رواية معشوقي الصعيدي الفصل الثاني 2 - بقلم نيجار محمد

نورييييييييييننننن، أنتِ بتعملي إيه هنا! قالها أمير بصوتٍ كحفيف الأفاعي، فارتجفت نورين من نبرته وقالت برعبٍ منه: ا، ا أنا كـ كنت.. أمير بغضب وهو يمسكها من ذراعيها وكاد يحطم عظامها: كنتِ إيه؟ نورين بخوف: كنت بجري ورا القطة وهي جت هنا. أمير بعصبية: تعالي اخلصي، كانت ناقصاكي هي. كانت نورين تحاول إخفاء دموعها ولكن لم تنجح، ونزلت دمعة من عينيها، ولكنها لم تؤثر به. أخذها إلى القصر ونادى على الحراس.

أمير بغضب: أنتم يا شوية بهااايم! حارس منهم بخوف: نـ نعم يا بيه. أمير بغضب: إزاي سمحتوا ليها تخرج؟ اتجننتم عاد؟ حارس منهم برعب: إحنا أسـ.. قاطعهم أمير: لو اتكررت تاني مش هحلكم، فاااااهمين؟ الحراس: فاهمين يا بيه. أمير وهو يدفعها لداخل القصر: ادخلي. نورين بدموع: اوعى إيدك، أنتَ مين عشان تعاملني كده؟ أمير بغضب: أنا هوريكي أنا مين. عامر وهو يضرب عصاه في الأرض بغضب: بتتخانجم جدامي؟

أمير: يا أبوي البت دي متفهمش حاچة في عويدنا، وطالعة تجري ورا الجطة لغايط ما وصلت عند المصنع. عامر: متجولش على بت عمك كذا مرة تانية، ولو متعرفش نعلمها بشويش. اعتذر لبت عمك. أمير: يا أبوي هي الغلـ.. قاطعه عامر: جولت اعتذر لبت عمك. أمير بغيظ: آسف يا بت عمي. عامر: اطلعي يا بنتي ارتاحي في غرفتك. نورين بحزن: تمام يا عمو، عن إذنكم. في الحقيقة، نورين لم تكن تعلم أين غرفتها، وانحرجت أن تسأل عمها، فقررت أنها ستبحث عنها بنفسها.

نورين في نفسها: يووو بقا، هي فين غرفتي؟ أنا هدخل الغرفة دي وخلاص. إيه ده؟ (كان فيه كتاب مكتوب عليه "مذكراتي") . فتحته نورين، ولسة هتقرأ منه، سمعت صوت من وراها بيقول: إيه ده نورين؟ أنتِ بتعملي إيه هنا؟ نورين بخضة: بسم الله، هي دي أوضتك يا يوسف؟ يوسف: أيوه أوضتي. نورين بإحراج: آسفة والله مكنتش أقصد، بس مكنتش لاقية أوضتي واتكسفت أسأل عليها. يوسف بتفهم: لا عادي ولا يهمك، تعالي أوريهالك.

نورين كانت هتكعبل وتقع، بس يوسف مسكها وبقت في حضنه. في الجهة الثانية، أمير كان رايح أوضته اللي كانت جنب غرفة يوسف، وبالصدفة شاف نورين وهي في حضن يوسف، ونورين كانت بتقول: بحبك أوي.. انصدم أمير ودخل أوضته بسرعة وقفل الباب قبل ما يشوفوه. أمير في نفسه: كلكم صنف عايز الحرج بس، وحياة حرجة جلبي دلوجت ما أنا راحمك يا نورين يا بت عمي، هخليكي تتمني الموت ومش هتطوليه. عند نورين، ابتسم يوسف وقال: وهو كمان بيحبك أوي على فكرة.

نورين بفرحة: بجد؟ أحم قصدي.. يوسف بمرح: طلع عندك دم يا بت وبتتكسفي، أيوه يا ستي بجد. نورين: شكرًا أوي يا يوسف. يوسف: العفو يا ستي على إيه، الغرفة بتاعتك هناك. وهو بيشاور لها على غرفتها. نورين بمرح: تمام متشكرين يا برووو. يوسف بهزار: نعيش ونعملك يا برنس. نورين: أوووف أنا زهقااانة أوي. لمعت عينها بالشر حينما أتت فكرة في رأسها. نورين بشر: أحلى مقلب لأحلى أخ رخم.

(غرفة سيف هي عارفة مكانها لأن يوسف قالها إن غرفتها جنب غرفة سيف) نورين وهي بتتسحب: بسسس، هو في الحمام (سمعت صوت الدش) . فرصتي إني أنفذ. جابت زيت وصبت على باب غرفة سيف، وطلعت استخبت، وووووو فجأة لمحت الصدمة اللي لجمتها في مكانها.