اسر واقف بيخيل ندى معاه.

حور واقفة جنب عشق بتعيط.

لمار: مالك يا حور؟

حور بعياط: أنا مش عايزة عشق تمشي.

لمار بحب: دي سنة الحياة، ربنا يسعدها يارب. وبعدين هي مش هتبعد كتير، دي هتكون في بيتها بردو.

أدهم خد عشق ورقصوا على أغنية رومانسية.

تميم خد وتين ورقص هو كمان.

فجأة وتين حضنت تميم جامد وجسمها تقل.

تميم بخوف: وتين! اتلقاها مغمي عليها.

تميم برعب: وتين، ردي عليا.

فهد جري عليها بخوف: وتين حبيبتي، مالك؟

زين شافها.

زين: اهدوا يا جماعة، ده مجرد هبوط.

عشق: فعلاً، مأكلتش حاجة من الصبح.

زين فوقها.

وتين فاقت.

تميم بخوف: انتي كويسة؟

وتين: أه، متخافوش، دي مجرد دوخة بسيطة.

اتلقى فهد جايب لها أكل وجه عليها بسرعة.

فهد بخوف: خدي كلي ياقلبي.

وتين: اهدى، أنا كويسة والله.

الفرح مشي عادي ووتين بقت كويسة.

اسيا واقفة على جنب.

محمد راح عليها.

محمد بحزن: حبيبت بابا، انتي كويسة؟

اسيا بدموع: عايزة أمشي من هنا.

محمد بزعل عليها: حاضر، يلا.

الفرح خلص وأدهم خد عشق وراح الفندق.

أدهم بفرحة: أخيراً اتقفل علينا باب واحد.

عشق بتوتر: أنا جعانة أوي.

أدهم: ما إحنا هناكل، بس تعالي قبل الأكل أقولك حاجة في بوقك.

وشالها وطفا النور وسبهم مع بعض.

بعد مرور أسبوع.

أدهم دخل البيت هو وعشق.

أسيل: حضنت أدهم "حبيبي وحشتني أوي"، وبعدين حضنت عشق "مبروك يروحي".

عشق: بابتسامة "الله يبارك فيكي يا طنط".

لمار خرجت من المطبخ راحت مزغرطة: "لولولولولولولي"، وحضنت عشق: "مبروك ياقلبي".

الكل نزل من فوق.

تميم: "أيوه ياعم، ادلعت أنت ها"، وغمز.

أدهم: بوقاحة "أوي أوي، عقبالك".

تميم: "يارب".

عشق اتكسفت.

أسيا نزلت من فوق هي ومحمد.

معتز: بستغراب "رايح فين؟".

محمد: "راجع لندن تاني".

معتز: بزعل "تاني؟ عايز تسبني يا محمد؟".

محمد: "معلش غصب عني والله".

معتز: "خليك جنبي".

محمد: "مقدرش، أسيا تعبانة وهي هنا، وخد أسيا وجاي يخرج من الباب".

معتز مسك قلبه: "آه".

الكل جري عليه برعب.

تميم: بخوف "بابا مالك؟ بابا رد عليا".

معتز اغمى عليه.

لمار: بعياط "معتز حبيبي فوق، ونبي فوق".

تميم: بسرعة "يلا على المستشفى".

فهد راح المصنع.

فهد: بستغراب "أومال فين جوري؟".

واحد من العمال: "جوري قدمت استقالتها النهارده ومشيت، هتلاقيها على مكتب حضرتك".

فهد: بصدمة "لي؟".

العامل: "البنات اللي هنا عاملين يقولوا عليها كلام مش كويس، إنها لامؤاخذة، إنها ماشية معاك، وإنها مش محترمة، وبتوقع الشباب الأغنياء".

فهد: فتح عينه على آخرها "من إمتى الكلام ده؟".

العامل: "بقالوا أسبوع".

فهد دخل على المكتب بسرعة، مسك الاستقالة وقراها: "أنا قدمت استقالتي عشان أنا مش قادرة أستحمل أكتر من كده، وأتمنى تقبلها، جوري".

فهد غمض عينه وخرج بغضب.

فهد جمع كل البنات اللي شغالة.

فهد: بغضب "كل البنات مرفوضة".

البنات: "لي يامستر فهد؟ إحنا عملنا إيه؟".

فهد: "من غير لي، الكل مرفوض، ارجعوا من برا ألاقي الكل مشي، وأه، حاجة كمان، جوري أشرف واحدة فيكم"، وسابهم ومشي.

الدكتور خرج، الكل جري عليه بخوف.

تميم: "طمني يادكتور، بابا عامل إيه؟".

الدكتور: "هو الضغط عالي عليه أوي، وده طبعاً غلط، ممنوع بأي شكل من الأشكال يتعرض لأي زعل خالص عشان حالته".

تميم: "حاضر، نقدر ندخل؟".

الدكتور: "آه طبعاً، هو شوية وهيفوق".

أسر راح الكافيه ومعاه نفس البنت اللي بتمثل.

أسر دخل وطلب ندى بالاسم. أول لما لقاها جاية، مثل نفس اللي حصل، هو بيعترف بحبه وطلع المسدس من جيبه. ندى وقفت وشافت وشوش سوداء ونفس المواقف بتتكرر، وابتدا الصورة توضح، حطت إيدها على راسها بتعب.

ندى: "بس بس، آه".

أسر فضل مكمل في اللي هو بيعمله، هو خلاص تعب من بعدها عنه.

ندى كل حاجة وضحت قدامها، وحست بصداع ودوخة، وقعت مغمي عليها.

أسر اتخض وجري عليها.

أسر: "ندى روحي، خلاص أنا هوقف، مش هضايقك تاني، بس فتحي عينك، ندى".

شالها وخرج بيها.

لمار قاعدة جنب معتز وبتعيط.

تميم واقف بزعل، هو أول مرة يشوف أبوه تعبان بالشكل ده، واكتشف إنه من غير أبوه ولا حاجة.

أدهم حط إيده على...

تميم: "إن شاء الله هيكون كويس".

معتز ابتدأ يفوق.

لمار: بعياط "معتز حبيبي".

تميم راح عليه بسرعة.

معتز فتح عينه.

تميم: "بابا حبيبي، أنت كويس؟".

معتز: بتعب "كويس"، بص على محمد اتلقاه واقف بعيد، بيبص على معتز بخوف.

معتز: "محمد، قرب، واقف بعيد لي؟".

محمد: قرب بخوف وزعل.

معتز: بحزن "عايز تسبني يا محمد؟ ده أنا مليش غيرك من بعد ماما الله يرحمها".

محمد حضنه وعيط جامد: "حقك عليا، أنا السبب، خلاص أنا مش عايز أسافر، أنا كنت عايز أبعد أسيا عن الضغط اللي هي فيه، بس خلاص مش هسيبك وأمشي".

معتز حضنه جامد.

الدكتور دخل: "عامل إيه دلوقتي؟".

معتز: "الحمد لله".

أسيا دخلت بسرعة: "عمي، عامل إيه؟".

الكل بص عليها.

معتز: بابتسامة "أنا كويس، متخافيش".

أسيا: "الحمد لله".

الدكتور فضل باصص عليها جامد ومش قادر ينزل عينه.

أسيا اتوترت من نظراته والكل لاحظ.

أدهم قرب من تميم: "اظاهر في عروسة جديدة".

معتز: "احم".

الدكتور: انتبه بحرج "احم، حمد الله على السلامة، أنا قصدي أنت".

تميم: بضحك "يا عيني، الدكتور اتهبل".

الدكتور: "قصدي إن حضرتك بقيت كويس، تقدر تخرج، بس أهم حاجة الراحة والبعد عن الزعل".

معتز: "تمام".

الدكتور بص على أسيا: "أستأذن أنا وخرج"، بس ساب قلبه جوه.

معتز: بضحك "لسه عايز تمشي؟".

محمد: بضحك هو كمان "لا 😂".

أسر: "خير يادكتور؟".

الدكتور: "هي اتعرضت لضغط شديد، أنا قولتلك مش بـ... الموضوع ده ميتكررش تاني، هي لما تفوق هنشوف أثر اللي أنت عملته إيه".

تليفون تميم رن.

تميم: "أيوه".

وتين: "أيوه، أنت فين؟ لي مجتش الشركة؟".

تميم: "بابا تعب وراح المستشفى".

وتين: "إيه؟ طب هو عامل إيه دلوقتي؟ طمني عليه، أنت في أنهي مستشفى وأنا أجي".

تميم: "ملوش داعي، هو دلوقتي كويس، وإحنا مروحين أصلاً".

وتين: "خلاص هاجي على البيت أطمن عليه".

تميم: "تمام".

ندى: "أسر".

أسر رفع راسه بصدمة: "إنتي قولتي إيه؟".

ندى: "قولت إنك وحشتني جدا".

أسر عيونه دمعت بفرحة: "إنتي افتكرتيني بجد؟".

ندى: "آه".

أسر باس راسها: "حقك عليا، والله أنا ندمان جداً، سامحيني".

ندى: "مسامحاك، بس أنا والله مخنتك أبداً، أنا".

أسر حط إيده على بقها: "ششش، أنا مش عايز أفتكر أي حاجة، إحنا ننسى ونبدأ من أول وجديد، ندى، أنا بحبك، بحبك أوي".

ندى: "وأنا بعشقك ❤️🙈".

دخل فهد مكتب وتين.

"وتين باستغراب: فهد، انت مش كنت في المصنع؟ جيت بسرعة كده ليه؟"

فهد قعد بحزن.

"وتين قربت منه بخوف: فهد حبيبي، مالك؟ في حاجة؟"

"فهد: جوري قدمت استقالتها."

"وتين باستغراب: لي؟"

"فهد خد نفس جامد: البنات في المصنع بيتكلموا عليها وبيقولوا عليها إنها شمال عشان بتقعد معايا وبتحاول توقعني، كلام من ده."

"وتين بصدمة: كل ده؟ يعني البنت سمعت كلام كتير، من حقها بصراحة."

فهد رجع راسه لورا.

"وتين: وانت هتعمل إيه؟"

"فهد: مش عارف."

"وتين: هتسيبها تمشي؟"

"فهد بسرعة: أكيد لأ، طبعاً مش هوافق تبعد."

وتين ضحكت.

"وتين: طب تعالى يلا نروح نطمن على عمي معتز عشان تعب وراح المستشفى."

"فهد بخوف: طب هو كويس؟"

"وتين: أه، تميم طمني."

"فهد: أنا بحبه أوي، عارفة فيه حنية بابا الله يرحمه."

"وتين: فعلاً، يلا."

وخرجوا.

وصل أسر ندى البيت وهو طاير من الفرحة.

أسر قاعد مع أم ندى.

"أسر: عشان خاطري يا طنط، كفاية اللي أنا شوفته، وافقي على الفرح. صدقيني ندى هتكون في قلبي وهحافظ عليها."

أم ندى بعد إصرار وشافت الحب في عين أسر وافقت.

"أم ندى: موافقة، بس الفرح هيكون بعد 3 شهور."

"أسر بفرحة: موافق والله موافق."

معتز روح البيت وبقى كويس.

"تميم بحب: نورت البيت يا غالي، ربنا يجعل حسك في الدنيا."

معتز حضنه.

"معتز: حبيبي."

أدهم طلع على عشق على طول.

"عشق: عمي كويس؟"

"أدهم: جه تحت."

"عشق: بجد؟ طب هنزل أشوفه."

أدهم شدها عليه.

"أدهم: استني بس تعالي، عاوزك في حاجة حلوة."

وسابهم لوحدهم.

"زين: حمدالله على السلامة يا معتز."

"معتز: الله يسلمك."

مراد دخل بخوف.

"مراد: معتز، انت كويس؟ فيك حاجة؟"

"معتز: أنا كويس والله."

"حور: حمدالله على السلامة. أومال فين عشق وأدهم؟"

"معتز بضحك: أول لما جه طلع على فوق على طول، مش قادر يستنى."

الكل ضحك عليه.

وتين دخلت هي وفهد.

"وتين: حمدالله على سلامتك."

"معتز: الله يسلمك يا حبيبتي."

"فهد: كويس إن حضرتك بخير."

"معتز بابتسامة: حبيبي يا فهد، تسلم."

"لمار بحب: مرات ابني حبيبتي، تعالي اقعدي جنب حماتك."

تميم باصص على وتين بحب.

"وتين بضحك: من عيوني يا حماتي العزيزة."

جوري قاعدة بتعيط. هي زعلانة إنها مش هتشوف فهد، هو الشغل مش فارق معاها.

"جوري: طب عمل إيه حبيبتك؟ غصب عني، هما عندهم حق. هو فين وأنا فين؟ أفيقي يا جوري، انتي تربية ملجأ."

أسر راح عند معتز.

"أسر بخضة: عمي، انت كويس؟ أنا مكنتش أعرف والله."

"معتز: أنا اللواء معتز، مش أي حد برضو."

محمد قاعد جنبه وماسك إيده مش راضي يسيبها.

"تميم بضحك: مالك يا عمي ماسك إيه بابا كده ليه؟ انت فاهم غلط، بابا مش طنط كامليا، شكلك اتلخبطت."

الكل ضحك جامد.

"محمد بص عليه بقرف: ملكش دعوة، انت أخويا وأنا حر."

أسيا واقفة ساكتة.

"لمار: مالك يا حبيبي ساكتة ليه؟"

"أسيا: مفيش يا حبيبتي، تعبانة شوية، هطلع أرتاح."

معتز قرب من محمد.

"معتز: البت دي بتفكر في الدكتور؟ مبقاش معتز الأنصاري لو مكنتش بتفكر فيه."

"أسر: أنا عندي خبر حلو، ندى رجعت ليها الذاكرة تاني."

وبعدين كمل بفرحة: "وأمها وافقت الفرح يتعمل بعد تلات شهور."

الكل بارك ليه بفرحة.

"فهد حضنه: مبروك يا صاحبي."

"أسر بفرحة: عقبالك يا حبيبي."

عشق نايمة في حضن أدهم وهو بيلعب في شعرها.

"عشق: بس عمي مش هيزعل إني منزلتش أسلم عليه؟"

"أدهم بضحك: عمي ده قرد، أكيد فهم."

عشق دفنت وشها بكسوف.

"عشق: يلهوي، أوري وشي إزاي دلوقتي؟"

أدهم: "أنا اللي أقاوِم حلاوة أمك إزاي؟"

باسها بوسة طويلة وسابهم تاني.

تميم وقف جنب وتين.

"تميم: وانتي مش ناوية تعملي فرح؟ أنا بصراحة غيران من الواد أدهم، اتجوز وأنا لأ."

"وتين: هفكر."

وسابته وراحت جنب فهد وغمزتله.

تميم في نفسه: "أروح أبوس أمك دلوقتي يعني ولا أعمل إيه؟ مش عارف. أحححح، يلا مسيرك تقعي تحت إيدي يا حلوة."

بعد مرور شهر.

الباب خبط.

"جوري؟"

"مين؟"

"فهد."

جوري حست إن قلبها بيدق جامد، هي بقالها شهر مشافتهوش.

جوري فتحت الباب.

فهد بص عليها بحب ولهفة واشتياق.

فهد: "بحبك وعايز اتجوزك، وحشتيني أوي."

جوري حاسة إنه هيغمى عليها من الصدمة والفرحة.

جوري: "أنا مش عارفة أقول إيه."

وتين من ورا: "قولي موافقة، الواد بيموت فيكي."

فهد طلع خاتم.

فهد: "ها؟ هتلبسيه ولا؟"

جوري بدموع وفرحة: "هلبسه."

فهد ضحك بفرحة ولبسها الخاتم وحضنها جامد.

فهد: "وحشتيني أوي أوي، أنا مش عارف قعدت شهر إزاي من غير ما أشوفك."

وتين: "اتلم وبعد عن البت، إنت لسه مكتبتش الكتاب."

فهد ضحك: "حاضر، كده كده هتجوز قبلك."

وتين: "والله؟ على أساس مش مكتوب كتابي."

فهد بص على جوري.

فهد: "هنعرف الفرح معاهم."

جوري هزت راسها موافقة.

***

عند اسر وندى.

اسر: "فاضل شهرين وتبقي في حضني، ده أنا هاكلك أكل." وغمز بعنيه.

ندى بكسوف: "احترم نفسك، عيب كده."

اسر: "ماشي يعم، هحترم نفسي دلوقتي لغاية لما تكوني في بيتي."

***

تميم رن على وتين.

تميم: "مش ناوية تعملي فرح بقا؟ أنا عَنَست جنبك."

وتين بابتسامة: "هيبقى مع اسر وندى."

تميم بفرحة: "قولي والله!"

وتين بضحك: "والله."

تميم: "بحبك يا أحسن حاجة حصلتلي في حياتي كلها."

وتين ضحكت بحب وفرحة: "مش هناولك برضه."

تميم: "مش مهم، هانت واسمعها منك."

***

عشق دخلت الأوضة اتلقت ادهم قاعد على السرير ودموعه على خده.

عشق راحت عليه بخوف: "ادهم مالك يا حبيبي؟"

ادهم طلع شريط برشام.

ادهم: "مانع حمل؟ إيه ده؟ مش عاوزة تحملي مني؟ معقولة؟"

عشق: "ادهم والله العظيم إنت فاهم غلط، أنا اشتريته آه بس والله ما استخدمت منه حاجة، وحياة أمك عندي."

ادهم: "لسه بتحبيه؟ لسه تميم جوه قلبك؟ أعمل إيه عشان تحبيني؟ كنت كل ما أشوف حبه في عينك بحس فيه نار في قلبي، واللي خلاني أتشجع وأتقدم لك إني لقيت تميم مش بيحبك، قولت خلاص أحاول معاها يمكن تقدر تكسب قلبها، بس شكلي فشلت." وكمل بعياط.

ادهم: "أعملك إيه تاني؟ حب، وديتك، وحنية، وشفتيها؟"

مسكها من إيديها جامد.

ادهم: "ردي عليا، أعمل إيه تاني عشان تحبيني؟"

عشق بعياط: "لا أنا بحبك إنت، تميم كانت فترة وعدت، وبعدين أنا معرفتش الحب غير معاك، تميم كان تعلق، إنما إنت اللي حبيته بجد."

ادهم بسخرية: "والحبوب دي إيه؟"

عشق: "أنا كنت خايفة من المسؤلية، بس والله ما استخدمت حتى الشريط بحاله."

ادهم: "خلاص ياعشق، كل واحد يروح لحاله، إنتي من طريق وأنا من طريق."

عشق بصدمة: "يعني إيه؟"

ادهم بوجع: "يعني هنطلق."

عشق بنهيار: "لا مستحيل تعمل فيا كده، ادهم أنا بحبك ومقدرش أعيش من غيرك."

ادهم: "خلاص ياعشق، خلاص مابقاش ينفع."

عشق بتعب: "ادهم..."

ادهم: "عشق! إنتي كويسة؟" مكملش الكلمة ووقعت بين إيديه مغمي عليها.

ادهم بصدمة: "عشق! لا لا عشق فوقي، خلاص هعملك كل اللي إنتي عاوزه، عشق!"

خرج جري.

ادهم: "بابا الحقني!"

الكل قام بخوف: "إيه؟"

ادهم: "عشق اغمى عليها ومش بتفوق."

زين راح معاه بسرعة والكل ورا.

ادهم شال عشق وحطها على السرير، هو هيموت من الخوف.

زين كشف عليها.

ادهم بخوف: "طمني عليها نبي."

زين حضنه بفرحة: "مبروك، هتكون أب قريب."

ادهم مستوعبش.

ادهم: "يعني إيه؟"

زين: "يعني عشق حامل."

الكل فرح.

ادهم بفرحة: "الحلف بالله؟"

زين بضحك: "الخبر قصر عليك."

الكل ضحك.

ادهم بخوف: "طب عشق مفقتش ليه؟"

زين: "شويه وهتفوق، هي شكلها زعلانة من حاجة عشان الضغط عالي عليها أوي وده غلط جدا."

ادهم: "تمام."

الكل خرج وادهم قعد جنب عشق.

ادهم: "حققي عليا ياقلبي عشان مصدقتش إنك مش حامل."

بعد شوية عشق ابتدت تفوق.

ادهم: "حبيبي إنتي كويسة؟"

عشق حطت إيدها على وشها وعيطت جامد.

ادهم: "بس ياقلبي عشان العياط غلط عليكي إنتي والنونو الصغنن."

عشق بستغراب: "نونو إيه؟"

ادهم حط إيده على بطنها بفرحة: "اللي جوه هنا."

عشق بصدمة: "أنا حامل؟"

ادهم: "آه."

عشق بدموع: "لسه عايز تسبني؟"

ادهم مسح دموعها: "ثؤثؤ."

عشق بحزن: "عشان خاطر حامل صح؟"

ادهم مسح دموعها بابتسامة وخدها في حضنه: "لا عشان خاطر اكتشفت إني من غيرك مقدرش أعيش، إنتي لما وقعتي بين إيدي حسيت إني روحي راحت، كنت عامل زي العيل الصغير، متزعليش مني."

عشق حضنته جامد: "أنا بحبك أوي أوي، ربنا يخليك ليا."

ادهم خد نفس بفرحة أول مرة يحس كلمة بحبك طلعها من قلبها.

ادهم: "وإنتي النفس اللي بتنفسه ياعشق."

ادهم خد نفس بفرحه اول مره يحس كلمت بحبك طلعها من قلبها

ادهم وانتي النفس الي بتنفسه ياعشق &;

رواية معشوقتي الصغيرة) اسم الرواية