رواية مأساة فتاة الفصل الرابع 4 - بقلم روح الحياة

ضحكه مؤقته رامي وهو يستقبل صديقه: ايه ياعم المغرور، فينك؟ لازم نفضل نرن كتير عليك علشان تيجيلي. مؤمن: معلش ياصاحبي، ما انت عارف انا اللي شايل الليلة دي كلها. انا بساعد ابويا علشان اخواتي البنات، واحدة مخطوبة على وش جواز، والتانية مشوارها كتير في التعليم. هو انا زيك ابن امي الوحيد الدلوع. رامي: ايه ياعم، انا اهم حاجة دراستي، شغل ايه. مؤمن:

لاحوش، الواد مقطع نفسه من المذاكرة. قوم قوم شوفلي حاجة آكلها، ما آكلتش. قال دراستي قال. رامي بتقليد صوت خشن: ايه ياعم، مطفحتش في بيتكم ليه ها. مؤمن: ما انت اللي رخم، فضلت ترن عليا وتقولي محدش في البيت، امي واخواتي مسافرين وتعالى اقعد معايا اليوم كله، لما قرفتني وما آكلتش. رامي أسرع في الرد، ولكن سمع صوت رحمة وحسناء. رامي يحب رحمة، صديقة حسناء. رامي بجري وينظر من الشباك:

اسكت ياعم، الكراش صوتها بره أهه. ياااه لو ينفع أقولها. هممم. مؤمن بإنزعاج: ياعم دا انت بايخ اوووي، دا اللي انت فالح فيه. تاكل وتشرب وتاخد مصروفك وتقعد تسبل بعينيك لـ "استاذه رحمة" بتاعتك. قال إيه دراستي قال. انا داخل أشوفلي حاجة تتاكل. *** رحمة بصوت عالي نسبياً: يالا يا بايخة، قال إيه بتقوليلي بتمشي معايا جدعنة. باااايخة. حسناء وهي لم تعد قادرة على كتم ضحكها:

خلاص بقى، انا مكنتش عارفة إنك عقلك كمان صغير كده. خلاص متزعليش. رحمة بغيظ: برضوا، طيب ماشي ياحسناء. ثم جاء نظرها في اتجاه شباك رامي، ثم خجلت وأنزلت وجهها، فهي أيضاً تحمل بعض الإعجاب له. رحمة بصوت هادئ: يالا ياحسناء بقى، انتي بايخة بجد. حسناء: الله الله، إيه التغيير المفاجئ دا؟ انتي سخنة. ثم وضعت يديها على وجهها. صوتك وطي ليه؟

دا انتي من شوية كنتي عاملة زي جعفر وكنتي هتاكليني. ثم لاحظت حسناء رامي ينظر لهم من الشباك، فعلمت على الفور سبب تغير صديقتها. فهي أحست بمشاعر صديقتها اتجاه رامي، فعلمت إنهم يحملون بعض الإعجاب لبعض. حسناء بمشاكسة: طب يالا يا اوختشيي نشوف الحوار على إيه. رحمة بخجل: حوار إيه؟ مش فاهمه قصدك إيه. حسناء: هقولك بس يالا نلحق الدرس وهبقى أتكلم معاكي. *** مؤمن بمشاكسة: إيه قفلت الشباك ليه؟ العصفورة مشت.

رامي لم يكن مع زميله، أنه في عالمه فقط، عالم يحتوي على اثنين، هو ورحمته. ***