رواية مغتصبي اللعين الفصل السابع 7 - بقلم مروة علي

_بس أنا أعرف سواق التوكتوك اللي اغتصب دموع معاه. _وأنا إيه اللي يخليني أصدقك، مش يمكن دي خدعة منك أنت ومحمد عشان تضيعي وقتنا، وخصوصاً إن لسه فيه جلسة محكمة حوالي أسبوعين. -بعياط. صدقني والله أنا مش بشتت حضرتك، ومحمد لو يعرف إني جاية هنا ما كنتش هلحق أوصل أصلًا. -ماشي يا آنسة رغد، تقدري تقوليلي عنوانه وأنا هعرف أوصله. -ماشي يا متر، وأنا تحت أمرك في أي وقت، بس ياريت محدش يعرف إني جيت لحضرتك. *بعد أسبوع* *في المستشفى*

-السلام عليكم يا دكتور، دموع عاملة إيه النهارده؟ -وعليكم السلام يا مدام هالة، لسه زي ما هي للأسف، ما فيش تحسن. -طب يا دكتور لو هي محتاجة عمليات أو سفر، إحنا مستعدين نسفرها لأي مكان. -أي سفر ليها حاليًا هيضرها أكتر ما ينفعها، هي مش محتاجة منا غير الدعاء. *في بيت محمد* -جرا إيه يا ماما، كل العياط ده عشان بقولك محتاج غوايشك أبيعها. -بصريخ. ابعد عني يا حيوان، الله ياخدك وارتاح منك. بتمد إيدك عليا، ابعد عني.

-بقولك إيه يا ماما، خلصيني أنا عايز الغوايش، أفك بيهم ضيقتي وهرجعهم تاني. -وأنا بقولك ابعد إيدك النجسة دي عني، بدل ما أصوت وألم عليك الناس. -تحت تأثير المخدر. الظاهر إنك مش هتيجي معايا بالذوق. وقام ماسك السكينة. اقلعي، وإلا ورب الكعبة أفصل رقبتك عن جسمك. -بعياط وصريخ. أنت عايز مني إيه يا ابني؟ ابعد عني حرام عليك. -بعصبية. قام مقلعها الغوايش بالعافية، وبيحاول يمشي ولكن أمه ماسكة فيه. -ابعدي عني بقى.

ثم قام بغرز السكينة في رقبتها، وطلع يجري. -أحد الجيران. إيه الصويت والدوشة دي يا جماعة؟ -باقي الجيران. ما نعرفش والله يا أبو خالد، تقريبًا الصوت من عند أم محمد. تعالوا نشوف فيه إيه. -يا سوادي، إلحقوا يا ناس الست إحسان مضروبة بالسكينة في رقبتها، وحسام بيقول شايف محمد وهو بيجري. -لا حول ولا قوة إلا بالله، اتصلوا بالإسعاف يا جماعة وبلغوا الشرطة. *في مخزن مهجور* -أنتوا مين؟ ومغطين عيني كده ليه؟

-بص بقي يلا، هتحكيلي كل حاجة حصلت بالظبط واغت*صبت دموع إزاي. -دموع مين، معرفش حد بالاسم ده. -ماشي، أنا هخليهم يعرفوك. رجالة. بعد أن قام الرجال بضربه. خلاص يا باشا أنا هقول كل حاجة. -خلصني.

-محسوبك عطوة يا باشا، سواق توكتوك. شغال على قدي، من حوالي شهرين جالي شاب وقالي إنه عايزني في مصلحة، وهي إني أخليني آخر واحد في الدور وهتعدي عليا بنت اسمها دموع، لازم أعرض عليها أوصلها، وأكدلي إني هي هتوافق، لأن الوقت متأخر. وفعلاً حصل كده، وقالي أوديها من الطريق الزراعي. واقف بيها في نص الطريق وهو هيقوم بالباقي، واداني 5 آلاف جنيه، وفعلاً حصل كده واغت*صبتها معاه. -آه يا ولاد الكلب، ورحمة أبويا لادفنك مكانك.

-الظابط. هدي نفسك يا أمير بيه، هو اعترف بكل حاجة واحنا هنتصرف معاه. -شكرًا لمجهودك معانا يا أمير بيه، أنت وأستاذ أحمد. -العفو، وياريت تروقوا عليه. *في المستشفى* -دكتور، يا دكتور دموع فاقت. -إيه، طب يلا معايا. -آه، أنا فين، وإيه اللي حصل؟ -حمد لله على السلامة، أنت في المستشفى. -الله يسلمك، بس. -حمد لله على سلامتك يا بنتي. -الله يسلمك مين حضرتك؟ -أنا هالة يا بنتي، مرات دكتور حسن الله يرحمه.

-بعياط وصدمة. إيه، دكتور حسن مات. -بحزن. أيوه يا بنتي، عمل حادثة من حوالي أسبوعين. -بعياط. آهههاااا، يا رب مليش غيرك، يا رب انتقملي من الظالم، يااااارب. -هدي نفسك يا بنتي، ربنا قادر يرجعلك حقك بس ثقي فيه. -يارب. ثم قامت باحتضان هالة. -وبعدين لازم تجهزي نفسك، أنت عندك جلسة كمان كام يوم. *في بيت محمد* -الإسعاف وصل وأخد أم محمد للمستشفى، ولكن كان فات الأوان.

-والجيران بلغوا البوليس وحاليًا بيدوروا على محمد. واتفقوا إنهم ما يعملوش عزاء ليها إلا أما ابنها يتحاكم. *عند حسن صاحب محمد* -بقولك إيه يا محمد، أنت كنت متفق تقعد معايا يوم ولا اتنين. وبصراحة أنا أختي هتيجي تعيش معايا وأخاف عليها منك. -جرا إيه يا حسن، ما أنا أديتك غوايش أمي. وبعدين أنت خايف على أختك مني؟ -أيوه يا حبيبي أخاف عليها منك، متنساش إنك قتلت أمك. وبعدين الغوايش دي حق تعبي في موت دموع.

-ماشي يا حسن، بس اصبر كام يوم لما ألاقي مكان أستخبى فيه. -ماشي. *عند دموع* -بصدمة وصريخ. عااااااا، إيه ده شكل. ثم أغمي عليها. -هالة بسرعة ولهفة. دكتور، حد يلحقنا. -فيه إيه يا مدام هالة. -دموع شافت شكلها في المراية وقعدت تصرخ وأغمي عليها. -لا حول ولا قوة إلا بالله، أنا علقتلها محلول، وإن شاء الله أما تصحى هتكون أحسن. *في قسم الشرطة* -ألو. -حضرتك الظابط اللي ماسك قضية دموع. -أيوه، أنا مين.

-حسن بمكر. فاعل خير، كنت عايز أبلغ عن مكان محمد.