رواية مجنونة الاسد الفصل السابع 7 - بقلم ريم احمد

نورا بصدمة: دكتور إياد. "أيوه، ده كان دكتور نورا في الجامعة، واللي شافته في فرح أميرة وأسد عشان يبقى صاحب أسد." إياد: أيوه. نورا بتوتر: وإيه اللي جاب حضرتك؟ إياد بضحكة: جيت أطلب إيد واحدة هنا اسمها نورا. نورا: أنا؟! إياد: موافقة؟ نورا: مش قبل ما تجاوب على الأسئلة. إياد: أسئلة إيه؟ نورا: لو في يوم عملت حاجة ودايقتك، يا ترى هيكون رد فعلك إيه؟ هتضربني ولا تعلي صوتك عليا؟ اختار.

إياد: لا ده ولا ده طبعًا، هتناقش معاكي بكل هدوء وأفهمك غلطك، مقدرش أمد إيدي على وصية رسول الله. نورا بدموع: السؤال ده يكفي. 🥺 وأنا ربنا حقق مطلبي بزوج صالح. إياد: على فكرة أنا بينادوني بشيخ إياد، أنا إمام في المسجد يا نورا، وحافظ كتاب الله والحمد لله ملتزم بديني وعارف اللي أمرني بيه ربنا، وعارف يعني إيه وصية رسول الله. تقبلي تكوني زوجتي ونأخذ بأيد بعض إلى الجنة، وكما سنكون في الدنيا معًا، نكون في الجنة أيضاً.

نورا بدموع: موافقة. تعالت الزغاريط وتم تحديد فرح نورا. عند أسد وأميرة. أسد: كده الحمد لله، فاضل سورة ونختم أول جزء يا أميرتي. أميرة: أنا مبسوطة جدًا، حفظ القرآن حاجة جميلة جدًا. أسد: تعالي نتكلم عن الخمار، إيه رأيك؟ أميرة بفرحة: موافقة. أسد: نفسك تلبسيه؟ أميرة: جدًا. هو ليه شروط؟ أسد: شروط بسيطة، إنك تلتزمي بيه، ولبسك يكون فضفاض، لا يصف ولا يشف، ويكون ساتر. أميرة: أنا بشوف الأدناء ونفسي يكون كل لبسي كده.

أسد بفرحة: وأنا مبسوط بيكي جدًا يا أميرتي. أميرة: طيب امتى هنشتري؟ أسد: دلوقتي، يلا اجهزي. إياد: اتصل على أسد. أسد: أبو الصحاب. إياد: عامل إيه يا عريس؟ أسد: بخير. إياد: عايز أقولك فرحي بعد بكرة. أسد: بتتكلم جد؟ إياد: أيوه. أسد: امتى ومن غير ما تقولي؟ إياد: جت بسرعة. أسد: ربنا يتمم لك بخير يا صاحبي. ثم أغلق الهاتف. أميرة كانت جهزت عشان تروح تشتري اللي عايزاه مع أسد، لكن تليفونها رن وكانت نورا.

نورا بصراخ: أميرة، أخيرًا. ربنا حقق لي مطلبي ورزقني بزوج صالح. أميرة: يا روحي ألف مبروك، مين ده بقى سعيد الحظ؟ نورا: دكتور إياد، فاكراه اللي كان بيديني في الجامعة؟ أميرة بصدمة: بجد؟ نورا: أيوه، والفرح بعد بكرة. أميرة: ربنا يتمم لك على خير يا رب، وأكيد هكون أول واحدة أشاركك فرحتك. ثم أغلقت الهاتف ونزلت إلى الأسفل. أميرة بفرحة: أسد، نورا اتقدم لها الدكتور إياد اللي كان بيديني في الجامعة. أسد بصدمة: الدكتور إياد صاحبي؟

أميرة: هو صاحبك؟ أسد بضحكة: أنتِ لسه عارفة؟ أيوه يا ستي، دا أصدقاء من واحنا في الحضانة. أميرة: زي أنا ونورا من واحنا في الحضانة صحاب. أسد: طيب يلا علشان نلحق. أميرة: يلا.