رواية مالك القدر الفصل العاشر 10 - بقلم علياء عبدالله

تاني يوم قدر صحيت ونزلت تحت لقت الكل متجمع. قدر: صباح الخير. شهد وأمل ومحمد ومحمود والرئيس وعصام وسعاد: صباح النور. سعاد: حماتك بتحبك تعالي افطري. قدر: امال فين مالك؟ شهد بغمزة: بتسالي عليه ليه؟ قدر: هااا ولا حاجة. مالك: أنا جيت. أمل: يارتنا كنا جبنا سيرة ربع جنيه. مالك: بس ي ام لسانين. سعاد: اقعد افطر يا حبيبي. مالك: لا أنا عندي شغل. الجد: أنا مش عارف لامتى هتفضل تشتغل في الورشة دي. قدر: ورشة!

مالك: آه ورشة مستغربة ليه... وسابهم ومشي. محمود: سيبه يا جدي هو كدا مرتاح ومريحنا. قدر: محدش مرتاح بحاله ده غيرك. محمود: أبدًا والله. قدر: انت لو مش مرتاح هتحاول تخليه يبقى معاكم مش بعيد عنكم. محمود بصوت عالي: حاولت كتير والله هو مش حابب. قدر: حاولت بعد إيه بعد ما اتعود خلاص على حياته هناك وإنه بعيد عنكم. محمود: والله محدش قاله يبعد. قدر: اللي حصل كفيل يخليه بعيد. محمود: اللي حصل أنا ماليش ذنب فيه...

ياقدر افهمي أنا مش قتلتها ولا أعرف مين عمل كده أصلاً. قدر: محاولتش تقوله كده ليه؟ محمود: لأنه محاولش يسمعني. قدر: مانت لو أصرت إنه يسمعك كان سمعك من زمان وماكنش أي حاجة من دي هتحصل. شهد: استهدوا بالله يا جماعة. الكل: لا إله إلا الله. أمل: إن شاء الله كل حاجة هتتصلح. قدر: إن شاء الله.. أنا هخرج للجنينة شوية... سندت على عكاز وخرجت. شوية وخرج محمود وراها. محمود: آسف عشان كلمتك بالطريقة دي جوه. قدر: عادي.

محمود: فكرتي في اللي قولته؟ قدر: إنه... محمود: ...... قدر: اااههه موضوع الحب وكده... محمود: أيوا. قدر: بص أنا مرتبطة أصلاً. محمود: نعم؟ بس انتي قولتي عكس كده. قدر: لا ما أنا بحبه بس هو لسه مش عارف. محمود بشك: مين ده؟ قدر: واحد كده... اسمه هيثم. محمود: هيثم مين؟ قدر: زميل الدراسة. محمود: اااةةة طيب. قدر: بص دور حواليك هتلاقي اللي بتحبك واللي انت أكيد هتحبها بس دور كويس.... وعفكرة هي قريبة جدا... وسابته ومشيت.

عند أمل... أمل: أنا همشي بقا. محمد: استني هوصلك. أمل: لا أنا عارفة طريقي. محمد: أنا قولت استني. أمل: انت بتزعقلي. محمد: لا مش أقصد. أمل سابته ومشيت. محمد: استني يا أمل ما إحنا رايحين نفس المكان يا غبية. أمل: طيب. ومشوا سوا. في العربية... أمل: استني هنزل أجيب ميه. محمد: خليكي أنا هجيب. أمل: ابقي هات شوكولاتة وعصير بالمرة. محمد: حاضر... ونزل.

أمل شافت الفون بتاعه طبعًا فضولها خلاها تمسكه وتفتحه وتيراراراراراااا لقت صورتها خلفية الفون. أمل وشها احمر: هو حاطط صورتي خلفية ليه.. معقول يكون.... ومسكت الفون بتاعها ورنت عليه لقته مسجلها «حبيبتي♥». أمل: حبيبتي؟ محمد: آه حبيبتي.. أي ممنوع أحبك مثلاً. أمل: بتحبني؟ محمد: آه بحبك. أمل: ....... محمد: وعارف إنك بتحبيني... أو حتى لو مش بتحباني فإنتي ليا غصب أو لا فاهمة. أمل هزت راسها بمعني آه.

محمد: شاطرة حددي بقا معاد مع أهلك عشان أتقدم. أمل وشها احمر جامد وغمضت عنيها ونزلت بسرعة من العربية. وقفت تاكسي وروحت. محمد: هبلة... والله بحب هبلة. عند قدر... قدر: متيجي ي شهد بدل ما إنتي قاعدة كده تشرحيلي شوية حاجات. شهد: حاجات إيه؟ قدر: إحياء. شهد: تعالي. قعدوا يذاكروا كتير. شهد: ينهارى أنا اتأخرت جامد. على الشغل محمود هيموتني... وسابتها وطلعت تجري. راحت الشركة بس وقافها إسلام. إسلام: شهد ازيك؟

شهد: كويسة ي إسلام وانت؟ إسلام: كويس... بقولك فاضية النهاردة؟ شهد بابتسامة: أيوا في حاجة. إسلام: كنت عاوز اتغدى معاكي لو ينفع. شهد: أكيد طبعًا. وسابته ومشيت. طلعت مكتبها وشوية صغيرة ودخل محمود عليها. شهد بخضة: فيه باب تخبط عليه. محمود: كان بيقولك إيه؟ شهد: مين ده؟ محمود: ليه اسمه إسلام؟ شهد: اااهه كان بيعزمني على الغدا. محمود: وإنتي وافقتي؟ شهد: ومش أوافق ليه يعني؟ محمود: إنتي انهبلتي. شهد: نعم؟ انهبلت ليه؟

محمود: هااا.... وسابها وخرج: طب وأنا مالي متخرج ولا يولعوا.