رواية معشوقتي الشرسه الفصل الأول 1 - بقلم همس كاتبه

انت اتجننت رسمي، ازاي عايز تتجوز طفلة، لا وكمان خطيبة صاحبك، أنت مجنون يا آسر. آسر بغضب: هتجوزها غصب عن أي حد. واحترم نفسك يا علي، بلاش أنسى أنك صاحبي. علي: يا آسر دي طفلة عندها 19 وأنت عندك 30. وبعدين دي خطيبة رامي يعني ما ينفعش. آسر: أنا قولت اللي عندي. واند هلي على أيمن مدير الحسابات. علي: ماشي يا آسر. بس يا ريت تفوق قبل ما تندم يا صاحبي.

بعد وقت، دخل أيمن مكتب آسر عز الدين السيوفي، صاحب أكبر شركات تصدير واستيراد في البلد، وله سلطة ومكانة كبيرة والكل بيحترمه وبيعمله ألف حساب. أيمن: آسر بيه، حضرتك طلبتني. آسر: أيوه يا أيمن، اتفضل اقعد. أيمن باستغراب: هو في إيه حضرتك؟ آسر: أنا طالب إيد ماسة بنتك للجواز. أيمن بصدمة: أفندم؟! آسر: إيه؟ أيمن: بس يا بيه، البنت مخطوبة ومقري فاتحتها على رامي صاحبك يا فندم.

آسر ببرود: تتلغي خطوبتها، وأنا اللي هتجوزها يا أيمن. وأنت عارف أنا ممكن أعمل فيك إيه. أيمن: حاضر يباشا، بس كان ليا طلب. آسر: اتفضل. أيمن بطمع: لو سمحت يعني، أنا عايز علاوة عشان الوضع الصعب الأيام دي، واحنا هنكون نسايب برضو. آسر بقرف: ولا يهمك يا أيمن. وقال بتذكر: وأه صحيح، كتب الكتاب هيكون بكرة والفرح بعد بكرة. أيمن: وليه الاستعجال؟ آسر بحده: دي أوامر وتتنفذ فوراً. أيمن بخوف: أمرك يباشا. في الليل.

ماسة بتعب: خلاص يا مرات أبويا، أنا تعبت. نعمت: بقولك إيه يا بت، كفاية دلع. يلا روحي نامي دلوقتي واتغطي كويس يبت. ماسة بود: حاضر. وبنفس الوقت، دخل أيمن البيت. أيمن: السلام عليكم. بقولك إيه يا نعمت. نعمت: وعليكم السلام يا راجل، في إيه؟ أيمن: جهزي البت ماسة، بكرة كتب كتابها. ماسة: ليه يا بابا؟ إزاي تحدد كتب الكتاب من غير ما تقولي؟ أيمن بغضب، مسك شعرها: إيه ياختي، عايزاني آخد أوامرك انتي كمان ولا إيه؟

انتي اخرسي خالص. وعلى فكرة، سي رامي بتاعك ده مسافر، وأنتي هتتجوزي واحد تاني. والفرح بعد بكرة. ماسة بصدمة ودموع: ازااااي؟! إزاي تبيعني كدا؟ ده أنا حتى بنتك. أيمن كان هيضربها، بس نعمت مسكته: كفاية يراجل، حرام. البت... وتحدثت لماسة: ادخلي أوضتك دلوقتي يا حبيبتي. وفعلاً ماسة دخلت أوضتها وفضلت تعيط وترن لرامي، لكن ما كانش بيرد. وجه يوم كتب الكتاب، وجه المأذون، ونعمت جهزت ماسة، وكانت في غاية الجمال.

وبعد وقت، وصل آسر وتم كتب الكتاب، وأصبحت ماسة حرم آسر السيوفي. بعد شوية، آسر طلب يتكلم مع ماسة. ماسة بصدمة: أنت إزاي كدة؟ أنا أول مرة أشوف حد بالحقارة دي. إزاي تبيع صاحبك؟ آسر بعصبية…