رواية معشوقتي الصغيرة الفصل السابع 7 - بقلم رانيا يوسف

مرام بتبص له بتلاقي الصدق في عينه: بالرغم إني مش قادرة أستوعب بس قلبي مصدقك. آدم بحنية وفرحة: ممكن أطلب طلب منك؟ مرام هزت دماغها من غير ما تتكلم. آدم: مرام، أنا... (وبيسكت شوية) ممكن نكون أصحاب؟ مرام: أصحاب؟ آدم: آه، على الأقل لحد ما أرجع ثقتك فيا وأثبت لك كلامي. مرام بتبص له شوية: موافقة. آدم بفرحة: ييااااه، أخيرًا! يلا قومي نخرج. مرام: لا مش عاوزة. آدم وهو خارج من أوضتها: خمس دقايق ألاقيكي جاهزة. أم مرام: إيه ده؟

كله بتتكلم معاها؟ آدم: شكله كده، ديجا، المية هترجع لمجراها بينا تاني، ادعيلنا بس. أم مرام بفرحة: يا رب يا آدم، انتوا الاتنين اتظلمتوا في حياتكم. آدم: يلا يا ست الكل، استأذنك عشان أطلع أخرجها شوية. أم مرام بغضب مصطنع: لا بقا! مش من أولها خروجات وتنطيط هنا وهنا. آدم وهو بيرفع حاجبه: والله اللي متغاظ مننا يعمل زينا. أم مرام: لا والله، هحلف ما أخرجكم. آدم بسرعة: إيه يا رمضان، مبتهزرش!

أم مرام: لا بهزر يا خويا، ناس متجيش غير بالعين الحمرا. آدم بيبوس دماغها: عن إذنك يا ست الكل، أجهز بقا قبل ما تغير رأيها. *** بعد ساعة *** آدم قاعد في الصالة بيكلم نفسه: يوووه، هو ده كله بتجهز؟ أومال لو كانت عروسة دي إيه؟ ده طول عمرهم البنات كده، مش فاهم أنا بيعملوا إيه كل ده. أم مرام بضحك: إيه يا آدم؟ انت اتجننت؟ آدم: بنتك هتتجنني. أم مرام: براحتها. بتطلع مرام: يلا يا آدم. آدم بيبصلها ويصفر: أووووه، إيه الجمر دي؟

أم مرام: لا والله ما أنت بتِهرِي في نفسك من ساعتها. آدم: بالشكل ده حقها تغيب براحتها. مرام بخجل: يلا يا بابا، ولا أقعد؟ آدم بسرعة: تقعدي إيه؟ ده أنا لزقت في الكرسي من كتر القعدة، يلا بينا. وبتركب مرام جنبه في العربية. مرام: انت بقالك ساعة سايق، رايح على فين؟ آدم: أكتر مكان بتحبيه. بعد فترة بيوصلوا الملاهي. مرام بفرحة: أيوه بقا، يدوم لي. آدم بيبصلها بحب: أي خدمة يا ستي، انطلقي بقا.

وبيقضوا يومهم في لعب وهزار وبيرجعوا البيت. أم مرام: إيه الغيبة دي كلها؟ دي أنا قولت الواد خطفك. مرام: هو يقدر. آدم: طب يا ريت والله. أم مرام: اتبسطتوا؟ آدم بيبص لمرام بحب: أوي أوي، ديجا. مرام وهي بتاكل غزل بنات وفي الإيد التانية مصاصة: لا يا ماما، ده مرضيش يجيب لي حاجة ولا رضي يأكلني ولا أي حاجة خالص. آدم بسخرية: ماهو باين على كرشك دي، انتي فلستينى. مرام بتبصله بطرف عينها: انت لو باصص لي فيهم، خودهم.

آدم: كلي كلي، يكش يطمر. مرام: ولاه يا آدم، هقوم لك. آدم: تعالي وريني بطولك دي، هتعملي إيه؟ مرام: هوريك... (ولسه مكملتش كلامها) لقت رسالة مبعوتة من رشا. مرام بصدمة بعد ما فتحتها...