رواية مجنونة الفهد الفصل التاسع 9 - بقلم الملكة المتوجه

فاطمه: يااااه ي محمود كبرنا والعيال اتجوزوا. محمود وهو يقترب منها: لا يختي أنا مكبرتش، تحبي أثبتلك؟ فاطمه: يااه، 28 سنه عدوا واحنا مع بعض. محمود: 28 سنه اعتبرتك فيهم أمي وبنتي وصحبتي، 28 سنه وكأني لسه متجوزك امبارح. حبك كبر في قلبي، عمري ما أنسى يوم أما قولتيلي على حملك في فهد، ساعتها حسيت إني ملكت الدنيا باللي فيها، ودلوقتي بحبك بقلب عشقك، 28 سنه. فاطمه: وأنا كمان بحبك أووي ي محمود. محمود بخبث: تعالي أثبتلك حبي بقي.

فاطمه بضحكه: ي راجل اتلم بقي، انت كبرت. محمود وهو يقترب منها: أبقي راجل حمار لو بعدت. عند أبطالنا الحلوين، نبدأ ب ملاك وفهد. دخل فهد وملاك الغرفة وأغلق فهد الباب. فهد: ادخلي غيري في الحمام، وأنا هغير. ملاك بطاعه: حاضر. دخلت ملاك إلى الحمام وغيرت ملابسها إلى بيجامة عليها كيتي. وقام فهد بتغيير ملابسه إلى تي شيرت نص كم وبنطلون مريح. خرجت ملاك من الحمام وهي تغني.

ملاك بغناء: روحتي وخليتي الحياة تبقي صعبة، ولسه بشكيكي لليل. عمري لو ديم أخافك تروحي، وتنزل دموعي ي عين قلبي اللي عاش جواه منك. مكسور الجناح وما بيطير، زي اللي كان بيخاف وبقي ابن ليل. فانصدمت بصدر فهد الصلب. ملاك: انت طولت كده امته؟ فهد: أنا طول عمري طويل. ملاك: بس إزاي مخدتش بالي؟ مش مشكلة، خلقة ربنا، هنعترض ونكفر؟ استغفر الله العظيم. فهد: متصالحة مع نفسك جدًا.

ملاك: مش هعترض على حاجة مقدرش أغيرها، يعني مثلاً أنا عيني خضرا، أعترض وأقول لا أنا عايزها زرقا، وانت طويل، هعترض وأقول لا أقصر شوية. ثم تركت فهد واقف واتجهت إلى السرير. ملاك: اختار جنب تنام فيه، ولا أقولك أنا هختار أنا. أنا هنام على الشمال وانت على اليمين. فهد: انتي هتنامي دلوقتي؟ ملاك: أمال هعمل إيه؟ هرقص باليه؟ فهد وقد أخذ باله من ملابسها: هي ماما قالتلك إيه بالظبط؟

وبعدين في واحدة في ليلة دخلتها تلبس بيجامة عليها قطة؟ ملاك بشهقة: لن أسمح ولن أرضخ، انت بتهين كيتي؟ انت مش مقدرها؟ أنا بستناها من السنة للسنة علشان أتفرج عليها. فهد بسخرية: يعني خدتي بالك إن أهنت كيتي وما خدتيش بالك إن النهارده دخلتكم؟ ملاك بلامبالاة: يعني المفروض أعمل إيه؟ أقوم أرقص يعني؟ فهد بوقاحة: يا ريت. ملاك: مش هرد عليك، أنا هروح أنام علشان ورايا محاضرات ودكتور معاذ مش هيحلني.

فهد بضحك: لا معاذ هيسيبكم، زمانه غرقان في العسل دلوقتي. ملاك: شوف، مش هو اتجوز النهارده، بس بكرة هتلاقيه في الكلية. فهد بتساؤل: هو انتي ومريم بتخافوا منه ليه؟

ملاك بضحك: هقولك، من حوالي شهر دخلنا كعادتنا المحاضرة متأخر، فعاقبنا بأننا هنعمل بحث صعب ومش هنطلع من المدرج غير أما نخلصه، بس أنا ومريم زهقنا. قولنا هنطلع نشتري حاجة ونرجع قبل ما نتحرك لقيناه في وشنا، غبنا أسبوع مفكرين إنه شبح. وبعد الأسبوع كنا خلصنا الترم الأول وبنستلم أنا ومريم الشهادات بما إننا الأوائل، كنا طالعين وركبنا بتخبط في بعض. وسلمنا عليه فتأكدنا إنه بني آدم. وكله كوم ومريم كوم. قبل الموقف ده مريم كانت بتكرش عليه، وأما حصل كل أما تشوفه تطلع تجري. وأما اتأكدنا إنه بني آدم رجعت تكرش عليه تاني عادي جدًا. وادي اتجوزته.

كان فهد لا يستطيع التنفس من كثرة الضحك: يا ولاد المجانين. ملاك بضحك: والله زي ما بقولك كده، ولحد امبارح كان الكراش بتاع مريم ودلوقتي جوزها، ي سلام على النهايات السعيدة يا ولاد. فهد بخبث: طب مريم اتجوزت الكراش بتاعها، طب وانتِ؟ ملاك بدون وعي لما قالت: وأنا كمان اتجوزت الكراش، أصلاً أنا كنت بكرش عليك تقريبًا من يوم ما اتولدت. وضعت ملاك يدها على فمها بعدما أدركت ما قالت. فهد بضحك: أخيرًا.

كانت ملاك قد وضعت رأسها في الأرض من الخجل، فرفع فهد رأسها وقال: أوعي في يوم تتكسفي أن تعترفي بمشاعرك ليا، زي ما عمري في يوم ما هتكسف أقول بحبك يا ملاكي. نظرت له ملاك بصدمة، هل مازال يتذكر طفولتها معه. فهد: أيوه ي ملاكي، فاكر كل حاجة. بس تري انتي فاكرة وعدك ليا؟ ملاك: أكيد، وما خلفتوش، محدش بيقولي ي ملاكي غيرك. بس ليه مقولتش كده أول ما جيت؟

فهد: بصراحة، كنت عايز أعرف إيه اللي اتغير فيكي في الـ 8 سنين. 8 سنين بعيدة عن عيني، بس عمرك ما بعيدتي عن قلبي. وكاد أن يقبلها حتى دق أحد. فهد بغيظ: مين الرخم ده؟ ملاك: أنا عارفه. فهد: مين؟ ملاك: روح افتح وانت تعرف. بس استني. قامت ملاك باللعب في شعر فهد وإنزاله على وجهه قليلاً. ملاك: روح افتح بقي. فتح فهد الباب فوجد مايا. مايا بإحراج مصطنع: فهد. ولكن سمعوا صوت من الخلف وانصدم الاثنان عندما رأوا……. عند معاذ ومريم.

دخلت مريم لتغير، وقام معاذ بالتغيير في الغرفة، فهي له عندما كان في الثانوية وكان يدرس مع فهد فيها. مرت خمس دقائق وخرجت مريم وانصدم معاذ من……