رواية ماسة الفهد الفصل الثالث عشر 13 - بقلم حبيبة محمد

ماسة: قولي الصراحة أي. فريدة: الصراحة إني مش بحبه، يعني أنا ملحقتش بس اتشدتله كده، بس طبعًا مش ببينله. ماسة: طب والله فرحتيني، وعبد الرحمن كويس أوي، أكيد لما يجي يتقدملك هياخد فهد معاه وأنا هاجي معاه. چوليا: مبروك يا روحي. ماسة: طب أنا همشي. فريدة: ماشي، وأنا هعمل حاجة كده وهمشي. چوليا: وأنا هنقل حاجة من ألاء صحبتي وأمشي، أخويا أصلاً مستني بره. ماسة وهيا ماشية: مالك: يا آنسة يا آنسة. ماسة: نعم، في حاجة؟

مالك: أنا صراحة شوفتك وإنتي واقفة مع چوليا أختي، واعجبت بيكي، ممكن نتعرف؟ ماسة وهي بتوريله الدبلة: وحضرتك أعمى مش شايف الدبلة؟ أنا متجوزة، وأنت عارف لو جوزي جه وشافك هيعمل إيه. مالك بضحك: طب أهدي أهدي، أنا والله مش خدت بالي إن في دبلة، بس عادي ربنا يخليكوا لبعض، ممكن نبقى صحاب، صح؟ وبيمد إيده. ماسة بقلق: ممكن نبقى صحاب عادي. ومشوا. ماسة: حبيبي واحشني. فهد: إنتي أكتر يا عيون حبيبك، يلا اركبي.

ماسة: هتودينا فين النهارده؟ فهد: هوديكي المطعم اللي كنا فيه قبل ما نتجوز، فاكراه؟ ماسة: آه فاكره، تمام عشان قولتلك المرة اللي هنيجي فيها تاني هنبقى متجوزين. فهد: بالظبط كده. ماسة: ربنا يخليك ليا يا رب. فهد: وبيبوُس راسها: ويخليكي ليا يا رب. عند أسيل، بعد ما تعبت من العياط نامت، فونها بيرن. أسيل: أي ده، رقم غريب. أسيل: ألو. جاسم بس مغير صوته: ألو، أنا عمر يا أسيل. أسيل بصدمة: عمر مين؟ جاسم: عمر يا أسيل، حبيب الثانوي.

أسيل: آه، وانت جبت رقمي منين يا عمر؟ وبتتكلم بنبرة نرفزة: جاسم: مش مهم جبتوا منين، المهم إني كنت عايز أقابلك، أصلك واحشني أوي. أسيل: بقولك إيه، أنا مخطوبة وبحب خطيبي فوق ما تتصور، ولو عرف إن إنت كلمتني، أنا مش عارفة هيحصل فيك إيه، تمام؟ جاسم: تمام يا حياة جاسم. أسيل: جاسم؟ وإنت تعرف جاسم منين؟ جاسم: ملكيش دعوة، اطلعي كده وبصي في الجنينة. طلعت أسيل والمفاجأة كانت... عند فهد وماسة. فهد: اقعدي يا ماستي. ماسة قعدت وفهد.

ماسة: أنا جعانة أوي، اطلب لنا أكل بقى. فهد: الأكل جاهز أصلاً ومستنيكي. ماسة: قول وربنا؟ طب إنت تعرف الأكل اللي بحبه إزاي بقى؟ فهد: أنا أعرف عنك كل حاجة يا ماستي. ماسة: مالك رومانسي كده ليه؟ ماسة: على أساس إني كنت بعذبك يعني. ماسة: لا لا مش قصدي، يعني بقولك إيه، يلا ناكل. فهد: يلا يا جعانة على طول إنتي. ماسة: ميرسي يا بيه. وكلوا. ماسة: تيجي نرقص؟ الأغنية دي حلوة أوي. فهد: تعالي. ورقصوا في جو رومانسي جدًا على أغنية

(قرب مني شوية شوية قلبي وقلبك سوا يتلاقوا، الدنيا إنت مليتها عليا ده الحب اللي محدش داقوا: عمرو دياب) عند أسيل... وفجأة لقت جاسم ماسك الفون وعامل على الأرض قلب بالنور وكاتب: أنا آسف يا أسيل. أسيل: هو إنت اللي بتتكلم؟ جاسم بضحك: آه يا ليلو. أسيل: إنت بارد أوي يا جاسم. جاسم: بنت عيب، بس إيه رأيك في المفاجأة؟ أسيل: جميلة يا روحي، بس أنا زعلانة منك. جاسم: بعد كل ده زعلانة مني؟ زعلانة مني ليه؟

أسيل: عشان سبتني كل ده، عاملة أعيط، افرض جرالي حاجة، كنت هتفرح إنت؟ جاسم: بعد الشر عليكي يا روحي، أنا أقدر أعيش من غيرك يعني، بس كان تأديب عشان متقوليش اسم حد تاني على لسانك، فاهمة؟ وبرضه عشان أجهز المفاجأة. أسيل: خلاص سماح منك المرادي. جاسم: طب مفيش حاجة كده ليا؟ أسيل: قصدك إيه؟ جاسم: مش قصدي يعني، إنتي فاهمة، متستعبطيش. أسيل: طب بص غمض عينك. جاسم: أهو ياستي غمضت. أسيل طبعت قبلة رقيقة على خده. جاسم فتح عيونه وحضنها.

أسيل: يا جاسم! جاسم يخربيتك! بابا لو شافنا هيقتلك. جاسم: محدش له دعوة، بعدين إحنا أسبوعين وهنتجوز أصلاً، يعني هتبقي بتاعتي. أسيل: إنشاء الله يا روحي. في صباح تاني يوم... عند عبد الرحمن في فيلا محمد بيه. عبد الرحمن: صباح الخير يا روحي. فريدة في الفون: صباح النور. عبد الرحمن: نفسي أعرف امتى هتغيري معاملتك دي. فريدة: لما تبقى خطيبي هكلمك حلو، مش من أولها كده.

عبد الرحمن: طب أنا هروح أجيب بابا وماما من المطار، وبكرة على طول هاجي أتقدملك. فريدة: تيجي بالسلامة وسلملي عليهم، ومستنياك. عبد الرحمن: سلام يا حبيبتي. عبد الرحمن جهز نفسه وبقى في قمة الأناقة وراح المطار. عند ماسة وفهد... فهد: صباح الخير. ماسة: صباح النور يا حبيبي. فهد: اعمليلي فنجان قهوة من إيديكي الحلوين دول. ماسة: ماشي، ثانية ويكون عندك. فهد: أخيرًا مشيت. ومسك فونها. فهد: أنا بقى هشوف أي الحوار ده. فلاش باك.

وفجأة.