رواية ماسة الفهد الفصل السادس عشر 16 - بقلم حبيبة محمد

عبد الرحمن: قولتي إيه؟ فريدة بضحك: مقدرش أجننك. عبد الرحمن: يا رب اللي في بالي يكون صح. فريدة: مش أويي لسه يعني، بس نصه صح. عبد الرحمن: انتي عارفة حتى لو مش بتحبيني ومش عايزة تتجوزيني، كنت هعمل إيه؟ فريدة: هتعمل إيه؟ عبد الرحمن بضحك: كنت هخطفك وهتجوزك غصب عنك كمان. فريدة بضحك: مجنون. عبد الرحمن: مجنون بحبك يا ديدة، من ساعة ما شفتك وأنا مش بفكر غير فيكي. فريدة: انت بتكسفني على فكرة، بس مش يمكن مصدقكش.

عبد الرحمن: لييي؟ فريدة: أصل ما فيش ولد بيحب بنت واحدة، أو لازم أي ولد يكون بيكلم كذا بنت، مينفعش يكلم واحدة معندوش اكتفاء. عبد الرحمن: بس أنا فعلًا كنت بكلم بنات وحاجات كتير، بس لما شفتك نسيتهم ومسحت أرقامهم، ومبفكرش غير فيكي. وكمل بضحك: أنا فاهم قصدك بردوا، يعني عشان أنا حلو وقمور وكده. فريدة بضحك: إيه الثقة الجامدة دي؟ عبد الرحمن: شوفتي. وكملوا كلامهم وطلعوا، وعبد الرحمن مشي. في غرفة فهد وماسة.

فهد خد شاور وبعدين ماسة، وناموا من غير ما حد يكلم التاني. تاني يوم الصبح، ماسة صحيت قبل فهد. ماسة: فهد يافهد اصحى. فهد: عايزة إيه بقاا، سيبيني. ماسة: هعوز إيه يعني؟ أنا راحة الجامعة. فهد: راحة فين ياماما؟ جامعة إيه اللي تروحيها؟ ماسة: في إيه يافهد؟ انت مش عايزني أروح الجامعة؟ فهد: آه مش عايزك تروحي الزفتة، وبعدين ييجي اللي اسمه مالك ده ويقف يكلمك، وانتي تقوليلي ماهو جي كلمني أعمل إيه؟

ماسة: خلاص مش هروح الجامعة، هروح مع أسيل عشان نجيب فستان الفرح، وأجيب فستان ليا. فهد: آه، إزاي كان كده؟ ماشي، بدأتي تسمعي الكلام ياماستي. وبيقرب منها وقبلها قبلة طالت لمدة. ماسة بتوتر: طب عايز حاجة دلوقتي؟ سلام. ومشيت. فهد لنفسه: والله مش قادر على بعدك، بس عشان نعيش بقية عمرنا كويسين. وخد شاور وراح الشركة. عند أسيل. أسيل: إيه؟ مش هتروحي الجامعة وهتيجي معايا ولا إيه؟ ماسة وباين عليها الزعل: آه. أسيل: مالك زعلانة لي؟

ماسة: لا لا مفيش، يلا. وحاولت تلوّي الموضوع. ماسة: آه شوفتي امبارح قرأنا فتحة فريدة. أسيل: بجد؟ مين؟ ماسة: عبد الرحمن صاحب فهد. أسيل: آه ده كويس، باين عليه. ماسة: آه جدًا، يلا بقا عشان نروح. وذهبوا إلى المول. ماسة: انتي عايزة الفستان شبه فستاني بديل والنظام ده ولا حاجة تانية؟ أسيل: لا لا، أنا عايزاه عادي مفتوح من عند الرجل والكتف. ماسة: آه فهمتك، زي اللي كانت لابساها الفنانة هاجر محمد في فرحها من قريب.

أسيل: بالظبط كده، بس أنا هفرد شعري ومش هلبس طرحة. ماسة: خلاص تمام، تعالي المحل ده تحفة. دخلوا المحل. أسيل: أهو ياماسة، أهو ياماسة. ماسة: اهدي يامجنونة، تعالي كده نشوفه. أسيل: لا نشوفه إيه؟ هو ده، أنا هشتريه. ماسة بضحك: يخربيت جنانك، فرحنالك أويي والله يا أسيل. أسيل حضنتها. أسيل: ربنا يخليكي ليا يارب يا نني عيوني. ماسة: يلا بقا بدل ما أعياط، نجيبه. أسيل قاست الفستان وكان تحفة عليها. أسيل: ها، شكلي حلو ياماسة؟

ماسة: قمر والله يروحي. أسيل: طب صوريني عشان أبعتها لجاسم. ماسة: لا جاسم إيه؟ مينفعش مفاجأة. أسيل: يعني انتي رأيك كده؟ ماسة: آآآه. واشتروا الفستان وروحوا. في البيت. فهد: الو. ماسة: الو يافهد. فهد: وصلتوا؟ ماسة: آه. فهد: جبتي فستان ليكي؟ ماسة: لا. فهد: لي؟ ماسة: ملقتش حاجة عجبتني، واتلهيت في فستان أسيل. فهد: طب حضري نفسك لما أرجع هنروح أنا وانتي، واجبلك الفستان. ماسة: ماشي. فهد: ماشي ياماستي. وقفلوا.

ماسة لنفسها: أنا عارفة إنك بتحبني، بس أنا مش حمل بعدك عني ده. عند عبد الرحمن. عبد الرحمن: بس إيه رأيك ياماما في العروسة؟ إلهام: زي القمر يابني. محمد: وأهلها محترمين، وهي محترمة. عبد الرحمن: اومال مش أنا اللي اخترتها. إلهام: أول مرة تختار حاجة صح. عبد الرحمن: انتوا طبعًا هتفضلوا قاعدين هنا لحد ما أتوز. إلهام: شوف أبوك الأول. محمد: انت ابننا الوحيد، لازم. عبد الرحمن: ربنا يخليكوا ليا يا رب، ويخليلي فريدة.

أه صح، أنا نسيت أكلمها. وقام طلع غرفته. عبد الرحمن: صباح الخير يروحي. فريدة: صباح النور يا خطيبي. عبد الرحمن: أحلى كلمة خطيبي في الكون. فريدة: والله يا عبد الرحمن، أنا خايفة كل الكلام الحلو ده يتمحي لما نتجوز. عبد الرحمن: يا حبيبتي، حبي ليكي ده حب حقيقي، يعني مستحيل يتمحي. فريدة: حبيبي، ربنا يخليك ليا يارب. ونروح عند جاسم. جاسم: إيه؟ جبتي الفستان؟ أسيل: آه، جبت حتة فستان تحفة. جاسم: مبعتتيش صورته لي؟

أسيل: مفاجأة، وانت جبت البدلة؟ جاسم: لا، أنا البدلة واحد صاحبي في فرنسا هيجبهالي. أسيل: عايزها تكون بدلة حلوة، وبعدين انت أي حاجة تلبسها بتطلع عليك حلوة. جاسم: لا، ماهي مش بدلة فرح. أسيل: اومال بدلة إيه؟ جاسم: مش أنا طيار، هلبس بدلة إيه يعني؟ أسيل: بس ده فرحنا يا جاسم. جاسم: وفيها إيه يروحي، يعني؟ أسيل: يعني ينفع في فرحنا تلبس بدلة الشغل؟ جاسم: ماهي مش بدلة رسمية، هي شبه بدلة الطيران. أسيل: خلاص ماشي.

جاسم: متزعليش بقا. أسيل: لا مش زعلانة. جاسم: طب افتحي باب الأوضة. أسيل فتحت باب الغرفة. أسيل: الله، انت جبتلي الشوكولاتة اللي بحبها. جاسم بضحك: بت، انتي مبتحبيش حد غيري، فاهمه؟ أسيل: فاهمه يا حاضرة الطيار. الساعة 5:00. فهد: أنا جيت أهو، يلا عشان نروح نجيب الفستان. ماسة: مش هتاكل الأول؟ فهد: هنتغدى برا يا ستي، يلا. ماسة: ماشي، يلا.