رواية معشوقي الفصل الثالث 3 - بقلم الصعيدية سلمى محمود

فتون بدموع: زوج أمي هو اللي اغتصبني، هو والله أنا ملييش ذنب يا تيته أنا بريئة. الجدة بدموع حضنتها وقالت: آه يا بنتي آه، حسبي الله ونعم الوكيل فيه. فتون: كان يقول دايما ششش، ششش. الجدة بخوف: وسليم عرف؟ فتون هزت راسها برفض: سليم ميعرفش، لكن رزان تعرف. حضنتها وقالت: متقوليش لحد يا بنتي، أستري على نفسك. فتون مسحت دموعها وهزت راسها بنعم وقالت: عاملة إيه دلوقتي يا تيته؟

الجدة: بخير الحمدلله، الدكتور هيعملي العملية كمان أسبوع. فتون بدموع: ونسبة نجاحها إيه؟ الجدة بإبتسامة: ٥٠٪. فتون حضنتها ببكاء: متعمليهاش يا تيته. الجدة أمينة: يا بنتي كل شيء قسمة ونصيب. فتون هزت راسها بنعم. جرى العم حسن تجاه فتون وقال: تعالي معايا أوصلك من الباب الخلفي يا ست أمينة. الجدة قامت وحضنتها وقالت: مع السلامه يا ضنايا. فتون: أشوف وشك بخير يا نن عيني.

مشيت الجدة وفتون كانت ماشية وشعرها نازل على جسمها وكان مغطي ضهرها وعيونها الخضراء الفاتحة كانت شبه الحوريات، كانت بتمشي في الجنينة لحد ما وصلت لسليم. سليم بغضب مسك من بدلته وضرب ضهره في العربية: أنت إيه اللي جابك هنا؟ عُمران بإبتسامة: جاي أبارك لأخويا في زواجه. سليم ضربه بالبوكس وصرخ فيه: أنت لا عمرك كنت أخويا ولا هتكون. رزان بغضب من عمران: أهدى يا سليم. سليم بغضب بعد عنها وقومه من على الأرض.

عمران لما شاف الدم بينزف من شفته ضرب سليم بالبوكس. سليم اتخبط في العربية. فتون بخوف: سليم. سليم قام بغضب مسكه من هدومه وخبط راسه في قزاز العربية. عُمران كان بينزف دم. سليم بصراخ: أيوه الأب واحد، لكن ودمك بيجري في دمي، لكن عمري ما هعتبرك أخويا ليوم الدين. عمران بغضب قام من على الأرض ووشه مكنش باين من الدم صرخ فيه: أنا ليا الحق إني أعيش هنا زيّ زيك يا إبن السخاوي. سليم بغضب طلع

مسدسه وشد الأجزاء وقال: دي فلوسي واملاكي وعرق جبيني، اه أنت الكبير لكن في جحيمي الكبير بيتعفص، يا عُمران أطلع برا الڤيلا. عُمران هو وماسك دماغه: قسمًا بالله هندمك، وأبقى حافظ على السنيورة بتاعتك علشان في يوم هتوقع في جحيمي، هوريها الليل في عز نهارها، سلام يا قمر. فتون بخوف مسكت في إيد سليم. سليم بغضب اتحول لأسد ضرب نار في الهوا وقرب منه وحط المسدس على راسه وقال: الطلقة الجاية في دماغك فاهم. عمران: اضرب لو راجل. سليم

شد الأجزاء وقال بإبتسامة: راجل وسيد سيدك. داس على الزناد. فتون جريت وبعدت إيده. الطلقة جات في الحيطه. فتون هي وباصه ليه لأول مرة تلمس شاب، حطت إيدها على خده اللي فيه شعر منبت خفيف وقالت: متعملهاش يا سليم. سليم بصلها وكانت لازقه فيه، لمس بإيده على خدها بحنية. رزان بغضب راحت فتحت باب الڤيلا وصرخت فيه: اطلع برا خد عربيتك وأمشي يا عمران. عمران طلع عربيته وكان باصص

لصوفيا وابتسم وقال بغضب: راجع تاني يا سليم يا سخاوي، ورجعتي هتوجعك أوي. سليم بغضب كان متجه ليه. فتون مسكت إيده وكانت دموعها بتنزل، كانت ضعيفة، مسكت المسدس، طلعت الرصاصات ورمتهم وادته المسدس فاضي وقالت بدموع هي وباصة ليه: لأول مرة أطمن لحد، أحس أني فعلا مولوده، أحس إن حد بيخاف عليا، أحسن بالنفس اللي بيطلع من جوايا، يا سليم متضيعش نفسك علشان لحظة غضب، لإني محتجاك. سابت إيده ومشيت من قدامه ومسحت دموعها.

دخلت الڤيلا بتعب. رزان قربت منه وقالت وهي بتطبطب على كتفه: فتون بتحبك يا سليم، الطفلة بتاعت الثانوية لسه بتحبك فاكر يا أبيه؟ سليم بتوهان هز راسه بنعم. رزان: أفتح قلبك ليها، حِن عليها شوية، لو لسه فاضل في قلبك ركن فاضي خلي فتون أسيرة فيه، علشان محدش هيقدر يوصلها أو يمسها أو يقدر يوصل لقلبك، روح الشركة وفكر كويس يا أبيه ومتفكرش في الماضي كتير، وفتون هشيلها في عيوني. رزان قربت

منه وقبلت جبينه وقالت: في أمان الله يا أبيه. سليم طلع من الڤيلا وطلع عربيته وكان بيسوق، كان بيفتكر الماضي البشع بتاعه وبيفتكر دموع فتون ونظرتها ليه، فك زراير البدلة ومكنش قادر يتنفس، طلع من العربية ووقع في الأرض على ركبته وأخد نفس عميق، وصل للتلة اللي عليها مرجيحة على حافة التلة وقعد جنبها وقعد يفكر بهدوء وأفتكر فتون وأبتسم واتوجع من جنبه اللي ضربه

فيه عمران وقال بإبتسامة: مش عارف أحبك ولا أكرهك يا فتون، مش قادر ألمسك وجسمك لمسه حد غيري، يا ترى هتحكيلي وتفتحيلي قلبك يا فتون؟ والله ووعد من سليم السخاوي إني هحكيلك كل اللي في قلبي يا فتون. Flash back: رزع الباب بقوة وقال: رزان من بدري بنادي عليكِ مش سمعاني يعني؟ فجأة شافها ابتسمت وفضلت تضحك هي وباصة للتيلفون. سليم قرب منها وخطفه وقال: لما نشوف بتراسلي مين من ورا أبيه. رزان: يا أبيه هاته وانبي هاته.

سليم بيفتح الرسايل وشاف: (أيوه أنا بحبه يا رزان كنت مكسوفة أقولك لإنك أخته، بحبه وبحب شعره اللي نازل على جبينه وبحب عيونه المكحلة، بحب غمازاته برضو وعضلاته وكل حاجة فيه، سُكاته، كلامه كل حاجة) سليم بتعجب: فتون هاه. رزان: هات الفون يا أبيه. سليم قفله وقال: امسكي ياختي خلي أصحابك يحبوا بعيد عني. رزان بصوت عالي لما شافته هيطلع: دي قمر شوفها طيب. سليم هو واقف على الباب: دي عيلة صغيرة قد.

رزان: كمان عندها شعر زي شعر الحصان. سليم:......... رزان: وعيونها خضراء. سليم:......... رزان: وأشطر واحدة في الدفعة. سليم:......... رزان: يوه يا أبيه، بقى. سليم: خلصتي؟ رزان: طب طب... قاطعها وقال: 5 دقايق الاقيكِ في العربية هتأخر على الشركة اخلصي. رزان هزت راسها بنعم ونزلت وراه. دخلت وقعدت جمبه وقالت: فين عم حسن؟ سليم: مشغول، أنا اللي هوصلك النهارده. رزان هزت راسها بنعم وكان سايق سليم ووصل للمدرسة.

وقتها شاف فتون وهي داخلة من الباب ووقفت لما شافت رزان وحضنتها. بتبص لسليم ابتسمت وعيونها لمعت. هو بصلها بطرف عين ومشى. Back ابتسم سليم وقتها: لما نشوف حكايتك إيه معايا يا فتون. قام ودخل عربيته وعدل ملابسه ومسح الدم اللي على شفته وبعد دقائق وصل للشركة نزل بهيبته وكان لابس نضارته. أول ما دخل الشركة لقاها مفهاش حد. سليم: اومال فينهم ده الساعة ٩ دلوقتي؟ فجأة اتفتحت شاشات الشركة وكان عليها صورة فتون وصورة

سليم ومكتوب من تحت الصورة: (زواج رجل الأعمال المشهور سليم السخاوي و فتون) الكل كان بيصقف وكل الموظفين طلعت. _مبروك يا سليم بيه. سليم بإبتسامة مزيفة: الله يبارك فيكِ. الكل باركله وقال في سره بغضب: ياسر الزفت😣. سليم لبس نضارته تاني وطلع على المكتب: اطلع يا ياسر. ياسر بإبتسامة: يعم فكك شوية بعدين انت عريس إيه اللي جايبك الشركة. دخل المكتب سليم وقعد على الكرسي وقال: عريس إيه بس اتنيل. ياسر قعد قدامه: قولي إيه فيه؟

سليم: يعم اتخنقت من البيت والعروسة، المهم عمران ظهر من تاني عايزك تعرف مكانه فيه بيعمل إيه بيروح فين أول بأول. ياسر بص لسليم وقال: تمام، المهم عروستك عاملة إيه؟ سليم بغضب: أفندم🤨؟ ياسر: مرات أخويا عاملة إيه؟ هتبلعني وترمي عضمي. سليم: يعم بخير، تقدر تتفضل من غير مطرود. ياسر: وه يا صاحبي. سليم بصله وياسر قام لوحده قبل ما يخرج. سليم بصوت عالي: أيوه صح جيجي فين؟

ياسر بضحك: جميل تلاقيه متمرقع في البيت، نضف يا بيبي والحمل تاعبني يا بيبي، أه بطني، أه جمبتي، أه رجلي، على رأي المثل ياللي فاكر الزاج هشك بشك بكره تتزوج وتلطم على وشك. سليم بضحك: اطلع يبني الـ **** اطلع. ياسر: المهم هنسهر النهارده ملييش دعوة. سليم بإبتسامة: لا يا عم أنا عريس جديد. ياسر: وانبي اتنيل تلاقيك ما لمستها. سليم بجمود: روح اكتب استقالتك يا ياسر يلا مش عايز أشوف وشك هنا في الشركة.

ياسر: يعم محدش يهزر معاك الله. طلع ياسر من الأوضة وسليم أبتسم لما افتكر فتون. ................................... _جيجي كان لابس المريولة وبيغسل المواعين وحاط منديل على راسه. جميل: نعم يا سلمى. سلمى: اكنس المطبخ وانبي يا قلبي. جميل: حاضر يا ست الكل، قولي بس حاسة بحاجة يعني. سلمى: والله يا جيجي بما إني في الشهر التاسع تستحملني، ملييش حد غيرك، آسفة. جميل

هو بإبتسامة قبلها وقال: يبنتي أنا مستنية بفارغ الصبر، وأهم حاجة صحتك أنتِ الأول، مش أنتِ حبيبة جيجي جلاجيلو جلاجل. سلمى بضحك: هههههه هولد يا جيجي. جميل بإبتسامة: تعرف إني ضحكتك قمر وأنتِ ملهياني عن نشير الغسيل. سلمى: هتنشر الغسيل؟ جميل: هو عيب ولا حرام؟ سلمى: يا حبيبي ما تجيب خدامة طيب. جميل بزعيق: لا يا سلمى مش هجيب علشان بسبب الأولى خسرنا الطفل. سلمى: خلاص متكش كده. Flash back: (قبل سنتين) سلمى بإبتسامة

لما شافت الخدامة بتمسح: شكرا يا روحي. _العفو يا ست سلمى، أخبار حملك إيه؟ سلمى: أهو الحمدلله بخير، لسه في الشهر السابع. _ربنا يقومك بالسلامة يارب. سلمى: تسلمي يارب. الخدامة مشيت على المطبخ وللأسف الجردل كان فيه صابون غسيل، كان بينقط في الصالة. تن تن تن. سلمى بإبتسامة: تلاقيه جيجي. قامت تفتح حضنته بإبتسامة وقالت: جيجي. جميل بإبتسامة: خدي دول يا مراتي. بتبص شافت ورد كتير ودخلت وقالت: حبيب قلبي اطلع غير عبا...

من قبل ما تكمل رجلها اتكعبلت في صابون الغسيل وقعت على بطنها. صرخت بقوة: ااااه جيجي 😭. جميل طلع يجري وقال بدمع: سلمى، سلمى. سلمى ببكاء: بنتي يا جميل بنتي، لا لا لا. جميل اتصدم لما شافها بتنزف دم وهدومها اتوسخت. شالها بدموع وطلع يجري برا الڤيلا. وأول ما وصل كانت سلمى خسرت البنت وعملت عملية إجهاض. Back جميل بإبتسامة: سيبي جيجي في حاله وراه بلاوي. رن سليم وقتها وفتح وقال: اخويا العريس.

سليم: عريس وحياة مريولة الغسيل يا تتنيل يا جيجي. جميل: يعم بكرة مراتك تبقى حامل وأنت تعرف مسؤليتك كأب من قبل ما يتولد. سليم بإبتسامة هو بيفكر في فتون: إيه يا عم مش جاي الشركة؟ جيحي: مراتي في الشهر الأخير ويا عالم هتولد أمتى يا سليم مقدرش أسيبها. سلمى بصوت عالي: قوله يا سليم يطلع من البيت مهلوك هنا، جيجي هات اباركله. جميل اداها التيلفون: الو يا سليم. سليم: سلمى طمنيني عليكِ عامله إيه، إبن الخنزير تاعبك؟

سلمى بضحك: ياه سليم ياه ده أنا مستنية أشوف قدامي. سليم بإبتسامة: ربنا يقومك بالسلامة يارب يا سلمى. سلمى بإبتسامة: اللهم آمين يارب، مبروك صح يا عم أخبارك مالية الشاشات والبنت قمر، هي كان اسمها إيه؟ سليم بإبتسامة: فتون. سلمى بإبتسامة: ربنا يسعدكم يارب يا سليم. جيجي خطف منها الفون وقال بإبتسامة: إيه يا عم هتصاحب مراتي. سليم: دي أختي يا خنزير وبع... ياسر خطف

الفون من إيده وصرخ فيه: فين يا بتاع الغسل يا زوج الست، يا صخرة المريولة. جيجي بضحك: اسطوانة كل يوم. ياسر بغضب: يعم الشغل على راس اللي خلفوا خلفوا أهلي مش فاضي لحياتي الشخصية يبو. سليم: قصدك مش فاضي لشغل الستات والسهر في البار. ياسر: توبت يا سليم، اسمع يا جيجي تيجي بكرة. سليم بإبتسامة: لا يا جيجي خليك مع سلمى المريولة أفضل. جيجي: يعم اسكت. سليم: يعم اسمع مني بكرة تحضر هدومك أنت وسلمى خارجين للجزيرة.

جيجي بإبتسامة: هتاخد معاك فتون. سليم بتفكير: اه طبعًا هي ورزان كلنا فاهم. جيجي بإبتسامة: تمام يلا تشاو. سليم بإبتسامة قفل معاه وبص لياسر: جهز نفسك أنت كمان. ياسر هز راسه بنعم. فجأة رن تيلفون سليم وكان رزان: الو. فجأة سمع صوت فتون وقالت: أنا فتون يا أبيه. سليم بصدمه: أبيه؟ فتون بتلعثم: أنا كنت عايزك في حاجة. سليم: قولي سليم مش أبيه، أنتِ مراتي يا فتون. فتون هزت راسها بنعم وقالت: ممكن أطلع أنا ورزان نخرج. سليم: لا.

فتون: فضلًا يا أبيه قصدي يا سليم. سليم: تاخدي معاكم العم حسين. فتون: ممكن أطلب منك طلب كمان؟ سليم بإبتسامة: اطلبي. فتون: أخد منك دين سلف أجيب العلاج لجدتي وأجبلها كم حاجة والله وهسددهملك. سليم: فلوسي هي فلوسك يا فتون، أنتِ مراتي وأنا ملزم أهتم بيكِ يا فتون. فتون:......... سليم: فتون رحتي فين؟ فتون بدمع: شكرًا يا سليم. سليم بإبتسامة: الشكر لله يا فتون، آه وصحيح افتحي الدولاب بتاعنا عندك. فتون: ليه؟ سليم: افتحيه.

فتون قامت من على السرير وفتحت الدولاب شافت علبة تيلفون وعليها كارت فيزا. فتون بصدمه: سليم. سليم: التيلفون ده ليكي مسجل عليه رقمي والفيزا من حقك، هاتي كل حاجة عايزاها لإن زوجة سليم السخاوي مش لازم تحتاج حاجة بالطلب. فتون ولأول مرة تبتسم وقالت: في أمان الله. سليم: ممكن تديني رزان؟ فتون اخدت التيلفون. سليم: رزان خلي بالك من نفسك ومنها وعم حسن لازم يكون معاكم فاهمه. رزان: متقلقش زوجتك في عيني يا أبيه، مش بقولك هتحبها.

سليم: أول ما توصلي ابعتي رسالة وأنا جاي ليكم. رزان: تمام يا أبيه. سليم قفل وفضل قاعد على المكتب وسند راسه على الكرسي وأبتسم وقال: شكلك وقعت يا إبن السخاوي، أوعدك هعوضك عن كل حاجة يا فتون وأعرف مين اللي عمل فيكِ كده وأحكيلك قصتي يا فتون. ......................... كانوا ماشيين في الشوارع بإبتسامة وفتون كانت باصة للشمس وبتبتسم، تجاهلوا صوفيا وفريدة مرات عمها اللي كانوا ماشيين جنبيهم.

صوفيا: الا قوليلي يا فتون أنتِ عندك ١٨ سنة قد رزان على ما أظن، سليم اتزوجك ليه رغم إنك أصغر منه بكتير أوي أوي ومش من طرازه، أكنك بنته. رزان بغضب كانت هتتكلم، فتون مسكت إيدها ووقفت قدامها وقالت قدام الكل حتى العم حسن: كل قلب وليه قفله يا جميلة وأنا فتحت القلب ده ودخلته، أنا بحب سليم وجدًا وهو بيحبني، هنعمل إيه غير الزواج، مش مهم إن كان السن فارق، المهم تجمع القلوب الطاهرة، القلوب النضيفة هي اللي بتجتمع في الحلال.

رزان بضحك مسكتها من إيدها وقالت: قوية. فتون ابتسمت ومشيت قدامهم ومشى معاهم العم حسن. صوفيا بدموع: هخنقها، أوعي كده. فريدة شدتها: يبنتي الصبر اصبري علشان نقدر نوصل للفلوس. صوفيا بغضب بصت ليهم ومشيت وراهم. رزان أول ما دخلت المول بعتت رسالة لسليم. قام من مكانه ومشى بعربيته وكان رايح تجاه المول. فتون أول ما دخلت عينيها وقعت على فستان أحمر كله تل مفتوح عند الصدر وعاري في الضهر وطويل للأرض وعلى الجنب فيه فتحة تبين رجلها.

رزان بإبتسامة: عجبك؟ فتون: تؤتؤ، وبعدين ده مفتوح أوي وعاري أوي أوي، ممكن سليم يزعق؟ رزان بإبتسامة سحبته وقالت: لا يبنتي وبعدين جربيه جميل أوي. فتون بصدمه: هنا؟ رزان بإلحاح: يلا يلا وانبي. فتون: وسليم هيتضايق؟ رزان: جربيه بقولك يلا. فتون: أوف منك. رزان ابتسمت ودخلت فتون البروفة. رزان بإبتسامة بصت للبروفة شافتها رقم 5. رزان كانت بتراسل سليم: وصلت يا سليم. سليم: وصلت يا رزان أنتوا فين؟

رزان: أنا وفتون في قسم الملابس النسائية بروڤة رقم 5 تعالى. سليم: تمام. رزان بإبتسامة: هخليك تحبها يا إبن أبويا. مشيت من قدام البروفة وسليم وصل هناك: فينك يا رزان؟ فتون من ورا الباب: رزان سحاب الفستان علق. سليم كان سامع الصوت وضحك وقال: اوعى يوزك شيطانك المغرور يا سليم. فتون: رزان. سليم وقف قدام البروفة وفتون فتحت الباب: رزان فينك سحاب الـ...

فجأة اتفاجأت بـِ سليم كان واقف قدامها وأنبهر من جمالها بالفستان الأحمر، بص ليها بتفحص من فوق لتحت وكان باصص تحديدًا لجمالها وملامح وشها. فتون بصدمه: سليم 😳. .......................... _يا بيه البنت من شوية دخلت المول بس مش لوحدها معاها أخت سليم السخاوي ومرات عمه وبنت عمه والبواب ولسه من شوية داخل سليم السخاوي. _المول كبير تجيبهالي إنهارده. _يا بيه بس سليم السخاوي جوه و....

قاطعه بصراخ عمران: هاتهالي النهارده تكون في المستودع بتاعي. _حاضر يا بيه. عمران قفل بإبتسامة وقال: والله يا إبن أبويا هندمك على اللي عملته فيا النهارده والموزة بتاعتك هتوقع في جحيمي بما إنك ملمستهاش، ألمسها أنا وأشبع بيها قبلك. وكمل بسخرية: يا أبيه. ........................... فتون بخوف: س.س.س سليم. سليم دخل البروفة وقفل. فتون بخجل حطت إيدها على فتحة الفستان اللي عند صدرها. قرب منها وحط إيده على الحيطة وقال

بإبتسامة حتى بانت غمازته: جميل. فتون بتلعثم: إيه اللي جميل؟ سليم حط إيده على خصرها وسدها ليه. فتون بخوف غمضت عينيها وقال: الفستان. فتون بخجل: إحنا في المول يا أبيه. سليم بإبتسامة: سليم مش أبيه. فتون بعدت عنه وقالت: سليم ممكن تطلع هغير الفستان. سليم: غيريه قدامي مش أنا زوجك برضو. فتون بخجل: يعني. سليم: مش هطلع. الناس كلها اتلمت وكانت بتسمع حوارهم وقالت واحدة منهم: إزاي راجل مع واحدة ست في بروفة. _أنا أعرف مجتمع فاضي.

فتون: سليم يعني أغير قدامك. سليم هز راسه بنعم. فتون بغضب: تمام. فضلت تفك رباط الفستان وكان باصصلها بإبتسامة. فتون بغضب: سليم فضلًا ياه. سليم بإبتسامة باسها من خدها وقال: طالع. فجأة بيفتح الباب شاف الناس قدامه وخبطه من تاني وقال: البسي. فتون: في إيه؟ سليم بضحك: الناس اتجمعت حوالين البروفة. فتون بغضب: وكمان بتضحك. سليم لف ناحية الباب وغمض عينيه وقال: يلا غيري يا فتون. فتون لما شافته باصص تجاه الباب خلعت الفستان

ولبست ملابسها وقالت: يلا غيرت. سليم فتح عينيه وبص ليها ومسك إيدها وحط نضارته ومسكها وطلع. كان ماسك إيدها بإبتسامة وفتون لأول مرة تبتسم ليه. الناس كانت بتهمس باسم سليم السخاوي بتعجب. رزان ابتسمت وقالت: الخطة نجحت. صوفيا كانت بتشتري هي وفريدة بعيد عنهم. مشيت معاهم وسليم بص لرزان وقال بهمس: حسابك في البيت. رزان بغمز: ده أنت تشكرني يا أبيه. سليم بجمود: محتاجة حاجة تاني يا فتون؟

رزان بصوت عالي: يعم هي مأخدتش حاجة غير الفستان الأحمر تعالى نجيب حاجات ليها. سليم: محتاجة إيه يا فتو.... بيبص ملقيهاش. سليم بخوف: فتون. رزان بخوف: كانت هنا دلوقتي جنبي وجنبك. سليم كان بيلف حوالين نفسه في المول وقال بخوف: فتون فين؟ وصرخ علشان تسمعه: فتون. فجأة كانت ماشية بدموع وشافت قدامها بصدمه.... ووقع منها الفستان على الأرض وصرخت.