رواية معشوقي ومنقذي الفصل الثالث 3 - بقلم شهد علي

فيروزة كانت بتعيط واستسلمت له. غمضت عينيها وفجأة محسّتش بلمسة قاسم ليها. فهد: فيروزة قومي يا فيروزة، خلاص. فيروزة فتحت لقيت قاسم واقع على الأرض ومهاب بيحاول يفك فهد بعد ما ضربه على راسه. فهد جري على فيروزة وكان بيهديها وهي بتعيط. فهد بيفتكر لما قاسم كان بيضرب فيروزة وهو داس على زرار الساعة اللي هو لابسها، ودي بتدي لمهاب رسالة خطر ومهاب عرف مكانه. فهد بقى يطبطب عليها: أهدي، محصلش حاجة.

حط إيده على شفايفها وبدأ يمسح الدم وهو مدايق إن قاسم قرب من فيروزة وضربها. فيروزة بعياط: فهد، أنا خايفة. فهد ابتسم بوجع: متخفيش وأنا جنبك. قلع الجاكت بتاعه ولبسه لفيروزة. فهد شاور لمهاب ناحية قاسم وخرج من ورا ومعاه فيروزة. لقي عربيتين، واحدة نزلت منها رنيم. رنيم: هركب مع مهاب. فهد ركب هو وفيروزة وهي ساندة راسها على الإزاز. بعد وقت، فهد وقف بالعربية. فهد: أنزلي يا روز. فيروزة بصت لقيت أنهم قدام الشط.

نزلت وراحت قعدت على الرمل وكانت بتبكي. فيروزة: مش ده قاسم اللي حبيته في يوم من الأيام؟ وبتفتكر: كانت رايحة المكتبة اللي في الجامعة وفجأة شدها ورا الرف وحط إيده على بقها وقال: بحبك يا فيروز، تتجوزيني؟ فيروزة كانت وقتها بتحبه وهزت راسها وهو شال إيده وحضنها. فيروزة: سؤال مهم، ليه بتقولي فيروز؟ قاسم: عشان انتي بتاعتي والكل بيقولك فيروزة أو روز، أنا بقى بقولك فيروز. فاقت من تفكيرها على فهد اللي مد لها "ذرة".

فيروزة ضحكت: لسه فاكر إني بحبها. فهد: أنا أنسى أي حاجة في الدنيا إلا أي حاجة تخصك. فيروزة خدت من الذرة وبدأت تأكل. فهد: فيروزة، أنا لسه بحبك. فيروزة: خليك ابن عمي زي ما إحنا يا فهد. فهد ابتسم بوجع وقال: طب ليه قولتي له بكرهك وبحب فهد؟ فيروزة: عشان يبعد عنك. فهد شدها له: بس أنا بحبك يا روز، من وقت ما اتخلقتي وأنتِ ليا، أنتِ فيروزة الفهد. فيروزة بغضب: فهد، أنا قلت لك مية مرة أنا مش شيء هتملكه، ومتـقوليش الاسم ده تاني.

فهد مسك دراعها وقومها وشدها عند العربية. فهد: اركبي. فيروزة ركبت وهو ساق لمكان مهجور. فيروزة بخوف: فهد، أنت جايبني هنا ليه؟ فهد ببرود: متخفيش يا فيروزة. فهد وقف العربية ونزل. فهد: انزلي يا فيروزة. فيروزة نزلت وهو فتح باب المخزن. قاسم كان مربوط في العمود. فهد: كل اللي عمله فيكي طلعيه فيه يا فيروزة. فيروزة دخلت وفهد قفل الباب وراها. قاسم: إيه يا فيروز؟

فيروزة ضربته كف: بكرهك يا قاسم، وبتمنى لو إني مشفتكش في يوم، أنت واحد حقير، بكره نفسي إني حبيتك. وضربته كف تاني وده عشان كل مرة سقطني فيها يا قاسم. وضربته كف ثالث: طلقني يا قاسم. قاسم كان بيحاول يفك الحبل اللي إيده مربوطة بيه. بعد نص ساعة، فهد فتح الباب ودخل وبرق لما ملقيش قاسم أو فيروزة. عند قاسم: قاسم قاعد في شقة في إسكندرية وفيروزة قاعدة قدامه، مربوطة. كان بيحاول يفك الحبل اللي إيده مربوطة بيه لحد ما عرف.

فيروزة لفت عشان تمشي، مسكها وكتم صوتها. فيروزة: اممم. قاسم وهو بيشدها: أطلقك؟ ده بعينك يا فيروز، يوم ما نبعد يبقى بموتي أو موتك، وطول ما أنا عايش أنتِ ليا. وشدها وخرج. قاسم قرب من فيروزة وهي خايفة وشد اللزقة اللي على بقها. قاسم: متخفيش يا فيروز، أنا بحبك. فيروزة: وأنا بكرهك يا قاسم. قاسم اتعصب ومسك شعرها: بتحبيه هو؟ فيروزة: هو مش أنا، أنا مش زيك، هو بيحب بجد. قاسم مسك رقبتها وقال: أنتِ ليا يا فيروز، فاهمة؟

ولو حكم الأمر هموته. فيروزة: أنت إيه شيطان. قاسم ساب رقبتها وقربها منه. فيروزة بعياط: ابعد عني يا قاسم، أنا مش طايقاك ولا طايقة ريحتك. قاسم ضربها بالقلم وبشر: هوريكي إزاي تـكرهيني ومتبقيش طايقاني يا فيروز، وهـجم عليها.