رواية مالك الجميلة الفصل الحادي عشر 11 - بقلم مريم حجاج مصطفي

جميلة بعياط: أنا سليمة. وبصت لمالك اللي بيبصلها بابتسامة. مالك بحب: طب بتعيطي ليه؟ جميلة بعياط: أنا مش فاهمة إزاي؟ وأنا لما صحيت كنت... مالك: كذب علينا كلنا، هو مقدرش يقرب منك، قالي إنه مقدرش ياذيكي، بس حب يوجعك، فعشان كده قطع هدومك. جميلة: والدم؟ مالك: قال إنه لما إنتي لما ضربتي الشاب بالعصاية على راسه، راسه اتجرحت وقتها، وهو جاب قماشة ومسح من الدم ده على هدومك وعلى السرير. جميلة: إنت عرفت إمتى؟

مالك: من وقت ما كنتي في الغيبوبة. جميلة كانت لسه هتتكلم، شَدّها وباسها، وهي مستسلمة ليه لحد ما بعد عنها وهي بدأت تاخد نفسها. مالك سند جبينه على جبينها وهمس: أنا مالك. جميلة: الجميلة؟ مالك: أقصد إنك أخيراً بقيتي ليا يا جميلة. جميلة حضنته بقوة ومالك مبتسم. بعد أربع سنين. همس خلفت عمر وهي حامل دلوقتي في بنت. همس بضيق: مش هاكل، وروح شوف السكرتيرة بتاعتك اللي كنت قاعد معاها.

زياد: يا حبيبتي، واللهي كانت بتقولي على مواعيد الشغل. همس: مشيها وهات راجل. زياد: حاضر، ممكن تهدي بقى. جميلة قامت وقفت وهي حاسة بتعب، وفجأة وقعت، وزياد لحقها. هو وهمس. زياد اتصل بمالك وقال: جميلة تعبانة يا مالك، وقعت مرة واحدة. مالك وهو بياخد مفاتيحه: أنا جاي. في البيت. مالك وصل وقال: فيه إيه وجميلة فين؟ زياد: في الأوضة فوق. مالك طلع بسرعة. وهمس قالت: بيحبها قوي. فوق. جميلة: فهمتوا؟ عمر اللي عنده أربع سنين: فهمت.

فيروزة: بقي عندها ٩ سنين. فيروزة: شكله بابا جه. جميلة هزت راسها ومالك دخل وقرب منها بخوف وحضنها وقال: حصلك إيه؟ إنت كويسة؟ لا، إحنا نروح المستشفى نطمن. جميلة لفيروزة: روحي أوضتك دلوقتي يا مامي وخدي زياد. فيروزة خرجت مع زياد. جميلة قامت وقفت وقالت: غمض عيونك. مالك: جميلة مش وقت هزار، أنا خايف عليكي. جميلة: عشان خاطري. مالك غمض عيونه وجميلة جابت بوكس صغير وقالت: افتح. مالك بص لها وقال: إيه ده؟ جميلة بابتسامة: افتح.

مالك أخدها وفتحها ولقى جز*مة صغيرة. مالك بص لجميلة وقال بغباء: وأنا هعمل بيها إيه الجز*مة الصغيرة ديه؟ جميلة بكسوف: مش ممكن تعوزها لحد؟ مالك سكت شوية وقال: اديها لأختك. جميلة بزعل: ركز يا مالك، أنا كنت تعبانة. وجز*مة صغيرة... ومالك فجأة برق وهز راسه وقال: متقوليش. جميلة ابتسمت وهو قال: إنتي حامل. جميلة هزت راسها وهو حضنها ورفعها عن الأرض وهي حضناه وبتضحك. مالك نزلها وباسها بحب وبعد عنها وهي دموعها نزلت.

وقالت: إنت عارف يا مالك، لما قعدنا طول الأربع سنين دول ومخلفناش، حسيت إني ماديتلكش أي حاجة تستاهلها بجد. مالك حاوط وشها بإيديه وقال بحب: بالعكس يا جميلة، إنتي من يوم ما دخلتي حياتي وأنا بقيت أسعد واحد في الدنيا ديه، وحتى لو مكنتيش حامل أنا مبسوط بوجودك إنت في حياتي، إنتي وفيروزة أحلى حاجة في حياتي. جميلة حضنته وقالت بعياط: أنا بحبك قوي. مالك: ما تيجي. جميلة بكسوف: ما تتلم بقى.

مالك ضحك وقال وهو بيشيلها: بحب كسوفك قوي. بعد ٩ شهور. همس كانت واقفة وشايلة بنتها وزياد جنبها وفيروزة بتعيط وهي سامعة صريخ جميلة. مالك: يارب خليهالي. يارب. عمر لزياد: بابا، هي مرات عمو مالك بتجيب العروسة بتاعتي؟ زياد ضحك وقال: اسكت، لو مالك سمعك هيعلقك. بعد وقت خرجت الممرضة ببطانيتين. مالك بخوف: جميلة عاملة إيه؟ الممرضة: متقلقش، هي كويسة، هي بس الولادة الطبيعي كانت صعبة عليها. مالك بص للطفلين.

والممرضة قالت: ديه بنوتة. مالك شالها وابتسم. وزياد أخد الولد شاله. وفجأة خرجت جميلة على السرير ومالك قرب منها وهي نايمة بتعب. بعد ساعة. جميلة وهي بتحضن الولد: الاتنين أحلى من بعض. مالك بحب: قولي ما شاء الله. جميلة لمالك: مالك؟ مالك: إيه يا حبيبتي؟ جميلة بابتسامة: سميها نور. مالك: أنا كنت عايز بس... خوفت تزعلي عشان اسم ماما فيروزة الله يرحمها. جميلة مسكت إيده وقالت: مفيهاش حاجة يا مالك. مالك باس إيدها.

وعمر قرب من مالك وقال: عمو مالك. مالك: إيه يا عمر. عمر: عايز أشوفها وأشيلها. مالك نزل لمستواه وقال: مينفعش، لأنك صغير. عمر مد إيده ولمس خد نور. وفجأة هي حركت إيديها وهي مسكت صباعه. عمر: مسكت صباعي ومش عايزة تسيبني. جميلة ضحكت وقالت: والولد؟ نديم. بعد أسبوع. جميلة كانت واقفة وبتضبط فستانها الفضي لحد ما فجأة دخل من البلكونة. وقرب منها بسرعة وكتم نفسها وحط السك*ينة على رقبتها. حازم: كنتوا مفكرين إيه؟ إن مش هخرج؟

هسيبكم تتهنوا بعد ما قضيت خمس سنين من عمري في مستشفى المجانين. وضغط على السك*ينة جرحها وهي بتعيط. جميلة كانت بتحاول تبعده وفجأة بص لولادها اللي على السرير وقال: أموتهم. جميلة بدأت تضربه بإيديها بس هو كان أقوى منها، شدها للكرسي وشد الشال اللي على كتفها ور*بط إيديها وهي بتحاول تصر*خ بس هو كان حاطط لا*زق على بوقها.

حازم قفل الباب بالمفتاح وقرب من الأولاد اللي بيعيطوا وجميلة بتعيط وبتصر*خ بس صوتها مكتوم وكانت بتشد إيديها. حازم شد المخ*دة وقرب من الولد وحطها عليها وجميلة بقت تصر*خ أكتر ودموعها نازلة لحد ما مالك خبط على الباب وقال: خلصتي يا جميلة؟ جميلة بدأت تحاول تعلي صوتها وحازم شال المخ*دة من على الولد اللي بيعيط. فتح، كسر الباب وجميلة بتشاور بعيونها وراه. مالك لف بس صرخ بألم لما حازم ضربه بالسك*ينة.

جميلة هنا هزت نفسها جامد ووقعت بالكرسي وهي بتعيط وبتصر*خ باسم مالك. حازم شد السك*ينة وضرب مالك مرة تانية وشده. مالك وقع على الأرض وجميلة بتعيط وحازم بص لجميلة وقال: إيه رأيك أموتها قدامك؟ مالك بص لجميلة ب*وجع ونديم ونور بيعيطوا. ومالك بدأ يغمض عيونه باستسلام و،…………