رواية مالك القدر الفصل الثالث عشر 13 - بقلم علياء عبدالله

عدى أسبوع بعد خطوبة محمد وأمل وهما ناقر ونقير وخروجات، أما قدر فمحبوسة في أوضتها بتذاكر ومش بتنزل غير قليل ومش بتشوف حد منهم. ومالك بقى يحاول يشوفها بس ميّعرفش. أما محمود وشهد فبقى مراقب عليها، مخلّيها ما تكلمش غيره. مع إنه معترفش إنه بيحبها، بس بقى يتحكم، وشهد فرحانة بالتحكم ده. سعاد دخلت على قدر، لقتها قاعدة على الأرض وقدامها كتب كتير. سعاد: يلا يا قدر عشان تنزلي تفطري. قدر: مش هقدر أنزل، أنا هفطر هنا.

سعاد: يا حبيبتي لازم تخرجي من الأوضة شوية. قدر: عندي مذاكرة كتير أوي يا دادة. سعاد: ربنا معاكي وكل حاجة، بس نفسيتك هتتعب كده. ... : فعلاً هتتعب ولازم تخرجي. ... : أيوه لازم. قدر: شهد تعالي اشرحيلي ونبي، فيه حاجات كتير مش فاهماها. شهد: مش فاهمة إيه؟ قدر: أحياء مش فاهمة حاجة، وكمان فيزياء وكمياء وعربي، وكل ده في نقاط كتير مش فاهماها. وبدأت تتوتر. أمل: خلاص يا حبيبتي اهدي. دادة سعاد ممكن تعملي كوباية لمون؟ سعاد: حاضر.

ونزلت بسرعة، قابلها مالك. مالك: في إيه يا دادة؟ سعاد: قدر تعبانة شوية، هعملها لمون. مالك طلع بسرعة يشوفها، فتح الباب، لقاها بتعيط. مالك: في إيه يا قدر؟ قدر: .... أمل: ط... طب إحنا هنخرج شوية. وخدت شهد وخرجوا. مالك: في إيه يا قدر؟ قدر: الثانوية دي صعبة، مش هقدر أكمل. تعبت من المذاكرة ومن الضغط ده. مالك بحزن: الثانوية شوية وهتخلص. قدر: عارفة، بس أنا كمان طاقتي خلصت، مليت. مالك: طيب ممكن تهدي؟

فيه حاجات مش فاهماها، ممكن أشرحهالك. قدر افتكرت اليوم اللي شرحلها فيه. قدر: لالالا، أنا هخلي شهد تشرحلي. مالك بابتسامة: أنا شرحي أحلى. قدر: تؤتؤ، شهد هتذاكرلي. مالك: طيب براحتك، بس لو احتاجتي حاجة أنا موجود. قدر: حاضر. سابها وخرج. وشهد وأمل دخلوا، ودادة سعاد دخلت باللمون، حطته ومشيت. وأمل فضلت قاعدة تكلم محمد في بلكونة الأوضة لحد ما شهد تخلص شرح. شهد: كده خلاص، فيه حاجة تانية مش فاهماها؟

قدر: لا، كله تمام. شكراً يا شهد. شهد: إيه الهبل ده؟ صحيح لو عاوزة تشكريني انزلي افطري تحت. أمل: أيوه انزلي ريحي عقلك شوية عشان أشرحلك الباقي. قدر: حاضر. ونزلوا كلهم، لقوا مالك بيفطر. مالك: حماتك بتحبك، اقعدي افطري. قدر: طبعاً بتحبني. مالك: عرفتي منين؟ قدر: مش ابنها بيحبني وهي بتحب ابنها، يبقى أكيد هتحبني. مالك: وأنتي في حد بيحبك؟ قدر: لا، بس مش هجوز غير واحد بيحبني إن شاء الله. زي أمل دي. أمل: أنا؟ قدر: فيه أمل غيرك؟

وكمان شهد. شهد: وأنا مالي يا لمبي، أنا لسه سنجل. قدر: أكيد هتتجوزي عن حب. شهد: الله أعلم. قدر: أنا مستحيل أجوز شخص مش بيحبني ولا أنا بحبه. مالك: إن شاء الله تجوزي عن حب كبير. شهد بصت لأمل وغمزت. شهد: شكلك وقعتي ومحدش سمي عليكِ. قدر: الحمدلله. يلا يا أمل عشان نذاكر. طلعت أمل مع قدر. شهد لمالك: اعترف يلا، بتحبها من امتى؟ مالك: مبحبش حد. وسابها ومشي. شهد: بقي كده تسبوني مع الأكل لوحدي؟

وبصت للأطباق. طبعاً عارفين أنا جمعتكم ليه. ... : ليه؟ شهد بصت وراها: خضتيني. محمود: السلامة عليكي من الخضة. شهد: يا حنين. وسابته ومشيت، طلعت لأوضة قدر. فضلوا البنات يذاكروا لقدر وقت طويل وساعات متواصلة. الباب خبط. أمل فتحته: عايز إيه؟ محمد: جاي أشوف أختي. أمل: أختك!! محمد: اركني بس كده. وراح لقدر. محمد: مالك يا قدر؟ قدر: مفيش يا حبيبي. أمل: حبيبي!!!

قدر: أوعي تفهمي غلط، محمد صديقي وأخويا، بس إنتي أختي وأنا بحبكم كلكم والله. شهد: ومالك؟ قدر: ماله مالك؟ أمل: مش بتحبيه يعني؟ قدر: لالا طبعاً، ده زي أخويا يعني عادي. محمد: فكك من كل ده وغيري هدومك وانزلي. أمل: ليه؟ فيه حاجة؟ محمد: هنخرج. أمل: كلنا سوا؟ محمد: احنا الستة، يلا بسرعة بقا. وسابهم وخرج. قدر: مالك ومحمود! غيرت لبسها بسرعة ونزلت. قدر: هنخرج فين؟ محمود: المكان اللي تحبوه. أمل وقدر: ملاهي. شهد: ملاهي؟

أمل: لا، هنروح الملاهي. محمد: ماشي. وخرجوا كلهم. وشهد باين عليها التوتر. محمود: انتي كويسة؟ شهد: أأ.. أيوا. محمود: انتي خايفة؟ شهد بدموع: مبحبهاش. محمود: مش تعيطي طيب. تعالي اركبي معايا. شهد: ح. حاااضر. ركبت قدر مع أمل ومحمد ومالك. وشهد مع محمود. محمود: تحبي تروحي فين؟ شهد: ها. محمود: مش هوديكي الملاهي، تحبي تروحي فين بقا؟ شهد: عايزة آكل. محمود: بجد؟ تاكلي إيه طيب؟ شهد: بيتزا. محمود: حاضر.

وراحوا المطعم، والباقي راح الملاهي. قدر: عايزة أركب اللعبة دي. مالك: بس دي صعبة. قدر: عشان كده عاوزاها. أمل: لا مش هقدر عليها. أنا عاوزة دي. وشدت محمد وراحوا. قدر: هتركب معايا ولا هتروح معاهم؟ مالك: هفضل معاكي. قدر: طيب. كل اتنين شافوا حياته لحد ما الوقت اتأخر وهما راجعين للقصر. رقم رن على محمود. شهد: مين؟ محمود: مالك. شهد: رد بسرعة. محمود رد: نعم. ... : حضرتك صاحب الرقم ده عمل حادثة مع بنتين وولد تاني.