رواية مفيش رحمه الفصل السابع 7 - بقلم لولو محمد

رامي / لا بجد مش فاهم رحيم / كل واحد قاعد جنبه واحدة وانت جنبك تلت قمرات رامي / ههههههههههههههههههه معاك حق تصدق الكل ينزل من الباص رحمة / وانت بقى كفاية عليك واحدة ولا نفسك في تلت قمرات رحيم / ويجوا ايه تلت قمرات جنب نجمة عالية منورة في السمرا رحمة / ثبتني رحيم / هههههههه روقية ترجعلهم روقية / مش ناويين تيجوا ولا إيه رحمة / جايين قدام الباص المشرف بيتكلم بعيد ومحدش سامعه ريهام / بيقول إيه ده رامي / هروح أشوف

رحمة / حلوة القلعة روقية / أول مرة تيجي ولا إيه رحمة / فعلاً أول مرة آجي في الشتا بجد المنظر تحفة الموج وهو عالي وبيضرب في الشط روقية / انت ايه رايك يا رحيم رامي يرجع لهم رامي / خير رامي / بيقول جولة حرة ساعتين نتفرج براحتنا ونتجمع تاني هنا عند الأوتوبيس الساعة 2 روقية / تمام يلا بينا الكل يتحرك ورحيم ماسك إيد رحمة وبيبطأه رحمة / في إيه رحيم / هو إيه اللي إيه انتي مستعجلة على إيه وراكِ حاجة رحمة / هنتوه منهم

رحيم / انتي غبية يا بت ماهو ده المطلوب رحمة / اهااااا على العموم تمام كلهم مشيوا رحيم يطلع من جيبه علبة رحمة / دلوقت رحيم / اه هنا قدام الميه والموج والسما اللي شكلها هتغرقنا النهاردة دي رحمة / ههههههههههه رحيم يفتح العلبة جواها خاتم يمسكه ويلبسه لرحمة رحمة / تحفة استنى بقى أوريك أنا جايبالك إيه رحيم / كفر جديد للموبايل مانا عارف رحمة / اخص عليك عرفت منين رحيم / انتي هبلة مانا كنت معاكي وإنتي بتشتريه

رحمة / لا انت كنت بره رحيم / اه بره وباب المحل إزاز فشوفتك غبية أوي رحمة / ماشي يا ناصح هات موبايلك بقى أركبهولك رحيم يفك موبايله من الكفر ورحمة تفتح الهدية وتركب الكفر وتديه لرحيم يمسكه ويقلبه يبص على الكفر يلاقي مكتوب على ضهره حرف R بالاستراس المطفى رحيم / حلو أوي شكراً بعيد شوية رامي / إيه يابنتي افتكرتك توهتي مننا انتي كمان روقية / بص هناك رحمة ورحيم ولا هاممهم القلعة ولا بيفكروا حتى يتفرجوا عليها

رامي / طب ما ده العادي بتاعهم امال احنا مفكرناش ندور عليهم ليه هما كدا طول عمرهم بيحبوا يبقوا لوحدهم روقية / طب إيه رأيك نرخم عليهم رامي / هههههههه دي هوايتي المفضلة عند رحمة ورحيم رحمة / أنا تعبت من الوقفة في البرد ده تعال ندخل بقى نشوف حتة نقعد فيها رحيم / والله لو مكانوش هيفهمونا غلط كنا روحنا قعدنا مع السواق في الباص رامي وروقية يدخلوا رامي / من لقى أحبابه رحيم / حلق لأصحابه روقية / واو خاتم تحفة هابي فلانتين

رحمة / شكراً رحيم لسه مديهوني روقية / ذوقك تحفة أوي يا رحيم رحمة / عارفه روقية / والله رحمة / أكيد مش اختارني روقية تسكت رحيم / تعالوا نشوف حتة دفا نقف فيها لحسن اتجمدنا بعد شوية كتير روقية / ياربي ده وقته ده أنا لسه شاحنة امبارح رامي / خير في حاجة روقية / الرصيد خلص مع إني لسه شاحنة امبارح والله رامي / شركات حرامية يابنتي اسأليني أنا روقية / لازم أدور على أقرب محل موبايلات عشان أشحن هو رحمة والبنات فين

رحيم / راحوا الحمام عند عزة روقية / يوووه زمان ماما قلقانة عشان الخط فصل فيها ممكن حد ييجي معايا رحيم / ياستي خدي موبايلي اتكلمي منه زي مانتي عايزة روقية / مش عاوزة أحرجك رحيم / إحراج إيه يابنتي اعتبريني زي أخوكي خدي خدي روقية / ميرسي كتير شكراً روقية تاخد موبايل رحيم وتروح بعيد شوية روقية / زي أخويا صح ارزاق ماشي يا ست رحمة اتدلعى اتدلعى أنا بقى هخليكي تولعي

روقية تمسك موبايل رحيم وتبعت رسالة لنفسها وتمسحها من موبايل رحيم وترجع رحيم / طمنتيه روقية / اه كلو تمام هي هتبعتلي رصيد دلوقتي البنات يرجعوا رحيم / يلا نركب الباص بقى رحمة / أوك الكل يركب الباص المشرف / دلوقتي هنطلع على المنتزه هنفضل قاعدين لحد الساعة 5 ونتجمع كلنا عند الباص عشان العدد وبعدين ليكم تلت ساعات جولة حرة تروحوا مكان مانتوا عايزين وبعدين نتجمع تاني عشان نرجع ونتحرك الساعة 8 ياريت الكلام يكون واضح

في المنتزه رحيم / الحمد لله الجو حلو أوي النهاردة رامي / متيجي يابني العيال بيلعبوا كورة تعال نلعب معاهم رحيم / قشطة يلا بينا روقية / أنا هشجعكوا اوعوا تكسفوني رامي / دهنا هنقطعهم رامي ورحيم يروحوا يلعبوا ورحمة والبنات قاعدين بعيد شوية يشجعوا روقية / وهناكل إيه بقى هنار رحمة / أنا عاملة سندوتشات كفتة وبانيه

روقية / نبقى في إسكندرية وناكل سندوتشات زمانها أصلاً بردت وجلدت بتهزري طبعاً لا ألف شكر كليها انتي بالهنا والشفا لوحدك رحمة / أنا حطاها في حافظة وعلى العموم لو مش عايزة تاكلي محدش غصبك ريهام / امال عايزة تاكلي إيه روقية / فسفور سمك جمبري كدا يعني ريهام / أنا مبحبش السمك روقية / كلي جمبري أو كابوريا إيه رأيك انت يا رنا رنا / لا شكراً أنا بموت في الكفتة الباردة المجلدة رحمة وريهاام يضحكوا

روقية / أما نشوف لما رحيم ورامي يخلصوا لعب رأيهم هيبقى إيه رحمة / متشغليش بالك برحيم أنا متأكدة إنه هياكل معانا روقية / وإيه اللي مخليكي واثقة أوي كدا مش يمكن يكون زهق من الكفتة وريقه يجري على الجمبري رحمة / براحتك لما ييجي ابقى اسأليه بس أنا بقولك أهو رحيم مدام أنا تعبت في الأكل أكيد أكيد هياكله حتى لو طعمه وحش روقية / مسكين أوي صعب عليا رحمة / ميصعبش عليكي غالي رحيم ورامي يرجعوا يشربوا ميه

رحمة / مش عايزة تسأليهم حاجة يا روقية روقية / أنا عايزة آكل جمبري بس البنات معاهم سندوتشات كفتة أكيد زمانها بردت إيه رأيكوا يا شباب رامي / معاكي وشرحيم / لا أنا عامل حسابي آكل من الكفتة الحقيقة رحمة / مش قولتك روقية / ولا تزعلوا نفسكوا أنا هروح أنا ورامي وانتوا خليكوا هنا رحيم ورامي يروحوا يكملوا لعب ولما يخلصوا يرجعوا رامي / أنا جوعت يلا بينا روقية / سلام بقى يا جماعة رحمة / سلام يا روقية

روقية ورامي يمشوا والباقي يرجعوا الباص ورحمة تطلع شنطة فيها عيش فينو وتطلع حافظة فيها الكفتة والبانيه وتعبى الساندوتشات وتدي لريهام ورنا رحيم / هاتى ساندوتشين تلاتة للسواق رحمة / اتفضل رحمة تلفهاله في منديل ويروح يديهم للسواق ويرجع ريهام / على فكرة روقية رخمة أوي رحمة / بجد هو أنا اللي لازقالهالنا ولا حضرتِك ريهام / وأنا أشعرفني إنها هتطلع رخمة أوي كدا مكانت كويسة رحمة / ولا صاحبك اللي لازقاله طول الوقت

رحيم / وأنا مالي هو حر هو أنا كنت خلفته ونسيته هاتى ساندوتش كمان هاتى رحمة / تديهاله موبايل رحيم يرن رحيم / جبتوا في سيرة القط عن إذنكوا ثواني رحيم ينزل من الباص رحيم / الو أيوه يا معلم خير ..... ههههههه مش عارف ليه كان قلبي حاسس إنها هتعمل فيك كدا ...... لا متخافش معايا قولي انت فين وهجيلك ....... هههههههه أدي آخره الجنتلة رحمة تنزل من الباص رحمة / خير رحيم / مفيش اركبي انتي بس وأنا ثواني وراجع رحمة / على

رحيم / رحمة أنا عمري خبيت عنك حاجة تخصني رحمة / ماشي يا رحيم روح رحيم / اجيبلك حاجة وأنا راجع رحمة / لا شكراً متتأخرش بس رحيم يمشي ورحمة تركب الباص تاني في مطعم السمك رحيم يدخل يلاقي رامي وروقية قاعدين وقدامهم جمبري جامبو وسمك وكابوريا رحيم / لقيتكوا روقية / كنت عارفة إن الكفتة مش هتعجبك ورجليك هتجيبك على هنا رحيم / لا ده أنا نسيت حاجة مع رامي وجيت آخدها هستلفه منك ثواني

روقية / طب معلش ممكن على ما ترجع أكلم ماما أشوفها مبعتتش الرصيد ليه رحيم يديها الموبايل رحيم / طبعاً اتفضلي رحيم ياخد رامي ويطلعوا بعيد وروقية تبعت رسالة تانية من موبايل رحيم وتمسحها من موبايله عشان ما يعرفش إن فيه حاجة اتبعت رحيم / ههههههههههه شكلك زبالة أوي

رامي / أنا قولت أعزم بجنتلة ترفض مثلاً تقولي بصفتك إيه لقيتها بتطلب جمبري جامبو وكابوريا أنا أصلاً مبعرفش أقشرها أحرجت أتكلم وأقولها إني معيش فلوس لكل ده هعمل إيه رحيم / طب لو مكنتش عامل حسابي للطوارئ كان زمانك بتغسل صحون دلوقتي رامي / انت هتقطمني هردهملك أول ما أرجع مصر رحيم / انت عبيط ياض أنا مبتكلمش عن كدا بس انت الغلطان كانت شايفها بتستهبل كنت أحرجها تعال نشوف فتورتك النيلة كام ونحاسب وربك يستر بقى في باقي اليوم

رامي / أنا محتاج منك متينيه بس وأنا حاسبها معايا الباقي رحيم / تلتميه أههم احتياطي أنا ماشي رحيم يدخل ياخد الموبايل من روقية روقية / ميرسي أوي مش عارفة من غيرك كنت عملت إيه رحيم يبتسم ويمشي في الباص وهما راجعين بالليل رحمة تنام ورحيم يعدل راسها على كتفه وروقية تقوم تقف جنب رحيم روقية / شكلها عسل أوي وهي نايمة رحيم / منمتيش ليه انتي كمان زيهم روقية / أنا مبتبش بسرعة أوي كدا زيهم وانت منمتش ليه انت كمان

رحيم / مببعرفش أنام غير في أوضتي أصلي للأسف نومي خفيف أوي فأقل حركة للباص هصحى روقية / يا حرام انت عارف إن دي علامة إن بالك مشغول رحيم / بجد روقية / أه اسأليني أنا أصلي أنا كمان زيك كدا رحيم / انتي هتفضلي واقفة رجلك هتوجعك روقية / لا أنا رجليملت من القعدة قولت أقف عشان أفكه رحيم / أوك براحتك روقية / يعني مسألتنيش بالي مشغول في إيه رحيم / أسف بالك مشغول في إيه رحمة تفوق رحيم / إيه صحيتك أنا آسف

روقية / شكلك من النوع اللي بيعتذر كتير عن إذنكوا هروح أقعد أنام روقية تروح تقعد رحمة / كنتوا بتتكلموا في إيه رحيم / أي هبل متشغليش بالك انتي رحمة / أوك في البيت في مصر رحمة / أنا هموت من التعب حياة / إيه ده انتي مش هتحكيلي إيه اللي حصل في الرحلة رحمة / بكرة يا ماما هوريكي الصور وكل حاجة بس دلوقتي هموت من التعب حياة / تصبحي على خير يا قلبي رحمة تدخل أوضتها حياة / وانت هتحكيلي ولا هتروح تنام انت كمان

رحيم / بصي أدي موبايلي عليه كل الصور اتفرجي براحتك ولما هصحى هحكيلك كل حاجة عفاف / هههههههههههههههههه لا يا خويا روح نام ولما تصحى ابقى ورينا الصور وكل حاجة براحتك رحيم يروح أوضته يلاقي أمه وأبوه نايمين وعماد صاحي قاعد على النت رحيم / أنا داخل أنام عايز حاجة عماد / تسلم يا غالي انبسطت رحيم / أوي عماد / أهم حاجة خش نام بقى ولما تصحى احكيلي كل حاجة

رحيم يبتسم ويدخل أوضته ويغير هدومه وشوية وتجيله رسالة برصيد من رقم مجهول فيتصل بيه رحيم / الو صوت بناتي برقة / صحيتك رحيم / روقية ؟؟؟ مكنتش نمت إيه اللي بتعمليه ده روقية / بعمل إيه هي رحمة زعلت إني بتصل بيك متأخر ولا إيه رحيم / رحمة نايمة أنا بتكلم عن الرصيد روقية / كدا اطمنت إنه وصل رحيم / ليه يعني روقية / الله مش عملت كذا مكالمة من عندك مقولتكش ماما مبسوطة منك قد إيه وبتقول عليك شهم أوي

رحيم / شكراً بصي أنا هبعتلك الرصيد تاني ويا ريت متكرريهاش روقية / لو عملت كدا هزعل منك جامد أوي على فكرة ولا انت عايزني أزعل رحيم / على العموم الواحد كدا بيتعلم روقية / بتتعلم إيه أوعى تكون زعلت مني صدقني أكيد مقصدتش أزعلك على العموم اعمل اللي يريحك أصل أنت متعرفش أنا مقدرش إنك تزعل مني أبداً رحيم / هاه ؟؟؟ روقية / إيه مستغرب ليه طب ماهو طبيعي أصلي أنا مبحبش حد يزعل مني وده اللي موديني فداهية رحيم / ماشي

روقية / صحيح يا رحيم رامي قالي إنك شاطر في الفيزيا وأنا في كذا حاجة واقفة قدامي فلو معندكش مانع ممكن تبقى تشرحهالي رحيم / رحمة أشطر مني في الفيزيا الصبح لما تصحى هطلب منها تشرحلك اللي انتي عايزاه روقية / رحمة ؟؟ ماشي أسيبك أنا بقى تصبح على خير رحيم / وأنتي من أهله رحيم يقفل السكة ويحط الموبايل وينام يصحى تاني يوم يلاقي رحمة ماسكة الموبايل رحيم / صباح الخير رحمة / صباح النور الفطار جاهز

رحمة تحط الموبايل على الكومودينو وتمشي رحيم يمسك الموبايل يلاقيها فاتحة سجل المكالمات يحطه تاني ويقوم وراها يلاقي رحمة بتساعد زينب في حط الفطار يروح يقعد جنب أخوه رحمة توزع الأطباق وتحط العيش وهي مبوزة وتمشي تنادي على باباها ومامتها وجدتها من الشقة التانية عماد / هو فيه إيه رحيم / ممسوك تلبس بس وربنا مظلوم عماد / هتوحشني يا رحيم رحيم / باين كدا مدام متكلمتش ولا علقت يبقى أكيد بتحضرلي مصيبة

عماد / ههههههه طب اسكت لحسن جاية رحمة تروح تقعد جنب رحيم وتناوله رغيف عيش رحمة من تحت لتحت / كل لحسن شكلك جعان أوي زينب / مبالراحه يا رحمة رحمة / معلش يا طنط أصلك عارفة غلاوة رحيم رحيم يمد إيده يحاول ياخد بيضة مسلوقة رحمة تسبقه وتشيل الطبق وتحطه قدامها رحمة / طب كنت قولي إنك نفسك في البيض على الأقل كنت نقيتله بيضة نضيفة رحيم / أنا مليش في البيض على فكرة أنا بحب آكل الطعمية السخنة وانتِ عارفة

رحمة / بجد طب مدام بتحب الطعمية روحت تمد إيدك على البيض ليه ولا عشان الطعمية بعيد والبيض رخيص رحيم / مش هرد عليكي انتي عارفة ذوقي كويس رحمة / والله ما عدت متأكدة أصل ساعات الواحد بيزهق من أكل البيتزا ونفسه بتهفهف على الفسيخ الكبار متابعين الحوار وعلامات التعجب على وشهم محمود / من امتى بتحبي الفسيخ يا رحمة رحمة / أنا مبحبوش يا بابا وانت عارف قد إيه بقرف منه ومن ريحته الدور والباقي على رحيم شكله بيفكر يرمرم

عفاف / فيه إيه يا ولاد رحمة / مفيش أنا مش جعانة عن إذنكوا رحمة تقوم رحيم / عن إذنكوا رحيم يقوم يجري وراها في أوضة رحمة رحمة داخلة تجري ورحيم بيجري وراها يمسكها من إيدها رحمة / سيب إيدي رحيم / طب ممكن تسمعيني الأول رحمة / الساعة واحدة بالليل تتصل بروقية ليه ربع ساعة بتتكلموا بتقولوا إيه رحيم / أنا مكنتش أعرف إنها روقية على فكرة رحمة / والله رحيم / وحياة رحمة مكنت أعرف رحمة / متجيبش اسمي على لسانك

رحيم / لما كنا في الرحلة امبارح رصيدها خلص اديتها موبايلي تكلم مامتها بس أول ماروحت وشحنت لقيتها بعتالي الرصيد أهو اتفضلي أدي الرسالة عشان تتأكدي إنها بعتالي رصيد رحمة / كمان هي اللي بتشحنلك عشان تكلمها دي رخيصة أوي رحيم / بصي هي مش موجودة عشان تغلطي فيها رحمة / ليك حق تتحايل لها اتفضل اطلع بره أوضتي لو سمحت رحيم / فوقي بقى وبطلي هبل مفيش بيني وبين روقية أي حاجة اللي حصل سوء تفاهم مش أكتر عفاف تدخل

عفاف / فيه إيه يا ولاد