رواية معشوقي الفصل الرابع 4 - بقلم الصعيدية سلمى محمود

كانت ماشية بدموع وشافت قدامها بصدمة. شافت ولد صغير وقع من الدور الرابع في المول. الدم سايح على الأرض. وقع منها الفستان على الأرض وصرخت. فتون بدموع جريت عليه وقالت: لا. سليم سمع صراخها جري تجاهها. سليم بخوف: فتون. كان بيجري ما بين الطرقات ووصل ليها. فتون كانت حاطة راسها على قلبه وقالت: قلبه بينبض ب... اتفاجأت بأمها قدامها. كانت ماسكة إيد الولد وسابتها بصدمة. الأم: ابني ابني ولدي اسعاف يا ناس إسعاف. بتبص لـ

فتون وقالت بدموع: فتون. سليم جه وحضنها وقال وهو وماسك وشها: أنتِ بخير. رزان: حبيبتي أنتِ بخير، لا حول ولا قوة الا بالله. فتون بدموع كانت بصالها وسليم بص ليها. شافها مش مركزة معاه. جري أخد الولد وشاله وقميص سليم اتوسخ دم. فتون كانت باصة ليها ودمعتها نزلت. الأم جريت ورا سليم. رزان بصراخ: فتون ردي مالك. فتون سابتها وطلعت تجري وراهم. سليم كان شايل الولد وقال: افتح عيونك يا بطل افتحهم.

فتون بدموع كانت بتجري. وصلت عربية الإسعاف وأخدوا الولد وأمه. طاعت جمبه قبل ما يقفلوا الباب. بصت لـ فتون ونزلت راسها. كانت واقفة صوفيا وفريدة ورزان والعم حسن. فتون كانت ماشية ورا عربية الإسعاف وبتبكي. سليم راح وراها وسدها لحضنه وقالت بصراخ: أخويا يا سليم أخويا، وأمي معاه يا سليم أمي. سليم بتفهم باس راسها وقال: اطلعي. طلعها العربية. سليم: روحهم يا عم حسن. العم حسن هز راسه بنعم. طلع سليم ودخل العربية ومشى.

طلعت رزان جنب العم حسن وصوفيا دخلت العربية بـ غل هي وفريدة. (في المستشفى) فتون كانت قاعدة بعيد عن أمها وحاطة إيدها على راسها. سليم كان واقف عند أوضة العمليات. بعد مرور ساعات سليم قعد جمبها وهي وقفت بخوف. فضلت واقفة وتجاهلت امها. الأم قامت من مكانها وقالت بدموع: فتون يا بنتي. فتون بغضب: أنا مش بنتك. لا عمري كنت ولا هكون.

قعدت جمب سليم ومسحت دمعتها. فجأة سمعت صوت حد بيمشي في الطرقات. بترفع راسها شافته. شافت أشرف زوج أمها. فتون بخوف مسكت إيد سليم. سليم بص ليها وبص لـ أشرف. أشرف بدموع: ماله أحمد يا جميلة؟ أحمد ماله؟ جميلة ببكاء حضنته: أحمد في العمليات يا أشرف. وقع في المول. ابني مش بخير. فتون بغضب قالت في نفسها: عديم الشرف. أشرف بخوف قعد وحضن جميلة. سليم بإستغراب: ده أبوكِ؟ فتون بصوت عالي: مش أبويا، زوج أمي. محدش يقدر ياخد مكان أبويا.

سليم: تمام، تمام. اهدي. أشرف: فتون يا جميلة؟ جميلة هزت راسها بنعم. فتون قامت وفضلت تمشي في الطرقات. كانت بتفتكر طفولتها البشعة وكل لمسة من أشرف. دموعها كانت بتنزل. كانت ماشية بضياع. وقفت آخر الطرقة وقعدت في الأرض وضمت رجليها وفضلت تبكي وتهز في راسها وتقول: اللهم لا تكتبه علي ذنب، الهم لا تكتبه علي ذنب. سليم أول ما الدكتور طلع: طمني يا دكتور. الدكتور بتنهيدة: هو بخير اطمنوا. اتجاوز مرحلة الخطر. سليم جه يمشي.

مسكت إيده جميلة وقالت: شكرا يبني. سليم هز راسه بنعم. فتون وقفت ومسحت دموعها وقالت بجمود وهي وباصة في الأرض: عايزة أمشي. سليم: هو بخير متخافيش. فتون مشيت قدامه ودخلت الإسانسير. دخل معاها سليم وطلعوا سوا. دخل سليم العربية ودخلت معاه. سليم كان ماشي في مكان غريب. فتون مسحت دموعها وقالت: على فين ده مش طريق الڤيلا. سليم بهدوء مكنش بيتكلم. وقف عند التلة ونزل فتح باب العربية لـ فتون ونزلت معاه. فتون بدموع

وقفت قدام المرجيحة وقالت: إيه دي؟ سليم مسكها من إيدها وطلع قدام وقال: اطلعي عليها. فتون بخوف: لا. سليم: متخافيش اطلعي عليها. فتون طلعت عليها ومسكت في الحبل. بتبص تحتها شافت المكان عالي وتحتها صخور وبحر. وقالت بخوف: نزلني يا سليم. سليم بجدية بدأ يهز في المرجيحة. وفتون بتطير. فتون خافت وقالت: أنا بخاف من المرتفعات. سليم وقف المرجيحة وقرب من فتون. سند راسه على راسها وقال: اتنفسي. غمضت عينيها واتنفست بقوة. سليم: جاهزة.

فتون هزت راسها بنعم. زقها بقوة وكانت بتبتسم ودموعها بتنزل. فتون فتحت دراعها واتنفست مع الهوا ودموعها نزلت. وقالت: ولو وقعت يا سليم. سليم شدها ليه من تاني وضهرها كان لازق في صدره وقال: احميكِ بإيدي وأسناني يا فتون. نزلت فتون من على المرجيحة وقعدت على الصخرة وبقيت باصة للعالم والشجر والبحر ومسحت دموعها. وقالت: المكان حلو أوي بيطمن، كأنه قطعة من الجنة. سليم قعد جمبيها وكان باصص للمكان وبص ليها: ارتحتي شوية؟

فتون هزت راسها بنعم. سليم: أنا مش عايز أعرف قصتك ولا حياتك لإني مش هستحمل دموعك يا فتون. فتون: من حقك تعرف كل حاجة عني. سليم: لا يا فتون علشان الماضي بيوجع. فتون: الماضي بتاعك خاص بمرات أبوك يا سليم صح؟ خلع الجاكيت بتاعه ولبسهولها وقال: أنا بعت الدواء لجدتك يا فتون متخافيش. واخوكِ هيعيش متخافيش. و... فتون: بتغير حديثنا علشان عقلك ميروحش للماضي من تاني. سليم بغضب: فتون يلا نمشي. فتون

قامت بإلحاح وصرخت فيه: أنا الماضي بتاعي بيوجع أوي يا سليم لإني مغتصبة. سليم بغضب: اقفلي السيرة دي. فتون بصراخ أكتر وكانت عايزة تخليه يحكي وتعرف هو حزين ومخبي كواه ليه: احكيلي عن حياتك. الماضي بتاعك بشع ليه؟ ليه دايما سرحان في الركن المطفي وجواك سواد ليه يا سليم؟ سليم بغضب وهو وبيحط إيده على ودنه: فتون اسكتي. فتون بصراخ: امك المذنبة ولا ابوك خايف تتكلم ليه؟ سليم بصراخ وهو وبيقرب منها شدها لصدره وكانت سامعة نبضات قلبه.

صرخ بقوة: أبويا دبح أمي وقدام عيوني. فتون بخوف بعدت عنه. سليم بغضب: وقتها كنت صغير أوي أنا ورزان كان عندي ١٤ سنة ورزان ٤ سنين. فتون قعدت على الصخرة ومدت إيدها ليه وقعد. سليم وهو وباصصلها بيحاول يبقى ثابت لكن دمعته نزلت. وقال بدموع: وقتها خسرت أمي يا فتون خسرتها للأبد. فتون بدموع كانت باصة ليه وقالت لنفسها: حكايتك أصعب من حكايتي يا سليم، فعلاً اللي يشوف بلاوي الناس تهون عليه بلوته.

وقالت بدموع: وقتها أنت مكنتش المذنب يا سليم. طيب وإيه اللي حصل بعدين؟ حابب تكمل؟ ارمي الحمل اللي جواك عليا وأنا والله هستحمله. سليم بدموع: وقتها أخدتنا مرات أبويا أنا ورزان يا فتون. كان معاها عمران كان عنده ١٨ سنة وأميرة ١٦. أميرة كان عندها دمار في العضلات وكانت معاقة بس قلبها رحيم. كانت حنينة هي وتيتة أم أبويا وتيتة مكانتش بتمشي كانت نايمة على السرير و... سليم بدموع كان حاطط إيده على قلبه ودموعه نزلت.

وقال بصوت مخنوق: ومن هنا رباني العم حسن. كان عايش وحيد بعد وفاة مراته ومعاه ابن اسمه علي في الكلية الحربية. أخده جدته وجده وربوه وكمل تعليمه بعيد عن العم حسن. العم حسن رباني أنا ورزان. اهتم بينا. ولما كبرت بقيت اشتغل صرف عليا. كنت ماشي بدعائه لحد ما بقيت في المنصب ده. فتون بدموع: قد إيه قصتك مؤلمة يا سليم. كل ده كنت شايله في قلبك. سليم مسح دموعه بقوة وقال: معلش عبيت راسك بـ قصتي المؤلمة.

فتون بضعف: وعمك ليه مأهتمش بيك وأخدك؟ سليم بضحك: عمي، عمي ده حتى مسألش علينا يا فتون. لما بتموت الحبايب محدش ليه غالي. لكن أول ما بقيت معايا شركة ومنصب جه يطير علشان فلوسي. هو ومراته وبنته. فتون بضعف: وأبوك يا سليم؟ سليم بغضب: أبويا في السجن. اعتبرته مات من اللحظة اللي قتل فيها أمي. فتون: بس هو مكنش في وعيه يا سليم.

سليم بغضب: برضو هو المذنب. كان بيفضل عياله التانيين عنينا ومراته. أمي كانت مريضة مرض الربو البخاخ. كنت اطلع أبيع مناديل علشان أقدر أوفر الفلوس وأجيبه ليها. ورغم ده كله مكنش عاجب أبويا ال****. فتون بدموع قربت منه وقالت بضعف: إحنا متساويين يا سليم. أنا وأنت واحد. قصتي زيك بس أنا واحدة مغتصبه. شهقت في البُكا وقالت بضعف: مش قادرة أتنفس. مش قادرة. سليم ببكاء حضنها وهي حضنته وفضلت تبكي وهو كان بيبكي زي الطفل.

سليم بدموع قرب منها وباس راسها وسند راسه على راسها. فضلت تتنفس بضعف. فتون مسحت دموعها وقالت: ممكن نمشي؟ وعد مني أفتحلك قلبي وأحكيلك كل حاجة جوايا. سليم: وعد؟ فتون: وعد والله. طلعت معاه العربية ومشيوا. سلمى بغضب هي وبتحضر الملابس: جيجي. جميل: صوتك يا بنتي. سلمى بدموع: أنا مخنوقة. جميل: دي هرمونات حمل أصلًا. سلمى بضحك: بتاكل إيه؟ جميل بضحك: بصل. سلمى: يع. جتك القرف.

جميل بغضب: بت متقوليش على نعمة ربنا قرف. يسخطك قرد وأنتِ واقفة. سلمى بغضب: مش على البصل. أنت اللي مقرف. جميل: يبت هرزعك بوكس. الخبط عضم وشك. سلمى: أهئ أهئ أهئ. جميل: هي كملت يا مولحة. سلمى: مولحة يا بارد يا أبو ابني. جميل: يا صبر أيوب. مشى من قدامها. سلمى بغضب: ولااااا. جميل ضربها بالمخدة في راسها: في واحدة ست بـ بلونة كبيرة تقول لجوزها يا ولاااا. سلمى: آه أنا. جميل بغضب مزيف: بت.

سلمى وهي بتضربه بالمخدة: بت أما تبتك. جميل: اتخمدي يا سلمى ورانا رحلة الصبح. سلمى بإبتسامة: بحبك يا راجلي. جميل: حبيبت قلبي أنتِ سخنة. تعبانة شوية تقلبي جعفر وحبة كمان تبقي مراتي قُرة عيني. سلمى: هتعصب عليك. جميل: نامي يا سلمى نامي. سلمى: عملت طلبات البيت. جميل بإبتسامة: ليه إن شاء الله متزوجة سميحة. سلمى: بلا سميحة بلا مديحة. جميل: غسلت، طبقت، كويت، نضفت، نشرت، حضرت الأكل. وقلد صوت النسوان: حاجة تاني يا ستنا.

سلمى بضحك: ههههههه هولد يبني. جميل بإبتسامة: يدوم الضحكة القمر والله. سلمى بإبتسامة نامت في حضنه وغمضت عينيها. جميل في نفسه: آه منك يا مخلباني وقلبي مش شايف غيرك. عمران بغضب كان قاعد في مكان فخم ولابس سلاسل اللِ من دهب. وقال بغضب: مشيت إزاي من قدامك يا حيوان؟ طيب فلوس سليم هنوصلها إزاي؟ يا باشا سليم السخاوي في كل مكان حواليها. عمران بغضب: والعمل يا حيوان.

واحد من العصابة: تطبّطي على رزان السخاوي يا باشا ولازم تحس بالطبطبة علشان تثق فيك يا باشا. واحد تاني: ولازم كمان تقرب منها وهنا هتديك الأمان واعملها شوية الحنية وإنك مظلوم وكده. عمران بغضب ولع سيجارته وصرخ فيهم: أنا بشمهندس يا حيوانات. وأنا اللِ أخطط وأنتوا كلكم تمشوا على الخريطة.

رن جرس الڤيلا. وقتها صوفيا كانت قاعدة جمب فريدة وكانت رزان طالعة أوضتها وسمعت الباب راحت تجاه الباب علشان تفتح. فتحت وبتتفاجأ بـ ضابط شرطة قدامها لابس الزي العسكري وعينه كتفه تلت نجمات. وماسك شنطته وكان طويل وجسمه رياضي وعينيه زرقاء. وقال بإبتسامة: الفأرة الصغيرة. رزان بصدمة ابتسمت وقالت: علي. ابتسم علي وباس على راسها وقال بإبتسامة: أبويا فين؟ رزان بإبتسامة: تعالي تعالي.

كانت طالعة برا الڤيلا والعم حسن كان نايم في ڤيلا صغيرة جمب ڤيلا سليم. رزان بإبتسامة: عمو حسن عمو حسن. العم حسن بنعاس: أيوا أيوا. رزان بإبتسامة أول ما فتحت الباب صرخت بقوة: هلي جه. العم حسن بصدمة: ولدي. علي بإبتسامة: أبويا وتاج راسي وبؤبؤ عيني اللِ بشوف بيه. العم حسن حضنه بحنان وقال: يا ضابط يا اللِ رافع راسي فوق. علي بإبتسامة: حبيبي يا أبويا. رزان بإبتسامة: اهو سليم جه. سليم بإبتسامة جري تجاهه وقال: علي.

علي بإبتسامة حضنه وقال: سليم. سليم بإبتسامة: نورت بلدك من تاني. علي بإبتسامة: هستقر معاكم هنا خلاص. رزان بإبتسامة: تعالي يا فتون سلمي على علي إبن العم حسن. فتون بإبتسامة: أهلاً وسهلاً. علي: أهلاً بيكي. سليم بإبتسامة: مراتي. علي: بتهزر. سليم بإبتسامة: اه والله. علي: لحقت تتزوج من غيري. سليم بإبتسامة: الظروف. علي بإبتسامة: طيب يلا يا عم بيتك ببتك انام شوية عندي دورية في الصبح.

سليم بإبتسامة: لا حيلك حيلك، أنت لسه جاي طالعين رحلة الصبح شنطة هدومك على كده تسيبها. علي: تمام يا بوب. سليم بإبتسامة: يلا تصبحوا على خير. دخل سليم الڤيلا وطلع مع فتون. دخلت معاه الأوضة وقفل الباب. سليم بتوتر: هغير هدومي. فتون هزت راسها بنعم. أخد شاور وخرج لابس تي شيرت وبنطلون.

فتون دخلت الحمام واخدت شاور وطلعت كانت لافة الفوطة على جسمها وفتحت الباب فتحة صغيرة وطلعت دخلت أوضة الملابس غيرت ملابسها لبست بيجامة ستان وطلعت جففت شعرها وقعدت على السرير. شافته جاب كنبة وحطها في الأوضة وقفل الباب. كانت قاعدة وماسكة التليفون وبتبتسم. سليم بإبتسامة: على فكرة الفستان كان قمر عليك. فتون بخجل وبنبرة صوت عالية: سليم. سليم بإبتسامة قفل اللاب توب وقال: جاهزة. فتون: هحكيلك.

قام علشان يقعد جمبيها. فجأة شاف كشافات ليزر على قزاز الشباك وموجهه على قلب فتون ودماغها وعينيها. سليم بخوف صرخ: فتوووووووون. نط على السرير اخدها في حضنه ووقع في الأرض. ضربوا نار وقتها والقزاز اتكسر. فتون بدموع: اااااااه. في إيه؟ سليم بصراخ: فتون وطي راسك وطي راسك. كان سليم حاصنها في الأرض ومستخبي ورا السرير وقال بغضب: يا ولاد الك*لب. فتون بدموع: تعالي نطلع من هنا. كان بيجر نفسه وكان حاضنها وجرحها نزف.

سليم بخوف: جرحك نزف. فتون بدموع: أنا خايفة أوي. سليم قرب منها أكتر وحضنها وباس راسها. طلعوا من الأوضة. فجأة شاف قدامه رزان ومحطوط على رقبتها سكينة. رزان بخوف: أبيه. سليم بغضب: أبعد عنها. _ودع الحلوة. سليم بصراخ: لاااااا. فجاة سحب السكينة على رقبتها و.