رواية مجنونة الفهد الفصل الثاني عشر 12 - بقلم الملكة المتوجه

خرج معاذ من غرفته وهو ممسك بيد مريم، فوجد فهد يركض خلف ملاك. فهد وهو يركض خلف ملاك: والله من سيبك. كادت مريم أن تدخل، ولكن أوقفها معاذ. معاذ: متدخليش مبينهم، هما كده من وهما صغيرين. اقفي واتفرجي وهتموتي ضحك. هزت مريم رأسها بمعني ماشي. ملاك وهي تركض: والله غصب عني، وبعدين انت السبب. فهد وقد وقف مرة واحدة: أنا السبب في إيه؟ ملاك وهي تأخذ نفسها من الجري: انتي اللي عصبتني. فهد وهو يركض خلفها

مرة أخرى وهي تركض أمامه: أعصبك تقومي قطعه الجاكت الجديد؟ يا قادرة، انتي عارفه بكام الجاكت ده؟ ملاك: بكام يعني؟ فهد بسخرية: ب 2000؟ ملاك بسخرية: 2000 جنيه؟ فهد بسخرية: 2000 دولار يا حبيبتي. ملاك بذهول: 2000؟ دي إيه؟ دولار؟ ليه جلد ديناصورات يعني ولا إيه؟ فهد بغيظ: شوفتي بقي يا ملاك الكلب. ملاك بسماجة: فدايا. وبعدين انت بتشتم نفسك ليه؟ انت فهد مش كلب يا حبيبي. فهد بصدمة: بشتم نفسي؟ وفهد مش كلب يا بنت ال...

محمود بصوت عالي: في إيه هنا؟ فهد بقهر: ملاك، طفلتك المدللة قطعت جاكت جلد بـ 2000 دولار ومش عاجبها كمان. محمود وهو يكتم ضحكته: عملتي كده ليه يا ملاك؟ ملاك وهي تمثل البراءة: والله يا حودة هو اللي عصبني، ومكنتش اعرف انه غالي أوي كده. والله يا بيه، قولت أفش غلي فيه وأجيب واحد بداله. وهي تمسح دمعتها الوهمية: أنا مظلومة والله يا بيه، والله مظلومة. يرضيك يا بيه أموت بقهرتي ومفشش غلي؟

فهد بتصفير وتسقيف: الله عليكي يا فنانة. ادخلي على المشهد اللي بعديه يلا بسرعة. ملاك وهي تمثل ببراءة: شكراً شكراً، انتظروني في المشهد الجديد مع ممثلتكم المفضلة، ملاك أحمد الشافعي. فهد وهو يركض خلفها مرة أخرى وركضت هي الأخرى: عليا الطلاق منك من سيبك يا ملاك الكلب. وقفت ملاك بصدمة: انت بتطلقني يا فهد؟ طب والله ما أنا قاعدة لك فيها. فهد وهو يربع يده عند صدره: أولاً أنا مطلقتش، ولو طلقت يبقى بتحلمي. ثانياً هتروحي فين بقى؟

ملاك بارتياح: أتنستر دنيا وآخرة يا شيخ. سهلة، هنام عند مريم. سهلة ومش مستاهلة. محمود وهو يكتم ضحكته: خلاص منك ليه؟ معاذ من فوق السلم وهو يضحك: سيبهم وحيات أبوك. نكمل ضحك وتعالي الرؤية من هنا جامد. اقتربت ملاك من فهد. ملاك بهمس: فهد فهد، هل تسمعني؟ فهد بضيق وقهر: عايزة إيه يا أخرة صبري؟ ملاك بهمس: شكلنا بقي وحش. لم الحوار وليك طلب عندي ومش هنقاش فيه. فهد بخبث: من غير مناقشة؟ ملاك: اتفقنا.

فهد بهمس: اتفقنا. ورفع صوته وقال.