رواية مالك القدر الفصل العشرون 20 - بقلم علياء عبدالله

تاني يوم الصبح. قدر: صباح الخير يا دادة. سعاد: صباح النور. قدر: فين محمد؟ سعاد: في اوضته. قدر راحت لأوضة محمد وخبطت على الباب. محمد بنعاس: عايزة إيه بدري كده؟ قدر: يلا بسرعة. محمد: على فين؟ قدر: هنروح نشوف دليل على براءة مالك. محمد: بجد... طب استنى أغير هدومي. قدر: هستناك بره... حاول تيجي بسرعة. بعد نص ساعة خرجوا الاتنين. في القصر. مالك: قدر لسه نايمة؟ سعاد: خرجت مع محمد بدري. مالك: راحوا فين؟ سعاد: معرفش والله.

مالك: طيب تمام. عند محمد وقدر. محمد: بقولك إيه، أي تصرف كده ولا كده هنسي أي حاجة بينا وهديك علقة. قدر: ششش عرفت حاضر. دخلوا المستشفى وبعدين أوضة المراقبة. قدر: لو سمحت كل التسجيلات موجودة. الحارس: تسجيل إيه بالظبط؟ قدر: بص أنا عايزة أعرف التسجيلات من امتى. الحارس: من أول ما الكاميرات اتركبت، كله موجود. قدر بفرحة: حلو أوي، أنا بقى عايزة فيديو اتسجل في 2014 هلاقيه؟ الحارس: أكيد موجود في المخزن.

محمد: طيب عايزين نروح المخزن. الحارس أداهم. الحارس: في الصناديق دي هنلاقي أكيد. قدر بصدمة: إيه كل ده؟ الحارس: مكتوب على كل صندوق السنة وفيه جواه صناديق صغيرة مكتوب عليها الشهر. قدر: حلو أوي. محمد: طيب إحنا عايزين شهر تلاته 2014. الحارس: تحت أمرك. جاب صندوق كبير وفتحه وخرج منه صندوق صغير. الحارس: اتفضلوا. محمد: م الشغلانة سهلة أهي. قدر: أومال إنتوا اللي أغبية زيادة. محمد: تسلمي. قدر: هات بقى الفيديوهات دي.

شغلوها بس مش لقوا الفيديو. قدر: استنى مش ده محمود. محمد: تصدقي هو. قدر: مين ده بقى اللي معاه؟ محمد: كبر كده الصورة... ده آدم. قدر: آدم مين؟ محمد: دكتور هنا. قدر: طب خلينا نروح نشوفه. راحوا يشوفوه بس لقوا إنه ساب الشغل بعد العملية بشهر. قدر: طيب ممكن عنوان بيته؟ الممرضة: اتفضلي بس أنا مش متأكدة إنه هو ولا لأ. قدر: شكراً. وركبوا العربية وراحوا على العنوان، فضلوا ساعة في الطريق. عند مالك. مالك: كل ده ولسه مجوش.

أمل: تفتكروا راحوا فين؟ شهد: معرفش، رن عليه. أمل رنت عليه. أمل: الو يا بشمهندس محمد فينكم؟ محمد: صباح الخير يا حبيبتي. أمل: حبك برص، إنت فين؟ محمد: مع قدر في مشوار صغير كده، لما أجي هحكيلك. امل: أيوا فين يعني؟ قدر خدت الفون منه. قدر: مش قالك لما أجي هحكيلك، بطلي لغ ده. أمل: طيب يا سيدي. محمد: وصلنا. خبطوا على الباب شوية وفتح. محمد: الدكتور آدم موجود. ... : آدم... لأ ده نقل من سنة. قدر بصدمة: يلهوي...

طب مش عارف راح فين؟ ... : أيوا عارف طبعاً، ده زميلي وصديقي. محمد: طيب ممكن تقولنا على العنوان. ... : أفضل أوصلكم بنفسي. وركبوا كلهم العربية وراحوا على العنوان. ... : آدم. ادم: سعيد اتفضل. سعيد: دول كانوا بيسألوا عنك. ادم: محمد... وحشني يا راجل. محمد: أخبارك إيه؟ ادم: كويس، تعال اتفضل. محمد: متشكر. ادم: مين دي؟ قدر: أنا قدر قريبتهم... كنت عايزة أسألك عن موضوع كده. ادم: موضوع إيه؟

محمد: بص يا صاحبي، أنت عارف إن سمر الله يرحمها كانت حبيبة مالك. ادم بتوتر واضح: آآآ... أيوااا. مالك: اهدي كده براحة، عايزين نعرف مين طلب منك تعمل العملية. ادم: مش أنا اللي عملتها. قدر: إنت بتكذب، إحنا شوفناك وإنت خارج من أوضة العمليات والزمن اللي دخل فيه محمود الأوضة وخرج كان وقت قليل جداً، مستحيل يلحق يعمل عملية في ساعات، في خمس أو عشر دقايق. ادم: أيوا أنا اللي عملتها. محمد بعصبية: ليه؟

وإنت لسه متدرب تنتحل شخصية مالك وتدخل مكانه؟ ادم: واحد هددني إني لازم أعمل كده وإلا هيقتل عيلتي... أنا آسف. قدر بعصبية: آسففف، آسف على إيه؟ بسببك سمر ماتت وبسببك مالك ومحمود فضلوا في خلاف طويل أكتر من خمسين سنة، حرام عليك. ادم بدموع: كنت خايف ليقتلني. محمد: مين ده؟ ادم: ...