رواية مازال ينبض الفصل الثالث 3 - بقلم بوبا

النهاردة الخميس، أما أروح أشوف أبو علي، يمكن ألاقي لي عريس. رهف: بس بس حسن يا حساااان. كان واقف في أمان الله بياخد أوردر، لقاها بتنادي عليه. بصلها بتفاجئ: إيه ده؟ رهف: هي بعينها، تعالي عشان عايزالك. استنى بس أخلص الأوردر ده وجاي. متتأخرش. ها، بقي عايزة إيه؟ إيه يسطا ده، دي مقابلة تقابلني؟ وبعدين مش أنت اللي قلت لي تعالي الخميس وأنا أتجوزك؟ أنا قلت كده؟ أيون. آه. رهف بحماس: يلا بقي دور لي على عريس. ده بجد بقي؟ أيوه.

ضحك وهو مش مصدق اللي بيحصل: طيب، عايزة مواصفاته إيه؟ أيوه صح، هقولك على فارس أحلامي، ما أنا مش أقل من ياسمين صبري في حاجة. عارف أنت الليستة اللي كتبتها دي كلها، بس اختلاف إنه غني بقي، آه ما أنا عايزة أتدلع بقي وكدهون. حسن بضحك: كدهون، هاه؟ أيون. حسبي الله. بص أنت دور لي بقي على واحد، وأول ما تلاقي تقولي على طول. أها. طب تشربي إيه؟ عايزة لمون بالنعناع. حاضر. رهف: ولا يا حسن. نعم. عيونك دي ولا لينسيز؟

ضحك: وأنا هحط لينسيز ليه؟ يمكن بتثير الجدل بحلاوتها. تؤ، عيوني. بالله إنها جامدة، أنا وقعت في حب اللون الأخضر من أول ما شفتها. إيه ده، أنا بتعاكس. أيون. بس تيجي إيه، جنب عيونك القمر دي. بصت له بإحباط وهي بتمد شفايفها بزعل: دي مش ملونة زيك. تؤ، عيونك قناصة بترشق في القلب على طول. احم احم. إيه ده، خدودك احمرت، أنت بتتكسفي بقي وكده. رفعت حاجبها وهي بتبص له بشر: قصدك إيه يعني؟ ابتسم بضحك: ولا أي حاجة.

هو أنت درست إيه صحيح؟ تجارة. أها، طب احكي لي عنك شوية. امم، حاضر. بصي، أنا اتخرجت من تلت سنين، وطبعًا ملقيتش شغل بشهادتي، اشتغلت في أماكن كتير بس مرتحتش، ومؤخرًا بقيت بشتغل هنا، وكمان بشتغل بليل في مطعم عشان أصرف على نفسي وعلى أختي الصغيرة، لأن أهلي اتوفوا من خمس سنين، وبس كدا. حلو، شاب مكافح. ضحك: قصدك شاب متمرمط. إيهما أقرب. طب وأنتي بقي؟

أنا في خامسة. مكنتش عايزة أدرس طب أصلًا، بس إزاي بنت الدكتور أحمد الهاشمي والدكتورة نجوى متبقاش دكتورة، بس هو أصلًا أنا حياتي أتفه ما يكون، عبارة عن نكتة كدا، أصلًا مش برتاح إلا وأنا بعمل مصايب. حسن بضحك: أها، أخدت بالي. بصت له ببراءة: إني مصيبة؟ بص لعنيها: تؤ، إنك قمر. من وقتها وهما بقوا صحاب جدًا، وبييقعدوا مع بعض كتير، بقي بيفضي نفسه عشانها، والوقت اللي بيقضيه معاها بالنسبة له كان زي الهدنة كدا، بيكافئ روحه بيها.

قعدت على نفس الطربيزة وهي بتبص للناس بملل وبتلعب في شعرها. مالك يا بت، قالبة وشك كدا؟ بصت له بزهق: بدي أغير روتين حياتي. نعم! سحبت إيده وهي بتقعده جنبها: اقعد، اقعد، وأنا هفهمك. أنا عندي شغل، مش فاضي. بالله تروح تاخد باقي اليوم إجازة. اتنهد وهو بيضحك: جايالي على خراب أنتِ. يا عم يلا بس. حاضر. حسن مسك إيدها وشدها: يلا قومي. إيه؟ هنروح فين؟ نقعد على البحر. أيوه ياريت. إيه بقي مالك؟ مليش. يا بت. يسطا، مليش. مد إيده

ورفع وشها وهو بيبص لعنيها: مالها عيونك الحلوة دي مطفية كدا وحزينة؟ حضنته وهي بتبكي بصوت زي الأطفال وبتتشهد كدا: الدنيا داية عليا. دامد دوي، يا سي دوني. قلبه وجعه عليها لما عيطت، بس كالعادة لازم تقلب كل حاجة بهزار. حسن بضحك: جامد أوي. رهف ببكاء: أووووي. حسن: قولي لي بس مين زعلك وأنا أسوي وشه بالأسفلت. ضحكت وهي بتبعد عنه: زعلانة عشان عمر. بصلها بهدوء وهو حاسس بشعور مش لطيف أبدًا أول ما قالت اسم عمر: مين دا؟

رهف بحب: أخويا. ماله بقي؟ أنا خايفة عليه. إزاي؟ بصت له وهي بتبتسم: حسن، أنا هموت قريب. حس إن قلبه اتقبض. مسك إيدها وضغط عليها: إيه اللي أنتِ بتقوليه ده؟ رهف: إشششش، اهدى كدا، بص، أنا عندي القلب. بصلها بصدمة: إيه؟ قلبي تعبان أوي، ومن غير الأدوية مكنتش هقدر أتحرك. هو فيه ضرر كبير واحتمال في أي لحظة يوقف. الدكتور مانعني من الخروج أصلًا، بس إزاي يعني أقضي الأيام اللي فضلت في المستشفى؟

تؤ، مش جوي، لا أنا بحب الحرية. أنا أصلًا مليش في الدنيا دي غير ماما وبابا وعمر وصحباتي سارة ومها. دموعه نزلت، مكنش قادر يستوعب اللي بتقوله. اتكلم بصعوبة: طب مفيش عملية؟ ضحكت بحزن: عملية إيه دي، مفيش ليها غير حلين، يا إما متبرع، وده حرام أصلًا وأنا استحالة أقبل إن حد يضحي بحياته علشاني. والتاني... ضحكت: إننا نتواصل مع مافيا أعضاء، بس استحالة آخد عضو مسروق وأتسبب في موت حد قبل كدا.

شدها وحضنها وهي بيمسك فيها جامد، خايف تروح منه. فكرة إنها ممكن تموت في أي وقت بتستنزف روحه. حسن: بقولك إيه. قولي. مش كنتي عايزة تتجوزي؟ أها. طب أنا هتجوزك وأكسب فيكي ثواب بقي. كان بيتكلم ودموعه بتنزل، عيونه كانت حمرا وصوته مبحوح. تؤ، ليه بقي؟ مقدرش أخليك تتجوزني وتتعلق بيا وبعدين أسيبك. وإنتي كدا مخلتنيش أتعلق بيكي؟ ده أنا يومي مش بيكمل غير لما أشوفك، أنتِ بقيتي جزء أساسي منه. يا حسن. شششش، اسكتي، هتتجوزيني؟

بصت له بحب: وماله، نجرب. رفع حاجبه: نجرب، هاه؟ ضحكت وهي بتقوم: أها. طب عايز أقعد مع بابا. رهف بإستغراب: تقعد معاه ليه؟ بصلها بزهق: هو مش لسه قايلك تتجوزيني؟ ضحكت: أها، معلش، بس أنت تيجي انهارده على 8 كدا وهات معاك شوكولاتة وجاتوه عشان آكلهم لما تترفض. مسك إيديها وهو بيبص لها أوي: ات... إيه؟ هزت كتفها بغرور: تترفض. شدها لحضنه: يابت. احم، الشهر الجاي مناسب. مناسب أوي. عايزة ألبس فستان أزرق زي سندريلا. نجيب فستان أزرق.

طب بحبك بقي. بصلها بصدمة: إيه؟ غمزت له: بحبك يسطا. حط إيده على قلبه اللي بيدق بسرعة: قلب الأسطى. والله. رهف بهزار: ما تجيب بوسة. ضربها على قفاها وهو بيضحك: يلا يا بت من هنا. كان عرض مغري، أنت اللي رفضته. حسن بضحك: هبدأ أربيكي من جديد بقي. استعنا على الشقى بالله.