رواية ماسة الفهد الفصل الخامس عشر 15 - بقلم حبيبة محمد

فهد: ماشي يا عم، هاجي معاك. هتروح امتى؟ عبد الرحمن: الساعة 5:00 كده. فهد: تمام. عبد الرحمن: طلب كمان ينفع تجيب المدام معاك؟ بما إنها صاحبة فريدة وكده. فهد: لا مينفعش، أصلها تعبانة شوية. عبد الرحمن: ألف سلامة عليها. بس قولها بردوا إننا رايحين. فهد: ماشي. عند أسيل.. أسيل: إيه فينَك؟ مش شايفاك من امبارح. جاسم: تعبان شوية. أسيل بخضة: إيه مالك؟ إيه اللي تاعبك؟ جاسم: اهدي اهدي، بقيت أحسن شوية.

أسيل: لا لا إزاي، انت حرارتك عالية أوي. استنى هعملك كمادات. جاسم: متتعبيش نفسك، هبقى كويس. أسيل: لا إزاي. وعملتله كمادات.. أسيل: الحمد لله درجة الحرارة نزلت. جاسم: شكراً يا حبيبتي. أسيل: شكراً إيه، انت حبيبي وهتبقى جوزي كمان، ده واجبي. عند فريدة.. فريدة: إيه يا ماسة؟ برن عليكي فونك بيديني مغلق ليه؟ ماسة بعياط: لا لا مفيش حاجة. فريدة: إيه ده مالك بتعيطي ليه؟ ماسة: لا مفيش مشاكل بس.. فريدة: اتخانقتي انتي وفهد؟

ماسة: آه. فريدة: بسبب إيه؟ احكيلي. ماسة حكتلها كل حاجة. فريدة: آهه، طب بصي، مش هو بيتجنبك؟ انتي عندي معاه، هيسيبك ويمشي. اقفي قدامه كده واسمعي كلامه بردوا، ومتعمليش أي حاجة تدايقه. ماسة: خلاص ماشي، أنا هعمل كده. المهم انتي عملتي إيه؟ فريدة: أنا أصلاً بكلمك عشان تيجي عشان عبد الرحمن جاي النهارده. ماسة: بجد؟ طب لما هو ييجي أكيد هيروح، وهاجي معاه. فريدة: خلاص تمام، بس أوعي متجيش. ماسة: ادعيلي انتي بس. وقفلوا الفون.

ونروح عند عبد الرحمن. عبد الرحمن: الو يا فريدة. فريدة: الو. عبد الرحمن: ها لبستي؟ إحنا جايين. فريدة: آه خلاص أهو. عبد الرحمن: خلاص ماشي، سلام. في الفيلا. ماسة: إيه ده، انت جيت؟ فهد ببرود: لا لسه. ماسة: انت مستعجل كده ليه؟ رايح في حتة؟ فهد: آه رايح مع عبد الرحمن صاحبي عشان فريدة صاحبتك هيتتقدملها. ماسة: آه، منا عارفة. فهد: اومال بتسألي ليه؟ ماسة: مش بدردش مع جوزي. فهد: جوزي لما تبقي تحترمي كلامي.

ماسة: خلاص يا فهد بقى، أول مرة وآخر مرة. وبعدين أنا هعرف منين إنه هيجيب رقمي؟ فهد: ما انتي لو مكنتيش اديتيه فرصة يكلمك في الجامعة مكنش اتجرأ ورن عليكي يا هانم. ماسة: خلاص غلطة ومش هتتكرر والله. فهد: سيبيني شوية أفكر يا ماسة. ساعتها أكون اتأكدت إزاي كانت هتتكرر ولا لأ. ماسة: طب ينفع أجي معاك؟ دي بردوا صاحبتي. فهد: لا. ماسة: طبب يا... فهد: قلتلك لاااا، إيه ده القرف ده. ماسة بزعل: قرف؟ أنا قرف يا فهد. فهد: ...

ماسة: فهمتك خلاص. فهد: البسي طب يا ماسة، هتيجي معايا. ماسة: أنا هروح أه، بس مش معاك. أصل مينفعش فهد بيه يمشي مع قرف، صح؟ فهد: اومال هتروحي مع مين بقى؟ ماسة: هخلي السواق يوصلني عشان أبقى معاها قبل ما تيجوا. فهد: تمام، اللي انتي عايزاه. وماسة لبست (دريس لافندر بكتاف مرفوعة وكعب أبيض وشعرها مفرود) ومشت مع السواق. وفهد لبس (بدلة سودة وكان في قمة الأناقة) وراح عند عبد الرحمن. في بيت فريدة... فريدة: إيه ده، هما وصلوا؟

ماسة: لا أنا جيت قبلهم. فريدة: ليه مجتيش مع فهد؟ حصل حاجة؟ ماسة وملامحها باين عليها الزعل: لا لا مفيش حاجة، بس قولت يعني مينفعش أسيبك لوحدك وكده. فريدة: لا باين عليكي في حاجة. ماسة: يا نكدية، انجزي مفيش حاجة. هبقى أحكيلك. فريدة: ماشي، بس هتحكيلي. ماسة: هحكيلك والله. بس إيه القمر ده. فريدة كانت لابسة ( دريس تحت الركبة سيكا ودريس سيلڤر وشعرها على جنب وجزمة كعب عالي مفتوحة من قدام بيضة)

الأم داليا: خلاص جهزتي يا فريدة عشان وصلوا بره. فريدة: آه أنا جاهزة. داليا: ما شاء الله عليكي يا قلب أمك، قمر. فريدة: حبيبتي يا ماما. داليا: أنا هقدم البيبسي عشان عارفة إني ممكن تتدلقيه. فريدة بضحك: شكراً يا ماما. ماسة: يلا مش هتطلعي؟ فريدة: أنا متوترة أوي الصراحة. ماسة: لا اهدي كده، وكل حاجة هتعدي. فريدة: يا رب. ماسة: يلا أنا هطلع وانتي اطلعي ورايا. وطلعت ماسة وقعدت جنب فهد. الهام أم عبد الرحمن: هيا دي العروسة؟

فهد: لا يا طنط، دي ماسة مراتي. الهام: آهه، ما شاء الله، ألف مبروك ليكوا يا حبايبي. ماسة: الله يبارك فيكي يا طنط. العروسة جت أهي. الهام ومحمد وعبد الرحمن اتفاجئوا من جمالها. عبد الرحمن في باله: انتي آه قمر، بس إيه الحلاوة الزيادة دي. أحمد أبو فريدة: دي بنتي العروسة. محمد: ما شاء الله، ربنا يخليهالكم يا رب. الهام: اسمك فريدة صح يا حبيبتي؟ فريدة: آه يا طنط، اسمي فريدة.

الهام: وانتي فريدة فعلاً، مشوفتش في جمالك يا حبيبتي. فريدة: شكراً يا طنط، حضرتك اللي عيونك حلوين. عبد الرحمن: مش نتكلم في التفاصيل ولا إيه؟ محمد: هنتكلم أهو يا ابني. أحمد: مستعجل ليه؟ متخافش. محمد قدم ابنه في أحسن صورة. وأحمد اتكلم معاهم واتفقوا على الخطوبة بعد أسبوع، وكتب الكتاب بعديها بشهر. الهام: طب نسيب العرسان شوية يقعدوا مع بعض. أحمد: أكيد طبعاً. عبد الرحمن: إيه مش هتتكلمي؟

فريدة: يا أخي اعذرني، انت لسه قاري فتحتي، لازم أبقى مكسوفة. سيبني أتقمص الشخصية. عبد الرحمن: فصلتيني ضحك. لا لا متتكسفيش، خلينا نتكلم شوية. ومسك إيديها. فريدة: لا لا أنا كده أتكسف بجد. عبد الرحمن: ده أنا مكست إيديك بس، انتي هتجننيني. فريدة: لا لا يا عم، وأنا ميهونش عليا تتجن. عبد الرحمن: قولتي إيه؟