رواية معشوقي ومنقذي الفصل الرابع 4 - بقلم شهد علي

ابعد عني يا قاسم وحيات أي حاجة كانت بينا لو بتحبني ابعد عني. قاسم بعد عنها وهي بتعيط وقعدها. قاسم: فيروز متعيطيش أنا بحبك مسئلة وقت ونرجع بيتنا. ولوقتها هتفضلي هنا. وخرس فيروزة. فهد: أهدي يا فهد عشان نتصرف صح هو مش هيأذيها. فهد بغضب: عايزني أستنى لما يموت في إيده؟ أنا مستحيل أخليه يقرب منها. رنيم: أهدي عشان نفكر. فهد خد نفس: أعمل إيه؟ مهاب: نعرف هل قاسم ليه أي مكان هنا يخصه في إسكندرية. فهد: إزاي؟

مهاب: أنا أعرف واحد هيساعدني. عند قاسم. دخل لفيروزة اللي كانت نايمة. قرب منها ولمس خدها الأحمر اللي معلم. وبعدين فك إيديها وهي صحيت وبعدت عنه وشالت اللي على بوقها. قاسم: تعالي يا فيروز متخافيش. قاسم: هنرجع. تعالي. فيروزة بعدت عنه أكتر: قاسم أنا مش عايزاك. قاسم بغضب: تعالي يا فيروز. فيروزة بصريخ: خلي عندك دم وطلقني. قاسم ضربها كف: قلتلك طلاق مفيش وكل مرة تطلبي الطلاق هضربك يا فيروز. فيروزة: عشان أنت مش راجل يا قاسم.

قاسم قلع حزامه وبقي يضربها وهي بتصرخ وتعيط لحد ما أغمي عليها من كتر ما ضربها. وده مخليهوش سابها لا ده كمل ضرب لحد ما سمع صوت خبط على الباب. قام يفتح وفتح وهو زقه برجله وبقي يضربه. فهد فضل يضربه وبعدين أداه لمهاب ودخل يدور على فيروزة. واتصدم لما شاف وشها والحزام اللي مرمي جنبها وقرب منها. فهد: أنا آسف إني اتأخرت. أنا جيت يا روز. فيروزة فتحت عينيها بوجع: جسمي كله واجعني يا فهد.

فهد قرب منها عشان يشيلها وأول ما لمسها عيطت من الوجع. فهد نزل العربية وركبها بالراحة وأول ما وصل العمارة شالها وطلع عند رنيم. فهد: امليلي البانيو مياه دافية يا رنيم. رنيم: حاضر. فهد قعد فيروز. فهد: فيروز قاسم قرب منك؟ فيروزة هزت راسها بالنفي ودموع: هو ضربني. رنيم: فهد أنا خلصت. فهد شال فيروزة ودخلها الحمام وخرج ورنيم ساعدتها واتصدمت لما شافت جسمها اللي عبارة عن كتلة من الدم.

بعد ما فيروزة خلصت ورنيم ساعدتها تلبس ندهت لفهد وهو شالها ودخلها الأوضة وخرج مع رنيم. بعد ما فيروزة نامت. فهد بتوتر: هي جسمها ماله يا رنيم؟ رنيم بأسف: فهد فيروزة جسمها كله عبارة عن دم. حطلها مرهم بس بجد أنا زعلانة عليها. إزاي قدر يعمل فيها كدة. في نفس المخزن. فهد دخل والمرة دي قاسم مربوط بالحديد. فهد بغضب: إزاي إيدك اتمدت عليها يا حيوان. وقلع حزامه: وغلاوة فيروزة لأوريك. وبقي يضربه بكل قوته كل ما يفتكر فيروزة.

فهد بزعيق: مهاب هات فيروزة. مهاب: حاضر. بعد نص ساعة. فيروزة دخلت واتصدمت لما شافت شكل قاسم. فهد: ارمي عليها يمين الطلاق. قاسم: مش هيحصل. فهد طلع مسدسه وضربة طلقة في رجله: طلقها يا حيوان. وضربة التانية في رجله التانية. قاسم بوجع: أنت طالق يا فيروز. فهد: بالتلاتة يا فيروزة. قاسم: أنت طالق بالتلاتة يا فيروزة.