رواية معشوقي الصعيدي الفصل الثامن 8 - بقلم نيجار محمد

وخرج من الغرفة ورزع الباب. مسحت نورين المكياج ونزلت تحت. محمد بتمثيل: ما شاء الله قمر يا عروسة. نورين بخجل مصطنع: مرسي. ومر الوقت حتى قال محمد: طيب هنحدد ميعاد الخطوبة امتى؟ أمير ببرود: مش تسمع موافقين ولا لأ. أحمد: ايه الكلام ده يا ابني، ما احنا أكيد موافقين إن شاء الله. أمير وقام وقف: وأنا مش موافق يا عمي. أحمد: ليه بس يا ابني، ده شاب محترم وابن ناس.

أمير في نفسه: وأنت مالك بيها يا أمير، سيبها تتجوز ولا تتطلق أنت مالك. أمير وضغط على قلبه: خلاص على راحتك يا عمي، عن إذنكم. ورحل أمير. كل هذا حصل أمام تلك العاشقة، نزل الكلام على قلبها كالصاعقة. نورين في نفسها ولم تتمالك دموعها: بطلي رخص بقى، هو مش عايزك، مش بالعافية. ركضت نورين على السلالم ودموعها كالشلال. كان يوسف يشرب القهوة ويقف أمام غرفته، ووجدها تركض وتبكي. يوسف بخضة: مالك يا هبلة؟

نورين ببكاء ودخلت غرفتها: سيبني دلوقتي يا يوسف. يوسف ودخل خلفها: يا بنتي فيه ايه؟ نورين بصراخ سمعه سيف لأنه كان سيدخل وسمع الحديث: أخوك مش عاوزني، مش هضيع حياتي أفكر في شخص مش حاببني، مش هضيع بقيت عمري أرخص نفسي. في هذه اللحظة انهارت نورين. دخل سيف ونظر إلى أخته بحزن. اقترب منها واحتضنها وهي منهارة بحضنه. سيف بحزن ويطبطب على ظهرها وهي بحضنه: خلاص بقى ما تعيطيش، هو ما يستاهلكيش، ربنا هيعوضك باللي أحسن منه.

نورين بدموع: مش عايزة أحسن منه. سيف بحزن: طب خلاص بقى يا قلب أخوكي ما تعيطيش، أنتي مش ضعيفة، أنتي طول عمرك قوية. نورين بكسرة وخرجت من حضنه وتمسح دموعها: نورين القوية ضعفت يا سيف. سيف بضيق: ما تقوليش كده، أنتي زي ما أنتي، وما تخليش الحب يكسرك أو يضعفك، وأنا واثق إنك قدها. تابع بمرح: وبعدين يا بت أنتي، دخلي في عالم المافيا ولا ايه، بقيتي بتعملي استمارات وخطط. يوسف بصدمة: يا ابن اللعيبة، وأنت عرفت منين؟

سيف بفخر: أمال يا ابني، احنا ناس راسية بس الناس ناسية. يوسف بضحك: خلاص يا عم هتشوف نفسك علينا. سيف بفضول: قولولي ما تكسفوش، ايه استمارة ٦ دي هااا، قوولوا بدل ما وربنا أقول لأمي تعلقكم. نظر يوسف لنورين وابتسموا ابتسامة شر. نروح بقى تحت عند أحمد ومحمد. محمد بحزن مصطنع: طيب همشي أنا بقى. أحمد: طب يا ابني اديني رقمك عشان أديلك رأي العروسة.

محمد بسرعة: هاا لا يا عمي خلاص، مدام حد مش موافق خلاص، ربنا يجيب لها اللي في النصيب، سلامو عليكم. وذهب محمد قبل أن يسمع رد أحمد. ومحمد يركض اصطدم في بنت. محمد بأسف وهو يتابع طريقه: آسف. البنت باستغراب في نفسها: ايه الناس دي. ودخلت القصر. البنت: أهلاً أهلاً بالحبايب، كيفك يا عمي مشتاقة لك والله. أحمد وقام وقف وحضنها: ازيك يا قلبي عاملة ايه؟ البنت: والله بخير يا عمي، كيفك أنت وكيف بنتك نورين وولدك سيف؟

أحمد: والله كويسين، بيسلموا عليكي. كده مجتيش تسلمي علينا واحنا جايين بقالنا يومين أهو. البنت بأسف: معلش بقى يا عمي، بابا رضى بالعافية يوديني النهارده. أحمد بمرح: أنت هتقوليلي، شريف بيه طول عمر دماغه ناشفة ابن الـ... شريف بضحك ودخل وراها: وأنا مالي عاد. أحمد وهو يصافحه: ياااه يا راجل عاش مين شافك. شريف وبادله المصافحة: بخير والله يا أحمد، كيفك أنت وكيف أولادك؟

أحمد: بخير والله. كده يعني سندس جت تقعد معانا يومين وما تجيش أنت وسارة. شريف: حقك عليا يا صاحبي، بس أعمل ايه ظروف ما قدرتش آجي أنا وسارة، أما البنت سندس دي بنت عوجة الله يهديها إلا بالحج، هي فين؟ أحمد: طلعت مشوار من ساعتين كده، اتفضل بقى أنت هتفضل على الباب. قاطعهم نزول سيف ويوسف ونورين. سيف بمرح: ايه ده مين عندنا عمو شريف بنفسه. شريف وهو يصافحه: حبيبي أهو أنت بقى ولدي اللي ما جبتوش.

(توضيح: شريف يبقَى صاحب أحمد وفي نفس الوقت جوز خالة يوسف وأمير، بس خالتهم الله يرحمها وهما بيعتبروه خالهم) يوسف بمرح: حبيبي يا شيفو وحشني وربنا. شريف بحزم مصطنع: ولد عيب مش قدامهم. نورين: ازيك يا عمو. شريف: حبيبتي عاملة ايه يا نورين؟ نورين: بخير والله يا عمو، ازيك يا سارة. سارة: كويسة يا قلبي، تعالي عايزة أتكلم معاكي شوية. قاطعهم دخول آااا.