رواية ماسة الأدهم الجزء الثاني الفصل الخامس عشر 15 - بقلم هند علي

في منزل مازن دخل مازن هو وضحى أوضتهم وهي مكـ.سوفه جدا منه ومش عارفه تتكلم. مازن قعد جنبها. مازن: ضحى. ضحى بخجل: نعم. مازن رفع وشها وبص ليها: مالك قلقانة. ضحى فجأة وقفت: أنا عايزة أغير الفستان ينفع تخرج. مازن وقف: حاضر خارج بس هتعرفي. ضحى بارتباك: اها إن شاء الله متقلقش. مازن ضحك على توترها ولسه هيخرج ضحى وقفته. ضحى: مازن. مازن: نعم. ضحى: مش هعرف أفك الفستان من ورا لوحدي.

مازن قرب منها ولف ضهرها ليه وخدودها احمرت من الخجل وجسـ.مها بيرتـ.عش من لمـ.سات مازن ليها وقربه منها وحست إنها مش قادرة تتنفس. مازن فك ليها الربطة اللي كانت في الفستان من ورا وقبـ.لها من رقـ.بتها ولفها ليه ولسه هيقرب من شفايـ.فها ضحى زقته. ضحى: م م م مينفعش كدا على فكرة. مازن ابتسم ليها ورفع إيديه باستسلام وخرج. أول ما قفل الباب ضحى أخدت نفسها بعمق واتنهدت براحة وحطت إيدها على قلبها. ضحى: ياربي إيه دا أنا كنت هموت.

قلعت فستانها وأخدت شاور وفتحت دولابها ولبست بيجامة باللون أوف وايت وعملت قطتين في شعرها ونسيت مازن اللي واقف برا. وهي مسكت فونها وفتحت انستجرام وحست بزهق كبير جدا ونزلت استوري ask me. مازن واقف برا وبيلف حوالين نفسه وقلقان على تأخير ضحى بقالها ساعة ومخرجتش ولسه هيفتح الباب تلفونه رن وبص ليه كان صاحبه. كنسل ولسه هيفتح الباب لاقاه بيتصل تاني واستغرب ورد عليه. مازن: بقا فيه حد يتصل بعريس في ليلة زي دي غلس.

يونس: ليه بتعمل إيه يعني. مازن بغيظ: بلعب يا يونس نت أهطل ياله. يونس باستغراب: لا بجد إنت بتعمل إيه دلوقتي إنت زعلان إنت وضحى في ليلة زي دي ولا حاجة. مازن كشر: نعم إيه الكلام دا لا إحنا كويسين جدا. مفيش كدا. يونس باستغراب: يعني ضحى جنبك دلوقتي. مازن: هو فيه إيه يا يونس إيه أسئلتك دي. يونس: يبني ضحى فتحت انستجرام ومنزلة ask me وكاتبة اسألوني عشان زهقانة. مازن تنح ومقدرش يرد: نعم يا أخويا.

يونس بضحك: الليلة ليلتك يا عريس صباح الفل. قفل مازن مع يونس بغيظ وفجأة فتح الباب وزعق. مازن: اسك مي عشان زهقانة. فجأة ضحى صرخت بخضة وقلق ورجعت لورا ورمت فونها من إيدها وبصت لمازن. ضحى: إيه دا مازن إزيك. مازن بغضب: زهقانة يا ضحى لا ومذنباني أزيد من ساعة برا وكمان فاتحة أونلاين وتقوليلهم اسك زهقانة يفضحتك يا مازن في ليلتك اللي زي وشك. ضحى: هفهمك استنى. مازن جري عليها وشدها من ياقة البيجامة ورفعها. لفوق بغيظ.

مازن: كملي تفهميني إيه هااا يا فضحاني الناس تقول عليا إيه دلوقتي. ضحى بتحرك إيدها: لأ كلوا إلا كدا لا عاش ولا كان اللي يقول عليك حاجة يا حبيبي دانا بس نسيتك والله مش أكتر. سابها وبص ليها: نسيتيني إزاي. ضحى: هفهمك بس صلي على النبي. مازن: عليه الصلاة والسلام. ضحى: زيد النبي صلاة. مازن: عليه أفضل الصلاة والسلام. ضحى: وحد الله أولا. مازن: لا إله إلا الله. ضحى: استغفر بقا استغفر ربنا دا شيطان يا خويا.

مازن بيملس على وشه بغيظ: استغفر الله العظيم وأتوب إليه. ضحى: سبحان لله بقا ووو. قطعها مازن بإنه شدها من كتفها: لا إنت مش جاية. تتوبي هنا. ضحى: يا حبيبي افهمني بلاش عصبية. مازن: حبك برص يا مستفزة. فهميني دلوقتي. إيه اللي هببتيه ده. ضحى بنظرات طفولية: دا أنا كنت بطمن على الناس بس. مازن: والمحروق اللي وقفتيه برا ساعة دا مش أولي منهم ولا إيه مش فاهم. وأيه دا مسك شعرها. ضحى: قلبك أبيض بقا يا زيزو دول قطتين مالهم.

مازن فردلها شعرها بغيظ: عاملالي قطتين في ليلة زي دي. ضحى: مالها الليلة دي يعني. مازن: قعد على السرير وايديه على وشه مالهاش سلامتك. ضحى قعدت جنبه: مالك يا شادي إنت زعلان. مازن بغيظ: لا طبعاً إنت عملتي حاجة تزعل. ضحى هزت كتفها: لا أنا بسألك. أدهم بص ليها واتنهد ركز في عيونها وملامحها وبيحاول يهدي نفسه ويقلل عصبيته عليها وقربها منه وضمها. مازن: إنت ناوية تجننيني طيب فهميني. ضحى بعدت عنه بهدوء: تؤ. ليه.

مازن ابتسم: إيه اللي عملتيه دا بقا. ضحى: عملت إيه. مازن قعد وبلطم: بادي لليلة سودا أنا عارف إني دعيت عليه. ضحى ضحكت غصب عنها ومازن أول ما شافها بتضحك ابتسم مازن: اضحكي يا أختي اضحكي. ضمته وهي بتضحك ورفعت راسها وبصت في عيونه. ضحى: بحبك والله. مازن بعدها عنه ولسه هيقبلها منعته. مازن بضيق: يا صبر أيوب يا رب. ضحى بكسوف: رحمة قالت إني لازم نصلي الأول. تتنهد مازن ونسيب العرسان سوي بقا هههههههه. عند أسر ورحمة.

كانت رحمة نايمة وأسر دخل أخد شاور. رحمة قامت وحست بتعب كبير جدا وبتحاول تنادي على أسر صوتها مش طالع. مشيت بخطوات بطيئة عشان تخبط على باب الحمام مقدرتش تكمل ووقعت في الأرض فجأة. أسر أخد شاور ولبس بنطال فقط وخرج من الحمام وبينشف شعره وأول ما شال الفوطة من على وشه وشعره وشاف رحمة واقعة في الأرض صرخ وجري عليها. أسر: رحمة.

بيحاول يفوقها ولسه فاقدة الوعي وخاف جدا وقلبه هيخرج من مكانه من القلق عليها. رفعها ونيمها في سريرها وحاول يلبسها حاجة عشان ينادي على أي حد يشوفها. جاب أُسدال الصلاة بتاعها لبسهولها وجري يفتح باب أوضته. رجع بص لنفسه واتعصب جري على دولابه خرج وتيشرت لبس بسرعة ومكنش عارف هو بيعمل إيه ولا بيلبس إزاي وعيونه على رحمة اللي مش بتتحرك وشبه الجـ.ثة. خرج من أوضته وفجأة خبط في زهرية موجودة جنب أوضتهم وقعت اتكسرت ولسه رايح أوضة ياسين لاقاه خارج منها وبص قدامه شاف أسر واستغرب.

ياسين: مالك فيه إيه. أسر بخوف على رحمة: ياسين رحمة اغمي عليها مرة واحدة معرفش ليه. ياسين كشر باستغراب: إزاي يعني إيه سبب. أسر مكنش عارف يرد يقوله إيه. أسر: إحنا كنا تمام وبعدها لاقيتها اغمي عليها. ياسين فجأة تنح ومش عايز يفهم كلام أسر هو اللي في دماغه ولا لأ. ياسين: لو اللي في بالي صح يبقي الله يخربيتك. أسر: اخلص أنا مش عارف أعمل إيه دي مش بتنطق نادي على رهف تكشف عليه. ياسين: بس رهف مش تخصصه. أسر: والعمل إيه.

أسر: أنا مش عارف. طيب أعمل إيه دماغي واقفة مش قادر أفكر. ياسين بغيظ: شالها وبينا على المستشفى وأنا هكلم دكتور متخصص ينتظرك هناك وهاجي وراك. أسر هز رأسه بالإيجاب وبالفعل شال رحمة وقلبه خايف جدا عليها ومش عارف مالها والقلق مسيطر عليه وخايف يكون أذاها. وصل بيها المستشفى بعد وقت وملاقاش الدكتور اللي المفروض ينتظره واتصل ياسين ورد عليه. أسر: فين الدكتور اللي قولت عليه دا. ياسين بقلة حيلة: مسافر يا وش النحس.

أسر: يعني إيه والبت اللي بتموت دي. وبيحاول يفوقها مش بتفوق. ياسين ماسك فونة وبيعمل اتصالات: مفيش. ياسين: اقفل وأنا جاي وهتصرف متقلقش. قفل ياسين مع أسر وقعد جنب رحمة وعيونه عليها. ياسين ورهف في العربية. رهف: سليم هو فيه إيه ورحمة مالها. ياسين: يبنتي مش عارف. رهف: طب ما تشوفها إنا. ياسين: مش تخصصك اهدي بقا. رهف: طب ما تشوف أدهم ممكن يوصل لحد.

ياسين بص ليها: معاكي حق أدهم يعرف دكاترة أكتر وهو اللي هيفيدنا بس دلوقتي أكلمه إزاي وأقلقه. رهف: معلش يعوضها مرة تانية بس صحة رحمة أهم. ياسين اتنهد واتصل ب أدهم ورد عليه بعد اتصالات كثيرة. أدهم: لو ناوي تغلس مش هرحمك. ياسين: أغلس إيه دا وقته أنا عايز رقم دكتور تخصص نسا. رهف فجأة تنحت من كلام ياسين. أدهم: ما عندك في المستشفى دكتور نبطشي. ياسين: مش هيعرف يشخص الحالة.

أدهم بعدم فهم: إزاي يعني وإيه الطلب الغريب دا دلوقتي هو فيه إيه. ياسين بتنهيدة: رحمة في المستشفى. أدهم اتعدل مرة واحدة: رحمة بتعمل إيه في المستشفى وعايز دكتور نسا ليها ليه دلوقتي. ماسة انتبهت لكلام أدهم وقامت من مكانها وعيونها وسعت من كلام أدهم. ياسين بعصبية: أنا عارف أخوك هبب إيه بقا. أدهم فهم وقال بهدوء: اقفل أنا هتصرف وجاي. ماسة: أدهم في إيه. أدهم: مش عارف هروح مفهمتش من ياسين. ماسة: طيب أنا جايه معاك.

أدهم: لا خليكي. ماسة: لا يا أدهم أنا هروح وأطمن على رحمة. أدهم: ماسة أنا مستعجل وفي حرس هنا متخافيش. ماسة بتصميم: أنا هروح معاك. أدهم بتنهيدة عشان يخلص من زنها طيب يلا البسي. لبست بعد وقت لبست وأدهم فضل مستنيها في العربية. كل ده. يلا يا أدهم أنا متأخرتش. وبعد لحظات رحو المستشفى بعد ما أدهم قدر يتوصل مع دكتورة. وصل أدهم المستشفى. ماله رحمة فيها إيه. أسر: خرجت من الحمام لقيتها واقعة واغمي عليها.

ماسة قربت منهم وبصت ل أسر: أسر هو رحمة مالها. أسر بص ل ماسة ورجع بص ل أدهم وسقف على إيديه وقال: أفهمها إزاي دي. أدهم بغيظ: ماسة مش وقته. ماسة بعدم فهم: أنا بسأله على رحمة مالها إيه الغلط في اللي قولته. أسر: دا الغلط كله روحي يا ماسة اقفي على جنب. جوزك الله يسترك. رهف هي التانية قربت منهم. رهف: أسر فهمنا بقا رحمة مالها. ياسين حط إيديه على وشه بغيظ وعصبية وبص. ل أدهم. أسر: أنتو بتيجوا منين؟ اقولهم إيه دول؟ نهار أسود.

أدهم غصب عنه ضحك على أسر وتصرفاته. أسر اتعصب أكتر. أسر: يا روقانك يا أخي! إنت إيه جبلة؟ ما تبعد النسوان دي عني. أدهم مش قادر يسكت ومكمل في الضحك. وماسة ورهف عيونهم عليه ومش فاهمين حاجة. وياسين وقف قصادهم. ياسين: مالكم؟ إيه فيه؟ أسر: خد مراتك من هنا يا ياسين، الله يخليك. ياسين: مالها مراتي؟ رهف: إنت قولتلي اسأل أسر عن رحمة مالها وسألته، مش عايز يقولي.

ياسين بص لأسر وانفجر في الضحك غصب عنه، وبقى هو وأدهم في هستيرية ضحك ومش قادرين يسكتوا. وأسر مش قادر يستحمل. وفجأة أسر ضرب أدهم، وياسين ضربهم، ولسه مستمرين في الضحك. ماسة: طب يا أسر، فهمنا عايزين نضحك زيهم كده. أسر بص على ماسة وتنح. وأدهم وأسر زادوا في الضحك وماسكين بطنهم ومش قادرين يسكتوا. رهف: أيوه يا أسر، إشمعنى هما يعرفوا ويضحكوا كده واحنا منعرفش ونفضل واقفين مش فاهمين حاجة؟

ياسين بص لأدهم وبيصرخوا من الضحك على زوجاتهم وكلامهم. أسر بعصبية: أنتوا عندكوا خال أهبل؟ انتوا الاتنين صح؟ أفهمكم إيه؟ انتوا مجانين. ماسة: طب صلي على النبي. أسر اتنهد: عليه أفضل الصلاة والسلام. ماسة: بسم الله، وفهمنا فيه إيه. أسر: الطم طيب لو عايزاني ألطم، قوليلي والله. وهلطم. كل واحد أخد مراته وفهمها بهدوء. وبعد وقت خرجت الدكتورة. جرى الكل عليها. أسر: مالها يا دكتورة؟ ليه اللي حصلها؟

الدكتورة: ابتسامة، متقلقش، ده شئ طبيعي. أسر: مش فاهم، طيب إيه اللي حصلها؟ الدكتورة: مبروك، مدام حامل. أسر اتصدم وضحك بجد: قولي ولله؟ يعني هبقى أب مرة تاني؟ ضحكت الدكتورة. أسر: وسبب أغم عليها؟ الدكتورة: هو آه عشان هي في أول الحمل وده شئ عادي. أسر: وعشان غلط أقرب منها؟ الدكتورة هزت رأسها: ياه. ومشيت. بعد وقت من الفرحة وتهاني. ودكتورة سمحت ليها بخروج. أسر شالها وخرج بيها. أسر: الأرض دي مش هتلمسيها غير لما تولدي.

رحمة اتعلقت في رقبته وركبها العربية ووصلوا للفيلا. وادهم وماسة وياسين ورهف وراهم. رجعوا الفيلا واحتفلوا مع بعض الليل كله والفيلا كانت مبهجة بفرحة أسر ورحمة. بعد سهر ووقت طويل كل واحد دخل أوضته بمراته وناموا. وتاني يوم الصبح خرج أدهم بهدوء من جنب ماسة وسابها نايمة وبعت مسج لياسين وأسر وخرجوا بهدوء زيه ووقفوا مع بعض وبيهمسوا لبعض. أدهم: جاهزين؟ ياسين: إنت متأكد من اللي هنعمله ده؟

أسر: يلا بس من هنا قبل ما يحسوا بينا ويجوا ورانا. نزلوا التلاتة مع بعض وبينسحبوا ع السلم بهدوء. خرجت ماسة وبصت لأدهم بخبث وهو نازل مع أسر وياسين. خبطت على باب رهف وصحيت. خرجت معاها رحمة نفس الشيء واتجمعوا. ماسة: الثلاثي نزلوا وشكلهم ناويين على حاجة. رحمة: أنا مكنتش مطمنة أسر أصلا وشكلهم بيخططوا لحاجة. رهف: طب والعمل؟ ماسة بخبث: ورايا نشوفهم بيخططوا لإيه.

نزلوا ورا بعض بحذر وبيراقبوا المكان وعيونهم بتدور على أزواجهم وووو.