رواية معشوقي الصعيدي الفصل الأول 1 - بقلم نيجار محمد

خلاص هتمشوا؟ قالها ولد يمتلك من العمر أربع سنوات. أيوة لازم نمشي، هتوحشونا. انهار في البكاء واحتضن صديقه الوحيد وابن عمه. أنا مش عايزة أمشي يا ماما. قالتها فتاة تمتلك من العمر أربع سنوات. الأم: لا لازم نمشي يا حبيبة ماما. الفتاة ببكاء: لا يا ماما أنا بحب أمير ويوسف. الأب وهو يحضن ابنته وابنه: معلش يا حبايبي لازم نمشي. الفتاة وهي تمسح دموعها: طيب يا بابي هروح دقيقة وأجي. الأب: ماشي يا قلبي بس ما تتأخريش.

وذهبت الفتاة مسرعة إلى غرفة. الفتاة ببكاء: هتوحشني يا أمير. أمير وهو يتمالك دموعه: وأنتي هتوحشيني أوي يا أوزعة. قالها ولد يمتلك من العمر ثماني سنوات. الفتاة: خذ دي. أمير: إيه ده؟ الفتاة: دي سلسلة مكتوب عليها اسمي وأنا هلبس سلسلة مكتوب عليها اسمك، وعد ما تقلعهاش ماشي؟ أمير: وعد. *** نورين ماسكة السلسلة وفي يدها الثانية ماسكة صورته لما كان

عنده ٨ سنين وبتقول لنفسها: أخيرًا هشوفك، وحشتني أوي، يا ترى بتحبني زي ما أنا بحبك ولا نسيتني؟ فريدة أم نورين وسيف: جهزتي شنطتك يا بنتي؟ نورين: أيوة يا ماما. فريدة: طيب وأنت يا سيف؟ سيف بفرح: أكيد. أحمد والد سيف ونورين: طيب يلا يا شباب. سيف ونورين بمرح: يلا يا برنسس. أحمد بقرف مصطنع: امشوا عرتوني بين الخلق، أطخكم عيار أوديكم تعملوا صنار. نورين بضحك: من أولها يا بابا بقيت صعيدي؟

فريدة: يلا يلا بلاش هطل، هلاقيها منكم ولا من أبوكم. سيف بهمس لأبوه: خليك أنت مسمعنا الكلام من البوس. واتجهوا إلى الصعيد. في الصعيد.. يوسف: أخيرًا هشوف سيف ونورين، وحشوني ولاد الجزم. أمير بغضب: ما تتهد يا واكل ناسك. يوسف بغباء: والله ما فاهم حاجة، أنت كنت بتشتمني؟ سارة بنت خالة يوسف وأمير: لا يا غبي قصده اتهد واقعد ساكت، أنت الفرحة نستك اسمك ولا إيه؟ يوسف بمرح: والله يا أختي أنا لو عليا أجيب ميكروفون وأزغرط.

قاطعه قفا نازل بيسلم على رقبته من أمير. يوسف: آآه ليه كده ده أنا حتى بحبك. أمير: أنا نازل أشوف شوية مصالح يا أبوي، معايزتش حاجة؟ عامر والد أمير ويوسف: شغل إيه يا ولدي دلوقت؟ أمير: شوي وراجع يا أبوي، خلي بالك من حالك أنت وأمي، سلام. كان أمير خارج وقت ما نورين دخلت وخبطت فيه. نورين: آسـ.. لم يبقى ليَتسمع لحديثها ورحل تاركًا إياها تموت من الغيظ على فعلته. سيف بمرح: وسع وسع وسع، سيف وصل الكل يوخر.

يوسف وهو يصافحه: حبيبي وحشتني يا أبو الصحاب. سيف بمرح: أنت اتجننت عاد ولا إيه بتكلمني بلغة البندر؟ يوسف بمرح: يا عم أنت هتعملي فيها أمير، بيعرف يتكلم مصري ويجي يكلمني صعيدي يا برو خش. أحمد وهو يصافح أخوه: حبيبي وحشتني يا أخويا. عامر: و.. قاطعه أحمد قائلًا: وربنا ما أنت مكلمني إلا مصري، لا أفقه شيء من لغتكم يا أخويا. عامر بضحك: لسه زي ما أنت ما اتغيرتش يا أحمد. فريدة: هيشلني يا عامر والله، أمال فين شادية؟

عامر: في المطبخ بتحضر الأكل. فريدة: ليه بس تعبة نفسها ليه، إحنا هناكل أي حاجة. عامر: لا إزاي بقى، أخويا ومراته وولاده يجوا وياكلوا أي حاجة؟ نورين بتوتر: عمو هو فين أمير؟ عامر: في الشغل يا حبيبتي، هيخلص مصالح ويجي طوالي. نورين: تمام يا عمو أنا هطلع أوضب هدومي. سيف: خديني معاكي، هي فين أوضتنا يا عمو؟ عامر: روح معاهم يا يوسف وريهم غرفهم. يوسف: تعالوا يا أخواتي الحلوين. سيف: أمال أنت في كلية إيه يا يوسف؟

يوسف: أنا كلية هندسة. سيف: كفك يا أخويا. يوسف: هو أنت في هندسة؟ سيف: أيوة ونورين في طب. نورين: طيب سيف أخويا حبيبي صاحبي كل حيا.. قاطعها يوسف قائلًا: اخلصي يا عيون أخوكي إيه مصلحتك. نورين: طول عمرك جفشني يا أخويا، المهم هنزل ألعب مع القطة اللي تحت وأنت خذ شنطتي حطها في الأوضة بتاعتي. سيف: ماشي ما تتأخريش. نورين بفرح: أوووك يا برو. نزلت نورين تلعب مع القطة والقطة أول ما شافتها طلعت تجري ونورين فضلت تجري وراها وفجأة.

نورييييييييييين وووووو.