رواية مجنونة اخذت قلبي الفصل الأول 1 - بقلم نور

نهار أبوك أسود. ادهم بصدمة: انتي بتكلميني أنا يا بتي نور؟ نور: بت، وبتك يا بعيد. بوظتيلي العربية. ادهم ببرود وهو يرتدي نظارته: امم، تمام. هديكي مبلغ وروحي صلحيه. نور بعصبية: انت عارف لو ممشيتش دلوقتي من قدامي لكون مطلعة روحك في إيدي. ادهم بعصبية: ف إيه يا بت انتي، وإزاي تكلميني بالطريقة دي؟ انتي مجنونة؟ نور بعصبية: ولله ما حد مجنون غيرك. مش كفاية أعمى، لا وكمان قليل ذوق. ادهم

وعيونه احمرت من الغضب: أقسم بالله لو متحركتيش من قدامي دلوقتي لهكون مخلص عليكي. زياد صديقه بضحك: خلاص يا جدعان، مش كده. أنا آسف يا آنسة بالنيابة عن... نور بهدوء: لو سمحت خد الكائن ده من قدامي. زياد بص لها وضحك. ادهم بعصبية: أنا عايز أفهم بس، هما إزاي طلعوكي من الزريبة؟ نور بعصبية: دنت يومك مش فايت النهاردة. ومسكت في شعره.

زياد كان ميت ضحك عليهم وبيحاول يشيل نور من على ادهم. لحد ما الناس اتلمت وبعدتهم عن بعض. وزياد أخد ادهم وركبه العربية ومشيوا. وطول الطريق وهو بيضحك. ادهم بغضب: انت بتضحك على إيه؟ زياد بضحك: مش قادر، فصلت. عشت وشفت بنت تعمل فيك كده يا سيادة الرائد 😂😂😂. ادهم بعصبية وتوعد: وديني ما هرحمها. بس الصبر... *** في كافيه. فرح بضحك: وانتي مسكتيه من شعره في الشارع؟ نور: آآه، ولو الناس شالتني منه كنت خلصت عليه.

فرح بضحك: يا جبروتك يا شيخة. نور: بس يابت، امال أسيبه يهزأني؟ فرح بسخرية: لا طبعًا، إزاي. نور: المهم، اخلصي اطلبي أكل، جعانة وعايزة أكل وعندي شغل. فرح بضحك: عيوني يا اختي. فرح طلبت أكل وبدأوا ياكلوا. ونور جالها اتصال واضطرت تمشي. *** في القطاع. ادهم بعصبية: أنا لازم أجيب البنت دي بأي طريقة. زياد بضحك: خلاص بقى يا ادهم، قلبك أبيض.

ادهم: لا، وحياة أمك. يعني البنت تهزأني في الشارع وانت تقول لي قلبك أبيض. لا وكمان بتقولي نهار أبوك أسود، في بت محترمة تقول كده. زياد بضحك: لا بس جامدة بصراحة. ادهم بعصبية: زياد، امشي يا زياد. مش عايز أشوف وشك، امشي من هنا. زياد بضحك: خلاص يا عم، طالع. يخرب بيتك. زياد طلع وادهم قعد يفكر في البنت دي. ادهم: بقاا أنا ادهم المنشاوي، بنت زي دي تهزأني. طب وديني ما هسيبها. بعد دقايق الباب خبط. ادهم بضيق: ادخل.

زياد بجدية: ادهم، تعال على مكتب اللواء محمود. عاوزنا كلنا. ادهم: تمام، جاي. ادهم وزياد راحوا مكتب اللواء محمود. محمود بجدية: طبعًا، أنا جمعتكم علشان أقولكم إنه فيه مهمة جديدة عاوزكم تستلموها، بس هتكون صعبة شوية. زياد وادهم ويونس في صوت واحد: تمام يا فندم. محمود بجدية: فيه حد رابع هيكون معاكم. وبما إنكم من أكفأ ظباط المخابرات، فأنا عندي ثقة تامة إنكم هتنجحوا في المهمة دي.

الظابط باحترام: يا فندم، سيادة الرائد بره وطالبة تشوفكم. محمود: تمام، دخّلها. بعد دقايق الباب خبط. محمود: اتفضلي. كلهم التفتوا. ادهم بصدمة: انتي؟ نور بصدمة وصوت منخفض: انت كملت؟ زياد بضحكة مكتومة: أوبس. ديه هتبقى مذبحة هنا. يونس بهمس: إيه يا زياد، هو ادهم وشه اتخطف كده ليه؟ وبعدين انت بتضحك على إيه؟ زياد بضحك: هفهمك لما نطلع. اسكت دلوقتي وتابع في صمت.

محمود بجدية: أحب أعرفكم يا شباب، ديه الرائد نور حامد. هتكون معاكم في المهمة دي.