رواية مجهول دخل حياتي الفصل الثالث 3 - بقلم فاطمة الدمرداش

سها متضربنيش. اسلام: محدش يقدر يمس منك شعرة. اتكلمي. اسلام جاب لها كوباية ميه. اسلام: اهدى. سها: امبارح كنت واقفة ف البلكونة وفجأة حجر نزل علي. محمد: كملي. اسلام بزعيق: مش كدا ي بابا. سها بدموع: وبعدين لقيت ف الحجر ده ورقة. وبعده مردتش أدخل عشان أشوف مين بعت الورقة. لقيت حجر تاني. اسلام: فين الورق؟ سها: ف الشنطة. فتح اسلام الشنطة لقي ٣ ورقات بس. اسلام: دول ٣؟

سها: مانا وف العربية حد رمى علي ورقة وجرى بسرعة بالموتوسكل. لكن أنا والله عمري ماعملت حاجة زي دي أبداً. اسلام: طيب قلت لحد من صحابك؟ سها: مكنتش مركزة ف الكورس بسبب الورق ده وكنت مش على بعضي. الدكتور زعق فيا. وبعد ما طلعت رحمة قالتلي احكيلي يمكن أساعدك. وأنا قلت على كل حاجة. محمد: أنا بنت كلمتني وقالتلي بنتك بتكلم ولاد. محمد: أنا هدور على الرقم وهنرن عليه وهنشوف إذا كانت هي ولا. سها: تمام. اسلام رن ع الرقم.

رحمة: الو الو. محدش رد. رحمة: غريبة مين اللي بيتصل ده. سها: قفلت. سها: رحمة ي بابا. اسلام: أيوا رحمة. أنا سمعتها كام مرة بتكلمك. ده صوتها. اسلام: شوفت ي بابا إن سها عمرها ما هتعمل حاجة أبداً من اللي بتقول عليه. محمد كان محرج جداً ومقدرش يرفع عينه من على الأرض. دخل أوضته بدون أي كلام. سها: هنعمل إيه دلوقتي ف رحمة؟

اسلام: لا سيبى الموضوع ده عليا. بس أنا عايز أعرف مين الشخص ده وإزاي عارفني. أنا معرفش حد غير ناس قليلة خالص. سها ببكي: أنا عايزة أنام. اسلام: لا وأنا مش هسيبك تنامي غير لما أرضيكي. أنا هنزل أجيب أكل لينا لأنك مطبخيتيش النهاردة. سها: هات لنفسك أنا هنام. اسلام: أبداً مش هتنامي. طيب إيه رأيك ننزل سوا؟ سها: شكراً ي اسلام. أكتر حد فاهمني. بجد اتظلمت خالص. اسلام: وأنا عارف وهجيب حقك.

نزلوا وقعدوا شوية على البحر وجابوا أكل. وجاب لها شوكولاتة عشان متزعلش. سها: مكنتش أتخيل بابا يشك فيا. اسلام: بصي هو معه حق ومش مع حق في نفس الوقت. سها: إزاي؟ اسلام: هو كان المفروض يتحقق من الموضوع الأول قبل ما يتهمك بكده. وفي نفس الوقت كان فيه لحظة غضب لأنه ميتحملش حد يقول عليكِ كدا. فلقيك أول واحدة في وشه فعمل معاكِ الصح. سها: بابا عمره ما ضربني قبل كده.

اسلام بهزار: فضلت تقولي بابا عمره ما ضربني لحد ما النهاردة كسر عضمك. سها بضحك: عندك حق. سها: جسمي وجعني يالا نروح. اسلام: يالا بينا. وهما ماشيين شخص عدى بسرعة بموتوسكل ورمى ورقة على سها. اسلام: إيه المتخلف ده. سها: بص رمى علي إيه. اسلام: وريني كده كاتب إيه. "كنت سامع صوتك إنت بتبكي. آسف جداً على اللي حصل. بس هصلح غلطي قريب."