رواية مالك القدر الفصل التاسع عشر 19 - بقلم علياء عبدالله

قدر: انت لي عملت كدا. مالك: انتي مش شايفة دي عاملة ازاي. قدر: مش هيا تعبانة، اكيد محتاجة حد معاها. مالك: لا يا اختي، لو فضلت معاها هتتلسعي زيها. وان كان ع الامتحانات ف انا هجيبك واستنى اخدك. قدر: بس مش هينفع يا مالك، انا مش هستحمل اسمع أي كلام تاني. مالك: كلام إيه؟ قدر: ها، ولا حاجة. مالك: كلام إيه يا قدر. قدر: البنات النهاردة قالوا كلام وحش عني. مالك: تحبي أروح أصحح لهم. قدر: لا طبعًا، بس مش هتيجي معايا تاني.

مالك: لا طبعًا. قدر: أنا مش هرجع معاك. وجت تنزل من العربية، مسك إيدها. مالك: استني، خلاص مش هاجي تاني. قدر: أيوا كدا شاطر، يلا بقا عشان جعانة. شوية وتليفون مالك رن. مالك: أيوا يا شهد. شهد: إيه ياستا، فينك كل ده. مالك: جايين. شهد: انتي وقدر. مالك: أيوا. شهد: هي مش المفروض تكون هند مرات أبوه. مالك: مش هحكيلك ع الفون، لما أوصل. شهد: طيب، احنا ساعة وهنروح مطعم، ابقي تعالي على هنا. مالك: طيب. قدر: في حاجة ولا إيه.

مالك: لا، دي شهد بتطمن. قدر ابتسمت جامد. مالك: فرحتي كدا ليه. قدر: أخيرًا بعيش الحياة اللي كان نفسي فيها. مالك: مش فاهم. قدر: يعني حد يسأل عليا ويطمن، دايما حد يحبني، يكون دايما جنبي، بس دلوقتي مش عندي حد، عندي تسعة. مالك: تأكدي إننا هنفضل معاكي. قدر: يا رب. عند محمود. شهد: جاي هو وقدر، مش عارفة لي قدر معاه. محمود: لما يجي هنعرف. شهد: انت قلت لمحمد يكون هنا. محمود: أيوا. وصلوا كلهم المطعم.

محمد: حصل إيه بقا، قدر رجعت معاك. مالك حكالهم على كل حاجة، وثانية واحدة كانوا كلهم ميتين ضحك. قدر بحزن: حرام، إحنا مش عارفين هي فعلاً مريضة ولا بتعمل كدا. أمل بضحك: هي بنتها اتجوزت. قدر: تقريبًا لا. أمل: مش يمكن كانت عايزة بنتها. قدر بسرعة: لا، مستحيل. مالك: مستحيل ليه، مش بنتها حلوة. قدر: حتى لو حلوة، مش ينفع. محمد بغمزة: ليه بقا. قدر: أصل... أصل هي طبعها وحش. شهد: غلط تقولي عليها كدا. قدر: بس دي الحقيقة.

محمود: خلاص يجماعة، المهم عليكي امتحان تاني امتى. قدر: بعد يومين. شهد: خير إن شاء الله. خلصوا أكل وروحوا. عدي اليومين، جه امتحان قدر التاني. نزلت من أوضتها، لقت مالك مستنيها. مالك: يلا. قدر: يلا فين. مالك: هوديكي الامتحان. قدر: احنا اتفقنا مش هتوديني. مالك: لا، أنا عيل وبرجع في كلامي. قدر بعصبية: بس أنا مش هروح معاك، هروح مع عصام أو محمد أو محمود أو حتى البواب.

سعاد: البواب نايم، وإنتي مش هترضي تصحيه طبعًا وهو تعبان، ومحمد ومحمود مش موجودين، وعصام دة يوم راحته فراح لأسماء. مالك: يعني مفيش غيري، يلا نفطر عشان مش نتأخر بقا. خلصوا فطار ومشيوا. وصلوا المدرسة. مالك: أنا هستناكي. قدر بتوتر: لا، روح انت، وأنا لما أخرج هرن عليكم. مالك: متأكدة. قدر: أأأ... أيوا، يلا سلام. مالك شك فيها، فمشي بالعربية جمب المدرسة واستناها. عدي ساعتين، وقدر دخلت الامتحان. فاضل ساعة وتخرج.

محمد رن على مالك. محمد: كل ده في الامتحان. مالك: المفروض ساعة وتخرج. محمد: متيجي ترتاح هنا، وأنا هبقى أجي أجيبها. مالك: بقولك ساعة وهتخرج، مش مستاهلة يعني. محمد: طيب. قفلوا مع بعض، وفضل مستنيها. الساعة عدت، وقدر خرجت من المدرسة، اتلفتت ومشيت. مالك نزل ومشي وراها. شوية ودخلت بيت أبوها. مالك: كنت حاسس والله. فضل واقف شوية برا. قدر: ازيك يا مرات أبويا. الست: تعالي، إنتي معاكي فلوس صح. قدر: لا.

الست بهمجية مسكتها: إنتي معاااكي، أنا شوفتك وإنتي مع واحد، أكيد بديكي فلوس، وشدت منها الشنطة، هاتي الفلوس اللي معاكي. قدر: اهدي بس، أنا هديكي كل حاجة. الست: هاااتي. قدر مسكتها: ممكن تهدي. الست زقتها جامد، كانت هتقع، بس مالك مسكها. قدر بصدمة: مالك! بتعمل إيه هنا. مالك: كنت متأكد إنك هتيجي هنا. قدر بدموع: أنا آسفة. مالك: شش، مش تعيطي، يلا نمشي. الست مسكته: هات فلوس قبل ما تمشي.

مالك زقها وقفل الباب عليها من برة، وخد قدر ومشي. رجعوا القصر. ومالك حكى كل حاجة ليهم. شهد بنبرة عتاب: ليه كدة يا قدر، افرض عملت معاكي حاجة. قدر بدموع: كانت صعبة عليا. مالك: ميصعبش عليكي غالي يا اختي. قدر سابته وطلعت أوضتها. أمل وشهد كانوا لسة هيروحوا وراها. محمود: استنوا، سيبوها لوحدها، ومكنش لازم كل اللي حصل ده، هي أكيد كان وحشها بيتها والمكان اللي اتولدت واتربت فيه. محمد: عندك حق.

مالك طلع أوضتها من غير ولا كلمة، دخل عليها لقاها بتعيط. مالك: أنا آسف عشان زعقتلك. قدر: عادي. مالك: متعيطيش بقا. قدر: حاضر، انزل بقا عشان عايزة أنام. مالك: طيب، مش محتاجة حاجة كدة ولا كدة. قدر: انزل يلا. عدي الأسبوعين الباقيين، وقدر خلصت امتحانات. شهد: إنتي كدا خلصتي امتحانات. قدر: أيوا. أمل: بقيتي فاضية طول اليوم. قدر: بالظبط كدا. شهد: عايزين نخرج بقا. محمود: على فين. شهد: نروح أي مكان. قدر: زي إيه كدا.

أمل: شرم مثلاً. قدر: شرم!!! محمد: أنا موافق. محمود: اشتا، على آخر الأسبوع بقا نكون ظبطنا نفسنا. قدر في بالها: فاضل يومين حلوين، أبقى آخد محمد ونروح المستشفى.