رواية مفيش رحمه الفصل الخامس عشر 15 - بقلم لولو محمد

روقيه متخلف أصلاً بيقول إنّي جبت في الماكيت درجة عالية، بس طول الفترة اللي فاتت ما كنتش بتابع مع اللي اسمها عبير دي ولا أوريها التطورات اللي وصلت لها. وفي أكتر من سيكشن غياب، نزلوني عشر درجات كاملة. في الآخر بقيت 85. رامي وإنتي زعلانة ليه؟ أنا أصلاً جايب في كله على بعضه 70. احمدي ربنا يا أختي. رحيم أنا هروح أدفع الماكيتات. عن إذنك. رحمه بس على فكرة، ماكيتك كان حلو قوي. رامي

شكل الحيوانات بتاعتي ما عجبتهمش. ده أنا واخدتهم من لعبة بنت أختي والله. يلا، هرجع لها بقى فلوس أبوها حلال. رحمه هههههههههه، ماشي. في البيت. رحيم إيه رأيك نخرج نحتفل بالتفوق الرهيب ده؟ رحمه امممم، بجد كان نفسي، بس أنا منمتش من امبارح. عاوزة أنام مووووووو. رحيم خلاص، خشي نامي وبكرة نخرج. رحمه سبها لله. رحمه تدخل شقتها، ورحيم يروح شقته. في شقة رحمه. حياه أنا كنت عارفة إن بنوتي الحلوة أشطر البنات. رحمه

أنا مش هتتنازل عن هدية جامدة. حياه لا يا ماما، أنا بكافئ على الترم كله. متضحكيش عليا. رحمه ولا يهمني. حوشي بقى عشان الترم ده في جيبي. أنا داخلة أنام. حياه إيه ده، مش هتاكلي؟ رحمه هموت من التعب. لما أصحى هبقى آكل. رحمه تبوس مامتها وتدخل تنام. بالليل. رحيم يدخل شقة رحمه. عفاف لسه نايمة؟ رحيم مين؟ عفاف عليا أنا برضه، يالا. رحيم ههههههه، بس يا تيته. عفاف وهتفضلوا في الهبل ده لحد إمتى؟ رحيم وهو أنا اللي بدأته عشان أنهيه؟

عفاف الله، مش إنت الراجل؟ رحيم والله، رحمه مش شايفاني كده. فقررت أسيب لها هي الطلعة دي. عفاف الله، مش إنت كنت مقتنع إن البنات مبتعرفش تسوق؟ رحيم هههههههههههههه. رحمه تفتح الباب وهي بتتاوب وتدعك في عينها. رحمه الساعة كام؟ حاسة إني واخده علقة سخنة. رحيم نموسيتك كحلي يا أختي، ده العشا هيأذن أهي. رحمه والله كنت مطبقة وتعبت، والله لسه تعبانة كمان. رحيم سلامتك. أنا هقوم أنزل بقى. عاوزين حاجة من بره؟ رحمه آه، استنى ثواني.

رحمه تدخل الأوضة وتجيب محفظتها وتطلع منها فلوس. رحيم من أولها كده شتيمة؟ رحمه هو إيه اللي شتيمة؟ رحيم بتعملي إيه يا موكوسة؟ رحمه أنا عاوزاك تجيب لي تورتايه كبيرة. رحيم ليه؟ رحمه نفسي في تورته جلاس موووتر. رحيم ماشي، هجيب لك واحدة وأنا راجع. حاجة تاني؟ رحمه طب خد تمنها. رحيم سلام يا تيته، وعلى رأيك، شكلنا ناوين نلبس في حيطة. عفاف هههههههههه، مع السلامة يا حبيبي. رحيم يمشي. رحمه ماله ده؟ عفاف

من امتى بتديله تمن حاجة يجيبها لك؟ رحمه من يوم ما بطلنا نحب بعض. خلاص، أنا ما عدتش ملزمة منه. عفاف إنتي شايفة كده؟ رحمه إنتي شايفة غير كده يا تيته؟ عفاف والله أنا خلاص عجّزت ونظري بقى على قدّي ومعدتش بشوف كويس. رحمه إيه الكلام ده يا تيته؟ طب دانتي اللي يشوفك يقول أصغر مني. عفاف بطلي لكش وكلميني جد. إنتي بجد شايفة إنك إنتي ورحيم ما عدتوش بتحبوا بعض؟ رحمه

إحنا محبيناش بعض أصلاً يا تيته. لو كان رحيم حبني، ما كان سابني. ما كنتش هأهون عليه أعيط كل الفترة دي من غير ما ييجي يراضيني. عفاف إنتي بجد مقتنعة إنه هو اللي سابك؟ دانتي غلطتي فيه وجرحتيه. رحمه ورحمة جدو يا تيته، تقفلي السيرة دي بقى. أنا ورحيم أخيراً علاقتنا بقت واضحة. إحنا ولاد عم وأخوات ومتربيين سوا. صدقيني كده أريح للكل. رحيم بطل يتخانق مع مامته، وحضرتك كمان بطلتي خناق مع بابا وطنط زينب. الوضع ده مريح للكل. عفاف

وإنتي مرتاحة؟ رحمه مع الوقت هتعوّد. ويمكن ربنا يكون مخبي لي حاجة أحسن. عفاف أحسن من رحيم؟ رحمه تبص في الأرض. عفاف قومي اتغدى. الأكل في المطبخ. تلاقيكي جعانة. رحمه تقوم تجري. عفاف والله إنتوا جيل ما يعلم بيه إلا ربنا. غاويين تعب. في الشارع قدام بيت رحيم. يركن العربية ورامي ينزل يركب جنبه. رامي ها، هتصيع فين النهاردة؟ رحيم تلعب بلياردو. رامي اللعب؟ وأنا هخاف؟ في صالة البلياردو. رامي والله أنا مش فاهمك ولا فاهمك. رحيم

متحاولش. خلينا فيك إنت. هتفضل تحب من طرف تالت كده كتير؟ رامي ههههههه. خايف أقولها تصدني وأخسرها. وأهي على الأقل كده معايا. رحيم متزعلش مني يا صاحبي، بس أنا أصلاً مش فاهم إشمعنى روقية. رامي القلب وما يريد. رحيم أيوه، بس أكيد في حاجة شادتك ليها. رامي أكيد يابني. كل بنات الدفعة كوم، وروقيه كوم تاني. بنت بصحيح، يعني تحسها أنثى كده. رحيم

هههههههههه. أيوه، بس في بنات كتير بيهتموا بنفسهم في الدفعة والكلية. في إعدادي الدفعة الجديدة فيها بنات حلوين. رامي إنت اللي بتقول كده؟ افرض رحمه سمعتك دلوقتي هتقول عليك إيه بقى؟ رحيم أنا خدت فكرة، بس كنت فاكر إني يمكن ألاقي واحدة تشد عيني من على رحمه. رامي

ههههههه. أيوه كده. اعدل يابني. أنا بحس إن روقية بت دلوعة كده، يعني إنت فاهم. هتدلعني. بتحب الخروج والفسح. بت فرفوشة كده. مهي مش ناقصة نكد. ده غير إنها شاطرة وذكية برضه. رحيم طيب، اللعب. اللعب دورك. في البيت. رحيم يدخل يلاقي الكل نايم. يخبط على أوضة رحمه ويفتح يلاقيها صاحية قاعدة على الفيس. رحيم ممكن أدخل؟ رحمه إنت جيت إمتى؟ ده أنا قولت هتبات بره. رحيم

معلش عالتاخير. اتفضلي يا ستي، أكبر تورته جلاس في المحل عشان خاطرك. هتديني حتة بقى ولا إيه؟ رحمه ثواني هجيب سكينة وأطباق، وعندنا كانز في التلاجة. استنى. رحيم يوسع الحاجات من على الترابيزة يلاقي الألبوم. يفتحه يتفرج. يلاقي صور رحمه ورحيم. يقعد على السرير يتفرج. رحمه تدخل تحط الحاجات على الترابيزة. رحمه اللي واخد عقلك؟ رحيم تعرفي إني عمري ما فكرت أتفرج على الصور القديمة دي؟ بجد، كان لينا صور جامدة أوي مع بعض. رحمه

كنا مشغولين ناخد صور جديدة ومش فاضيين نبص عالقديم. رحيم يقوم يطلع موبايله ويصور التورته والأطباق والكانز. وبعدين يروح يقف جنب رحمه ويتصور جنبها. رحمه ههههههههههه. إنت بتعمل إيه؟ رحيم أكيد يوم ما الأيام هنضور على صور الفترة دي ومش هنلاقي. رحمه لا، هتلاقي. أنا عاملة سي دي عليه كل الصور من ساعة ما جبنا موبايل بكاميرا وسبنا الكاميرا العادية. رحيم

أحلى حاجة في البنات النظام. ده جهاز الكمبيوتر والموبايل بتوعي مليانين. هحطهملك على سي دي أنا كمان وأجيبهم تعينيهم معاكي. رحمه تقطع التورته وتدي لرحيم طبق. وهو ماسك موبايله وعمال يصورها وهي بتقطع التورته. رحمه بطل بقى. رحيم ليه؟ كل صورك حلوة. اتفرجي. رحمه شكراً. أنا مش فاضية. عايزة أدوق التورته. ولا إنت جايبها تغيظني بيها؟ رحمه تبدأ تاكل. ورحيم بيكمل تصوير. رحمه تلحوس المعلقة وتعوّص رحيم في وشه. رحيم

وادي سيلفي اللحوسة. رحمه ههههههههههههههههه. أنا هروح أحط الباقي في الفريزر لحسن يسيح. رحمه تروح ترجع متلاقيش رحيم. وتلاقي الألبوم مقفول. وفي صورة عليه بتاعتهم وهما ماسكين ورقة مكتوب عليها "together for ever". تبصلها وتتنهد. وتحطها مكانها في الألبوم تاني. وتمسك منابها وتعد تاكل وهي زعلانة. بعد فترة في الكلية. عبير ديزاين تحفة يا رحمه. بس اللاند سكيب محتاج شوية شغل. كملي برافو. عبير تمشي. رامي ماشية معاكي حلاوة يا عم.

رحمه ههههه، شكراً. روقيه بس حلوة فكرة حمام السباحة دي. مع إنّي شايفاها إهدار في المساحات. رحمه إزاي؟ فيلا دوبلكس وما فيهاش حمام سباحة؟ روقيه أنا عاملة حمام السباحة في الدور الأرضي اندور عشان أستغل أكبر مساحة ممكنة. رامي أيوه، بس إنتي يا روقيه تقريبا لغيتي الجنينة خالص في تصميمك. روقيه أنا الديزاين بتاعي عملي. رحيم يدخل. رحيم أنا جعان. وهنزل أجيب حاجة آكلها. أجيب لكوا حاجة معايا؟ رحمه

باشمهندسة عبير قالتلك إيه على الديزاين؟ رحيم قالت لي كويس، بس محتاج أظبط حاجات في الواجهة. رحمه تمام. أنا هاجي معاك أهو. آخد ريست وأفرد ضهري شوية. روقيه أنا كمان جاية معاك. رامي بقولك إيه يا روقيه، كنت محتاجك يعني تساعديني في التهشير. ممكن؟ روقيه حاضر. هاتولي معاكوا باكيت بطاطس وماونتن ديو بليز. رحيم حاضر. وإنت يا رامي؟ رامي لا، أنا اتنين شاورما وكنز. رحيم حاضر. سلام. رحيم ورحمه يمشوا. روقيه يلا، أساعدك. رامي

لا، أنا بصراحة كنت بوزعهم عشان... روقيه بتوزعهم ولا بتبعدني عنهم؟ رامي لا، بوزعهم. روقيه بص، أنا ورايا حاجات أخلصها في لوحي. عن إذنك. روقيه تمشي وهي متنرفزة. ورامي يروح وراها. رامي ممكن أفهم إنتي أفرتي ليه؟ روقيه عشان إنتوا بتعاملوني على إني دخيلة. رامي إحنا مين بالظبط؟ روقيه إنت فاكرني مش واخدة بالي من معاملة رحمه ليا؟ هي فاكرة نفسها إيه يعني؟ رامي إيه علاقة رحمه بكلامنا؟ طيب. روقيه

على فكرة أنا مش قادرة أفهم. هي مش سابت رحيم وخلاص؟ إيه بقى اللي مخليها لازقاله أوي كده؟ لا، وكمان أي واحدة مجرد تتكلم معاه تبقى عدوته. رامي أنا أعرف رحمه ورحيم من ابتدائي على فكرة. هما الاتنين كده. حتى رحيم بيكره أي حد يتكلم معاها. هما الاتنين ميرتاحوش غير مع بعض. فأتأقلمي. وبعدين خناقتهم دي تفاهات. بكرة هتلاقيهم رجعوا لبعض ولا كأن فيه حاجة حصلت. روقيه يا سلام. إزاي بعد اللي حصل؟ رامي هو كان إيه اللي حصل؟

هي اتنرفزت شوية وهو اتنرفز وخلص. وبكرة هيروقوا ويتصالحوا. وهتشوفي. روقيه بعد كل الفترة دي؟ رامي هتشوفي. هما الاتنين مالهمش غير بعض. وبكرة تشوف. روقيه هنشوف. بخصوص الموضوع ده. في الكافيه. رحيم إيه رأيك في حوار مشروع الترم الثاني ده؟ رحمه عادي يعني. أنا بإذن الله هكون الأولى. لو إنت بقى عاوز تبقى شريكي في المشروع، لازم تركز أكتر عشان تطلع الثاني. رحيم ههههههههههههه. يا واد إنت يا متمكن. رحمه إنت ليك رأي تاني؟ رحيم

رايي إني الأول محجوز لي يا ماما. متحاوليش. بس يعني، أنا ممكن اتنازلك عنه لو يعني... رحمه تتنازل مين يا بابا؟ انسى. رحيم بقولك إيه، إحنا بقالنا شهر كامل في المشروع ده. متيجي ناخد يوم إجازة. رحمه دلوقتي بعد ما خلاص قربنا نخلص؟ لا، بص، إحنا نشد الفترة دي ولما نخلص ناخد إجازة براحتنا. رحيم يعني موحشتكيش خروجات زمان؟ رحمه أكيد وحشتني. أنا بقالي فترة طويلة مخرجتش. بس هعمل إيه؟ بس أنا بجد... رحيم

خلاص خلاص. اللي تشوفيه. بس بلاش البوز ده والنبي. رحمه بوز في عينك إنت تطول أصلاً تبص لي؟ رحيم أطول. متبصيش لنفسك الأول يا وزعة. وبعدين اتكلمي عن الطول. رحمه هههههه. ماشي يا فرع. اتحرك خلينا نرجع القاعة قبل الأكل ما يبرد. رحيم اتفضلي، ليدز فيرست. قبل تسليم المشروع بتلت أيام. رحمه أخيراً خلصت. رحيم إيه السرعة دي؟ أنا لسه فاضلي اللاند سكيب. روقيه خلصتي إزاي؟ وريني وريني. رحمه هروح أنادي بشمهندسة عبير عشان تشوف.

رحمه تمشي. روقيه فعلاً خلصت. رحيم والمشروع تحفة. ما افتكرش فيه غلطة. روقيه إزاي خلصت بالسرعة دي؟ إزاي؟ رامي يدخل. رامي صحيح اللي سمعته؟ رحمه خلصت؟ وريني مشروعها. بجد تحفة. وعبير تدخل مع رحمه. عبير وريني. عبير تتفرج. ورحمه واقفة مبسوطة جنب رحيم. والكل مستني رأي عبير. عبير ممتاز. غطيه وعينيه للسبت بقى. برافو عليكي. أنا متأكده إنك هتطلعي الأولى. وإنت يا رحيم؟ إيه الأخبار؟ وريني وصلت لفين؟ رحيم اتفضلي.

رحيم وعبير يروحوا لترابيزة رحيم. رحمه مالك يا روقيه؟ إنتي كويسة؟ روقيه هاه... مبروك بجد. فرحتلك أوي. رحمه تحبي أساعدك في مشروعك عشان تلحقي تخلصي؟ روقيه لا شكراً. أنا مبحبش حد يحط إيده في لوحي. أصلك متعرفيش ممكن أي حاجة تحصل بالغلط. رحمه إنتي شايفة كده؟ طب عن إذنك أشوف رامي. يمكن هو يسمح لي أساعده. رحمه تروح لترابيزة رامي وتبدأ تساعده شوية. ورحيم يروح لهم. رحمه ها، قالتلك إيه؟ رحيم

يابنتي مقلتلك أنا الأول بكتساح. أنا بس أخلص وهتشوفي. رامي متحترموا نفسكم بقى. أنا لسه مخلصتش حاجة. رحيم خلاص يا عم، أهي رحمه خلصت وهتفضل طول اليوم تساعدك. وأنا بكرة هخلص اللوحة اللي معايا وهتفرغ لك خالـص. رامي أجدع صحاب في الدنيا. آخر اليوم. رامي إنتي تعبتي ولا إيه؟ رحمه هاخد ريست خمس دقايق كده وأرجع أكمل. رامي يا بنتي لو تعبتي روحي. مش مشكلة. إنتي شغالة من الصبح. رحمه هاخد ريست خمس دقايق. هروح أبص على رحيم وأرجع.

رامي أوك. براحتك. على ترابيزة رحيم. رحمه إيه؟ متعبتش؟ رحيم خلاص بجد مش قادر. بس آخر لوحة عشان أسلم بكرة الصبح وأرتاح. زيك. رحمه مش باين لها راحة. رامي لسه فاضله كتير أوي ولا لوحة خلصانة. رحيم هههههههههه. أيوه شفت. مشروعه اشتغل في كل اللوح مرة واحدة. بس كل لوحة فاضل فيها حاجات بسيطة يعني. رحمه أيوه، خدت بالي. إنت فاضلك اللوحة دي بس صح؟ رحيم أيوه. بس مش عايزة تخلص. أنا فيها من الصبح. لما زهقت منها. رحمه تحب تاخد ريست؟

رحيم مستحيل. أنا لازم أخلص عشان أسلم. يلا اتفضلي ساعدي رامي عشان ساعة وهنروح. رحمه حاضر حاضر. متزقش. رحمه تمشي. وروقيه تيجي مكانها. روقيه أخبار شغلك إيه؟ واو بجد تحفة. رحيم شكراً. وإنتي أخبارك إيه؟ روقيه ملل ملل ملل. حاجة آخر ملل. رحيم لا، شدي حيلك عشان تخلصي. روقيه تحب أساعدك في حاجة؟ رحيم كتر خيرك. أنا خلاص في آخر لوحة. روقيه أوك. خلصها بسرعة بقى عشان تيجي تساعدني. رحيم بإذن الله. روقيه إنت إيه رأيك؟

تفتكر مين هيكون شريكك في المشروع الترم الجاي؟ رحيم أنا واثق إن المركز الأول والتاني محجوزين باسمي أنا ورحمه. روقيه متتعشمش أوي. أنا موجودة في المنافسة. رحيم هههههههههه. أكيد. بس رحمه مشروعها ممتاز وأعمال السنة بتاعتها عالية. ده غير مشروع الماكيت الأول مضمون ليها. وأنا بصراحة مش هتتنازل عن الثاني أبداً. فالمنافسة اللي بجد بيني وبينك. خدي بالك بقى. هههههههههههه. روقيه

لا متقلقش. أنا واثقة إن المنافسة دي محسومة. عن إذنك. تاني يوم الصبح. روقيه تدخل القاعة قبل أي حد. وتطلع لوح رحمه وتفردهم على الترابيزة. وتمسك ترمس النسكافيه بتاعها وتغرقه بيه اللوح وتغطيها. وتحطها مكانها وتمشي من غير ما حد يشوفها. وتروح تستنى في الحمام. وشوية ورحمه ورحيم يدخلوا أول ناس. رحيم يطلع لوحه ويفردها ويبدأ يشتغل. ورحمه تساعده شوية. وباقي الطلبة يوصلوا واحد ورا التاني. عبير تدخل مع الدكتور. عبير

بشمهندسة رحمه لو سمحتي افردي مشروعك. الدكتور عاوز يشوفه. رحمه تروح تطلع لوحها تلاقيها متبهدلة على الآخر. رحيم مين الحيوان اللي عمل كده؟ عبير يا خبر! إزاي ده حصل؟ رحمه تعيط جامد. روقيه تحضرها. روقيه أنا مش قادرة أصدق. يا خبر. هتعملي إيه دلوقتي؟ معقولة هتلحقي تخلصي المشروع كله في يومين بس؟ ده النهاردة الأربع والتسليم السبت. عبير هنعـمل إيه يا دكتور؟ أنا استلمت منها المشروع بنفسي. مكنش فيه غلطة امبارح. الدكتور

أنا متأسف أوي يا بنتي، بس المناقشة بيحضر فيها لجنة من الدكاترة. محدش فيهم شاف مشروعك. رحيم يعني إيه؟ عادي كده؟ أي حد يبوظ مشروع أي حد كده عادي؟ كنا بنسيب مشاريعنا في الكلية ليه بقى؟ عبير عيب يا رحيم. اتكلم بأسلوب أحسن من كده. الدكتور معاك حق. كله ياخد لوحه معاه البيت النهاردة. وتيجوا بيها يوم السبت. رحمه طب وأنا كده خلاص تعبي كله راح؟ الدكتور أنا متأكد إنك هتلحقي تعيدي أكبر قدر منه. وأنا هشرح للجنه اللي حصل. رحيم

تعيد إيه ده؟ شغل شهر كامل. ده إحنا اتفحتنا. الدكتور يمشي. عبير كله ياخد حاجته ويوديها البيت. رحمه تقعد تعيط. ورحيم جنبها. عبير تروح لها. عبير اسمعي، أنا لو مكنتش شفت مشروعك بنفسي، كان ممكن افتكر إنك عملتي كده عشان ملحقتيش تخلصي. بس أنا متأكده إننا هنلحق نعيده. رحمه إزاي بس؟ رحيم لو بطلتي عياط هنروح ونبدأ فيه من الأول. عبير أنا هساعدك. بس اللجنة لازم تيجي تلاقي في مشروع. رحيم أنا هنزل الحاجات. العربية. بطلي عياط. رامي

أنا هساعدك. رامي ورحيم يشيلوا الشاسيهات وينزلوها العربية. وروقيه تروح تطبطب على رحمه. روقيه دي كانت ضامنة تطلع الأولى. يا خسارة. رحمه أنا مش عارفة مين اللي بيكرهني أوي إنه يأذيني كده. أنا عمري ما آذيت حد. روقيه إنتي عارفة بقى الناس بقت وحشة أوي أوي. عبير على العموم، أنا هحاول أساعدك على قد ما أقدر. روقيه والله أنا كمان كان نفسي أساعدك، بس هعمل إيه؟ بس أنا مخلصتش مشروعي. رحمه كأنك ساعدتيني بالظبط. أنا عارفة.

رحيم يطلع ورامي معاه. رحيم يلا، أروحك بقى عشان ترتاحي شوية على ما أجيب لك الشاسيهات الجديدة. رحمه يلا. عبير أنا هاجي معاكم. روقيه معلش يا رحيم، ممكن توصلني في طريقي عشان الشاسيهات اللي معايا مش هعرف أشيلها. رحيم هوصلهم وأرجع آخد حاجتك إنتي ورامي وأوصلكوا. رامي تمام. في البيت عند رحمه. حياه طب بس اهدّي وبطلي عياط. رحمه بوظوا لي مشروعي يا ماما. عبير

يابنتي العياط مش هيفيد بحاجة. جهزي حاجتك على ما رحيم يجيب الشاسيهات الجديدة واحنا هنساعدك. حياه أنا مش فاهمة. هو مش المفروض بيسيبوا الحاجات في الكلية؟ عبير أول مرة حاجة زي دي تحصل. بس ممكن برضه يكون وقع من حد غصب عنه. رحمه إزاي؟ والشاسيهات كانت محطوطة جوه الكوفر بتاعها؟ واشمعنى شاسيهاتي أنا؟ عبير طب يعني أقولك إيه؟ عفاف تدخل ومعاها كوباية عصير. عفاف اشربي دي. تهدّي شوية.

شوية ورحيم يوصل مع عماد ويحطوا الحاجات جنب الحيطة. عماد هو أنا أقدر أساعد معاكوا؟ رحيم بصي، أنا هاخد شاسيه وأبدأ فيه في أوضتي. وإنتي ابدئي في واحد. رحمه إنت مخلصتش؟ رحيم ملكش دعوة. خلينا فيكي إنتي الأول. رحيم وعماد يروحوا شقة رحيم. ورحمه وعبير يبدأوا يشتغلوا. في أوضة رحيم. عماد أعمل إيه؟ رحيم بيلزق ورق شفاف مرسوم عليه حاجات على الشاسيه. رحيم دوس على الرسمة دي عشان تنطبع. عماد حاضر.

عماد يبدأ يشتغل. ورحيم يحط شاسيه تاني على السرير ويبدأ يشتغل. وهما بيتكلموا. عماد صحيح يا رحيم، مين المزة اللي مع رحمه هناك؟ رحيم متتلم وتركز. إحنا ناقصينك. عماد يعني من باب العلم بالشئ، يعني أنا أخوك برضه. رحيم دي بشمهندسة عبير. المعيدة بتاعتنا. اتخرجت السنة اللي فاتت. حلوة المعلومات دي ولا أجيب لك رقم بطاقتها كمان؟ عماد حلوة. هي حلوة بعقل. رحيم هو إنت مش هتتهد أبداً؟

مفيش فرخة بتعدي من قدامك إلا لما بتعمل الحركتين دول. عماد لا، بس دي فرخة قصدى بت جدعة يعني إنها تيجي هنا تساعد رحمه وكده. رحيم منه لله الكلب اللي عمل كده. أنا مش فاهم إيه الحركات دي. عماد

منه بتحكي لي عن زميلتها في الكلية جالها عريس زميلهم وأبوها رفضه وكرشه. اتارى تقريبا كده كل دفعة بتعمل موقع زي منتدى كده على النت. وهو كان الأدمن. فخد إيميلات الدفعة كلها. وبعت عليه من إيميل تاني إن البنت دي متجوزة عرفي ومتصورة في أوضاع مش اللي هي يعني. وإنه هينزل الصور دي عشان قال إيه يحذر باقي البنات متفسدش أخلاقهم وكده. رحيم هي وصلت للسفالة دي؟ عماد

زي ما بقولك كده. أبوها بقى راح مباحث النت وجابوا الـ IP بتاع اللي عمل كده. وطلع الواد. بس الواد أكمنه في آخر سنة القاضي برّأه عشان ميبوظش مستقبله يعني. بس بعد منطق الحكم قاله متعملش كده تاني. رحيم إيه التخلف ده؟ وهي سكتت؟ عماد منه بتقول إن أبوها كان عاوز يستانف الحكم. بس هي كانت اتخنقت. وعلى العموم هو اتفضح في الكلية. رحيم دي كان ممكن تتجوزه إزاي ده؟ ده عيل ابن كلب زبالة. عماد

ياما هنشوف. يابني تعرف لما كنت أنا في الكلية كان فيه بت قمر اسمها إيه؟ البت دي كانت صاروخ يخربيتها. رحيم مالها يعني؟ عماد كنا مرة في الكورس. وفجأة لقيناها بتدي للمعيد من المنقى. يا خيار. مسحت بكرامة أمه الأرض. ومحدش عارف هي عملت كده ليه وإزاي. هو ساكت كده. اتارى البيه بقى كان رايح جاي يقول إنها خطيبته وإنه محدش يكلمها وكده. وكان عايش الدور. فالبت بقى ظبطته. رحيم جدعة. وهو عمل إيه؟ عماد

هيعمل إيه يا عم. إحنا كنا فاكرين إنها هتشيل. بس البت هددته إنها هتروح تقول للدكتور على عملته دي لو فكر يقرب لها تاني. بنت اللذينة جابت جيد جداً. رحيم هههههههههه. هو إيه اللي حصل في الدنيا؟ عماد يابني الأخلاق بقت في الأرض. وأهو على يدك اللى بعت للي اسمها إيه دي روقيه باين رسايل من موبايلك. واللى عمل كدا في رحمه. ولسه ياما هتشوف ذنوب وأساافين. هو إحنا في المصنع مش كل يوم بييجي حد مقدم فينا بلاغ كيدي أي هبل؟

اللي يقولك تراخيص. واللي يقولك أشغال طريق. وإحنا بنحمل أو بننزل في المعارض. فعادي. البلد دي الكل بيقطع في الكل. متستغربش. رحيم بس ده مستقبل. عماد هو كل المواقف اللي حكيتهالك دي مش مستقبل ناس؟ يابني فوق. ده الرسول صلى الله عليه وسلم. رحيم عليه الصلاة والسلام. عماد

مقدرش يبرئ ستنا عائشة باين من حديث الإفك. يعني الكلام والأذى منذ فجر التاريخ. وعندك مرات عزيز مصر مش رمت بلاها على سيدنا يوسف ورمته في السجن. ولا هو مش هابيل قتل قابيل؟ يابني بطل الطيبة اللي فيك. الدنيا دي الشر ممشيها. رحيم وإن يبقى الخير في أمتي اللي يوم القيامة. عماد أيوه. أنا بقولك بس عشان شايفك متفاجئ من اللي حصل مع رحمه. رحيم أنا بجد زعلان عليها أوي. هي تعبت أوي في المشروع ده. ربنا يعينها. عماد خلصت؟ إيه ده؟

رحيم بالسرعة دي؟ عماد عيب عليك. هو أنا جديد في الرسم؟ رحيم طب ثواني هلزق لك غيرها. في أوضة رحمه. رحمه حاطة شاسيه على السرير وبترسم عليه. وعبير حاطة واحد على الترابيزة وبترسم عليه. وهما بيتكلموا. عبير ممكن أعرف بتعيطي ليه؟ مش إحنا بنساعدك؟ رحمه أنا بجد مخنوقة أوي. مين بيكرهني أوي كده عشان يعمل فيا كده؟ عبير مش شرط يكون حد بيكرهك. يمكن يعني حد بيحاول يوقعك عشان يجيب تقدير أعلى. رحمه

يالله. حسبي الله ونعم الوكيل. ضيعوا مستقبلي. عبير بلاش تشاؤم. على الأقل إحنا أكتر من شخص. وكمان بننقل مشروع مرسوم. يعني مفيهاش تفكير ولا تصميم. الحاجات اللي كانت بتاخد وقت هننقله زي ما عملتيه بالظبط. متخافيش. هنلحق نخلص. رحمه إزاي؟ والتسليم يوم السبت الصبح الساعة 8؟ عبير يابنتي هتشوفي. أنا عمري ما عملت الحركة دي مع حد. عمري ما حطيت إيدي في لوحة حد غير. يعني بساعد في الروتوش. بس إنتي تستاهلي. فركزي بقى وبلاش نكد. رحمه

أنا عمري ما هنسى اللي بتعمليه ده. عبير هههههههههه. الجملة دي محتاجة حضن. بس هأجله لحد ما نخلص. ماشي؟ رحمه ههههههه. ماشي. عماد يدخل. عماد عاوز شاسيه الأصلي بتاع القطاعات. رحمه تقوم تطلعه له. رحمه اتفضل. فيه شاسيه ناقص. عماد إحنا معانا واحد كمان غير ده هناك. تليفون عبير يرن. عبير أيوه يا ماما... لا أنا عند واحدة صاحبتي... لا هتأخر شوية. معلش نسيت أكلمك أبلغك... هبقى أحكيلك لما أجي... ماشي يا حبيبتي. سلام. رحمه

عاملاك مشاكل؟ عبير لا، أنا نسيت أتصل بماما أقولها فلما اتأخرت اتصلت هي. شوية نحنة. ورحمه قاعدة بتتفرج. عماد لو عاوزة تروحي ممكن أوصلك عادي. عبير ميرسي كتير. كلك ذوق. بس أنا هساعد رحمه شوية لسه قبل ما أروح. عماد أنا عماد على فكرة. أخو رحيم الكبير. عبير بجد؟ لا، مفيش شبه بينكوا. عماد عارف. أنا أحلى. مش كده؟ عبير هههههههههه. رحيم يدخل. رحيم عن إذنكوا. بس الشاسيه ده عشان أنا عطلان هناك. عماد

لا، أنا جاي معاك. أنا لازم أنا اللي أوصلك. أوى تمشي. رحمه إيه؟ مش هتمشي؟ اخلص. عماد ورحيم يمشوا. عبير زوق أوي عماد. رحمه تبتسم. في أوضة رحيم. عماد شوفتهاش إنت وهي بتقولي ميرسي أوي كلك ذوق. تحس إن بوقها هيتكسر وهي بتتكلم من كتر الرقة. رحيم ارحم أمي العيانة واشتغل. عماد أنا مشوفتش دبله. متعرفش إنت ياض الحوار؟ رحيم لا معرفش. ومش فاضي. لما تبقي تروحي ابقي اعرف منها براحتك. عماد بقى لوزة زي دي تبقى فاضية إزاي؟

ليه الرجالة عموا؟ رحيم سابولك انت النظر. عماد تفتكر عندها كام سنة؟ أنا كنت فاكرها معاكوا في الدفعة. رحيم إزاي يعني؟ مش أقل من واحد وعشرين. على فكرة يمكن اتنين وعشرين كمان. عماد أنا ماشي في السبعة وعشرين. طب والله فرق حلو. رحيم وله فوق دي المعيدة بتاعتي. يعني أي حركة قلة أصل منك. عماد بس يا أهبل. هو أنا وش ذلك برضه؟ رحيم دهنت أبوك وأمه. اتنيل اشتغل. عماد اتنيلت. بلا قرف. بعد فترة في أوضة رحمه. عبير وصلتي لفين؟

طب تمام أوي. أنا خلصت اللوحة كلها. فاضل التحبير والتلوين. رحمه وأنا كمان تقريبا زيك. عبير طب بصي، معلش أنا لازم أمشي. هحاول أجي الصبح بدري على قد ما أقدر. ماشي؟ رحمه لا عادي براحتك. والله أنجزتي. كفاية تعبك طول اليوم. عبير خلاص كملي بقى. وأنا هشوفك بكرة. رحمه ثواني. هنادي على عماد يوصلك. عبير ملوش لزوم. هاخد تاكسي من قدام البيت. رحمه على فكرة عماد مؤدب. عبير باين عليه. رحمه تمسك الموبايل وترن على عماد. رحمه الو...

بشمهندسة عبير هتروح. هتوصلها ولا إيه؟ ... أوك. سلام. عبير أنا مش عاوزة أتعبك والله. عماد يدخل جري. عماد تعبك راحة. اتفضلي. رحمه مع السلامة. رحمه توصل عبير وعماد للسلم. وتروح تبص على رحيم وشغله. رحمه تدخل أوضة رحيم. رحمه بسم الله ما شاء الله. رحيم إيه رأيك في الشاسيه اللي على السرير؟ فاضل التحبير والتلوين. وبخلص في رسم الشاسيه بتاع عماد. رحمه طب إنت خلصت الشاسيه اللي كان باقي لك؟ رحيم هخلصه لما أخلص. رحمه

لا، ابدأ به فنش. مش هياخد حاجة. رحيم بقولك إيه؟ امسكي طقم أقلام التحبير وخلصي اللوحة اللي على السرير. بطلي رغي. مفيش وقت. رحمه حاضر حاضر. رحمه تبدأ تشتغل. وحياه تدخل عليهم وفي إيدها صينية شاي وساندوتشات. حياه هي صاحبتك مشيت؟ رحمه وهي بتشتغل دي المعيدة بتاعتي. آه. مشيت. حياه طب أقدر أساعد في إيه طيب بدالها؟ رحيم بصي يا ماما تعالي.

رحيم ياخد حياه الأوضة التانية. ويشيل الشاسيه اللي على الترابيزة ويحط واحد تاني. ويمسك ورق شفاف ويلزق كذا واحد. رحيم ده شفاف كربون. لو دوستي على الرسومات دي هتنطبع على الشاسيه. فامشي على الرسومات كلها بالقلم. وخلصي على قد ما تقدري. حياه ماشي. سهلة. رحيم أنا بخلص هناك مع رحمه. حياه تفتكر هتلحق؟ رحيم بإذن الله. أنا مش هنام إلا لما تخلص. حياه تطبطب على كتف رحيم. ورحيم يمشي. في عربية عماد. عماد وصلنا بالسرعة دي؟ معقول.

عبير شكراً. تعبتك معايا. عماد تعبك راحة. هو إنتي هتيجي بكرة تاني؟ ... قصدي يعني عشان تساعدي رحمه. عبير بإذن الله هحاول. عماد ممكن تفتحي الدرج؟ عبير تفتح الدرج. عماد خدي كارت. عبير تاخد كارت. عماد ده رقمي. كلميني. أجي آخدك عشان متتبهدليش في التاكسيات. أنا خلاص حفظت العنوان. خمس دقايق وأكون قدامك. هو. عبير مش عاوزة أتعبك. عماد تعب إيه؟

ده إحنا اللي تاعبينك. أنا مشوفتش في حياتي معيدة حلوة. قصدي يعني معيدة بتروح للطلبة تساعدهم في البيت. يعني إنتي فاهمة. محدش بيعمل ده لوجه الله دلوقتي. عبير هي أصلها صعبت عليا أوي. حرام الترم يروح عليها بعد كل تعبها. ورحمه كمان بنت شاطرة ومؤدبة أوي وملتزمة. عماد مبتسم. عبير إيه بتبص لي كده ليه؟ عماد هاه؟ عبير أوك. أنا أخدت الكارت. سلام. عماد سلام. عبير تنزل. وعماد يروح. في البيت. عماد

أنا بقى جبت لكم السوبر ماركت كله. شيكولاتة وعصير وكل حاجة. رحمه وهي بتشتغل تعرف تلون؟ عماد إيه؟ رحيم تلون؟ أديك علبة ألوان وتلون. عماد ده أنا في التلوين فنان. إنتوا فاكرين إيه؟ دا أي عيل صغير يعرف يلون. رحيم طب بص. روح أوضة رحمه هتلاقي لوحة على السرير. طلع أختها وعلبة الألوان. واعمل منها صورة طبق الأصل. وخد بالك الغلطة بفورة. إنت فاهم؟ مش هنعيد شغل اليوم كله. عماد عيب عليك يا جدع.

عماد يمشي. ورحمه ورحيم يشتغلوا وهما بيتكلموا. رحمه حلوة بشمهندسة عبير صح؟ رحيم مخدتش بالي. رحمه أنا قصدي على عماد. شكلها هي اللي هتعرف تظبطه. رحيم هي جدعة وشكلها محترمة يعني. رحمه فعلاً. وعلى فكرة أنا شايفه كيمستري عالية بينهم. رحيم بس عماد مبيسترش. رحمه لأنه محبش قبل كده. رحيم أيوه. كل شوية يلاقي واحدة حلوة يقعد يعيش الدور كام يوم. وشوية ويحلق لها ويعمل مشاكل. رحمه أنا فرحانة معرفش ليه. رحيم يارب دايماً. رحمه

إنت ليه بتساعدني؟ رحيم يبصلها. رحيم إنتي هبلة ولا شاربة حاجة؟ إيه السؤال ده؟ رحيم بيكمل تحبير. رحمه لا بس إنت سايب مشروعك ودرجاتك ومستقبلك وبتشتغل ليه؟ رحيم عشان إنتي بنت عمي ومستقبلك هو مستقبلي. رحمه بس... رحيم يسكتر. رحمه ركز ركز عشان متغلطش. رحمه تكمل شغل. حياه أخيراً خلصت. دول طلعوا بتوع عمارة دول بيتعبوا أوي يا عماد. عماد أنا خلاص معدتش شايف قدامي أصلاً. حياه خلاص يا حبيبي كفاية وخش نام. إنت. عماد ورحمه؟ حياه

إنت بتعمل إيه؟ طب خلاص فاضل حاجات بسيطة. روح نام. وأنا هكمل. عماد ماشي. أول ما أصحى هكملها. عماد يمشي. وحياه تكمل مكانه. في أوضة رحيم. رحمه مش قادرة خلاص. تعبت. ضهري بيتقطع. رحيم شيلي الشاسيه وافردي ضهرك على السرير شوية. وبعدين كملي. أنا خلصت تحبير وهبدأ في التلوين أهو. رحمه لا، كفاية عليك إنت كمان. إحنا أنجزنا حبة حلوين. كفاية ونام شوية. دي تالت كوباية قهوة تشربها. رحيم

قولت لك لو تعبتي روحي نامي إنتي. أنا مش هنام إلا لما أخلص. رحمه قولت لك لا مش هنام وأسيبك. أنا هريح حبة هنا أهو وهقوم أكمل. رحيم ماشي. في أوضة رحمه. حياه خلصت تلوين اللوحة. وتطلع نسخة من لوحة رحمه الأصلية. تروح أوضة رحيم تلاقي رحمه رايحة في النوم. ورحيم بيشتغل. حياه هي نامت؟ رحيم ههههههه. هش. اه نامت. قالت هتريح بس أول ما حطت راسها عالمهدة نامت. حياه يا حبيبتي يا بنتي. أنا هقومها تروح تنام في أوضتها. رحيم

استنى استنى. لو قومتيها هتصحى وتكمل شغل. سيبيها ترتاح شوية. حياه بس هي... رحيم وصلتي لفين يا ماما؟ حياه تبص لرحمه نايمة. وتبص لرحيم. رحيم ياخد علبة الألوان ويروح مع حياه أوضة رحمه. ويقفل عليها الباب. حياه أنا خلصت. دي إيه رأيك بقى؟ رحيم فنانة والله يا ماما. من يومك. حياه اديني شغل غيره يلا. رحيم استنى ثواني. رحيم يروح أوضته. ويجيب الشاسيه اللي رحمه كانت شغالة عليه والأصلي بتاعها. ويحطهم على سرير رحمه في أوضتها. رحيم

كملي ده. وأنا هخلص تحبير اللوحة اللي شفتيها دي. حياه ماشي. حياه أنا خلصت دي. إيه رأيك بقى؟ رحيم فنانة والله يا ماما. من يومك. حياه اديني شغل غيره يلا. رحيم استنى ثواني. رحيم يروح أوضته. ويجيب الشاسيه اللي رحمه كانت شغالة عليه والأصلي بتاعها. ويحطهم على سرير رحمه في أوضتها. رحيم كملي ده. وأنا هخلص تحبير اللوحة اللي شفتيها دي. حياه ماشي.