رواية معشوقتي طفلة الفصل التاسع 9 - بقلم ندى ناصر

خرج الدكتور من أوضة العمليات. كريم باشا: كيف حاله الآن، هل هو بخير، هل العملية ناجحة؟ الطبيب: نعم، لقد نجحت العملية والمريض حالته مستقرة. وعندما يستيقظ، سوف يكون في غرفة أخرى لكي تطمئنوا عليه. ملك بخوف: بيقول إيه يا بابا؟ كريم باشا بدموع وفرحة وبيحضن ملك: بيقول إن العملية ناجحة وفارس هيرجع زي الأول وأحسن يا قلبي. ملك بفرحة: الحمد لله يا رب.

بعد نص ساعة، فارس فاق من البنج ونقلوا أوضة عادية. الممرضة خرجت وقالت إن فارس بيسأل على ملك. ملك دخلت الأوضة، وأول ما شافت فارس متوصل له كذا جهاز، جريت عليه وحضنته وبتعيط. ملك بدموع: فارس، أنت كويس؟ هو أنت تعبان؟ حاسس بإيه؟ فارس وبيملس على شعرها بحنان: أنا كويس والله، بطلي عياط بقى يا قطتي. ملك ببكاء: كنت خايفة عليك أوي. فارس بحب: وأنا كنت خايف أموت قبل ما أقولهالك.

ملك بلوم: بعد الشر، أوعى تقول كده تاني. وأنت كنت عايز وتقولي إيه بقى؟ فارس بابتسامة: بحبك. ملك: هاه؟ فارس: بحـ، بـ، ك. ملك بابتسامة، والفرحة ما كانتش سايعها. بس قاطعهم دخول كريم باشا ومصطفى. كريم بلهفة: عامل إيه يا ابني، طمني عليك. فارس: حمدلله كويس. مصطفى من تحت ضرسه: حمدلله على السلامة يا فارس. فارس بعدم اهتمام: الله يسلمك.

عدى أربع شهور، فارس كان بيتابع العلاج الطبيعي وعلاجه ما خدش وقت زي ما كانوا متوقعين. ورجع زي الأول وأحسن، وبقى هو وملك روح واحدة اتحطت في شخصين. وملك بقت كل حاجة بنسباله، بنته وحبيبته وكل حاجة ليه. بقى يدمنها وما يقدرش يبعد عنها لحظة. حتى وهو في الشركة، ما يبطلش تفكير فيها. وبدأ يروح الشركة بتاعته زي الأول مع كريم باشا، اللي كان بيديرها وقت غياب فارس، هو ومصطفى. وملك رجعت لدراستها زي ما كريم باشا وعدها. وسلوى وبنتها

رنا خلصوا المهمة بتاعتهم. كريم باشا ما حبش وجودهم معاه في الأقصر، فخد لهم شقة بعيد عشان شاكك فيهم ومش بيقبلهم. ومصطفى بقى يشتغل عند فارس، بعد ما كان الكل في الكل، قبل ما فارس يقف على رجله. وطول ما هو قاعد، وشايف فارس قدامه، بيتشل وعايز يمسكه يموت ويخلص منه.

ملك وقفة على السرير بسبب فرق الطول بينها وبين فارس، وبتحاول تربط الكرفتة لفارس. فارس بغضب: أووف، ملك، ما أنتِ متعرفيش تربطيها. أوعي، أربطها أنا. ملك بغضب: هششش، أنا كأني مسمعتش حاجة. مش المفروض أنت حبيبي، قرة عيني؟ استني بقى أما أعملها زي ما بيعملوها في الأفلام. فارس: أوعي كده، أنا هربطها. ملك: هتتقطع يا خلف. انهاردة اثبت، لا تولع مكانك.

فارس بضحك: ههههه، ماشي، خلينا قاعدين عشان ست ملك مش هتربطلي الكرفتة انهاردة. وهاقعد جانبها. ملك فجأة سابت فارس وقاعدة مكانها. فارس مسك إيدها: أنتِ زعلتي مني يا قطتي ولا إيه؟ أنا بهزر معاكي يا روحي. ملك مسكت راسها، ومرة واحدة وقعت على الأرض و....